Ky është përfundimi i një raporti të përgatitur nga ekspertë ndërkombëtarë për llogari të Dhomës Amerikane të Tregtisë, i cili paralajmëron se nënfinancimi i sektorit po sjell pasoja të rënda si në shëndetin e popullsisë, ashtu edhe në ekonomi.

Sipas raportit, mijëra shqiptarë humbin jetën para kohe për shkak të nivelit të ulët të investimeve publike në sistemin shëndetësor.

Përveç kostos njerëzore, dokumenti vlerëson se barra e sëmundjeve ul produktivitetin e forcës së punës, frenon inovacionin dhe shkakton humbje të konsiderueshme ekonomike.

Në vitin e kaluar, shpenzimet publike për shëndetësinë në Shqipëri ishin mesatarisht 330 euro për banor, një nivel rreth pesë herë më i ulët se në vendet e ngjashme të rajonit dhe dhjetë herë më i ulët se mesatarja e Bashkimit Evropian.

Ekspertët argumentojnë se rritja e fondeve publike për rimbursimin e barnave, zgjerimin e aksesit në terapi bashkëkohore dhe forcimin e programeve të depistimit dhe diagnostikimit të hershëm të sëmundjeve do të sillte përfitime të konsiderueshme.

Sipas tyre, nëse Shqipëria do t’i afrohej niveleve të financimit të vendeve të rajonit, ekonomia mund të gjeneronte mbi 560 milionë euro prodhim shtesë çdo vit.

Raporti rekomandon që qeveria të ndërmarrë një plan gradual për ta çuar financimin publik të shëndetësisë në 4% të Prodhimit të Brendshëm Bruto deri në vitin 2030, nga 2.9% që është aktualisht.

Për realizimin e këtij objektivi do të nevojiteshin 457 milionë euro financime shtesë.

Nga kjo shumë, 287 milionë euro do të përdoreshin për zgjerimin e rimbursimit të ilaçeve, terapive moderne dhe programeve parandaluese, ndërsa pjesa tjetër do të investohej në kujdesin shëndetësor parësor, mbështetjen për personelin mjekësor, mirëmbajtjen e infrastrukturës dhe investimet në dixhitalizim.

Autorët e raportit theksojnë se kjo nuk duhet parë si një barrë për buxhetin, por si një investim me kthim të lartë ekonomik, pasi përmirësimi i shëndetit të popullsisë ndikon drejtpërdrejt në rritjen e produktivitetit dhe zhvillimin ekonomik.

Edhe Organizata Botërore e Shëndetësisë vlerëson se vendet që shpenzojnë më pak se 3% të Prodhimit të Brendshëm Bruto për shëndetësinë janë ato që përfitojnë më shumë nga rritja e investimeve në këtë sektor.

Megjithatë, raporti evidenton se parashikimet e Programit Buxhetor Afatmesëm tregojnë një ulje të mëtejshme të peshës së shpenzimeve publike për shëndetësinë në raport me ekonominë.

Sipas autorëve, kjo qasje rrezikon të thellojë kostot sociale dhe ekonomike, në një kohë kur kërkohet rritje e investimeve në shëndetësi.

The post Raporti i Dhomës Amerikane të Tregtisë ngre alarmin: Mijëra shqiptarë humbin jetën para kohe për shkak të investimeve të ulëta në shëndetësi appeared first on Albeu.com.

Hykmete Bajrami, deputetja e sapozgjedhur nga radhët e Lidhjes Demokratike të Kosovës (LDK), ka shprehur kritika të forta ndaj gjendjes në sistemin shëndetësor, duke e cilësuar atë si pasojë të drejtpërdrejtë të qeverisjes së dobët dhe korrupsionit gjatë gjashtë viteve të fundit.

Në një dalje publike, Bajrami theksoi se realiteti i vendit nuk mund të matet përmes konferencave apo statistikave që ofron ekzekutivi, por duke parë nga afër kushtet brenda objekteve shëndetësore.

Ajo i ftoi qytetarët t’i drejtohen klinikave të Pediatrisë, Gjinekologjisë, Onkologjisë, Ortopedisë dhe asaj të Emergjencës për të dëshmuar vetë mungesat, radhët e tejzgjatura dhe sfidat e përditshme me të cilat ndeshen si pacientët, ashtu edhe personeli mjekësor.

