Shqipëria vijon të mbetet vendi me financimin më të ulët publik për shëndetësinë në rajon, duke u renditur në fund të listës për disa nga treguesit më të rëndësishëm të sektorit. Kjo është gjetja kryesore e raportit “Monitorimi i Shpenzimeve të Sektorit të Shëndetësisë për vitin 2025”, publikuar nga Shoqata Together for Life, e cila për të katërtin vit radhazi realizon një analizë të pavarur mbi financimin publik të shëndetësisë në Shqipëri.

Raporti sjell një panoramë shqetësuese të gjendjes së sistemit shëndetësor shqiptar. Edhe pse qeveria ka raportuar rritje nominale të fondeve për shëndetësinë, analiza tregon se pesha reale e këtij sektori në ekonominë kombëtare dhe në buxhetin publik mbetet e ulët. Për vitin 2025, shpenzimet funksionale për shëndetësinë përbëjnë vetëm 2.9% të Prodhimit të Brendshëm Bruto, ndërsa sektori zë 9.6% të buxhetit total publik.

Sipas raportit, Shqipëria shpenzon rreth 590 dollarë amerikanë për frymë për shëndetësinë, niveli më i ulët në rajon. Ky nivel është 33% më i ulët se mesatarja e vendeve të Ballkanit Perëndimor dhe 42% më i ulët se mesatarja e vendeve të rajonit. Këto të dhëna tregojnë se sistemi shëndetësor shqiptar vazhdon të jetë kronikisht i nënfinancuar, me pasoja të drejtpërdrejta mbi cilësinë e shërbimeve, aksesin e qytetarëve në kujdes shëndetësor dhe mbrojtjen financiare të familjeve.

Një ndër treguesit më problematikë është niveli i lartë i pagesave nga xhepi. Raporti evidenton se 48.27% e shpenzimeve për shëndetësinë mbulohen drejtpërdrejt nga qytetarët, duke e bërë Shqipërinë vendin me barrën më të lartë financiare për familjet në rajon. Kjo do të thotë se, pavarësisht ekzistencës së skemës së sigurimit të detyrueshëm shëndetësor dhe premtimeve për shëndetësi falas, qytetarët vazhdojnë të paguajnë vetë një pjesë të konsiderueshme të shërbimeve, barnave, analizave apo trajtimeve.

Raporti i Together for Life e cilëson këtë situatë si një paradoks të financimit të shëndetësisë: fondet mund të jenë rritur në vlerë nominale, por pesha reale e sektorit ndaj PBB-së dhe ndaj shpenzimeve totale publike ka ardhur në rënie. Shpenzimet totale për sektorin e shëndetësisë, përfshirë edhe të ardhurat e Fondit të Sigurimit të Detyrueshëm të Kujdesit Shëndetësor, arritën në rreth 76.6 miliardë lekë në vitin 2025, por kjo shumë përfaqëson një nivel më të ulët se ai i vitit 2018 në raport me ekonominë dhe buxhetin publik, shkruan Albeu.com.

Kjo rënie relative tregon, sipas raportit, një humbje progresive të prioritetit të shëndetësisë në politikat publike. Objektivat e përcaktuara në Strategjinë Kombëtare të Shëndetësisë 2021–2030 mbeten ende të parealizuara, ndërsa mungojnë mekanizmat konkretë që do të garantonin zbatimin e tyre.

Një tjetër problem i theksuar është çekuilibri mes financimit të kujdesit parësor dhe atij spitalor. Kujdesi parësor, i cili duhet të jetë baza e sistemit shëndetësor dhe pika e parë e kontaktit të qytetarëve me shërbimin shëndetësor, ka ndjekur një trend rënës në financim. Kjo ndodh në një kohë kur ky nivel shërbimi është zgjeruar me funksione dhe shërbime të reja dhe kur nevojat e popullatës për parandalim, diagnostikim të hershëm dhe menaxhim të sëmundjeve kronike janë në rritje.

Nga ana tjetër, raporti vëren se në vitin 2025 ka pasur një rritje të vëmendjes dhe financimit për kujdesin spitalor dhe shërbimet e specializuara. Kjo rritje lidhet me presionin e shtuar publik për problematikat e krijuara në spitale, sidomos mungesat në pajisje, barna dhe trajtime të domosdoshme për pacientët. Veçanërisht të ndjeshme mbeten rastet e pacientëve me sëmundje tumorale, për të cilët mungesat në barna apo vonesat në trajtim mund të kenë pasoja të rënda për shëndetin dhe jetën.

