Pas veprimeve hetimore të kryera nga grupi hetimor, nën drejtimin e Prokurorisë, autoritetet kanë identifikuar si të dyshuar shtetasit R. Ç., 23 vjeç, Sh. Ç., 22 vjeç, A. Ç., 30 vjeç, A. Ç., 58 vjeç dhe H. Ç., 43 vjeç.

Hetimet paraprake kanë ngritur dyshimin se, gjatë konfliktit, njëri prej personave të kërkuar ka qëlluar me armë zjarri në ajër.

Të plagosurit janë dy vëllezër dhe kushëriri i tyre. Ata morën dëmtime nga përdorimi i sendeve të forta dhe u dërguan për trajtim në Spitalin Rajonal të Gjirokastrës. Sipas informacionit të disponueshëm, ndodhen jashtë rrezikut për jetën.

Ndërkohë, shërbimet e Policisë vijojnë kërkimet për gjetjen dhe arrestimin e pesë personave të shpallur në kërkim. Materialet procedurale i janë përcjellë Prokurorisë për vijimin e veprimeve të mëtejshme.

The post Përplasja në Tepelenë me tre të plagosur, në kërkim pesë persona; dyshohet për të shtëna në ajër appeared first on Albeu.com.

Siç raporton gazetarja Klodiana Lala, në konflikt janë përfshirë të pandehurit për rrëmbimin dhe vrasjen e Renis Dobrës.

Bëhet fjalë për vëllezëri Fatjon, Aleksandër, dhe Kristi Bushgjokaj të cilët kanë dhunuar bashkëpunëtorin e tyre në krim Petrit Hoxha (Çakrri).

Mësohet se debati mes tyre ka degraduar në përleshje fizike, duke sjellë ndërhyrjen e menjëhershme të efektivëve të sigurisë. Ndërsa jashtë ambienteve të GJKKO kanë mbërritur me shpejtësi forca të shumta policie.

Renis Dobra (Viktima, majtas, lart); Petrit Çakrri (Majtas, poshtë); Fatjon Bushgjokaj, Kristi Bushgjokaj, Aleksandër Bushgjokaj (3 vëllezërit, djathas)

Ngjarja per vrasjen e Renis Dobrës

Renis Dobra, nga fshati Zenisht i Matit, mbrëmjen e datës 8 Korrik 2025 ndërsa po kthehej në banesën e tij në drejtimin e automjetit ‘Mercedes Benz’ në pronësi të babait të tij, ishte ndaluar në rrugë dhe më pas, ishte gjetur i pajetë në fundin e një rrëpire në bregun e liqenit të Shkopetit, i mbytur me litar, ndërsa automjeti kishte përfunduar në thellësi të ujrave të liqenit.

Në dosjen hetimore thuhet se në datën 8 Korrik 2025, rreth orës 23.30 në komisariatin e policisë Mat, është paraqitur me vullnetin e tij, shtetasi Rufat Dobra.

Ai shprehu shqetësimin se djali i tij Renis Dobra nuk është paraqitur në banesë.

Ai tha se djali i tij ishte larguar nga banesa rreth orës 17.00, për të bërë një shëtitje në qytetin e Burrelit, me automjetin ‘Mercedes Benz’ ngjyrë ulliri me targa AA 249 ST. Automjet që Rufat Dobra thotë se është në pronësi të tij.

Rreth orës 21:30, ai deklaron se i biri i ka shkruar një sms ku i bënte me dije se po shkonte në banesë.

Por ndërsa priste që i biri të kthehej në banesë, Rufat Dobra deklaroi në polici, se ai kishte marrë gati 40 minuta më pas një telefonatë nga nipi i tij.

Që i bënte me dije se në rrugë, në vendin e quajtur ‘Kroi i Suçit’, në fshatin Zenisht, ai kishte parë të ndaluar makinën e tij.

Dhe se përballë kësaj makine kishte parë të ndaluar një tjetër automjet tip fuoristradë, me drita të ndezura.

Por që për shkak të dritave të forta nuk kishte mundur të shquante se kush ishte.

Sipas asaj që i kishte thënë nipi i tij, ky i fundit kishte ndaluar shpejtësinë për të përshëndetur, me mendimin se drejtimin e makinës e kishte daja i tij.

Por një nga personat të cilët ndodheshin jashtë makinës, i kishte bërë me shenjë që të largohej menjëherë nga aty.

