Ai tha se atëherë ishte hapur fjala se Merdani kishte vrarë veten në Burg, por pasi Lubonja përfundoi vetë pas hekurave, aty e takoi Sherif Merdamin, i cili nuk kishte vdekur.

Historinë Lubonja e tregoi në një rubrikë televizive në News 24, ku shtoi se Merdani ishte njeri që e donte jetën, dhe një artist i madh.

Deklarata e plotë e Lubonjës:

E kam njohur dhe kam një histori me të, që ndoshta po e sjell për herë të parë publikisht. Ky u dënua para se të dënohesha unë dhe u dënua mesa më kujtohet me 11 apo 12 vjet. Në atë kohë, bisedoja me një shokun tim dhe ai më tha që është dënuar. U përhap një fjalë atëherë që Sherif Merdani ka vrarë veten në burg. Dhe mua më kujtohet se thashë “mirë ja ka bërë, ku rrihet 12 vite në burg”, kur pas një viti përfundova vetë.

Kur një ditë, më prezantohet një njeri, e më thotë ‘jam Sherif Merdani a s’po më njeh’. I tregova çfarë kisha thënë kur ishte futur në burg. Ai ishte një njeri që e donte jetën, i qeshur, i gëzuar. Madje ka qenë minatori i parë i imi, sepse kur shkoje në burg, të fusnin në minierë në Spaç, të bëje një stazh 3-4 ditë. Mua më çuan në stazh si ndihmës te grupi i Sherifit, që të mësoja. Ishte djalë i fortë, i fuqishëm dhe me dashuri për jetën.

Nuk kemi qëndruar bashkë shumë në Spaç, sepse nuk kaloi ndoshta një vit dhe e ridënuan, e arrestuan dhe e çuan në Burrel. Pastaj kemi qenë dhe në Burrel bashkë, por në zona të ndryshme dhe nuk jemi takuar.

Akuzat ndaj tij ishin agjitacion, propagandë, që ishte nga 3 deri në 10. Dhe herën e dytë u ridënua po për agjitacion. Jemi takuar vitet e fundit, por rrallë. Më vjen keq që ka vdekur, unë ruaj kujtimin e atij Sherifit që njoha në periudhën e parë, atë djalin e ri e të fuqishëm, i zhveshur, duke hapur vrima në galeri. Ky është kujtimi më i bukur që kam nga Sherifi./albeu.com

The post Lubonja rrëfen historinë me Merdanin: E gjeta të zhveshur duke hapur vrima në galeri appeared first on Albeu.com.

Në ceremoninë e tij mortore ishin të ftuar mjaft figura të artit dhë të kulturës, ku spikatën komentet e Luan Zhegut dhe Kozma Dushit për të.

Ata folën për relatat miqësore që kishin me të, por gjithashtu edhe për artin e tij, i cili sipas tyre do të qëndrojë në piedestal, pasi ishte si dritë mes errësirës së komunizmit.

Dy nga këngëtarët e mirënjohur, Kozman Dushi dhe Luan Zhegu, treguan për kamerën e “News 24”, historitë që kanë pasur me Merdanin dhe shijet e tij në këngë.

Luan Zhegu, tha se këngëtari do të jetë një yll i pa shuar për muzikën shqiptare. Si dhe rrëfeu momentet e para të takimit me të pas daljes nga burgu.

“Përshtypjet për Sherif Merdanin kanë qenë me emocion. Sapo doli nga burgu takimin e parë e kemi pasur bashkë. Unë nuk e njoha, sepse ishte me një kapele. Por duke e parë te sytë dhe zëri i thashë Sherifi? Po më tha. U përqafuam dhe lotuam të dy. Emocioni tjetër ka qenë kur unë i kompozova këngën, “Se kënduan Let it Be” kënga pati jehonë të madhe.