Megjithatë, raporti thekson se zhvendosja e burimeve nga kujdesi parësor drejt atij dytësor nuk është zgjidhje afatgjatë. Përkundrazi, dobësimi i kujdesit parësor rrit presionin mbi spitalet, shton kostot e trajtimit dhe ul mundësinë për parandalim efektiv. Një sistem shëndetësor funksional duhet të mbështetet në një kujdes parësor të fortë, të mirëfinancuar dhe të aksesueshëm për të gjithë qytetarët.

Raporti evidenton gjithashtu dobësi serioze në planifikimin buxhetor dhe menaxhimin e investimeve nga Ministria e Shëndetësisë dhe Mirëqenies Sociale. Reduktimet e konsiderueshme të planit buxhetor gjatë vitit 2025, si për shpenzimet korrente ashtu edhe për ato kapitale, tregojnë se planifikimi fillestar nuk ka qenë i lidhur mjaftueshëm me kapacitetet reale të zbatimit.

Më problematik mbetet realizimi i investimeve në kujdesin dytësor. Një numër projektesh të planifikuara në fillim të vitit janë reduktuar ndjeshëm ose kanë mbetur të parealizuara. Sipas raportit, kjo lidhet me mangësi në procedurat e prokurimit, në menaxhimin e projekteve, në monitorimin e progresit fizik të investimeve dhe në cilësinë e raportimit zyrtar.

Një tjetër shqetësim lidhet me mungesën e transparencës së plotë dhe integrimit të të dhënave ndërmjet Ministrisë së Shëndetësisë dhe Mirëqenies Sociale dhe Fondit të Sigurimit të Detyrueshëm të Kujdesit Shëndetësor. Raporti nënvizon se çështje të rëndësishme si devijimet buxhetore, skemat e rimbursimit dhe kontratat koncesionare nuk pasqyrohen në mënyrë të plotë në raportet zyrtare. Kjo kufizon transparencën, vështirëson monitorimin publik dhe dobëson llogaridhënien institucionale.

Në përfundim, raporti i Together for Life kërkon një rishikim të qasjes së financimit të sektorit shëndetësor. Rekomandimet kryesore përfshijnë rritjen e peshës së financimit publik për shëndetësinë në raport me PBB-në dhe shpenzimet totale publike, forcimin e skemës së sigurimit shëndetësor, uljen e pagesave nga xhepi, zgjerimin e paketave të rimbursimit dhe përmirësimin e mekanizmave të mbrojtjes financiare për qytetarët.

Raporti kërkon gjithashtu më shumë transparencë në investimet publike dhe monitorim më të qartë të performancës së spitaleve. Sipas tij, pa një financim më të qëndrueshëm, më të drejtë dhe më transparent, sistemi shëndetësor shqiptar do të vazhdojë të përballet me mungesa strukturore, ndërsa qytetarët do të mbeten ata që paguajnë koston më të lartë të nënfinancimit.

The post Shqipëria shpenzon më pak për shëndetësinë se çdo vend tjetër në rajon appeared first on Albeu.com.

Teksa mori fjalën në Kuvend, pas Korreshit, ministrja u shpreh se Spitali i Lushnjes është pjesë e një programi investimesh, të financuar nga buxheti i shtetit dhe Fondi Shqiptar i Zhvillimit.

Sala u shpreh se problematikat në spital nuk janë krijuar së fundmi, por janë “trashëgimi” e mungesës së investimeve ndër vite.

Ajo bëri me dije se investimi për rikonstruksionin ka nisur zyrtarisht në mars. Për këtë vit, janë planifikuar rreth 82 milionë lekë, ndërsa për 2027 parashikohen edhe 236 milionë të tjera.

Ministrja bëri të ditur se është hartuar një plan i përkohshëm riorganizimi, në mënyrë që shërbimet të vijojnë normalisht në ambientet e tjera funksionale të spitalit.

“Ne kemi zgjedhur rrugën më të vështirë, të investojmë duke garantuar vazhdimësinë e shërbimit. Po zbatohet një plan i përkohëshëm riorganizimi dhe shërbimet e urgjencës, imazherisë, kirurgjisë dhe reparet e tjera vijojnë aktivitetin në ambientet e tjera funksionale të spitalit. Ka një dallim të madh mes kritikës konstruktive dhe përpjekjes për te deformuar realitetin”, tha ajo.