Bajrami sqaroi se fajin për këtë realitet nuk e mbajnë mjekët dhe infermierët, të cilët vijojnë ta mbajnë në këmbë sistemin pavarësisht rrethanave të vështira të punës.

E zgjedhura e LDK-së drejtoi gishtin nga qeveria për keqadministrim të parasë publike, duke vënë në dukje se megjithë një buxhet vjetor prej rreth katër miliardë eurosh, sektori shëndetësor vuan vazhdimisht mungesë të barnave, materialeve mjekësore dhe furnizimeve elementare.

Sipas deputetes, në shëndetësi kryhen tendera me shuma të konsiderueshme për shërbime pastrimi, shtroja, ushqim dhe ilaçe, por pacientët ende ndeshen me mungesa thelbësore. Ajo solli në vëmendje edhe sinjalizimet për mungesën e terapisë për kancerin e gjirit në QKUK, duke pretenduar se pacientët janë të shtrënguar t’i sigurojnë vetë ato trajtime.

Bajrami theksoi se kjo gjendje mbart një emër të qartë, duke e ndërlidhur drejtpërdrejt me dukurinë e korrupsionit. Përgjegjësinë politike, sipas saj, e bart pushteti në detyrë, përfshirë edhe Komisionin parlamentar për Shëndetësi, në krye të të cilit qëndron kryeministri në detyrë Albin Kurti.

“Në rast se shëndetësia falimenton, nuk dështon thjesht një qeveri, por dështon i gjithë shteti”, u shpreh ajo.

Qëndrimet e saj erdhën vetëm një ditë pasi Qendra Klinike Universitare e Kosovës (QKUK) i mori me shumë seriozitet brengat e shprehura publikisht lidhur me eksperiencën e familjes së Aulona Memetit gjatë kurimit të të miturës në Klinikën e Pediatrisë. Rrjedhimisht, drejtori i QKUK-së ka urdhëruar krijimin e një komiteti ad-hoc, i cili po kryen një hetim të thelluar administrativ për të sqaruar të gjitha aspektet e ngjarjes.

The post Bajrami: Situata në shëndetësi është kritike, korrupsioni qëndron prapa saj appeared first on Albeu.com.

Hulumtimi ka nxjerrë në pah se gratë e prekura nga kjo sëmundje shfaqin një “gjurmë hormonale” specifike, ku dallohen nivele të larta të hormonit 11-ketotestosteron. Duke u mbështetur në këtë profil, studiuesit arritën të identifikojnë me saktësi pacientet me endometriozë dhe t’i ndajnë ato nga gratë që nuk e kanë këtë sëmundje.

Punën kërkimore e kryen shkencëtarët e Universitetit të Edinburgut, të cilët morën në shqyrtim mostrat e gjakut të 159 grave me endometriozë të konfirmuar dhe 57 grave të shëndetshme.

Aktualisht, diagnoza e endometriozës vendoset përmes ekzaminimit gjinekologjik, ekografisë, rezonancës magnetike ose laparoskopisë. Sipas Organizatës Botërore të Shëndetësisë, në disa raste mund të duhen deri në 12 vjet për ta përcaktuar diagnozën, ndërsa në Mbretërinë e Bashkuar koha mesatare e pritjes është më shumë se 9 vjet.

Sipas ekspertëve, ky test gjaku mund të sjellë një ndryshim të rëndësishëm në mënyrën si zbulohet sëmundja, duke e bërë të mundur diagnostikimin më herët, nisjen në kohë të trajtimit dhe zhvillimin e terapive të reja për pacientet me endometriozë.

The post Analiza e re e gjakut mund të shpejtojë diagnostikimin e endometriozës appeared first on Albeu.com.

Ndërkohë mësohet se “karrigen” e Spahos e ka zënë Anxhela Paparizo, e cila mesa duket ka vendosur që të rikthehet në Shqipëri pas një karrierë të gjatë larg atdheut.

Ndryshimet nuk ndalen vetëm në QSUT. Ministrja e re e Shëndetësisë, Evis Sala, ka ndërmarrë menjëherë disa lëvizje në strukturat drejtuese të ministrisë. Ajo ka shkarkuar nga detyra zëvendësministren Mira Rakacolli dhe në vend të saj ka emëruar Eugena Tominin.

Me këtë vendim, Tomini largohet nga drejtimi i Institutit të Shëndetit Publik dhe merr detyrën e re si zëvendësministre e Shëndetësisë.