Sherifi kur këndonte lotonte. Ajo ishte tamam jeta e Sherifit. Nuk e di, nuk e besoj akoma që Sherifi nuk është këtu. Ai ka ndërruar banesë. Ai ka shkuar në vend tjetër, e prapë do të ndriçojë dhe do të jetë dritën e tij, një yll i pashuar në muzikën shqiptare, i tillë do të mbetet. Gjej rastin të ngushëlloj gruan, djalin, të afërmit dhe farefisin e tij”, tha Luan Zhegu.

Këngëtari tjetër, Kozma Dushi ka treguar shijet muzikore të Sherif Merdanit. Sipas tij, Sherifi nuk dëshironte të këndonte me regjistrim dhe gjithmonë preferonte të këndonte live, ndërsa shtoi se ishte i shqetësuar për ecurinë që ka marrë muzika shqiptare.

“Sherifi bëri për vete rininë me këngët e tij të bukura. Takoheshim shpesh, se ishim në një lagje. Dy muajt e fundit s’e kam parë. Ai ishte intelektual, artist. Kishte zë të ëmbël, brilant dhe ishte i dashur me shokët. I lutem Zotit të prehet në paqe. Do ta kem në zemër për gjithë jetën. Unë me Sherifin kam biseduar shpesh. Festivali i 11, por dhe të gjitha kur ka marrë pjesë ai ishin këngë perla. Sherifi në vitet që erdhi demokracia filluan festivale që këndohej play back.

Ai nuk i dëshironte këto, e gjithmonë bënte kritika për këngët. Sherifi i donte këngët me ritëm, me poezi. Ajo kohë ka bërë një super gabim të madh. Ai vetëm këndonte, shpirtin kishte. Edhe në Librazhd ku e takova unë, i dha atmosferë atij qyteti. Të gjithë e donin. Ajo që ka ndodhur me Sherif Merdanin s’duhet të ndodhte kurrë. Ai nuk e meritonte. Brezi i tij këndon akoma. Mesazhi i tij është që këngët janë të bukura, artistët janë të lirë, muzika të bëhej live, muzika të mos bëhej rrëmujë. Ai nuk i donte tallavatë e këto të tjerat. Sherif Merdani solli një mënyrë të re të të kënduarit”, tha Kozma Dushi.

Ata folën për relatat miqësore që kishin me të, por gjithashtu edhe për artin e tij, i cili sipas tyre do të qëndrojë në piedestal, pasi ishte si dritë mes errësirës së komunizmit.

Luan Zhegu, tha se këngëtari do të jetë një yll i pa shuar për muzikën shqiptare. Si dhe rrëfeu momentet e para të takimit me të pas daljes nga burgu.

“Përshtypjet për Sherif Merdanin kanë qenë me emocion. Sapo doli nga burgu takimin e parë e kemi pasur bashkë. Unë nuk e njoha, sepse ishte me një kapele. Por duke e parë te sytë dhe zëri i thashë Sherifi? Po më tha. U përqafuam dhe lotuam të dy. Emocioni tjetër ka qenë kur unë i kompozova këngën, “Se kënduan Let it Be” kënga pati jehonë të madhe.

Sherifi kur këndonte lotonte. Ajo ishte tamam jeta e Sherifit. Nuk e di, nuk e besoj akoma që Sherifi nuk është këtu. Ai ka ndërruar banesë. Ai ka shkuar në vend tjetër, e prapë do të ndriçojë dhe do të jetë dritën e tij, një yll i pashuar në muzikën shqiptare, i tillë do të mbetet. Gjej rastin të ngushëlloj gruan, djalin, të afërmit dhe farefisin e tij”, tha Luan Zhegu.

Këngëtari tjetër, Kozma Dushi ka treguar shijet muzikore të Sherif Merdanit. Sipas tij, Sherifi nuk dëshironte të këndonte me regjistrim dhe gjithmonë preferonte të këndonte live, ndërsa shtoi se ishte i shqetësuar për ecurinë që ka marrë muzika shqiptare.

