Sipas një burimi pranë grupit hetimor, ARRSH pritet t’i dorëzojë dokumentet brenda një jave, për shkak se bëhet fjalë për materiale voluminoze, raporton gazetarja Klodiana Lala.

“Po hetojmë pjesën që lidhet me aksin ekzistues, konkretisht tenderin e mirëmbajtjes së rrugës. Pra, po shohim mënyrën sesi është zhvilluar procedura e tenderit dhe termat e kontratës së lidhur mes Autoritetit Rrugor Shqiptar dhe kompanisë fituese”, tha një burim pranë grupit të hetimit.

Grupi hetimor është ndalur po ashtu edhe tek pjesa e ndërtimit të rrugëve provizore, të cilat përdoren përkohësisht derisa të përfundojë ndërtimi i aksit.

Prokuroria po heton edhe lidhur me lejen për marrjen e inerteve në Shkumbin dhe zbatimin e saj, pasi është konstatuar se lumi po shfrytëzohet masivisht në disa zona.

Referuar të dhënave të Open Data, rezulton se tenderi i mirëmbajtjes, është fituar nga kompania InfraKonsult e Redi Strugës.

Nga verifikimet e para rezulton se kompania nuk i ka përmbushur detyrimet kontraktore, duke qenë në shkelje të ligjit dhe për pasojë dyshohet të ketë ndodhet dhe shembja e aksit që bllokoi juglindjen e vendit.

Prokuroria po heton për veprat penale “Shpërdorim i detyrës”, “Shkelje e barazisë në tendera apo ankande publike”, “Shkatërrimi i rrugës”, “Ndotja e ajrit, ujit apo tokës”.

Situata në segmentin rrugor është normalizuar, por problemi mbetet evident. Për ditë me radhë, automjetet nuk qarkullonin në aks, për shkak të rrëshqitjes së tokës dhe fundosjes së urës.

The post Shembja e aksit Librazhd-Prrenjas/ Prokuroria i kërkon ARRSH tenderin për mirëmbajtjen e rrugës, në hetim kompania “InfraKonsult” e Redi Strugës appeared first on Albeu.com.

Defekti kërkon një zgjidhje inxhinierike krejt të re për t’u stabilizuar dhe për t’u riparuar, teksa specialisti i infrastrukturës e konsideroi dëmtimin më seriozin që ka ndodhur së fundmi.

Sipas tij, janë dy zgjidhje. I pari të ndërtohet një viadukt i ri që kërkon shumë kohë dhe ndryshim projekti nga fillimi, ose zgjidhja tjetër është gërryerja deri në themele e masës së dheut që është shembur.

Kompania ANK, që ishte kontraktuar për të kryer punimet, po merr në konsideratë variantin e dytë duke gërryer dheun dhe më pas të bëjë një trase te re.

Por masa e shembur përfshin volume të mëdha punimesh dhe gjithsesi kërkon shumë kohë. Të gjitha variantet e riparimit kërkojnë disa muaj, tha inxhinieri, i cili shtoi se mund të hapet një kalim emergjent, por nuk është i sigurt për automjete të rënda dhe kamionë.

Sipas vlerësimeve paraprake teknike, rrëshqitja e fundit është tërësisht e induktuar dhe lidhet drejtpërdrejt me ndërhyrjet e mëvonshme në zonë, përfshirë punimet për segmentet e autostradës së Korridorit VIII.

Eksperti i ARRSH-së, tha se ndërhyrjet në terren kanë rënduar ndjeshëm masivin shkëmbor dhe kanë krijuar presion shtesë mbi strukturën ekzistuese të rrugës.

Ndërhyrjet kanë ngarkuar shpatullat e rrugës, ndërsa janë gërryer themelet nga përdorimi i materialit lumor, një zgjidhje që konsiderohet e gabuar nga pikëpamja inxhinierike dhe që ka ndikuar në de-stabilizimin e terrenit.

