Arian Tahiri, shefi i grupit parlamentar të PDK-së, i ka bërë thirrje Qeverisë së Kosovës që ta procedojë sa më parë në Kuvend ndryshimin e Ligjit për Dhomat e Specializuara në Hagë.

Sipas Tahirit, Qeveria duhet të veprojë me përgjegjësi dhe pa humbur kohë, pasi nuk ka arsye që procesi të mos përfundojë brenda pak ditësh.

“Kuvendi e ka përmbushur detyrën e tij dhe tani përgjegjësia i takon Qeverisë. Ligji ndodhet në Qeveri, ndaj ajo duhet ta trajtojë me përgjegjësi e urgjencë. Vullneti i shprehur sot duhet të dëshmohet edhe përmes votës për Ligjin. Nuk ka asnjë arsye për vonesë; presim që Qeveria ta kryejë punën sot dhe ta sjellë Ligjin në Kuvend nesër ose pasnesër”, u shpreh ai.

Tahiri theksoi gjithashtu rëndësinë e votimit të Deklaratës për Specialen, duke thënë se përmes saj është shprehur revolta ndaj padrejtësisë në Hagë.

The post Tahiri i PDK-së: Qeveria duhet ta ndryshojë me urgjencë Ligjin për Specialen, pa vonesa appeared first on Albeu.com.