“Sherifi bëri për vete rininë me këngët e tij të bukura. Takoheshim shpesh, se ishim në një lagje. Dy muajt e fundit s’e kam parë. Ai ishte intelektual, artist. Kishte zë të ëmbël, brilant dhe ishte i dashur me shokët. I lutem Zotit të prehet në paqe. Do ta kem në zemër për gjithë jetën. Unë me Sherifin kam biseduar shpesh. Festivali i 11, por dhe të gjitha kur ka marrë pjesë ai ishin këngë perla. Sherifi në vitet që erdhi demokracia filluan festivale që këndohej play back.

Ai nuk i dëshironte këto, e gjithmonë bënte kritika për këngët. Sherifi i donte këngët me ritëm, me poezi. Ajo kohë ka bërë një super gabim të madh. Ai vetëm këndonte, shpirtin kishte. Edhe në Librazhd ku e takova unë, i dha atmosferë atij qyteti. Të gjithë e donin. Ajo që ka ndodhur me Sherif Merdanin s’duhet të ndodhte kurrë. Ai nuk e meritonte. Brezi i tij këndon akoma. Mesazhi i tij është që këngët janë të bukura, artistët janë të lirë, muzika të bëhej live, muzika të mos bëhej rrëmujë. Ai nuk i donte tallavatë e këto të tjerat. Sherif Merdani solli një mënyrë të re të të kënduarit”, tha Kozma Dushi./albeu.com

The post Ceremonia mortore e Sherif Merdanit, Kozma Dushi: Do ta kem në zemër për gjithë jetën! (FOTO LAJM) appeared first on Albeu.com.

“Nuk do të kisha zgjedhur kurrë një baba tjetër”, deklaroi Gerard Merdani, djali i Sherif Merdanit.

“Mund të ta përkufizoj me një fjali. S’do kisha zgjedhur kurrë baba tjetër. Se kam ndjerë diferencën e madhe të moshës mes nesh. Nuk e ka jetuar jetën si 70-80 vjeçar. Ato vite ia kishin borxh. Ishte vital, me dashuri, respekt për jetën. Babai më ka mësuar të mos hakmerrem, t’i dua njerëzit, por edhe mos t’i besoj kollaj njerëzve për atë që ka kaluar. Më ka mësuar vlerat e vërteta në jetë, e anës monetare e atë shpirtërore. Jam plot mësime nga babai im. Ai në fillim të daljes nga burgu se mendoi kurrë se jeta do i jepte dhe gati 32 vite jetë. Që do martohej dhe do ta bënte prapë Shqipërinë që të fliste për të dhe që do të arrinte në këtë moshë.

Muajt e fundit nuk ishin të lehtë as për të dhe familjen tonë. Kalvari i madh i vuajtjeve që ka kapur, sëmundje e rëndë, mosha bashkë, s’kanë qenë të lehta. Preferojmë që ta mbajmë private. Mendoj se krijimtaria e tij më e bukur ka qenë pas burgut, me perlën me Luan Zhegun “Se kënduam Let it Be’ dhe ‘Sinfonia e nënës’”, tha ai.

Kujtojmë se artisi ndërroi jetë ditën e djeshme, pasi humbi betejën me një sëmundje të rëndë në moshën 81-vjeçare.

Ditën e sotme, i’u dha lamtumira e fundit artistit të njohur Sherif Merdani në praninë e familjarëve, miqve dhe dashamirësve të tij./albeu.com

The post Djali i Sherif Merdanit: S’do kisha zgjedhur kurrë një baba tjetër, bëri që Shqipëria të flasë për të (FOTO LAJM) appeared first on Albeu.com.

Ruçi vë theksin te vuajtjet e shumta që ai hoqi në burgjet komuniste dhe sipas tij, ato nuk mundën ta ndalnin atë e ti merrnin fisnikërine.