Gjithashtu, me urdhër të ministres Sala, është liruar nga detyra edhe drejtoresha e Barnave në QSUT, Mirela Rexhepi. Deri në momentin e publikimit të këtij lajmi, ende nuk është bërë i ditur emri i personit që do ta pasojë në këtë pozicion.

The post Kush do zëvendësojë ish-deputetin në krye të QSUT, ministrja e re me “dorë të hekurt”, shkarkon Mira Rakacollin dhe emëron Tominin appeared first on Albeu.com.

“Do dyfishojmë buxhetin për shëndetësinë dhe arsimin”, deklaroi Berisha, duke shtuar se kjo është mënyra e vetme për të ndalur krizën në dy sektorët më jetikë të vendit.

Gjithashtu, Berisha theksoi se nuk do të ketë më mjekë e infermierë të papaguar denjësisht, duke premtuar rroga të dyfishuara dhe një pagë minimale prej 1500 eurosh për mësuesit.

Në përgjigje të mungesës akute të stafit mjekësor, Berisha u zotua se do të hapet një fakultet i dytë mjekësie, ndërsa do të rritet ndjeshëm numri i pranimeve në të dy institucionet përkatëse.

“Nuk përballohet më, eksodi i mjekëve ka krijuar një shterrim të frikshëm të personelit shëndetësor”, paralajmëroi ai.

Një tjetër pikë kyçe në planin e Berishës,  është ndarja e qartë mes sektorit publik dhe atij privat në shëndetësi, duke denoncuar bashkëpunimet “mafioze” që sipas tij, kanë degraduar sistemin.

“Aparaturat moderne janë të bllokuara me qëllim nga ata që duan të mbajnë të dobët sektorin publik”, u shpreh ai.

Berisha premtoi gjithashtu, që lista e barnave të rimbursueshme do të jetë identike me atë të Italisë dhe se në Shqipëri, nuk do të shitet asnjë ilaç që nuk është i certifikuar në të paktën dy vende të Bashkimit Evropian. “Garantojmë cilësinë dhe kapshmërinë e ilaçeve për çdo qytetar”, tha ai.

Duke kritikuar drejtimin aktual të Ministrisë së Shëndetësisë, Berisha e quajti atë “drejtimin më injorant dhe të paskrupullt në historinë e vendit”.

Kreu demokrat, krahasoi figurat aktuale me drejtues të shëndetësisë në periudha më të vështira të historisë së vendit, duke theksuar se edhe në diktaturë, “ministrat kishin integritet dhe dije”.

The post Berisha premton revolucion në Shëndetësi dhe Arsim: Dyfishim buxheti dhe rroga më të larta appeared first on Albeu.com.

Opozita kërkoi zgjatjen e afatit për Komisionin Hetimor, për shërbimet publike të sterilizimit dhe të check-up në shëndetësi, por socialistët janë kundër.

Deputeti i PS-së Plarent Ndreca, tha se dëshmitarët janë ezauruar dhe sipas tij është kryer hetim i plotë.

Kujtojmë se ditën e djeshme, deputetja socialiste Edona Bilali, shkoi deri aty sa kërkoi që Vilma Nushit mos i përmendej edhe emri, por t’i referoheshin me iniciale V.N. edhe pse ajo ka marrë miliona euro nga lekët e taskapaguesve shqiptarë përmes një koncesioni të komnsideruar abuziv.

Pjesë nga diskutimi:

Vokshi: Nuk kemi asnjë përgjigje nga policia e shtetit dhe asnjë njoftim dhe përgjigje nga ana e shtetasve italianë të thirrur në Komision. Ata janë aksionerë të një kompanie që ka një koncesion dhe paguhet nga taksat e shqiptarëve dhe kanë detyrë të paraqiten në komision.

Dhe pronari i 3P life ka njoftuar që ndodhet jashtë vendit dhe vjen nesër mbrëma vonë dhe është i gatshëm të paraqitet në komision të enjten. Të enjten është dhe afati i fundit i komisionit. Kemi pothuajse 10 dëshmitarë dëshmia e të cilëve është e pamundur të ezaurohet ditën e sotme në mënyrë që ditën e nesërme të miratohet raporti dhe pastaj të vijonte me miratimin e seancës plenare. Gjithashtu ne si deputetë të opozitës kemi kërkuar që të paraqiten që ditën e parë znj. Vilma Nushi, kryeministri Edi Rama.

