Në një pjesë të bashkive thuajse janë caktuar kandidatët, siç është për shembull Tirana, Kukësi, Shkodra, etj., ndërkohë që ka ende zona të nxehta, siç është rasti i Sarandës.

Burime të AlbEu.com bëjnë me dije se mbledhja e fundit në Sarandë është shoqëruar me debate mes të pranishmëve, të cilët mbështesnin kandidatura të ndryshme. Burime bëjnë me dije se kryebashkiaku aktual, Adrian Gurma ka organizuar një grup për të kundërshtuar të dërguarin e PS-së për Sarandën, Blendi Klosi.

Ky i fundit është në mbështetje të kandidaturës së Oltion Çaçit, një biznesmeni në sektorin e turizmit, ndërkohë që grupi tjetër është pozicionuar në krah të Gurmës.

Mbetet për t’u parë se cili do të jetë vendimi i marrë nga kryesia e PS-së duke ditur edhe se elektorati socialist është i bindur ndaj vendimit të partisë, cilido qoftë ai. /albeu.com

The post EMRAT/ Sherr mes socialistëve në Sarandë, Gurma organizon grupin kundër Klosit: Kush do të jetë kandidati i PS appeared first on Albeu.com.

Policia ka vënë në pranga një një 37-vjeçar që lëvizte me armë zjarri me vete dhe i është sekuestruar arma e zjarrit.

Burimet bëjnë me dije se fillimisht dy shtetas janë konfliktuar me njeri tjetrin, sherr I cili ka agravuar deri në dhunë fizike.

Ndërkohë që janë dërguar të dy për mjekim, njëri prej tyre ka lajmëruar “shokun”, i cili afruar i armatosur me armë zjarri.

“Më datë 11.08.2021, është marrë njoftim se dy shtetas kishin pasur një konflikt verbal e më pas fizik. Nga hetimet e shpejta paraprake rezultoi se shtetasi H. F., që punonte roje në një subjekt, ishte konfliktuar verbalisht e më pas fizikisht, për motive të dobëta, me një 19-vjeçar. Pasi janë dërguar në spital, për mjekim, në ambientet e jashtme të spitalit është afruar shtetasi K. Ç., i cili ishte thirrur nga shtetasi H. F., për të vijuar konfliktin…”-njofton policia e Shtetit.

Falë informacioneve të marra në kohë nga Policia se shtetasi K. Ç. kishte shkuar te spitali dhe me vete mbante një armë zjarri pistoletë, shërbimet e Komisariatit të Policisë Sarandë dhe Forca e Posaçme “Shqiponja”, kanë ndërhyrë profesionalisht në kohë, duke bërë të mundur kapjen dhe prangosjen e shtetasit K. Ç., 37 vjeç, banues në Tiranë, i cili kur ka parë shërbimet e Policisë ka tentuar të largohet dhe ka hedhur në tokë armën e zjarrit.

NJOFTIMI I PLOTË I POLICISË:

Ndërhyrja në kohë e shërbimeve të Policisë ka parandaluar përshkallëzimin e mëtejshëm të një konflikti me pasoja për jetën.

Vihet në pranga një 37-vjeçar që lëvizte me armë zjarri me vete.

Sekuestrohet arma e zjarrit pistoletë.

Nga strukturat e Komisariatit të Policisë Sarandë, falë ndërhyrjes së shpejtë është bërë i mundur parandalimi i përshkallëzimit të mëtejshëm të një konfliktit mes dy shtetasve. Më datë 11.08.2021, është marrë njoftim se dy shtetas kishin pasur një konflikt verbal e më pas fizik.

Nga hetimet e shpejta paraprake rezultoi se shtetasi H. F., që punonte roje në një subjekt, ishte konfliktuar verbalisht e më pas fizikisht, për motive të dobëta, me një 19-vjeçar. Pasi janë dërguar në spital, për mjekim, në ambientet e jashtme të spitalit është afruar shtetasi K. Ç., i cili ishte thirrur nga shtetasi H. F., për të vijuar konfliktin.

Falë informacioneve të marra në kohë nga Policia se shtetasi K. Ç. kishte shkuar te spitali dhe me vete mbante një armë zjarri pistoletë, shërbimet e Komisariatit të Policisë Sarandë dhe Forca e Posaçme “Shqiponja”, kanë ndërhyrë profesionalisht në kohë, duke bërë të mundur kapjen dhe prangosjen e shtetasit K. Ç., 37 vjeç, banues në Tiranë, i cili kur ka parë shërbimet e Policisë ka tentuar të largohet dhe ka hedhur në tokë armën e zjarrit.

Gjithashtu, në vijim të veprimeve u procedua në gjendje të lirë shtetasi H. F., 58 vjeç, banues në Sarandë, për veprën penale “Dëmtime të tjera me dashje’’ ndaj 19-vjeçarit N. P.

Materialet procedurale i kaluan Prokurorisë pranë Gjykatës së Shkallës së Parë Sarandë, për veprime të mëtejshme hetimore. /albeu.com/

The post Shmanget tragjedia në Sarandë! Sherr mes dy personash, shoku me armë në brez vjen për hakmarrje appeared first on Albeu.com.