“Rreth orës 22.10 të mbrëmjes së datës 8 Korrik 2025, ndërsa po udhëtoja me automjetin tim në vendin e quajtur ‘Kroi i Suçit’, në fshatin Zenisht, Njësia Administrative Lis, Bashkia Mat, unë konstatova gjatë rrugës automjetin e dajës tim, shtetasit Rufat Dobra, me targë AA 349 ST, që ishte i ndaluar, me drejtim lëvizje për nga fshati Lis dhe përballë këtij mjeti kishte ndaluar një automjet tip fuoristradë me drita të ndezura të forta, të cilat më penguan shikimin.

Në këtë moment unë ula shpejtësinë për të përshëndetur dajën tim, duke menduar se ishte ai në makinë. Dhe për ta pyetur se përse kishte ndaluar.

Por aty mes dy makinave të ndaluara, pashë një person, i cili më urdhëroi me ton të lartë që të mos ndaloja dhe unë kështu vazhdova rrugën, duke menduar se mund të ishin punonjës policie”, tregon kushëriri i Renisit.

Më pas ai vazhdon se menjëherë pasi u largova disi mora në telefon dajën tim, Rufat Dobra, i cili më tha se është në shtëpi.

Pasi mësova që makinën e kishte Renisi, daja im më tha që të shkoja në banesën e tij për ta marrë me makinë.

Dhe të niseshim për në komisariatin e Matit, me mendimin se Renisin mund ta kishte marrë policia.

Por para se të shkonin në komisariatin e Matit, për të parë se çfarë kishte ndodhur me të afërmin e tyre, me mendimin gjithmonë se e kishte marrë policia, dajë dhe nip ndaluan fillmisht në vendin ku ky i fundit kishte parë të ndaluar makinën ‘Mercedes Benz’ që këtë mbrëmje e drejtonte Renisi.

Por makinat, siç tha kushëriri i Renisit në dëshminë e tij dhënë më pas në polici, nuk ishin ne vendin ku i kishte konstatuar më herët.

Renisi që nuk u gjend as në rajonin e policisë.

Mungesë që krijoi bindjen te familja se diçka e keqe i kishte ndodhur djalit të tyre.

Ashtu siç për fat të keq u konstatua edhe në orët në vazhdim, ku gjatë krehjes në këmbë që familjarët i bënë rrugës Burrel-Milot që kalon në Liqenin e Shkopetit, pas vetëm disa orësh ata gjetën fillimisht një shapkë që i përkiste Renisit.

Më pas gjurmë frenimi të forta të një makine dhe në breg të liqenit vetë trupin e pajetë të 23 vjeçarit.

“Më datë 9 Korrik 2025, rreth orës 06:20, në vendin e quajtur ‘Qafa e Ulzës’, pa shkuar tek ura e Ulzës, u gjet një shapkë e cila ishte e shtetasit Renis Dobra, kjo e konfirmuar nga familjarët e vetë viktimës”, thuhet në dosjen hetimore.

Në aksin rrugor ‘Ura e Ulzës-Tuneli i Shkopetit’, në anën e majtë të rrugës së asfaltuar, po kështu u konstatua dalja nga rruga e një automjeti, që kishte vazhduar tatëpjetën në drejtim të liqenit të Ulzës, ku u vunë re pjesë automjeti dhe rreth 10 m pa mbërritur në sipërfaqen e liqenit u gjet kufoma e shtetasit Renis Dobra, i cili ishte i dëmtuar me pjesën më të madhe të trupit dhe në pjesën e fytit, ku u vu re një brazdë strangulimi e mavijosur.

Viktima që rezultoi se ishte i veshur me pantallona xhins të shkurtra dhe këmishë me ngjyrë të bardhë me mëngë të shkurtra. Ku gjatë verifikimit të parë nuk u vunë re dëmtime me armë zjarri. Ndërsa, automjeti ‘Mercedes Benz’, me ngjyrë ulliri, u pa të kishte përfunduar në thellësinë e liqenit.

Kufoma e Renis Dobrës e cila me t’u nxjerrë nga bregu i liqenit, u dërgua pranë lnstitutit të Mjekësisë Ligjore (IML), me qëllim për të kryer kqyrjen e imtësishme dhe autopsinë.

Ku nga ana e ekspertëve mjeko-ligjorë u arrit të provohet se shkaku i vdekjes kishte qenë asfiksia, pasi i ishin dëmtuar gjendrat tiroide, si pasojë e shtrëngimit në pjesën e fytit.