Kemi dy kërkesa që të paraqiten për dëshminë e tyre. Janë dëshmi kyçe. Gjithashtu kemi dhe shtetasin Artan Lleshi, z. Biba të cilët janë punonjës të kom koncesionare të sterilizimit Sani Service dhe z. Arben Gjata. Janë minimalisht 10 dëshmitarë që dëshmia e tyre të realizohet. Si kryetare komisioni dhe duke u konsultuar me kolegët e mi deputetë, dua të informoj që e konsideroj të paplotë punën e komisionit hetimor, dëshmi të paezauruara. Janë kërkuar një sërë faktesh provash të cilat nuk i janë vënë në dispozicion këtij komisioni. Unë do doja të shqyrtojmë për të vendosur se çfarë do bëjmë me komision. Ne e gjykojmë që të këkrojmë një shtyrje tjetër. Ligji nuk e përcakton sa shtyrje, por të ezaurohen të gjithë hapat para se të mbyllet puna e këtij komisioni.

Ndreca: Z. Fani ka çuar një e-mail që është jashtë shtetit. Pasi të përfundojë procedura me dy dëshmitarë duhet të diskutojmë si ta marrim dëshminë e z.Fani në mënyrë që të mos humbim dhe afatin e komisionit. Sa i përket tre shtetasve italianë, nuk është se kemi një instrument juridik për t’i detyruar që të vijnë dhe dëshmojnë para komisionit sa kohë nuk i nënshtrohen juridiksionit shqiptar. Sa i përket emrave të tjerë që janë të padakordësuar, unë mendoj se nuk kemi përsërisim të njëjtin debat. Ne kemi rënë dakord për ca dëshmitarë dhe këta janë ezauruar, dhe janë pyetur dëshmitarët më të rëndësishëm, përveç z. Fanit. Sa i përket afatit të komisionit mendoj që absolutisht nuk ka më asnjë vend për ta shtyrë më. Kemi kryer hetim të plotë, të gjithanshëm.

Sot kemi dhe dëshmitarin kryesor, z.Beqaj i cili besoj më shumë se kushdo tjetër do japë të dhëna, dëshmi për procedurat që janë objekt i këtij komisioni hetimor. Unë mendoj që të fillojmë pa humbur kohë me pyetjen e z.Beqaj.

Vokshi: Z. Beqaj është një prej dëshmitarëve, as më kryesori, as më i rëndësishme. Të pranohet të shkelet afati që të vijë Fani dhe të mos vijë Vilma Nushi, e cila është përfituese direkte dhe indirekte sepse vetëm divident ka marrë 1.7 mln euro do të thotë që keni porosi direkte për ta mbrojtur.

E lëshuat dhe Ilir Beqajn, por Vilma Nushin jo. Vilma Nushi nuk del mbi ligjin. Vendimi i GJK e ka të qatë që nuk i mohohet deputetëve të opozitës kërkesa për çdonjërin dëshmitar që mendohet se është kyç për ecurinë e këtij komisioni. Unë kam kërkesat e deputetëve për të dhënë dëshminë Vilma Nushi, Edi Rama dhe sigurisht Fani./B.news

The post PS në mbrojtje të Vilma Nushit, “dëshmitares kyçe” të chek-up në shëndetësi appeared first on Albeu.com.

Me urdhër të ish-ministrit Ilir Beqja, në janar 2016, ata mjekë familjeje që nuk plotësojnë numrin e analizave të “Check-up”, të alternuara mes moshave 35-70 vjeç, gjobiten me 1 pagë mujore.

Hetimi i SPAK për “Check-up” e vërtetoi këtë skandal, por dhe shefat e Fondit të Sigurimit Shëndetësor, pranuan, se për shkak të këtij presioni banditesk gjobash e largimi nga puna, mjekët e familjeve janë detyruar të deklarojnë numër fiktiv analizash me lista emërore false.

Me këtë mashtrim, Vilma Nushi ka përfituar nga 4-6 milionë Euro në vit, ose afro 55 milionë Euro për punë të pa kryer gjatë viteve 2015-2023, të cilat Fondi i Kujdesit Shëndetësor i ka paguar, megjithëse e ka ditur që 40% e numrit të analizave nuk janë kryer realisht, madje ka marrë dhe nga 1-2 milionë Euro TVSH çdo vit, kur kjo PPP nuk duhet të marrë rimbursim.

