Megjithatë, regjimi ushqimor është një element kyç për ta mbajtur trurin tuaj “të ri” edhe me kalimin e moshës.

Një rol të rëndësishëm për këtë luajnë disa perime të caktuara.

Perimet me gjethe jeshile

Perimet gjethe jeshile, si për shembull spinaqi apo rukola, janë të pasura me vitaminë K, beta-karotinë dhe luteinë. Këto lëndë ushqyese luajnë një rol të rëndësishëm në shëndetin e trurit.

Këto perime janë të pasura me antioksidantë, të cilët ndihmojnë në luftimin e dëmtimit të qelizave në trupin tuaj. Sa më pak dëm të bëhet në qeliza, aq më i shëndetshëm dhe më i fortë do të jetë truri edhe trupi juaj.

Perimet e kryqëzuara

Këto lloje perimesh duke përfshirë brokolin, lakrat e Brukselit, lulelakrën e shumë të tjera, janë një burim i fuqishëm vitaminës K dhe i folatit, vlera ushqyese të rëndësishme për funksionet njohëse dhe trurin.

Sugjerohet brokoli, i cili mund të japë përfitime pozitive për shëndetin e trurit tuaj.

Perime ngjyrë portokalli

Patatet e ëmbla dhe perimet e tjera si karotat, specat e kuq dhe kungujt, janë burime të shkëlqyera të beta-karotenit dhe antioksidantëve të shumtë.

Ato luftojnë radilaket e lira të cilat shkaktojnë dëme në qeliza dhe për më tepër sipas një studimi të fundit, beta-karoteni mund të jetë shumë i dobishëm për sëmundjet neurologjike si Alzheimer.

Panxhari

Panxhari është një burim i pasur i nitrateve dhe acidit folik, të cilat nxisin edhe më tej rrjedhjen e gjakut në tru. Kjo gjë përmirëson funksionet njohëse të trurit.

Acidi folik, i njohur gjithashtu si B9, ka treguar se ndihmon në uljen e rrezikut të disa çrregullimeve neurologjike dhe psikologjike si Alzheimer dhe depresioni.

Korrni të gjitha përfitimet e panxharit duke e konsumuar në sallatë ose duke e konsumuar në formë lëngu së bashku me mollën jeshile dhe karotat.

Të konsumoni sa më tepër perime të mundeni është një nga mënyrat më të mira për tu kujdesur jo vetëm për shëndetin e trurit por për të gjithë organizmin tuaj./Albeu.com

The post Perimet më të mira që përmirësojnë shëndetin e trurit tuaj appeared first on Albeu.com.

Shkencëtarët theksojnë që kjo vitaminë ndikon mirë në kujtesë dhe në uljen e rrezikut nga demenca shumica e marrin për forcim imuniteti, por ndikon edhe në shëndetin e trurit!

E dimë që vitamina D luan një rol kryesor në ngritjen e humorit dhe në zbutjen e simptomave të depresionit.

Shkencëtarët kanë vendosur që të hulumtojnë këtë lidhje të dukshme të vitaminës D me sistemin nervor me theks të veçantë në atë se si vitamina D ndikon në funksionet kognitive.

Në një studim të ri të botuar në “Alzheimer’s & Dementia”, shkencëtarët nga Universiteti Rush dhe Universiteti Tufts janë të parët që krahasojnë faktorët e rënies njohëse me përqendrimet e vitaminës D, jo vetëm në gjak, por edhe në tru.

Studimi ka treguar se vitamina D në tru në fakt mbështet shëndetin kognitiv.

Ata që kishin një përqendrim më të lartë të vitaminës D në tru kishin memorie më të mirë dhe e perceptonin më shpejt mjedisin e tyre. Gjithashtu, pjesëmarrësit me përqendrime më të larta kishin 25% deri në 33% më pak të ngjarë të zhvillonin demencë ose dëmtim të lehtë kognitiv.

The post Është konstatuar shkencërisht: Kjo vitaminë ul rrezikun nga demenca appeared first on Albeu.com.

Mungesa e gjumit mund të jetë një shkaktar i Demencës, përfshi edhe Alzheimerit. Nëse keni probleme me gjumin shmangni alkoolin, kafeinën dhe pajisjet elektronike në mbrëmje.

Izolimi social

Nuk ka rëndësi sa miq keni në rrjete sociale, por në realitet. Njerëzit që kanë disa miq të ngushtë janë më të lumtur dhe më produktivë. Ata gjithashtu kanë më pak të ngjarë të vuajnë nga sëmundje mendore.

Nuk ushqeheni shëndetshëm

Pjesë të trurit të lidhura me të mësuarit, kujtesën dhe shëndetin mendor janë më pak të zhvilluara në personat që nuk hanë shëndetshëm dhe konsumojnë hamburger, të skuqura, patate të skuqura dhe pije me gaz në ushqimin e tyre ditor. Manaferrat, drithërat, arrat dhe perimet me gjethe jeshile ruajnë funksionin e trurit.

Dëgjoni muzikë me volum të lartë në kufje

Ekspertët kanë zbuluar se volumi i lartë mund të dëmtojë më shumë se vetëm veshët. Mund të dëmtojë mbaresat delikate nervore që transferojnë informacionin elektrik nga qelizat brenda veshit në tru, duke shkaktuar reaksione inflamatore brenda vetë trurit.

Nuk lëvizni mjaftueshëm

Sa më gjatë të rrini pa aktivitet fizik, aq më të ngjarë ka të pësoni sëmundje të mendjes. Gjithashtu ka më shumë gjasa të prekeni nga diabeti, sëmundje të zemrës dhe presioni i lartë igjakut, të gjitha mund të jenë të lidhura me Alzheimer.

Pini duhan

Duhani tkurr trurin dhe kjo nuk është një gjë e mirë. Duhanpirësit kanë kujtesë më të dobët se tjerët. Përveç kësaj duhanpirja shkakton sëmundje të zemrës, diabet, goditje në tru dhe tension të lartë të gjakut.

Mbiushqyerja

Nëse hani shumë ushqim – edhe nëse është i shëndetshëm – truri und të mos jetë në gjendje të ndërtojë rrjetin e fortë të lidhjeve që ju ndihmojnë të mendoni dhe mbani mend. Ju mund të fitoni mbipeshë të rrezikshme, e cila mund të shkaktojë sëmundje të zemrës, diabet dhe tension të lartë, të gjitha të lidhura me probleme te trurit dhe Alzheimer.

Qëndroni shumë në errësirë

Nëse nuk merrni dritë të mjaftueshme natyrore, mund të bini në depresion dhe kjo mund të ngadalësojë trurin tuaj. Kërkimet gjithashtu tregojnë se rrezet e diellit ndihmojnë në një funksionin më të mirë të trurit.

The post Kujdes! Këto zakone të këqija që dëmtojnë trurin appeared first on Albeu.com.