Do të ishte pikërisht ky zbulim tronditës që do të vinte në lëvizje edhe policinë e Matit si edhe shërbimet e Drejtorisë Vendore të Policisë së rrethit Dibër.

The post VIDEO/ Sherri i dhunshëm në GJKKO brenda kafazit të xhamit, momenti kur forca të shumta policie futen me vrap në ambientet e Gjykatës së Posaçme appeared first on Albeu.com.

Sipas informacioneve paraprake nga hetimet, dyshohet se sherri ka nisur për shkak të mosmarrëveshjeve mbi përdorimin e hapësirës publike, konkretisht për vendosjen e tavolinave dhe karrigeve në ambientet e jashtme të dy lokaleve.

Burime nga policia bëjnë me dije se në konflikt janë përfshirë katër persona, konkretisht dy vëllezër përballë dy vëllezërve të tjerë. Tre prej tyre kanë marrë ndihmë mjekësore në Spitali i Korçës dhe pritet të shoqërohen në komisariat së bashku me personin e katërt.

Si pasojë e përplasjes, njëri prej të përfshirëve ka mbetur i plagosur me thikë në këmbë, por fatmirësisht ndodhet jashtë rrezikut për jetën. Dy personat e tjerë kanë pësuar dëmtime të lehta si pasojë e goditjeve me karrige gjatë konfliktit.

Policia vijon hetimet për të sqaruar plotësisht rrethanat dhe për të përcaktuar përgjegjësitë ligjore të personave të përfshirë në ngjarje.

The post Konflikti për hapësirat publike në Korçë/ Zbardhen detaje nga sherri mes dy pronarëve të lokaleve, tre persona mbetën të plagosur appeared first on Albeu.com.

Ajo dha versionin e saj për atë që ndodhi. Në fillim, Neada theksoi se mënyra si u trajtua situata nuk ishte e drejtë dhe se shumë gjëra mbetën pa u sqaruar publikisht.

Sipas saj, largimi nuk u bë në mënyrën e duhur dhe pati mungesë transparence. Por teksa të gjithë mendonin se ngjarja ka ndodhur pas kuintave, duket se gjithçka është e regjistruar sepse dy vajzat kanë debatuar në publicitet teksa emisioni ishte ‘live’.

Dhe shkak është bërë batutat e njëpasnjëshme që të dyja kishin karshi njëra-tjetrës. Vetë Neada zbuloi disa detaje, ku edhe dashur pa dashur nxjerr në pah se edhe pas kësaj përplasjeje ka pasur një skenar.

“Duke marrë parasysh të gjithë situatën, mënyrën se si ndodhën gjërat, unë mendoj që nuk është një formë për ta shkëputur një njeri apo për ta hequr nga gjërat që ai do, sepse shumë gjëra nuk janë folur dhe nuk janë sqaruar. Mua nuk më pëlqeu fare si situatë dhe qëllimi i saj ishte patjetër që unë të bëhesha pjesë e një formati shumë të ndjekur. Pra, ishte oferta më e mirë e mundshme për mua.

Nuk ka diçka të vërtetë pas atyre titujve, unë nuk jam një njeri që konfliktohem në vendin e punës. Ka njerëz që kështu duan të ecin në jetë, përmes skenarëve të ndryshëm dhe unë u gjenda pa dëshirën time. Ishte surprizë për mua, të them të drejtën. Ka pasur një provokim të vogël, që ka ndodhur gjatë një shkëputjeje publicitare kur kemi qenë në transmetim. Nuk ka pasur një sherr fizik, por është e vetmja formë që ti të bësh zhurmë dhe për sa kohë zhurma shet, bujrum, jepi, jepi gaz”, – ka thënë ajo.

Sakaq, për këtë sherr ka reaguar edhe vetë Enxhi pak kohë më parë. Enxhi Nasufi ka mohuar se mes dy moderatoreve ka pasur përplasje fizike, por shton se ka pasur vetëm debate të forma mes tyre.

“E vërteta është kjo: në punë ka konflikte, ka debate. Konfrontime fizike? Kurrë. U mërzita në fillim kur lexova këtë gjë, është e shëmtuar. Nuk e doja këtë lloj vëmendjeje”, – tha Nasufi.