Në fund të fjalës së saj, ministrja nënvizoi se qeveria mirëpret kritikat konstruktive, por kundërshtoi, sipas saj, “retorikën që tenton të paraqesë spitalet publike si struktura të braktisura”.

“Ne e mirëpresim kritikën por nuk mund të pranojmë retorikën që tenton të paraqesë spitale publike si struktura të braktisura. E lehtë të bësh opozitë me batuta, më e vështirë të ndërtosh spitale e të financosh aparatura dhe të mbash sistemin në punë gjatë rikonstruksionit”, shtoi ministrja.

Pjese nga fjala e ministres Sala:

Ka deputetë që sa shohin një skemë ndërtimi shpallin një katastrofë kombëtare, ndryshe nga folklori i alarmit zgjedhim punën dhe investimin. Shëndetësia nuk mund të përdoret si skenë për propagandë frikë ai për të nxirë çdo investim që bëhet vetëm për disa kreditë politike të momentit.

Spitali bashkiak i Lushnjes mbulon mbi 63 mijë banorë dhe funksionon në godina para viteve ‘90, që për dekada kanë pasur amortizim. Kjo nuk është problematikë e kijuar sot, por trashëgimi shumëvjeçare që për vite me radhë nuk mori investime të nevojshme. Për këtë arsye, spitali është përfshirë në programin kombëtar të investimeve të infrastrukturës spitalore, të financuar nga buxheti i shtetit dhe Fondi Shqiptar i Zhvillimit.

Investimi ka nisur në 2026 dhe punimet kanë filluar zyrtarisht më 4 mars. Fondi i planifikuar për këtë vit është rreth 82 milionë lekë ndërsa për 2027 janë planifikuar rreth 236 milionë lekë të tjera. Ndërhyrja po realizohet në godinën nr 3, ku funksiononte urgjenca imazheria, kirurgjia, reanimacioni dhe patologjia.

Ne kemi zgjedhur rrugën më të vështirë, të investojmë duke garantuar vazhdimësinë e shërbimit. Po zbatohet një plan i përkohëshëm riorganizimi dhe shërbimet e urgjencës, imazherisë, kirurgjisë dhe reparet e tjera vijojnë aktivitetin në ambientet e tjera funksionale të spitalit. Ka një dallim të madh mes kritikës konstruktive dhe përpjekjes për te deformuar realitetin.

Ne e mirëpresim kritikën por nuk mund të pranojmë retorikën që tenton të paraqesë spitale publike si struktura të braktisura. E lehtë të bësh opozitë me batuta, më e vështirë të ndërtosh spitale e të financosh aparatura dhe të mbash sistemin në punë gjatë rikonstruksionit.

The post Ministja Evis Sala: Shëndetësia s’mund të nxihet për disa kreditë politike, po punojmë ndërsa garantojmë vazhdimësinë e shërbimit appeared first on Albeu.com.

Sipas shifrave zyrtare të anketimit, rreth 57% e familjeve shqiptare deklarojnë se shpenzojnë midis 1% dhe 10% të të ardhurave të tyre totale për vizita mjekësore dhe barna.

Ky grup përfaqëson shumicën dërrmuese të popullsisë dhe shënon nivelin më të lartë në të gjithë Ballkanin Perëndimor për këtë kategori.

Ndërsa në vendet fqinje si Bosnja apo Serbia, një pjesë më e madhe e qytetarëve arrijnë të mbulohen nga skemat publike me kosto minimale, në Shqipëri duket se çdo kontakt me sistemin shëndetësor shoqërohet me një faturë që rëndon mbi buxhetin e të sëmurëve.

Edhe më shqetësues është fakti se 27% e familjeve shqiptare, detyrohen të alokojnë më shumë se 10% të të ardhurave të tyre për shëndetin.

Ky prag konsiderohet kritik nga organizatat ndërkombëtare si OBSH, pasi shpenzime të këtij niveli shpesh çojnë në varfërim të mëtejshëm të shtresave të mesme dhe të ulëta.

Ndonëse vende si Serbia (34%) apo Kosova (32%) kanë përqindje më të larta në këtë kategori ekstreme, struktura e shpenzimeve në Shqipëri tregon një shtrirje më të gjerë të barrës financiare në të gjithë shoqërinë.