Ura që u shemb është ndërtuar në vitin 1997, ka qenë në gjendje shumë të mirë përpara ndërhyrjeve të fundit, ç`ka forcon elementet se dëmtimi aktual lidhet me ndërhyrjet e fazave të reja të punimeve në zonë.

Eksperti paralajmëroi se stabilizimi i masivit dhe rikthimi i sigurisë në këtë aks do të kërkojë ndërhyrje të thelluara gjeoteknike dhe kohë të konsiderueshme, për shkak të kompleksitetit të terrenit dhe shkallës së dëmtimit.

Zgjidhja kërkon kohë, pasi nuk është dëmtuar vetëm sipërfaqja e rrugës, por është destabilizuar i gjithë masivi ku ajo mbështetet.

Për këtë lloj dëmi, së pari kërkohet studim i ri gjeologjik dhe gjeoteknik. Duhet analizuar në thellësi lëvizja e masivit, niveli i ujërave nëntokësore, presionet anësore dhe stabiliteti afatgjatë i shpatit. Kjo fazë kërkon kohë për matje, monitorim dhe projektim të zgjidhjes, tha inxhinieri.

Masivit i janë gërryer bazat dhe tani nevojiten mure mbajtëse të thelluara, pilota, drenazh i ri ose edhe devijim i pjesshëm i trasesë. Këto ndërhyrje nuk janë të shpejta dhe kërkojnë kohë, shtoi ai.

Sipas tij, kompleksiteti i terrenit malor i komplikon zgjidhjet. Aksi Elbasan–Librazhd, kalon në zona me formacione të paqëndrueshme gjeologjike.

Çdo ndërhyrje duhet të bëhet me kujdes për të mos shkaktuar lëvizje të tjera zinxhir. Projekte të tilla kërkojnë rishikim fondesh, tenderim të ri ose procedura emergjente, që zakonisht zgjasin, tha ai.

Nëse zgjidhja nuk bëhet e plotë dhe strukturore, rreziku i përsëritjes mbetet i lartë. Ai tha se në rastin më optimist riparimi bëhet për 6 muaj deri në një vit.

Segmenti aktual Librazhd–Qukës, 25 kilometra i gjatë, u përfundua në vitin 2001 nga kompania Mavrovo, e cila kishte ndërtuar rrugë në republikat e ish-Jugosllavisë.

Punimet u mbikëqyrën nga kompania italiane Lotus, e cila në vetvete ka qenë një shkollë për kompanitë e supervizimit në Shqipëri për shkak të standardeve të larta që kërkonte nga ndërtuesit në procesin e punimeve.

Edhe pse rruga nuk ka pasur mirëmbajtje rutinë, siç e kërkojnë standardet, ajo dhe ura që u shemb kanë qenë në gjendje shumë të mirë para se të nisin punimet për aksin e ri të Korridorit VIII./monitor

The post Shembja në aksin Librazhd–Prrenjas, riparimi i rrugës pritet të marrë një kohë të gjatë appeared first on Albeu.com.

Shkak është bërë prishja e segmentit rrugor që ndiqej si itinerar i zakonshëm për lëvizjen Qafë Thanë–Elbasan.

Për pasojë, shumë kamionë janë detyruar të ndryshojnë rrugëkalim dhe të kalojnë tranzit nëpër territorin e Maqedonia e Veriut, ç`ka ka sjellë rritje të menjëhershme të fluksit në pikën kufitare dhe krijimin e pritjeve.

Ata thonë se pritja është e vështirë, ndërkohë kanë mbetur edhe pa bukë dhe ujë.

“Pritja është bërë e vështirë edhe në kemi familje dhe fëmijë. Kemi katër ditë këtu saktësisht, kemi mbetur edhe pa bukë, edhe një më ka mbetur. Do hamë atë tani. Po flemë në kabinë. Nga këtu do iki në Durrës. Shpresojmë të hapet rruga nga pala shqiptare, atë po presim”, tha njëri prej tyre.

