Prokuroria pranë Gjykatës së Shkallës së Parë të Juridiksionit të Përgjithshëm Korçë, mbylli hetimet dhe dërgoi në gjyq shtetasit Shefki Bylykbashin, i akuzuar për kryerjen e veprës penale të “Vrasje për shkak të marrëdhënieve familjare” si dhe shtetasen H.B. për kryerje të veprës penale “Deklaratat e rreme para oficerit të policisë gjyqësore”, parashikuar nga neni 305/ i Kodit Penal.

Shefki Bylykbashi akuzohet për vrasjen e djalit.

Nga tërësia e provave të grumbulluara gjatë hetimit për procedimin penal nr.126/2023, rezulton e provuar se në datën 17.02.2023, rreth orës 16:00, është marrë njoftim se në Urgjencën e Spitalit Rajonal Korçë, ishte transportuar me autoambulancë për të marrë ndihmë mjekësore shtetasi Hamdi Bylykbashi, me dëmtime në pjesën e kokës.

Ky shtetas, pak çaste më vonë, ka ndërruar jetë në ambientet e reanimacionit të këtij spitali. Sipas pretendimeve të para të familjarëve, ai ishte rrëzuar dhe kishte vrarë kokën, në oborrin e banesës, duke qenë në gjendje të dehur.

Nga veprimet hetimore, rezultoi se ngjarja e paraqitur si aksidentale, në fakt ishte ngjarje kriminale dhe në orën 02:00, të datës 18.02.2023, u bë arrestimi në flagrancë i babait të viktimës, shtetasit Sh. B., si i dyshuar për kryerjen e kësaj vepre penale, konkretisht “Vrasja për shkak të marrëdhënieve familjare”, parashikuar nga neni 79/c i K.Penal”, i cili pranoi autorësinë e krimit.

Është marrë deklarim nga shtetasia H.B., mamaja e viktimës, e cila ka deklaruar se i biri është kthyer nga Franca pasi është divorcuar me të shoqen dhe që atëherë konsumonte shumë alkool.

Ajo ka qenë me bashkëshortin në banesë kur ka dëgjuar zhurmën e derës së oborrit. Ata kanë dalë dhe kanë parë Hamdiun, i cili ishte i gjakosur nga koka dhe ata e kanë futur në shtëpi. Çka nuk rezultoi e vërtetë.

Nga tërësia e veprimeve hetimore të kryera dhe aktet e administruara në fashikullin e procedimit penal, rezulton e provuar se shtetasi Sh. B., ka konsumuar elementët e veprës penale të parashikuar nga neni 79/c i Kodit Penal, pasi me veprimet e tij aktive, të kundërligjshme, të kryera me dashje, ka vrarë djalin e tij, shtetasin H.B.

Në rastin konkret, autori me dashje dhe me vullnet të plotë si dhe me qëllimin për ta vrarë, ka goditur djalin e tij në kokë, disa herë.

Ai ka marrë dhe ka përdorur çekiç gurësh dhe dru zjarri si armë të krimit dhe pasi i ka dhënë goditjet fatale të birit, është përpjekur ta mbulojë krimin si vetëdëmtim të viktimës, duke përforcuar idenë që veprimet e tij në drejtim të vrasjes të të birit kanë qënë të vullnetshme dhe të qëllimta për të sjellë pasojën e dëshiruar, humbjen e jetës të të birit.

Bazuar në kërkesat e nenit 331 të K.Proc.Penale Prokuroria pranë Gjykatës së Shkallës së Parë Korçë, kërkoi:

Dërgimin në gjyq të çështjes penale Nr.126/2023 me të pandehur shtetasin Sh. B., akuzuar për kryerjen e veprës penale të “Vrasja për shkak të marrëdhënieve familjare”, parashikuar nga neni 79/c i K.Penal dhe me të pandehur shtetasen H. B., akuzuar për kryerjen e veprës penale “Deklaratat e rreme para oficerit të policisë gjyqësore”, parashikuar nga neni 305/b i Kodit Penal.

The post Vranë djalin dhe e paraqitën si aksident, Prokuroria e Korçës zbardh ngjarjen dhe çon për gjykim prindërit appeared first on Albeu.com.

Ngjarja e rëndë ndodhi ditën e djeshme pas një konflikti të 77-vjeçarit me të birin, i cili sipas dëshmive ishte në gjendje të dehur.

Burime nga policia bëjnë të ditur se Sheflki Bylykbashi ka deklaruar se nuk ka pasur konflikte me të birin.

Por sipas tij, fakti që 50-vjeçari vinte në gjendje të dehur çdo ditë në shtëpi, ka bërë që të konfliktoheshin ditën e djeshme.

“Më bezdiste shumë kohët e fundit, ai më parë nuk pinte kështu, por filloi të pinte çdo ditë. Nuk duroja dot më këtë sjellje. Nuk doja ta bëja këtë veprim, nuk doja ta vrisja, por nuk po më mbante më durimi, ma solli në atë pikë që nuk duroja dot më”, ishin fjalët që 77-vjeçari ka thënë në polici.

