Seanca do të zhvillohet në orën 11, ku do të verifikohen kushtet për masën e sigurisë arrest në burg për :

Ervis Alisinanaj, shef krimesh në Lushnje

Shkelzen Ruska, shef krimesh në Himarë

Erdit Hazizaj, ish-pjesë e forcave operacionale, kandidat i PD për bashkinë Roskovec në zgjedhjet e vitit 2023.

Në kërkim: Elvis Dervishi, shef i kufirit Sarandë.

Në kërkim janë shpallur dhe 3 drejtuesit e 2 grupeve kriminale si dhe 3 shtetas të tjerë të përfshirë në disa episode kriminale.

Policët e inkriminuar sipas SPAK, rezulton se kanë qenë përdorues të aplikacionit SKY ECC me të cilët mbanin kontakte me grupet kriminale për t`i siguruar mbështetje.

HETIMET E SPAK

Prokuroria e Posaçme Kundër Korrupsionit dhe Krimit të Organizuar, ka deklaruar se efektivët, prej disa kohësh ishin të përfshirë në kultivimin dhe trafikun e kanabisit.

Sipas njoftimit të SPAK, punonjësit e policisë ishin të lidhur me trafikantët ku i mbulonin në kultivimin e drogës në zonën e Sarandës, duke dhënë këshilla dhe informacione të vazhdueshme për mirëfunksionimin e veprimtarisë kriminale në lidhje me kultivimin e bimëve narkotikëve, si dhe duke u siguruar anëtarëve të tjerë të grupit të strukturuar kriminal siguri në këtë veprimtari të kundraligjshme.

Kanabisi më pas trafikohej në Greqi, dhe po ashtu aty kishin ndihmën e efektivëve për kalimin pa problem të kanabisit, i cili më pas kalonte për t’u shitur në territorin grek.

“Nga hetimi është arritur të dokumentohet rasti i trafikimit për në Greqi, më 07.03.2020, përmes pikës së kalimit kufitar, “Qafë Botë”, të një sasie prej 1144.9 kg cannabis sativa të papërpunuar, 4.068 kg cannabis të përpunuar (çokollatë) dhe 0.916 kg cannabis i përpunuar (vaj), me vlerë rreth 1.700.000 euro, sasi kjo që u është sekuestruar dy shtetasve italianë të dënuar në Greqi”, thuhet në njoftimin e SPAK.

The post Trafikuan lëndë narkotike me vlerë 1.7 mln euro/ Shefat e policisë në GJKKO, njihen me masën e sigurisë appeared first on Albeu.com.

Sipas gazetares Klodiana Lala, grupi ‘Papa’ është në përplasje të forta me grupin e Aleksandër Sadika, i ekzekutuar në afërsi të TEG me eksploziv dhe Adriatik Kalemit.

Sipas Lalës, personi me iniciale XH.N që SPAK thotë se, më datë 17.09.2020 në qytetin e Sarandës, ka qarkulluar me një makinë në përdorim të tij, duke mbajtur pa leje një armë zjarri, është shtetasi nën hetim XHino Nebi,

Ndërsa personi nën hetim me iniciale EA (alias K.A) Eldian Allushi i cili sipas SPAK, ka ushtruar ndikim të paligjshëm tek punonjësi i policisë personi nën hetim E.A, si dhe pas këshillave të këtij të fundit, është arritur që mbajtjen pa leje të armës së zjarrit në automjet e ka marrë përsipër një shtetasi tjetër i mitur, i cili më pas është arrestuar nga oficerët e policisë gjyqësore, ndërkohë që realisht shtetasi i mitur ka qenë duke drejtuar pa leje drejtimi, mjetin e mësipërm ku ndodhej dhe arma, mjet i cili i ishte dhënë nga shtetasi nën hetim Xhino Nebi, disa çaste më parë.

Në një deklaratë zyrtare ditën e diel, SPAK thotë se Struktura e Posaçme kundër Korrupsionit dhe Krimit të Organizuar, në bashkëpunim të ngushtë me Eurojust, Europol dhe agjencitë ligjzbatuese franceze dhe greke ka zhvilluar hetime lidhur me disa shtetas shqiptarë të përfshirë në aktivitete kriminale në Shqipëri dhe Greqi.

Gjatë hetimeve intensive të kryera nga hetuesit e Byrosë Kombëtare të Hetimit (BKH), nën drejtimin e prokurorëve të posaçëm është bërë i mundur dokumentimi i aktivitetit kriminal të personave të dyshuar si dhe identifikimi i disa prej autorëve të ngjarjeve kriminale dhe veprave penale, një pjesë e të cilave është kryer në bashkëpunim, në formën e grupit të strukturuar kriminal si vijon:

“Gjatë viteve 2019-2021, evidentohet fakti se në Sarandë ka vepruar një grup i strukturuar kriminal, i cili merrej me kultivimin dhe trafikimin e bimëve dhe lëndëve narkotike, ndërsa, krijuesi, drejtuesi dhe organizuesi i tij dyshohen se janë shtetasit nën hetim; K.Q (alias J.H, alias J.Q) dhe E.A (alias K.A).
Nga hetimi del në pah fakti se gjatë viteve 2019-2021, pjesëtarë të këtij grupi të strukturuar kriminal, kanë pasur detyra të caktuara me qëllim kultivimin e bimëve narkotike, cannabis sattiva në zonën e Sarandës dhe rrethinat e saj, duke e mbjellë në zona të caktuara dhe kultivuar në ambiente të mbyllura”, thotë SPAK.

The post Zbardhen detajet/ Shefi i 4 shefave të policisë trafikantë, ishte vëllai i biznesmenit të ekzekutuar 3 vite më parë Edmond Papa appeared first on Albeu.com.