Ajo që e bën situatën në Shqipëri unike në rajon, është numri shumë i ulët i atyre që nuk paguajnë. Vetëm 9% e familjeve arrijnë të mbajnë shpenzimet shëndetësore nën nivelin 1%.

Ky është treguesi më i ulët në Ballkan (ku mesatarja rajonale është 13%), duke sugjeruar se mbulimi “falas” mbetet më shumë një premtim sesa një realitet i prekshëm për pjesën më të madhe të shqiptarëve.

Analistët sugjerojnë se ky trend reflekton nevojën urgjente, për një rishikim të listës së barnave të rimbursueshme dhe përmirësimin e menaxhimit të sistemit parësor.

Në kushtet kur pagat po përballen me një inflacion të lartë, fakti që mbi 84% e popullsisë duhet të paguajë shuma të ndjeshme nga xhepi për shëndetin (kategoritë 1-10% dhe mbi 10% së bashku), e vendos sigurinë sociale të vendit në një pozicion mjaft vulnerabël.

Kostoja e shëndetit do të vijojë të mbetet një nga pengesat kryesore për rritjen e mirëqenies së familjeve shqiptare në vitet e ardhshme./Monitor

The post Familjet shqiptare paguajnë faturën më të lartë në rajon për shërbimet shëndetësore appeared first on Albeu.com.

Në një deklaratë për media, ajo ka theksuar se ndërprerja e energjisë elektrike në reanimacion dhe sallat kirurgjikale, mungesa e pajisjeve jetësore dhe furnizimi i pamjaftueshëm me ilaçe janë tregues të paaftësisë kriminale të qeverisë për të garantuar jetën e pacientëve.

Duke përshkruar një panoramë të shëndetësisë shqiptare si të dëmshme dhe të keqmenaxhuar, Xhixho ka ftuar qytetarët që të marrin pjesë në protestën e 24 janarit në shesh, për të kërkuar drejtësi dhe mbrojtje të të drejtave të tyre për shëndet të sigurt dhe të aksesueshëm.

Deklarata e Zv. Presidentes të Partisë së Lirisë, Erisa Xhixho:

Të nderuar qytetarë,

Dua ta nis këtë komunikim me ju me një ngjarje që tronditi rëndë sigurinë shëndetësore të vendit dhe që ndodhi vetëm disa ditë më parë në Qendrën Spitalore Universitare “Nënë Tereza”, spitalin më të madh të Shqipërisë.

Reanimacioni qendror dhe sallat kirurgjikale të QSUT-së mbetën për 30 deri në 40 minuta pa energji elektrike, duke rrezikuar drejtpërdrejt jetën e pacientëve dhe duke vënë në panik familjarët e tyre.

Ky nuk është një incident teknik.

Ky nuk është një defekt i rastësishëm.

Ky është një dështim i rëndë dhe i pafalshëm shtetëror.

Në asnjë vend të botës, as në vende në luftë, nuk ndodh që reanimacioni, terapia intensive dhe sallat e operacionit të mbeten pa energji. Ajo që ndodhi në QSUT provon se sistemet rezervë ose nuk ekzistojnë realisht, ose janë jashtë funksioni.

Kjo nuk është avari.

Kjo është paaftësi kriminale në menaxhimin e shërbimeve jetike.

Një shtet që nuk mbron dot jetën e qytetarëve as aty ku ata shkojnë për të kërkuar ndihmë, nuk është shtet. Ky nuk është një rast i izoluar. Ky është realiteti i përditshëm i shëndetësisë shqiptare. Ndaj, kërkojmë hetim të plotë dhe vënien përpara drejtësisë të personave përgjegjës.

Fakte të rënda dhe të dokumentuara:

Urgjenca e QSUT-së ka funksionuar pa defibrilator, një pajisje bazike jetëshpëtuese.

Akseleratorët linearë kanë qenë tre ditë jashtë funksionit, duke lënë pa shërbim pacientët me kancer, të cilët nuk mund të presin.

Në Spitalin Onkologjik mungon brakiterapia, një trajtim jetik për gratë me kancer gjinekologjik. Një pajisje që kushton sa gjysma e Kopshtit Eden në oborrin e Kryeministrisë, por që për qeverinë nuk është prioritet. Mungesa e këtij trajtimi i çon pacientet drejt vdekjes.