“Kemi që të dielën këtu që presim. Moti është i ftohtë. Po presim të hapet rruga dhe të ikim, kemi mbetur pa bukë, pa ujë. Shpenzimet sipas kompanisë janë të mëdha, po problemet janë të mëdha, ne nuk dimë më shumë. Shpresojmë të hapet rruga dhe të ikim, s’kemi çfarë të bëjmë”, tha një tjetër shofer.

Sipas autoriteteve shqiptare, gjatë 24 orëve të fundit në Qafë Thanë kanë hyrë 1510 shtetas dhe kanë dalë 1703 shtetas, një tregues i rritjes së lëvizjes në këtë pikë kufitare, e cila po përballon një volum më të lartë se zakonisht si pasojë e devijimeve të detyruara të trafikut.

The post Shoferët turq të bllokuar nga shembja e rrugës në Librazhd: Kemi mbetur pa bukë e ujë, na presin fëmijët në shtëpi appeared first on Albeu.com.

Siç shihet nga pamjet me dron, në vendin “Arrat e Gurrës” toka ka pësuar rrëshqitje masive të dherave, ndërsa janë dëmtuar edhe urat e ngritura gjatë ndërtimit të rrugës së re dytësore.

Nga pamjet shihet se si ka devijuar rruga, ndërsa një pjesë e asfaltit është thyer dhe është spostuar në anë të lumit Shkumbin, duke e bërë të rrezikshme lëvizjen e qytetarëve.

Kujtojmë se rruga do të hapej sot në mesditë për automjetet, por duket se kjo gjë nuk do të ndodhë.

The post Ura të shembura dhe rrëshqitje masive dherash, pamje nga rruga e shkatërruar Prrenjas-Librazhd (VIDEO) appeared first on Albeu.com.

Sipas Berishës, kjo tregon dështimin e qeverisë në infrastrukturë dhe shkëputjen nga realiteti i qytetarëve.

Reagimi i plotë:

Kryehajduti gjen zgjidhjen, pasi akset e juglidjes janë shembur ai i hipen helikopterit për të shkuar në Korçë!

The post Berisha: Rama ‘fluturon’ në Korçë me helikopter pasi u shembën akset appeared first on Albeu.com.

Në një video të publikuar në rrjetet sociale, ai deklaron se dëmtimi i strukturës ka ardhur si pasojë e ndërhyrjeve në shtratin e lumit për përfitime private, duke minuar themelet e urës.

Sipas Salianjit, kjo nuk është një fatkeqësi natyrore, por rezultat i korrupsionit dhe keqmenaxhimit të infrastrukturës.

Më tej, ai thekson se çdo dëmtim i akseve rrugore, është provë e dështimit të qeverisjes dhe kërkoi përgjegjësi për sigurinë e qytetarëve.

Reagimi:

Korrupsioni dhe babëzia e kanë kthyer në torturë lëvizjen e qytetarëve në të gjitha akset Elbasan–Korçë.
Sot isha në Dragostunjë. Aty ku grykësia për të fituar pa fund ka bërë që të “kafshohet” shtrati i lumit, duke minuar themelet, duke thërrmuar betonin mbajtës dhe duke çuar drejt shkatërrimit një urë jetike për zonën.

Kjo nuk është fatkeqësi natyrore. Është pasojë direkte e një modeli qeverisjeje ku lejohet shkatërrimi i lumenjve për përfitime private, ndërsa qytetarët mbeten pa siguri, pa infrastrukturë dhe pa përgjegjës. Çdo metër i dëmtuar është provë e korrupsionit.

Çdo urë e rrezikuar është dëshmi e dështimit. Shqipëria nuk ka nevojë për propagandë. Ka nevojë për përgjegjësi. Shqiptarët kanë nevoje për siguri!

The post Shembja e urës në aksin Librazhd-Pogradec/ Denoncimi i Salianjit: Pasojë e korrupsionit, jo fatkeqësi natyrore (VIDEO) appeared first on Albeu.com.