Ai shton se Sherif Merdani solli emancipim të artit në një kohë të errët për vendin.

Mesazhi i Gramoz Ruçit:

Sherif Merdani ishte një këngëtar dhe artist i madh, që i këndoi me dashuri jetës, dashurisë, nënës dhe gjithshkaje të bukur te njerëzit, shpirti dhe ndjenjat e tyre. Repertori i Sherif Merdanit është një simfoni e dashurisë dhe bukurisë njerëzore. Me artin e tij Sherif Merdani emancipoi artin, këngën dhe muzikën shqiptare. Për këtë kontribut emancipues, ky artist i madh vuajti dënime e sakrifikoi vite të tëra nga jeta e tij. Por këto vuajtje nuk ia ndrydhën talentin dhe nuk ia pakësuan fisnikërinë. Me këngët e Sherif Merdanit jemi rritur dhe ato do të vazhdojnë të frymëzojnë brezat e ardhshëm.”, shkruan në mesazhin e tij  Kryetari i Kuvendit, Gramoz Ruçi.

Artisti i mirënjohur, Sherif Merdani ndërroi jetë ditën e sotme. Sipas Neës24, ai vuante prej kohësh nga një sëmundje e rëndë./albeu.com

The post Ruçi për Sherif Merdanin: Dënimet e komunistëve nuk i’a ndrydhën talentin dhe fisnikërinë appeared first on Albeu.com.

Meta u shpreh se Merdani nëpërmjet artit të tij shpërndau dritë shprese në periudhën më të errët të vendit.

Ai shtoi se Sherif Merdani kaloi një kalvar të gjatë vuajtjesh në burgjet komuniste dhe sipas tij ai përherë do të kujtohet me nderim e respekt.

Postimi i plotë:

Këngëtari i lirisë, Sherif Merdani u nda sot prej nesh duke lënë pas shumë dhembje.

I burgosur politik, së bashku me të tjerë artistë të mëdhenj pas Festivalit të 11-të të muzikës së lehtë shqiptare, ai kaloi një kalvar të gjatë vuajtjesh pse guxoi të jepte një dritë shprese, nëpërmjet artit, në periudhën më të errët për vendin.

Ngushëllime familjes dhe komunitetit të artistëve për këtë humbje të pazëvendësueshme!

Sherif Merdani do të kujtohet përherë me nderim dhe respekt!

“…Dhe me diellin çdo mëngjes, po, po,

‘Let it be’, kam për të kënduar”./albeu.com

The post Vdekja e Sherif Merdanit, Meta: Ka kaluar një kalvar të gjatë vuajtjesh, shpërndante dritë kurdoherë appeared first on Albeu.com.

Nuk ka vonuar reagimi i kryeministrit të Shqipërisë i cili ka postuar në rrjetet sociale një foto të këngëtarit me mbishkrimin, ” Lamtumirë, Sherif Merdani”.

Merdani ka bërë 16 vite burg gjatë viteve të komunizmit, pas festivalit të 11-ë, ndërsa repertori i tij dhe vlerat në muzikën e artin shqiptar janë të vyera. /albeu.com/

The post “Lamtumirë Sherif Merdani”, Rama reagon për ndarjen nga jeta të artistit të madh (FOTO LAJM) appeared first on Albeu.com.

Merdani ka qenë i dënuar politik për disa vite me rradhë. Sëbashku me disa kolegë të tjerë, Merdani ka përfunduar në burg pas festivalit të 11-të të këngës.

Artisti i merituar Sherif Merdani ka vuajtur 16 vite burgim. Ai njihet si këngëtar i madh shqiptar i muzikës së lehtë shqipe.

Në vitet ’90 ka punuar edhe si diplomat në ambasadën shqiptare në Romë.

The post Arti shqiptar në zi, ndërron jetë këngëtari Sherif Merdani (FOTO LAJM) appeared first on Albeu.com.