Kryeministri Edi Rama iu ka bërë thirrje të gjithë bizneseve që operojnë në vijën bregdetare të lirojnë metrat e plazhit që kanë zënë pa leje duke shtuar se Policia do të konfiskojë të gjithë bazën materiale të subjekteve që operojnë në mënyrë të paligjshme, përfshirë çadra dhe shezlonë.

PJESË NGA FJALA E RAMËS:

Dua t’ju bëj thirrje subjekteve që nuk janë në rregull me dokumentacionin, të largohen nga sipërfaqet që nuk ju takojnë me ligj dhe rregull. Policia e Shtetit do të jetë e pranishme në të gjithë vijën bregdetare dhe do të konfiskojë çadra e shezlonë që nuki përputhen me bazën dokumentare të subjektit.

Plazhet janë të popullit dhe qytetarëve dhe subjektet i kanë të tyre atje ku përgjegjësia njihet ligjërisht. Është e qartë financiarisht se kjo skemë e re e administrimit të plazheve ka krijuar më shumë të ardhura për sektorin publik, krahas bashkitë, dhe më shumë hapësira për qytetarët që nuk dëshirojnë të jenë pjesë e hapësirave ku plazhi administrohet nga privati.

Përveç disa rasteve që janë bërë publike, baza është pozitive. Në ditët në vijim, kjo bazë pozitive duhet të konsolidohet që korriku dhe gushti të jenë të garantuar në këtë aspekt. Dua të përsëris, subjektet që nuk janë aty ku janë vendosur me teorinë e faktit të kryer duhet të largohen vetë dhe të mos humbasin bazën materiale që kanë siguruar pasi do t’ju merret dhe nuk do t’ju jepet mbrapsht. /albeu.com/

The post E FUNDIT/ Sherri për shezlogët mori 4 jetë, Rama thirrje bizneseve: Largohuni me të mirë! (VIDEO) appeared first on Albeu.com.

Përplasja me armë zjarri ka nisur mes 2 familjeve pronare të dy hoteleve në zonë, vetëm 50 metra larg njëri-tjetrit, për disa shezlongë.

Konflikti që nisi verbal përfundoi në përdorimin e armëve, plumbat e të cilave i morën jetën Kujtim Ferracakut; dy pronarëve të hotelit tjetër Xhovani dhe Edmond Gocaj. Bashkë me ta humbi jetën dhe punonjësi i shezlongëve Myzerim Zeneli. Ndërsa të plagosur kanë mbetur Hasan Ferracaku dhe Elmedin Tyli. Ky i fundit vetëm 17 vjeç.

Pronari i njërit prej hoteleve është Kujtim Ferracaku, babai i Arjan Ferracakut vrarë në një atentat të ndodhur ne vitin 2018. Ndërsa i plagosur ka mbetur edhe vëllai i tij Hasani, gjendja e të cilit nuk dihet.

Pas marrjes së lajmit për ngjarjen e rëndë familjet e të përfshirëve në masakrën e ndodhur kanë hapur dyert e mortit, ndërsa e gjithë zona është blinduar nga Policia.

Mendohet se në vendin e ngjarjes është shtënë nga disa armë, ndërsa FNSH dhe RENEA-t po krehin zonën duke kërkuar të përfshirët e tjerë në konflikt. Deri më tani janë sekustruar kamerat e sigurisë të të dy hoteleve për të keijuar një panoramë më të qartë të ngjarjes së rëndë.

Në vendin e ngjarjes, mbërriti rreth orës 02:00 kryepolici Ardi Veliu, ndërsa drejtuesi i qarkut Shkodër Niko Brahimaj interesit të gazetarëve iu përgjigj “kërkoj mirëkuptimin tuaj për momentin”.

The post E FUNDIT/ Tronditet Shkodra! Sherr për shezlonga, 4 të vdekur e 2 të plagosur appeared first on Albeu.com.