Kjo ndodh sepse pjesa më e madhe e dhjamit në trup akumulohet nga yndyrnat e pashëndetshme. Në këtë artikull do të mësoni më shumë për ushqimet që ju ngopin por nuk ju shëndoshin.

Vezët

Vezët janë një ushqim i shkëlqyer për rënien në peshë. Ato janë të pasura me ushqyes dhe përmbajnë pak kalori apo sheqer. Vezët janë të pasura me proteinë, hekur, vitamina dhe minerale. Vezët mund t’i konsumoni në mëngjes për një vakt të bollshëm dhe ngopës, por edhe në drekë. Për këtë vakt të rëndësishëm ju mund t’i zieni vezët dhe t’i shoqëroni me sallatë jeshile ose sallatë me patate.

Frutat e pyllit

Këto fruta përmbajnë sasi të mëdha të fibrës dhe shumë pak sheqer në krahasim me frutat e tjera. Manaferrat dhe boronicat përmbajnë antioksidantë dhe vitamina që ju mbajnë në formë dhe eliminojnë inflamacionin. Ato mund t’i shoqëroni me kos, tërshërë apo sallata.

Arrorët

Karbohidratet e mira janë të rëndësishme. Sipas informacioneve ato gjenden tek farat dhe arrorët të cilët janë shumë të pasur me një larmi ushqyesish. Këtu përfshihen edhe yndyrnat e mira, vitamina e minerale të rëndësishme.

Kosi

Kosi pa yndyrë dhe i zënë në shtëpi është i pasur me kalçium, kalium dhe proteina. Për më shumë shije dhe vlera atë mund ta konsumoni me arra ose fruta pylli. Kosin pa shumë yndyrë mund ta hani në çdo vakt dhe pa u shqetësuar për peshën.

Patatet e ëmbla

Patatet e ëmbla mund të gatuhen në shumë mënyra të ndryshme dhe nuk bëhen të mërzitshme. Karbohidratet dhe ëmbëlsia natyrale nënkupton që trupi e ka më të lehtë tretjen e tyre. Patatet e ëmbla mund t’i kavërdisni me pak vaj ulliri dhe hudhër.

The post Këto janë 5 ushqimet që mund të hani gjatë gjithë kohës pa u shëndoshur appeared first on Albeu.com.

Ja cilat shenja paralajmërojnë se janë hormonet ato që po ju shkaktojnë shtim të peshës përreth belit.

Barku vazhdon të rritet, edhe pse ushqeheni mirë
Nëse keni pasur bark të sheshtë në shumë vite të jetës suaj dhe krejt papritur filloni të shtoni peshë vetëm në pjesën e barkut, mund të jetë shenjë që keni krijuar bark hormonal.

Ndërkohë që plakemi, trupi bëhet më rezistent ndaj insulinës, duke nxitur kështu trupin që ta ruajë dhjamin, në vend që ta djegë atë.

Keni dëshirë për të ngrënë shumë sheqer
Rezistenca ndaj insulinës mund të ketë disa pasoja të dyfishta tek të tjera hormone të rëndësishme. Rezistenca ndaj insulinës mund të ketë efekt te leptina, hormoni që lajmëron trupin kur jeni ngopur mjaftueshëm.

Nivelet vazhdimisht të luhatura të leptinës mund të çojnë në çrregullim të receptorëve të leptinës, duke ndaluar kështu dërgimin e sinjaleve në tru që të ndaloni të hani. Si pasojë, ju vazhdoni të hani.

Keni luhatje humori
Ndërsa gratë hyjnë në fazat e para- dhe pas-menopauzës, nivelet e estrogjenit fillojnë të luhaten shpesh, duke çuar në luhatje të humorit dhe shtim në peshë. Sipas një studimi nga Universiteti Wisconsin, kjo është arsyeja përse gratë janë më të predispozuara se burrat që të kenë luhatje humori.

Jeni gjatë gjithë kohës të stresuara
Një tjetër fajtor i krijimit të dhjamit përreth barkut është kortizoli. I quajtur ndryshe si hormoni i stresit, nivelet e kortizolit rriten në përgjithësi kur trupi ndjen që jeni të stresuara ose në ankth, duke çuar kështu në shtim të peshës. Nivelet e larta të stresit dhe ankthit e çojnë trupin në një gjendje mbijetese, që rrit nivelet e kortizolit dhe sinjalizon trupin të ruajë më shumë dhjamë.

Ndiheni të lodhura gjatë gjithë kohës dhe vuani nga pagjumësia

Pagjumësia dhe lodhja mund të jenë shenja që hormonet janë fajtore për shtimin në peshë. Mungesa e gjumit shkakton lodhje dhe stres. Të gjitha këto çojnë në çrregullim të hormoneve të kortizolit./neps.al

The post 5 shenjat që paralajmërojnë se hormonet janë arsyeja që po shtoni në peshë appeared first on Albeu.com.

Frutat e thata janë fruta të cilave u është hequr pothuajse i gjithë uji me anë të metodave të tharjes. Gjatë këtij procesi fruti zvogëlohet, duke ruajtur dendësinë e energjisë. Rrushi i thatë është një nga frutat më të zakonshëm të thatë, i ndjekur nga kumbullat dhe kajsitë. Ka disa lloje që përmbajnë sheqer dhe këto janë zakonisht mango, ananas, banane.

Nëse llogaritni pjesën që do të konsumoni, atëherë do të merrni të njëjtën sasi kalorish sikur të hani fruta të freskëta. Gjëja e rëndësishme për të ditur është se duhet të llogaritni sasinë që hani, sepse ato të thara janë në formë të përqendruar.

Por, çfarë ndodh me lëndët ushqyese? E vërteta është se frutat e thata përmbajnë deri në 3.5 herë më shumë fibra, vitamina dhe minerale sesa të freskëtat. Sidoqoftë, ka disa përjashtime. Për shembull, përmbajtja e vitaminës C zvogëlohet ndjeshëm kur frutat thahen. Por në përgjithësi, frutat e thata janë një burim i mirë i antioksidantëve dhe ushqyesve.

Disa studime kanë treguar se njerëzit që hanë fruta të thata kanë tendencë të peshojnë më pak dhe të marrin më shumë lëndë ushqyese sesa njerëzit që nuk i hanë.

Ajo që është e rëndësishme të zgjidhni frutat e thata pa veshje sheqeri, sepse ato mund të rrisin peshën tuaj dhe të kenë një efekt negativ në shëndet./albeu.com

The post A na shëndoshin frutat e thata? appeared first on Albeu.com.