Pacientët në Spitalin Onkologjik bëjnë kimioterapi në të ftohtë, për orë të tëra, sepse kondicionerët nuk funksionojnë dhe spitali është pa ngrohje.

Kjo është panorama reale e shëndetësisë në Shqipëri.

Ndërkohë, Shqipëria shpenzon vetëm 2.9% të PBB-së për shëndetësinë, niveli më i ulët në rajon. Jemi të fundit për mbështetjen ndaj shëndetit të njerëzve.

Situata me furnizimin me ilaçe është skandaloze.

Pacientët trajtohen me barna të skaduara.

Ka kontrabandë, mungesë transparence, paaftësi, mungesë protokollesh.

Kemi krim shtetëror, jo kujdes shëndetësor.

Kjo qeveri nuk ka para për pacientët, por ka:

160 milionë euro për “Tigrin 1” dhe “Tigrin 2”, që nuk prodhuan asnjë kilovat energji;

50 milionë euro të zhdukura në tunelin e Llogarasë;

4.2 milionë euro për Kopshtin Eden në oborrin e Kryeministrisë;

420 milionë euro për inceneratorë fantazmë;

104 milionë euro për kontratat e grupit kriminal të AKSHI-t.

Fondi i barnave të Onkologjikut është 13 herë më i vogël se fondet për koncesionet korruptive në shëndetësi, sepse paratë nuk shkojnë te pacientët, por në gropat thithëse të korrupsionit, si Durana Tech Park, një skemë e legjitimuar me votat e maxhorancës.

Ky nuk është reformim.

Ky është instrument grabitjeje.

Shqiptarët paguajnë më shumë se çdo qytetar europian për një shëndetësi që Kryeministri ka guximin ta quajë “falas”.

Sipas Komisionit Europian, shqiptarët paguajnë 60% të shpenzimeve shëndetësore nga xhepi, niveli më i lartë në Europë.

Sot, 55% e familjeve shqiptare nuk mbyllin dot muajin, dhe 40% e të ardhurave shkojnë vetëm për ushqim.

Në këtë realitet, qeveria zgjedh luksin, korrupsionin dhe propagandën, ndërsa qytetarët lihen të përballen me sëmundjen, varfërinë dhe pasigurinë.

Kjo është e vërteta e shëndetësisë sot.

Ndaj me 24 janar ora 17:00, të gjithë në shesh të protestojmë bashkë për veten tonë, familjen tonë kundër grupit të strukturuar kriminal që vjedh qytetarët më të varfër në Europë.

The post Shëndetësia në kolaps/ Erisa Xhixho: Paaftësi kriminale, sistemet rezervë në QSUT nuk ekzistojnë appeared first on Albeu.com.

Kryeministri Edi Rama, gjatë fjalës së tij në podcastin “Flasim” këtë të dielë, tha se në vizitën që pati në Doha, u bisedua mes tij dhe homologut nga Katari, një agjendë bashkëpunimesh në disa fusha, një prej të cilave në shëndetësi.

“Mund të them qysh sot se do të sjellim në vendin tonë një ndër ekselencat më prestigjioze të shërbimit spitalor, qoftë si praktikë private e qoftë si praktikë partneriteti publik–privat, çka do të ndikojë shumë pozitivisht në rritjen e standardeve të shërbimit tonë publik spitalor”, tha Rama.

Edi Rama: Para pak ditësh vizitova Dohën dhe kalova disa orë intensive diskutimesh me mikun tim të shtrenjtë, Kryeministrin e Katarit, Sheikun Muhamed bin Abdulrahman bin Jassim Al Thani, një ndër udhëheqësit më të talentuar e më të respektuar të botës së sotme, i cili do të vijë me shumë dëshirë në Shqipëri në muajt e parë të vitit të ri.

Prekëm shumë tema me Kryeministrin dhe do të përgatisim një agjendë ambicioze bashkëpunimi, që do ta bëjmë publike gjatë vizitës së tij në Shqipëri, por mund të them qysh sot se do të sjellim në vendin tonë një ndër ekselencat më prestigjioze të shërbimit spitalor, qoftë si praktikë private e qoftë si praktikë partneriteti publik–privat, çka do të ndikojë shumë pozitivisht në rritjen e standardeve të shërbimit tonë publik spitalor.