Po ashtu, moderatorja zbuloi se nuk ka kontakte me ishkolegen e saj dhe arsyeja sipas saj, lidhet me mënyrën se si ajo e koncepton komunikimin mes njerëzve.

“Unë i vlerësoj shumë njerëzit kur ulen me këmbë në tokë, të vijnë përballë e të komunikojnë me transparencë”, – tha Nasufi.

The post Sherri mes Neada Muçajt dhe Enxhi Nasufit, zbulohet skenari që fshihej pas përplasjes mes vajzave appeared first on Albeu.com.

Gazetarja Xhensila Kodra raporton se shkak i sherrit ka qenë një borxh 100 euro, që 38-vjeçari i ka pasur Agim Vishës.

I arrestuari Agim Visha, ka deklaruar se e ka parë rastësisht në lokal dhe ka shkuar për t’i kërkuar shumën e lekëve.

Fillimisht janë konfliktuar me fjalë banale dhe më pas 38-vjeçari e qëllon me shpullë Vishën. Ky i fundit nxjerr armën dhe e kërcënon. Agim Visha është person me precedent penal.

Njoftimi i policise:

Tentoi të vriste me armë zjarri, një 38-vjeçar, gjatë një konflikti për motive të dobëta, kapet menjëherë pas ngjarjes dhe arrestohet 50-vjeçari.

Sekuestrohet arma e zjarrit (pistoletë me mulli) me municion.

Shërbimet e Komisariatit të Policisë Nr. 4, menjëherë pas njoftimit se në rrugën “Myslym Keta”, po konflikteshin dy shtetas, njëri prej të cilëve mbante armë zjarri, kanë organizuar punën për parandalimin e përshkallëzimit të konfliktit, identifikimin dhe kapjen e shtetasve të përfshirë.

Si rezultat i veprimeve të shpejta policore të kryera në kuadër të operacionit të koduar “Respond”, u arrestua shtetasi A. V., 50 vjeç, banues në Tiranë.

Ky shtetas dyshohet se pasditen e djeshme, në ambientet e jashtme të një lokali, në rrugën “Myslym Keta”, është konfliktuar për motive të dobëta me shtetasin I. D., 38 vjeç, dhe ka tentuar ta vrasë atë, me armë zjarri pistoletë me mulli, që e mbante pa leje.

Shtetasi A. V. ka tentuar të largohet, por është kapur dhe vënë në pranga nga shërbimet e Policisë, menjëherë pas ngjarjes.

Materialet procedurale i kaluan Prokurorisë, për veprime të metejshme.

The post VIDEO/ Zbardhen detaje nga konflikti që çoi në kërcënimin me armë zjarri në Tiranë/ Autori: E pashë rastësisht në lokal, shkova për… appeared first on Albeu.com.

Si fillim, Neada u shpreh se mënyra si u zhvillua situata nuk ishte e drejtë dhe se shumë gjëra nuk janë sqaruar publikisht:

“Duke marrë parasysh të gjithë situatën, mënyrën se si ndodhën gjërat, unë mendoj që nuk është një formë për ta shkëputur një njeri apo për ta hequr nga gjërat që ai do, sepse shumë gjëra nuk janë folur dhe nuk janë sqaruar.”

Ajo shtoi se buja që krijoi konflikti fizik i aluduar mes saj dhe Enxhi Nasufit nuk i ka pëlqyer dhe nënkuptoi se kjo situatë u krijua me qëllimin për të qenë pjesë e një formati shumë të ndjekur, emrin e të cilit ndonëse Neada nuk e përmendi, nga konteksti kupton se me siguri bëhet fjalë për “Big Brother VIP Albania”:

“Mua nuk më pëlqeu fare si situatë dhe qëllimi i saj ishte patjetër që unë të bëhesha pjesë e një formati shumë të ndjekur. Pra, ishte oferta më e mirë e mundshme për mua.”

Duke folur për lajmet që qarkulluan në media për përplasjen fizike, Neada i mohoi, duke theksuar se nuk është natyrë konfliktuale dhe duke shtuar se u gjend mes këtij “skenari” pa dëshirën e saj:

“Nuk ka diçka të vërtetë pas atyre titujve, unë nuk jam një njeri që konfliktohem në vendin e punës. Ka njerëz që kështu duan të ecin në jetë, përmes skenarëve të ndryshëm dhe unë u gjenda pa dëshirën time. Ishte surprizë për mua, të them të drejtën.”

