Trump deklaroi se SHBA ka arritur “gjithçka që synonte ushtarakisht” në Iran.

“Nëse nuk funksionon, rikthehemi menjëherë në luftë”

Megjithatë, presidenti amerikan la të hapur mundësinë e një përshkallëzimi të ri:

“Nëse nuk është i mirë, do të rikthehemi menjëherë, shumë lehtë”, paralajmëroi Trump, duke nënvizuar se opsioni ushtarak mbetet në tryezë.

Ai përsëriti se operacionet ushtarake kanë përmbushur objektivat e tyre:
“Kemi bërë gjithçka që donim të bënim nga pikëpamja ushtarake… një fitore e plotë.”

Ton më i moderuar se zakonisht

Korrespondenti i Sky News, vuri në dukje se kësaj radhe Trump u shfaq më i qetë dhe më i përmbajtur se zakonisht.

“Ai ishte optimist, i sjellshëm… madje më falënderoi që e telefonova. Nuk ishte Trump-i i zakonshëm me tone të forta që njohim”, raportoi gazetari.

“Një ditë e madhe për paqen botërore”

Më herët gjatë ditës, Trump e cilësoi zhvillimin si një moment historik për stabilitetin global.

“Një ditë e madhe për paqen botërore… kjo mund të jetë Epoka e Artë e Lindjes së Mesme!”, shkroi ai, duke shtuar se priten zhvillime pozitive dhe investime të mëdha.

Sipas tij, Iran mund të nisë tashmë procesin e rindërtimit.

Propozim për negociata

Presidenti amerikan bëri të ditur se kishte pranuar një propozim nga Pakistan, për një shtyrje dyjavore të afatit të vendosur ndaj Iranit.

Ai shtoi se Teheran ka paraqitur një plan me 10 pika në Washington, i cili mund të shërbejë si bazë për negociata për t’i dhënë fund konfliktit që ka destabilizuar Lindjen e Mesme.

The post Deklaratë e re nga presidenti Trump: Ky armëpushim është i mrekullueshëm, por nëse dështon, lufta rikthehet lehtësisht appeared first on Albeu.com.

Sipas raportimit, një kthesë vendimtare ndodhi të hënën, kur Khamenei urdhëroi për herë të parë që nga nisja e konfliktit negociatorët iranianë të lëviznin drejt një marrëveshjeje, ndërsa ultimatumi i presidentit amerikan, Donald Trump, po i afrohej fundit.

Në të njëjtën kohë, forcat amerikane në Lindjen e Mesme dhe zyrtarë të Pentagonit po përgatisnin një fushatë masive bombardimesh ndaj infrastrukturës iraniane.

“Askush nuk e dinte çfarë do të ndodhte. Ishte kaos”, citohet të ketë thënë një zyrtar amerikan.

Ndërkohë, aleatët rajonalë të SHBA-së përgatiteshin për kundërpërgjigje të mundshme iraniane në shkallë të gjerë, ndërsa qytetarë iranianë braktisnin shtëpitë nga frika e sulmeve.

Negociata intensive dhe ndërmjetësim ndërkombëtar

Sipas Axios, i dërguari amerikan Steve Ëitkoff zhvilloi telefonata të shumta me ndërmjetësit, duke e cilësuar fillimisht kundërpropozimin iranian me 10 pika si “katastrofë”.

Pasoi një ditë negociatash intensive dhe ndryshimesh të njëpasnjëshme, me ndërmjetësit pakistanezë që përcillnin draftet mes palëve, ndërsa diplomatë nga Egjipti dhe Turqia përpiqeshin të afronin qëndrimet.

Në mbrëmjen e së hënës, SHBA miratoi një version të përditësuar të propozimit për armëpushim, duke ia kaluar vendimin final liderit suprem iranian.

Për shkak të kërcënimeve për sigurinë e tij, Khamenei komunikonte përmes mesazheve të shkruara të dërguara me ndërmjetës, duke e bërë procesin më të ngadaltë dhe të ndërlikuar.

Burimet e cituara e përshkruajnë miratimin e tij si “moment vendimtar” për arritjen e marrëveshjes.

Telefonatat vendimtare dhe presionet ndaj Trump

Megjithëse deri të martën kishte shenja progresi, Trump vijoi me retorikë të ashpër, duke paralajmëruar pasoja katastrofike.

Paralelisht, zyrtarë të lartë amerikanë, përfshirë zëvendëspresidentin JD Vance, zhvillonin kontakte intensive me ndërmjetësit pakistanezë.

Kryeministri izraelit Benjamin Netanyahu mbeti në komunikim të vazhdueshëm me Trump, ndërsa shqetësimi në Izrael rritej për humbjen e kontrollit mbi procesin.