The post Standardet në shëndetësi/ Edi Rama: Në muajt e parë të 2026 pres homologun nga Katari, sjellin një nga ekselencat në shërbimin spitalor appeared first on Albeu.com.

Sot në Kuvend i diskutua pa prezëncën e opozitës, Projektligji “Për një shtesë dhe disa ndryshime në ligjin nr. 60/2023, “Për trajtimin e veçantë të studentëve që ndjekin programin e integruar të studimit të ciklit të dytë “Mjekësi e Përgjitshme”, në institucionet publike të arsimit të lartë”.

Me 73 vota pro, mazhoranca votoi për punën e detyruar të studentëve të mjekësisë. Fillimisht u duk se studentët pas disa protestave fituan një betejë të vogël, pasi Gjykata Kushtetuese shfuqëzoi pjesërisht këtë ligj.

Kushtetuesja argumentoi se afati ishte jo proporcional, gjë që bëri që mazhoranca të ndryshonte nga 5 vite në 3 vite punën e detyruar për studentët e mjekësisë që fillojnë tani universitetin, 2 vite punë e detyruar për studentët e vitit të dytë dhe të katërt, dhe 1 vit punë për ata që janë në vitin e pestë dhe të gjashtë.

Në të kundërt, nëse studenti nuk pranon të nënshkruajë marrëveshje për të punuar në një institucion shëndetësor në Republikën e Shqipërisë, publik ose privat, nga data e lindjes të së drejtës për punësim me Ministrinë përgjegjëse për Arsimin, Ministrinë përgjegjëse për Shëndetësinë dhe institucionin e arsimit të lartë publik, paguan vlerën e plotë të kostos së studimeve që përllogaritet rreth 2400 euro viti shkollor.

The post Kuvendi miraton projektligji për punën e detyruar të studentëve të mjekësisë appeared first on Albeu.com.

Ndërsa Shqipëria është në nivelin e 70 punonjësve për 10 mijë banorë. Dendësia e mjekëve për 10 mijë banorë, arrin në 18, dy herë më pak se mesatarja e Evropës. Pak më mirë, Shqipëria paraqitet në numrin e infermierë, në 52 të tillë për 10 mijë banorë, nga 80 që është mesatarja e europës. Ndërsa për mami, Shqipëria është pranë nivelit europian.

Edhe pse nga viti në vit, kuotat e pranimit në universitetin e Mjekësisë janë rritur, sërish nevojat në vend mbeten të larta. Zonat e thella malore të Shkodrës, Elbasanit dhe Vlorës kanë nevojat më të mëdha për infermierë, logoped, mami dhe fizioterapist, teksa çdo vit, afro 1 mijë persona punësohen përmes portalit Infermierë për Shqipërinë.

Qeveria miratoi edhe disa ndryshime ligjore për të kushtëzuar studentët e Mjekësisë që të punojnë 3 vite në Shqipëri pas diplomimit, me qëllim që të plotësohen nevojat për mjekë, por ligji është në proces rishikimi pas rrëzimit të draftit fillestar nga Gjykata Kushtetuese.

Me mungesën e punonjësve të shëndetësisë po përballen edhe shumë vende të Bashkimit Europian dhe për këtë arsye Komisioni Evropian dhe OBSH nënshkruan një marrëveshje prej 1.3 milionë Eurosh për të ndihmuar shtetet anëtare që të mbajnë dhe tërheqin sa më shumë infermierë.

The post Mungesa për mjekë dhe infermierë/ Shqipëria, nën mesataren europiane për punonjës shëndetësie appeared first on Albeu.com.

Ndërkohë që e gjithë Shqipëria, me dekada është dëshmitare e skemave të ngjashme abuzuese të mjekëve në spitalet shtetërore, ministrja e Shëndetësisë dhe Mbrojtjes Sociale, Albana Koçiu duket e habitur nga ajo që i kanë dëgjuar veshët e i kanë parë sytë sot.

Madje ajo ka deklaruar se është e neveritur nga e gjithë kjo histori, duke e konsideruar këtë ngjarje “të paprecedentë”, ndërkohë që të gjithë e dinë se në fakt ajo që ështe zbuluar sot, është një praktikë e zbatuar me vite (dhe jo vetëm te Onkologjiku), dhe këtë e kanë vuajtur pa përjashtim të gjithë pacientët dhe të afërmit e tyre, por e dinë edhe të gjithë shqiptarët, përfshirë edhe ministrat.