Megjithatë, ajo pranoi se kishte pasur një moment të vogël tensioni me Enxhi Nasufin:

“Ka pasur një provokim të vogël, që ka ndodhur gjatë një shkëputjeje publicitare kur kemi qenë në transmetim.”

Në fund, ajo theksoi se situata u ekzagjerua qëllimisht për të krijuar zhurmë mediatike:

“Nuk ka pasur një sherr fizik, por është e vetmja formë që ti të bësh zhurmë dhe, për sa kohë zhurma shet, bujrum, jepi, jepi gaz.”

Deklaratat e saj vijnë pas një periudhe kur rrjeti u përfshi nga lajme për një përplasje fizike mes saj dhe Enxhi Nasufit, të cilat u mohuan edhe më herët nga vetë stafi i “Wake Up”. Pavarësisht kësaj, një pjesë e publikut mbeti skeptike dhe vazhdoi të besojë se kishte ndodhur diçka pas kamerave.

Edhe Enxhi Nasufi, në një intervistë të mëvonshme, i cilësoi këto lajme si të pavërteta, duke theksuar se bëhej fjalë për ekzagjerime dhe se kjo është një nga kostot e të qenit figurë publike.

The post Neada Muçaj thyen heshtjen për largimin nga Top Channel, nënkupton se sherri me Enxhi Nasufin u stis appeared first on Albeu.com.

Gjithçka nisi pas përfundimit të sfidës, kur Kolarov hyri në fushë dhe iu drejtua gjyqtarit duke kërkuar shpjegime.

Ai shtyu De Run të Atalantës dhe ky i fundit iu përgjigj, me Gjimshitin i cili fillimisht ndërhyri për t’i ndarë.

Por më pas edhe mes Kolarov dhe Gjimshitit nisën shkëndijat dhe pothuajse një kacafytje mes tyre, me pjesëtarët e të dy skuadrave që i ndanë për të shmangur një përshkallëzim.

Por mbrojtësi shqiptar nuk u tërhoq dhe për më tepër ftoi Kolarov për duel në dhomat e zhveshjeve, para se të largohej nga terreni i “San Siro”.

𝑺𝒄𝒊𝒏𝒕𝒊𝒍𝒍𝒆 al fischio finale! 🧨😳
Kolarov 𝒔𝒑𝒊𝒏𝒈𝒆 De Roon, s’accendono gli animi con Barella
Poi Djimsiti 🆚 Kolarov: 🤬

🎤 @davidebernardi6
BordoCam #InterAtalanta è disponibile ora su #DAZN! 📲@pokerstarsnews #Kolarov pic.twitter.com/XC3DnZiZCy

— DAZN Italia (@DAZN_IT) March 17, 2026

The post VIDEO/ Sherr me zëvendëstrajnerin serb të Interit, shfaqen pamjet ku Gjimshiti e ftoi për duel në dhomat e zhveshjeve appeared first on Albeu.com.

Gjatë bisedës, Limi ka folur edhe për përleshjet që ka pasur jashtë shtëpisë, duke pranuar se është përfshirë në rrahje.

“A të kanë rrahur, apo i ke rrahur gjithmonë?”, ka qenë pyetja e e Benita.

“Më kanë rrahur, e i kam rrahur, mendon se i tutem dikujt a, kurrë në botë”, është përgjigjur Limi.

Kujtojmë se së fundmi në rrjetet sociale po qarkullon një video ku Limi shihet duke u rrahur nga disa persona në mes të rrugës.

Pretendohet se pas këtij sulmi qëndron Finemi, i cili dyshohet se i ka shkaktuar dëmtime serioze duke ia thyer njërën këmbë.

The post “Më kanë rrahur dhe i kam rrahur”, Lim Hoti ndan detaje nga sherri me Finemin? appeared first on Albeu.com.

Sipas policisë rreth orës 12:30, në ambientet e një lokali, shtetasit Gj. M., 41 vjeç dhe Nikolin Marku, 41 vjeç (kushërinj), ku dyshohet se janë konfliktuar për motive të dobëta, me shtetasit Gëzim Ndoka, rreth 53 vjeç dhe K. N., rreth 20 vjeç (babë e bir).

Si pasojë janë dëmtuar shtetasi me iniciale Gj. M. dhe Nikolin Marku, të cilët pasi kanë marrë asistencën e nevojshme mjekësore, janë paraqitur në ambientet e Komisariatit, ku kanë pretenduar se shtetasit Gëzim Ndoka dhe K. N. kanë qenë të armatosur.