Krimi tjetër me pacientët, i zbuluar në Fondin e Kujdesit Shëndetësor, bëhet me sasinë dhe cilësinë e ilaçeve kryesore e të sëmundjeve të rënda, që marrin qendrat spitalore e spitalet rajonale; me sasinë e llojet e ilaçeve që rimbursohen dhe numrin e të sëmurëve të rimbursuar.

Krimi është ky: Me urdhër të Ministrisë së Shëndetësisë, për çdo 1 mijë pacientë me sëmundje të rënda, ilaçet sigurohen vetëm për 100 pacientë; ndërsa në çdo 1 mijë pacientë me sëmundje kronike, në listën e rimbursimit futen 300 të sëmurë, sepse për kaq ka akorduar fond qeveria.

Shefat e Fondit të Kujdesit Shëndetësor, pranuan se numrin e pacientëve dhe llojet e ilaçeve që do jepen me ribursim, i caktojnë mjekët e familjeve; por ata janë urdhëruar, që në receta t’u shënojnë vetëm 30-40% të sasisë së ilaçeve e vetëm ato ilaçe me çmime të lira.

Mjekët janë urdhëruar, të mos shtojnë asnjë të sëmurë kronikë në lista rimbursimi, pa hequr aq sa të sëmurë do shtojnë; por dhe të mos japin për rimbursim, asnjë ilaç të sëmundjeve të rënda.

Sepse për kaq sasi e lloje ilaçesh akordon fonde qeveria, ndërsa kur nuk ka ilaçe, janë urdhëruar të vonojnë me 10 ditë deri në 2 javë, dërgimin e recetave elektronike nëpër farmaci, duke mashtruar pacientët me refrenin: “Nuk punon sistemi i Fondit të Kujdesit e Sigurimit Shëndetësor”!

Krimi tjetër që bëhet ndaj të sëmurëve me kancer dhe ndaj të sëmurëve të tjerë spitalor, është mungesa e ilaçeve të shtrenjta në QSUT, Spitalin e Fëmijëve, Onkologjik, Spitalin e Traumës,  Spitalin “Shefqet Ndroqi”, 2 qendrat spitalore Obstreti-Gjinekologji dhe në 12 spitalet rajonale, ku qeveria financon vetëm 35-40%  të sasisë së tyre, pa llogaritur vjedhjet me tenderët.

Vlera financiare për të furnizuar spitalet me krejt nevojat për ilaçe, duhet të jetë mesatarisht 155 milionë Euro në vit, ndërsa qeveria akordon vetëm 67 milionë Euro në vit, duke detyruar mjekët, të bëjnë pazare me ryshfete dhe pacientët t’i blejnë ilaçet te farmacitë private./Pamfleti

The post Raportimi i Fondit Shëndetësor zbulon krime të tjera ç’njerëzore me ilaçet dhe vjedhjet me Check-up appeared first on Albeu.com.

Zhupa theksoi se Partia Socialiste, kërkon që të mbyllë një vjedhje galopante prej 200 milionë euro në kurriz të shqiptarëve.

Ajo shtoi se mazhoranca po bën gjithçka që anëtarët e saj mos të hetohen.

“Kishim një konferencë për atë që ndodhi dje në Komisionin Hetimor për koncesionet në Shëndetësi. Nuk kishte ndodhur ndonjëherë që të bëhen 4 orë diskutime. Mazhoranca kërkon të hetojë që nga viti 2006, ndërkohë që koncesionet e Chek Up-it nuk kanë ekzistuar në atë kohë. PS kërkon t’i vërë kapak një vjedhjeje 200 milionë euro në kurriz të shqiptarëve. Maxhoranca po bën gjithçka që mos hetohen koncesionet. Ditën e martë do të mblidhemi sërish dhe uroj që deri të martën të jetë anuluar ajo që u vendos në mbledhje, ku mazhoranca vendosi si mos të hetojë afera të rënda”, tha Zhupa.

Gjithashtu,  Zhupa komentoi edhe faktin që Gjykata Kushtetuese rrëzoi kërkesën e opozitës për mosdhënien me koncesion të Butrintit.

Ajo nënvizoi se GJK nuk dha asnjë argument bindës, duke thënë se për këtë rast do i drejtohet SPAK-ut.