Ajo shprehet se kjo është një papërgjegjshmëri e treguar nga institucionet dhe braktisje e shtetit për qytetarët.

“Rruga mes Prekalit dhe Urës së Shtrenjtë (Shkallë Logje), që lidh tre njësitë e Dukagjinit, si dhe shembja tjetër tek Gështenja e Thaçit, mbi fshatin Kir, që lidh Pultin me Shoshin. E gjithë zona aktualisht është pa energji elektrike”, shprehet ajo.

The post Shembja e rrugës izolon Dukagjinin, denoncimi i deputetes së PD: Qytetarët në rrezik nga papërgjegjshmëria e shtetit appeared first on Albeu.com.

Shpërthimi i kontrolluar, i kryer në orën 07:30, përfshiu 410 furnela dhe 1.100 metra linearë fitil detonant.

Për arsye sigurie, rruga Vlorë–Orikum u bllokua përkohësisht, ndërsa furnizimi me energji elektrike u ndërpre 15 minuta para operacionit.

Por duket se shpërthimi me 32 kg tritol në pikë të mëngjesit, ka shqetësuar turistët. Në videot e publikuara nga mediat, ata kanë dalë në ballkone të tromaksur.

Duket se shpërthimi ka shkaktuar edhe një ndotje masive rreth zonës bregdetare, ku sasi të mëdha pluhuri janë përhapur./B.news

The post Shembja me tritol e objektit tre katësh në Vlorë/ Momenti kur turistët dalin në ballkone të tronditur nga shpërthimi (VIDEO) appeared first on Albeu.com.

Sipas raportimeve të gazetarit Senad Nikshiqi, janë shtuar forcat e policisë, të cilat janë vendosur në formacion sigurie përgjatë zonës ku po zhvillohet ndërhyrja.

Po ashtu, në vendngjarje ndodhen mjete të rënda (fadroma), të cilat po vijojnë me shembjen e objekteve të evidentuara si të ndërtuara në kundërshtim me ligjin.

Kjo është dita e gjashtë e aksionit që ka nisur në bazë të një urdhri të lëshuar nga Kryeministri, në funksion të mbrojtjes së territorit dhe ligjshmërisë në zonat e mbrojtura.

Gjatë ditës së djeshme, aksioni u shoqërua me tensione mes banorëve dhe forcave të rendit, ndërsa janë regjistruar përplasje verbale dhe momente përshkallëzimi.

Ndërhyrja në zonën e Thethit, ka nxitur edhe reagime nga subjekte politike dhe përfaqësues të komunitetit fetar.

Kisha Katolike në Shkodër, ka bërë thirrje për ruajtje të qetësisë, dialog dhe komunikim mes banorëve dhe institucioneve përgjegjëse, në mënyrë që situata të menaxhohet pa përplasje.

The post Aksioni i shembjeve të ndërtimeve pa leje në Theth/ Policia në rresht, fadromat vijojnë punën (VIDEO) appeared first on Albeu.com.

Grupeve të kërkim-shpëtimit i janë shtuar edhe ekipe nga Forcat e Sigurisë së Kosovës, të cilët kanë mbërritur këtë të mërkurë pranë vendit ku po zhvillohen kërkimet.

Deri tani nuk është gjetur asnjë shenjë e 29-vjeçarit, por vetëm mbetje të mjetit eskavator me të cilin ai po punonte në momentin që u rrëmbye nga rrjedha e ujit dhe inerteve si pasojë e çarjes së një prej rezervuareve të filtrimit të ujit.

Kërkimet po bëhen me mjete të rënda, me krah nga ana e ushtrisë si dhe me anë të disa aparaturave që detektojnë trupa nën tokë.

The post Ende asnjë gjurmë nga Ardit Beshiri, vijnë në ndihmë Forcat e Sigurisë së Kosovës appeared first on Albeu.com.