Fillimisht, u raportua se ngjarja ishte aksidentale dhe se 50-vjeçari ishte rrëzuar nga banesa, pasi ishte në gjendje të dehur, por më pas u zbulua se ai u vra nga i ati, pasi ky i fundit e goditi me çekiç.

50-vjeçari, baba i tre fëmijëve ishte kthyer së fundmi nga Gjermania. Mësohet se viktima ishte i divorcuar nga bashkëshortja./Albeu.com./

The post “S’doja ta vrisja”, zbardhet dëshmia e 77-vjeçarit që masakroi të birin me çekiç: Pinte çdo ditë, nuk kisha më durim appeared first on Albeu.com.

Dyshohet se 77-vjeçari Shefki Bylykbashi vrau me çekiç djalin e tij, 50-vjeçarin Hamdi Bylykbashki pas një konflikti mbrëmjen e djeshme.

Fillimish ngjarja u raportua si aksidentale nga familjarët. Ata raportuan në polici se 50-vjeçari ishte rrëzuar në banesë në gjendje të dehur dhe kishtë marrë dëmitime në kokë.

Më pas policia pas hetimeve bëri të mundur zbardhejn e ngjarjes.

Dyshohet se pas një konflikti të fortë me të atin, 50-vjeçari ka tentuar ta hedhë në pusin e ujit në oborr, ndërsa 77-vjeçari e ka goditur disa herë me çekiç në kokë.

Mësohet se viktima ishte i divorcuar dhe ishte kthyer para pak kohësh nga Gjermania.

“Jetonte në Gjermani bashkë me familjen dhe ka pak kohë që është kthyer. Mosmarrëveshjet me familjen e tij kanë bërë që të kthehet në vendlindje.
Kishte 3 fëmijë. Nuk kishin konflikte me parë”, ka thënë një banor./Albeu.com/

The post FOTO/ U vra nga i ati me çekiç, 50-vjeçari babai i 3 fëmijëve ishte ktheyr nga Gjermania pas divorcit me gruan appeared first on Albeu.com.

Mësohet se viktima ishte i divorcuar nga bashkëshortja, jetonte në Gjermani dhe kishte vetëm disa muaj që ishte kthyer në Shqipëri.

Për shkak të divorcit, konsumonte alkool çdo ditë, ndërsa ditën e djeshme është konfliktuar me babain duke tentuar ta shtyjë në pus.

Ky i fundit i është kthyer duke e goditur me çekiç.

Fillimisht familjarët e tij kanë deklaruar se viktima, duke qenë në gjendje të dehur, ishte rrëzuar aksidentalisht në banesën e tij dhe për pasojë kishte marrë dëmtime në kokë.

Mirëpo, pas hetimeve është zbuluar se 50-vjeçari i dehur është konfliktuar në banesë me babain, të cilin ka dashur t’a hedhë në pusin e ujit në oborr.

Si pasojë, 77-vjeçari e ka goditur disa herë në kokë me çekiç që përdoret për të thyer gurë, ku si pasojë e dëmtimit të rëndë, 50-vjeçari ka humbur jetën gjatë transportimit për në spitalin e Korçës./Albeu.com/

The post I divorcuar nga gruaja dhe pinte alkool çdo ditë, detaje nga krimi horror në Korçë, si nisi sherri me babain që përfundoi në tragjedi appeared first on Albeu.com.

Hamdi Bylykbashi, 50 vjeç humbi jetën rrugës për në spital. Fillimisht nga familjarët u raportua se ai ishte rrëzuar në gjendje të dehur në banesën e tij dhe kishte marrë dëmtime në kokë.

Por policia ka zabrdhur ngjarjen dhe ka vënë në pranga si autor të dyshuar, babain e 50-vjeçarit, Shefki Bylykbashi.

Nga hetimet e thelluara dhe provat e siguruara rezultoi se pasditen e djeshme, 50-vjeçari duke qenë në gjendje të dehur, është konfliktuar në banesë me babain, 77 vjeç, të cilin ka dashur t’a hedhë në pusin e ujit në oborr.

Më pas 77-vjeçari, e ka goditur disa herë në kokë me mjete të forta (çekiç që përdoret për të thyer gurë), ku si pasojë e dëmtimit të rëndë, 50-vjeçari ka humbur jetën gjatë transportimit për në spitalin e Korçës.

Në vijim të veprimeve procedurale, u bë arrestimi në flagrancë i shtetasit Shefki Bylykbashi, 77 vjeç, për veprën penale “Vrasja për shkak të marrëdhënieve familjare”.

Materialet i kaluan Prokurorisë pranë Gjykatës së Rrethit Gjyqësor Korçë, për veprime të mëtejshme./Albeu.com/

The post Pas sherrit donte ta hidhte të atin në pus, ngjarje makabre në Korçë, babai masakron djalin me çekiç appeared first on Albeu.com.