“Gjykata Kushtetuese në vendimin e saj nuk dha asnjë argument që të jetë bindës. GJK nuk u ngrit në nivelin e seriozitetit që i takon. Kushtetuesja gjykoi ndryshe nga UNESCO. GJK duhet t’ju thotë shqiptarëve se përse nuk mori në shqyrtim shkeljen e Kushtetutës nga Elva Margariti. Ne ju kemi thënë se ka edhe shkelje ligjore. GJK nuk shqyrtoi Kartën Europiane të Autonomisë Vendore. Gjykata Kushtetuese tregoi se nuk ka profesionalizmin për të mbrojtur diçka që ka interes kombëtar. Pasi të jetë publikuar vendimmarrja e plotë, ne çështjen do ta dërgojmë në SPAK. E katandisën pasurinë tonë kombëtare në pasuri koncesionare”, deklaroi Zhupa.

The post Komisioni Hetimor për Koncesionet në Shëndetësi, Zhupa: PS kërkon të mbyllë një vjedhje 200 mln euro appeared first on Albeu.com.

Partia Socialiste, do të kthehet në tryezën e punës dhe ka gati edhe propozimin për planin paraprak të hetimit.

Mazhoranca do të propozojë përfshirjen në planin e hetimit parlamentar të vizitave në terren për të parë nga afër sesi janë zbatuar kontratat: ajo e check-upet dhe sterilizimit, si dhe intervista të ndryshme me stafin dhe pacientët.

Struktura organizative e Planit Hetimor ka 7 hapa si më poshtë.

Hapi 1: Përcaktimi i Qëllimeve dhe Objektivave të Hetimit

Hapi 2: Përcaktimi i Kufijve dhe Juridiksionit të Hetimit

Hapi 3: Strukturimi i Ekipit Hetimor

Hapi 4: Planifikimi i Procesit të Mbledhjes së provave

Hapi 5: Seanca të Dëgjimit dhe Analizë

Hapi 6: Raportimi dhe Rekomandimet

Hapi 7: Ndërmarrja e Veprimeve të Mëtejshme

Drafti i ekspertëve të mazhorancës ka të përcaktuar qartë edhe kalendarizimin e Planit Hetimor,  duke iu përmbajtur afatit 4 mujor të miratuar nga Kuvendi.

The post Sot rinis punën Komisioni Hetimor për PPP-të në Shëndetësi/ Ja plani i propozuar nga PS appeared first on Albeu.com.

Pas 4 mbledhjesh të dështuara, opozita dhe mazhoranca pritet t’i drejtohen sërish të martën tryezës së Komisionit për ta vijuar punën aty ku e lanë, me tentativën e parë për të gjetur dakordësinë për planin paraprak të hetimit e kërkesat e dakordësuara për informacion.

Zhbllokimi i punës në Komisionin Hetimor për koncesionet në shëndetësi vjen pasi opozita kërkoi ndërhyrjen e Lindita Nikollës dhe pas një takimi që kreu i grupit parlamentar Gazment Bardhi pati me kryeparlamentaren, takim në të cilin u informua se nuk ka një vendim politik të PS për të bojkotuar punën e komisioneve hetimore, por se palët duhet të gjejnë gjuhën e përbashkët brenda komisionit.

Partia Socialiste refuzonte të merrte pjesë në Komision prej 4 mbledhjesh, me argumentin se kryetarja Albana Vokshi e kishte kthyer në një proces partiak hetimi dhe se merrte vendime për të thirru mbledhjen, në mënyrë të njëanshme.

Komisioni Hetimor I Koncesioneve në Shëndetësisë ka hartuar deri më tani vetëm listën e dëshmitarëve, ku do të thirret si dëshmitar kryeministri Edi Rama ish ministrat Beqaj e Manastirliu, ministrja Albana Koçiu e të tjerë funksionarë apo ish funksionarë të lartë të ministrisë së shëndetësisë.

Ky komision po heton koncesionet e check-up dhe sterilizimit ndërsa është tërhequr nga hetimi i hemodializës dhe laboratorëve mjekësorë.

The post Zgjidhet ngërçi! Pas 4 mbledhjeve të dështuara, të martën rinis komisioni i Shëndetësisë! PS refuzonte të merrte pjesë: Vokshi ‘hetim’ partiak appeared first on Albeu.com.