Kumbullat përmbajnë relativisht pak kalori, por përmban 8 gramë karbohidrate, 1 gram fibra, 7 gramë sheqerna, 5% vitaminë A të vlerës së nevojshme të organizmit për ditë (RDI), 10% vitaminë C, 5% vitaminë K, 3% kalium, 2% bakër dhe 2% mangan, shkruan HealthLine.

Lëngu i kumbullave mund të ndihmojë kundër kapsllëkut, për shkak të sasisë së bollshme të fibrave që përmbajnë. Ky lëng gjithashtu luan rol edhe në parandalimin e kapsllëkut duke i mbrojtur zorrët, pasi përmban sheqerin e njohur me emrin ‘sorbitol’, i cili është laksativ natyral.

Një studim që është bërë më parë ka gjetur se njerëzit që konsumojnë afërsisht 50 gramë kumbulla çdo ditë për tri javë patën rezultate shumë të mira kundër kapsllëkut, krahasuar me grupin që konsumonin laksativin e quajtur ‘psyllium’.

Këto fruta janë të pasura me antioksidantë, gjë që mund të ndihmojë kundër inflamacionit dhe mbron qelizat nga dëmi që mund të shkaktojnë radikalet e lira.

Kumbullat përmbajnë sasi të bollshme të polifenoleve, të cilat kanë efekt pozitiv në shëndetin e eshtrave dhe mund të ndihmojnë në uljen e rrezikut nga sëmundjet e zemrës dhe diabeti.

Këto fruta gjithashtu janë të efektshme për kontrollimin e nivelit të sheqerit në gjak.

The post Përfitimet shëndetësore nga konsumimi i kumbullave appeared first on Albeu.com.

Mjekët dhe infermierët sipas ministres së Shëndetësisë Albana Koçiu kanë ofruar shërbim shëndetësor në kohë e me cilësi për çdo pushues.

Qendrat shëndetësore verore janë të hapura në 34 pika turistike në të gjithë vendin dhe që ofrojnë shërbim 24 orë në 7 ditë të javës.

Këto qendra shkruan ministrja Koçiu në rrjetet sociale janë një  burim i domosdoshëm shërbimesh për pushuesit vendas dhe të huaj gjatë sezonit të verës.

The post Qendrat shëndetësore në plazhe/ Koçiu: Mbi 2 mijë vizita gjatë këtij sezoni appeared first on Albeu.com.