Në video-incizime është parë që tribuna prej druri, me tri nivele, dhe e mbushur me spektatorë, ka rënë në stadiumin El Espinal.

Një dem është parë duke lëvizur teksa njerëzit kanë ikur në panik.

Ngjarja tradicionale, e njohur në Kolumbi si “correlaja” përfshin anëtarë të publikut, të cilët duhet të hyjnë në ring për të tërhequr vëmendjen e demave.

Në mesin e të vdekurve janë dy gra, një burrë dhe një fëmijë, ka thënë guvernatori i Tolimas, Jose Ricardo Orozco.

Autoritetet shëndetësore rajonale kanë thënë se 322 njerëz janë duke u trajtuar, ndërsa katër prej tyre janë në kujdes intensiv.

Organizimi i së dielës ka qenë pjesë e festivalit shumë të njohur San Pedro.

Presidenti në shkuarje Ivan Duque, ka thënë se do të ketë hetime për rastin, derisa presidenti i zgjedhur, Gustav Petro, u ka bërë thirrje autoriteteve lokale që të ndalojnë organizime të tilla.

“U kërkoj kryetarëve që të mos lejojnë më shumë organizime që përfshijnë vdekjen e njerëzve apo kafshëve”, ka thënë ai.

Sipas tij, kjo nuk është hera e parë që kanë ndodhur incidente të tilla./REL

The post Shembja e tribunës në garën me dema, rritet bilanci i viktimave dhe i të plagosurve appeared first on Albeu.com.