Sipas policisë, vijojnë kërkimet për kapjen Gëzim Ndokës, vëllai i ish-deputetit të PS-së dhe djali të tij.

Nikolin Marku akuzon Gëzim Ndokën se ka dhënë urdhrin që atë ta dhunojnë. Sipas Markut, mes 5 personave të maskuar, njëri prej tyre është paraqitur si nipi i ish-deputetit, djali i Gëzimit, ndërsa më pas kanë nisur ta dhunojnë.

Pre e dhunës ka rënë dhe kushëriri i tij. Po ashtu, Marku pohoi se gjatë kohës që shkoi sot në spital për mjekim, kishte shkuar Gëzim Ndoka dhe e kishte kërcënuar.

Lezhë/Informacion paraprak

Rreth orës 12:30, në ambientet e një lokali në Lezhë, shtetasit Gj. M., 41 vjeç dhe N. M., 41 vjeç (kushërinj), dyshohet se janë konfliktuar për motive të dobëta, me shtetasit G. N., rreth 53 vjeç dhe K. N., rreth 20 vjeç (babë e bir).

Si pasojë janë dëmtuar shtetasit Gj. M. dhe N. M., të cilët pasi kanë marrë asistencën e nevojshme mjekësore, janë paraqitur në ambientet e Komisariatit, ku kanë pretenduar se shtetasit G. N. dhe K. N. kanë qenë të armatosur.

Vijojnë kërkime intensive për kapjen e shtetasve G. N. dhe K. N., si dhe një grup i posaçëm hetimor po punon në drejtimin e Prokurorisë së Lezhës, për të zbardhur dhe dokumentuar të gjitha rrethanat e këtij rasti.

The post Sherri në Lezhë/ Policia del me njoftim zyrtar: Nikolin Marku dhe kushëriri i tij u dhunuan nga vëllai i ish-deputetit të PS dhe djali i tij appeared first on Albeu.com.

Ngjarja përfshiu rreth 15 të rinj, të ndarë në dy grupe, kryesisht 17–18 vjeç, të cilët u konfliktuan fillimisht me grushte dhe më pas me sende të forta, ndërsa gjatë përleshjes është përdorur edhe armë e ftohtë (thikë).

Si pasojë e këtij konflikti, tre adoleshentë mbetën të dëmtuar lehtë dhe u transportuan në spitalin rajonal të Shkodrës, ku morën ndihmën mjekësore dhe tashmë ndodhen jashtë rrezikut për jetën.

Sipas hetimeve, konflikti dyshohet se ka pasur zanafillë një përplasje të mëparshme mes nxënësve. 19-vjeçari, i identifikuar si Doronesto Kulla dyshohet se ka shkuar në ndihmë të vëllait të tij, një 17-vjeçari nxënës i shkollës “Shejnaze Juka” duke u përfshirë në përleshje së bashku me persona të tjerë.

Pamjet filmike tregojnë momentin kur dy grupet bashkohen dhe nisin përplasjen fizike, e cila zgjat rreth një minutë, përpara se të shpërndahen.

Menjëherë pas ngjarjes, forcat e Policisë së Shkodrës dhe efektivët e njësisë “Shqiponja” ndërhynë në vendngjarje, duke sekuestruar kamerat e sigurisë dhe duke nisur hetimet.

Fillimisht u arrestuan dy të rinjtë e dyshuar si organizatorë, Klevin Thepi dhe Doronesto Kulla. Për pesë shtetas të mitur (katër 17-vjeçarë dhe një 16-vjeçar) u nis procedimi penal në gjendje të lirë.

Paralelisht, specialistët e Seksionit për Hetimin e Narkotikëve referuan materiale në Prokurori për një prej 17-vjeçarëve, të cilit gjatë kontrollit fizik iu gjet dhe iu sekuestrua një sasi lënde e dyshuar narkotike kanabis.

Policia ka identifikuar edhe persona të tjerë të përfshirë në konflikt, ndërsa vijojnë hetimet për dokumentimin e plotë ligjor të kësaj ngjarjeje të rëndë.

Arsyet e sakta të rrahjes mbeten ende të paqarta, ndërsa dyshohet për një konflikt për motive të dobta.

The post Plagosën tre të rinj afër shkollës, lirohen dy adoleshentët në Shkodër appeared first on Albeu.com.