Ndërkohë, kryeministri i Pakistanit, Shehbaz Sharif, publikoi kushtet e marrëveshjes dhe u bëri thirrje palëve ta pranonin atë.

Trump, sipas raportimit, u përball me presion nga aleatë dhe këshilltarë “të linjës së ashpër” për ta refuzuar marrëveshjen, ndërsa edhe brenda rrethit të tij kishte pasiguri mbi vendimin final, deri në momentin kur ai e miratoi armëpushimin.

Pak para shpalljes, Trump zhvilloi një bisedë me Netanyahun për të siguruar angazhimin e Izraelit dhe më pas kontaktoi shefin e ushtrisë pakistaneze, Asim Munir, për të finalizuar marrëveshjen.

Menjëherë pas publikimit në Truth Social, forcat amerikane morën urdhër të ndalonin operacionet brenda 15 minutash.

Çfarë pritet më tej

Ministri i Jashtëm iranian, Abbas Araghchi, konfirmoi se Irani do të respektojë armëpushimin dhe do të hapë Ngushticën e Hormuzit në koordinim me forcat e armatosura.

Megjithatë, sipas Axios, mbetet e paqartë sa i qëndrueshëm do të jetë armëpushimi dhe në çfarë mase Irani do të lejojë rifillimin e plotë të lundrimit.

Zyrtarë izraelitë theksojnë se SHBA pritet të shtyjë për një marrëveshje më të gjerë, që do të përfshijë kufizimin e programit bërthamor iranian dhe të arsenalit balistik.

Bisedimet mes palëve pritet të nisin të premten në Pakistan, me mundësinë reale që tensionet të rikthehen nëse nuk arrihet një marrëveshje gjithëpërfshirëse.

The post Prapaskenat e marrëveshjes SHBA-Iran/ Media amerikane: Si arriti Mojtaba Khamenei t’i thoshte “po” Donald Trump, negociatat dhe telefonatat që çuan në armëpushim appeared first on Albeu.com.

Si pasojë e sulmit janë vrarë rreth 100 persona dhe janë plagosur dhjetëra tjerë.

Ndonëse ky zyrtar ka thënë se paralajmërimi për sulmin e 3 janarit – kur kanë ndodhur dy sulme vetëvrasëse në qytetin jugperëndimor Kerman – ka qenë rutinë, analistët besojnë se diçka e tillë mund të japë shenja për përpjekjet e Shteteve të Bashkuara për të ndërtuar besim te Irani.

“Qeveria amerikane e ka përcjell politikën e ‘detyrimit për paralajmërim’, e cila është zbatuar prej administratave të kaluara për t’i njoftuar qeveritë për kërcënimet potenciale vdekjeprurëse. Ne i bëjmë këto paralajmërime, sepse nuk dëshirojmë të shohim jetë të humbura të njerëzve të pafajshëm në sulme terroriste”, ka thënë një zyrtar amerikan në kushte anonomiteti.

E përditshmja amerikane Wall Street Journal ka raportuar e para, të enjten, për këto paralajmërime.

Jon Alterman, drejtor në programin për Lindje të Mesme të Institutit CSIS në Uashington, ka thënë se paralajmërimi mund të reflektojë dëshirën e SHBA-së për të pasur dialog me Iranin, pavarësisht sulmeve të fundit nga bashkëpunëtorë të Iranit ndaj interesave amerikane, izraelite dhe të vendeve perëndimore, si dhe avancimit të programit bërthamor nga ana e Teheranit.

“Kjo është një degë ulliri”, ka thënë Altman, duke shtuar se administrata e presidentit amerikan, Joe Biden, beson se nga dialogu mes Uashingtonit dhe Teheranit mund të përfitojnë të dyja palët.

Përpjekjet e Bidenit, demokrat, për të ringjallur marrëveshjen bërthamore, të arritur mes fuqive botërore dhe Iranit më 2015 – nga e cila SHBA-në e ka nxjerr ish-presidenti amerikan, Donald Trump më 2018 – kanë dështuar, mirëpo Atlman ka sugjeruar se ndihmësit e Bidenit ende dëshirojnë të gjejnë rrugë për të biseduar me Teheranin.

Sipas marrëveshjes bërthamore, Teherani duhet të heqë dorë prej programit bërthamor, në këmbim të heqjes së sanksioneve të ashpra ndaj saj.

Pas largimit të SHBA-së nga pakti bërthamor, edhe Teherani ka nisur t’iu shmanget pikave të marrëveshjes, dhe ka punuar drejt avancimit të mëtejmë të sistemit bërthamor, të cilin pretendon se e zhvillon vetëm për qëllime të mbrojtjes.

The post SHBA-ja e ka paralajmëruar Iranin për “kërcënimin terrorist” para sulmit të 3 janarit appeared first on Albeu.com.