Në deklaratën e shkurtët për mediat, ministrja Koçiu pasi shpreh neverinë për atë që ka ndodhur ne dikasterin që ajo drejton, nuk ka harruar edhe të shtojë “se personat përgjegjës do të ndëshkohen sipas ligjit”, ndërkohë nuk ka dhënë asnjë detaj se përse ajo dhe institucioni që ajo drejton, nuk kanë parandaluar apo nuk kanë zbuluar vet këto skema, por mjaftohet të bëj deklarata mbështetëse për Drejtësinë, pasi këto skema denoncohen në prokurori nga qytetarët. /albeu.com/

The post Ministrja e “neveritur” e Shëndetësisë që nuk e dinte se kjo gjë ndodhte me vite te Onkologjiku! appeared first on Albeu.com.

Në një raport të Organizatës Botërore të Shëndetësisë përllogaritet se shërbimet shëndetësore kanë një kosto prej 465 dollarë në vit, nga të cilat 277 dollarë një shqiptarë i paguan nga xhepi.

The post Falas, por paguajmë më shumë! Raporti i OBSH: Më shumë se gjysma e shpenzimeve për shëndetësinë dalin nga xhepi appeared first on Albeu.com.

Shpenzimet publike në sektorin e shëndetësisë për vitin 2022 janë 63.8 miliardë lekë. Në raport me Prodhimin e Brendshëm Bruto (PBB) ato arritën në 2.98% dhe kanë shënuar rënie vjetore me 0,44 pikë përqindje, ndërsa shprehur si përqindje ndaj shpenzimeve publike gjithsej, kanë shënuar rënie me 0,90 pikë përqindje, krahasuar me vitin 2021.

Shpenzimet buxhetore për shëndetësinë në raport me PBB-në ishin në nivelin më të ulët që nga viti 2017.

Ekonomia dhe kapacitetet buxhetore janë shtuar përgjatë dekadës së fundit, por financimet për shërbimet themelore shëndetësore, të tilla si rimbursimi i barnave dhe kujdesi parësor kanë mbetur në vendnumëro, në një kohë që nevojat për produkte farmaceutike dhe shërbime shëndetësore në një popullsi në plakje po rriten.

Treguesit zyrtare referojnë se brenda buxhetit të shëndetësisë ka shpërndarje jo të barabartë të fondeve.

Gati për një dekadë buxheti i rimbursimit të barnave ka mbetur thuajse në vend numëro në një kohë që të ardhurat buxhetore janë dyfishuar dhe burimet financiare të Fondit të Sigurimit të Detyrueshëm Shëndetësor (FDSKSH) janë rritur.

Në vitin 2013, shpenzimet për rimbursimin e barnave ishin sa 2,1% e shpenzimeve totale buxhetore, ndërsa në vitin 2024 ky raport u përkeqësua, pasi ato zënë vetëm 1,6% të totalit të shpenzimeve buxhetore.

Nga viti 2019 deri më 2024, buxheti i FSDKSH (struktura që financon shërbimet shëndetësore publike) është rritur me rreth 40%, ndërsa zëri i rimbursimit të medikamenteve vetëm 20%, sipas të dhënave zyrtare.

Në vitin 2019, fondi i rimbursimit zinte 24% të totalit të shpenzimeve të FSKDSH-së, ndërsa më 2024, vetëm 20.6%

Rritja e fondeve për shëndetësinë po thithet nga koncesionet PPP që dhanë për disa shërbime jothemelore në hetim për abuzime dhe deri tani ka disa të arrestuar.

P.sh., për koncesionin e shërbimeve laboratorike vitin që vjen janë planifikuar 1,85 miliardë lekë ose 42% më shumë se vlera e përcaktuar në kontratën fillestare.

Gjithashtu kontrata e sterilizimit do të financohet vitin që vjen me 1,75 miliardë lekë, nga 1,2 miliardë që ishin parashikuar pagesat vjetore në kontratë.

Nevojat e popullsisë për medikamente po rriten se tepërmi prej përhapjes sëmundjeve jo të transmetueshme dhe këtë e tregojnë edhe importet e barnave, të cilat u rritën me 70% nga viti 2013 deri më 2022. / Monitor

The post Shpenzimet e vitit 2022 për shëndetësinë në raport me PBB-në, në nivelin më të ulët që nga 2017 appeared first on Albeu.com.