Sipas rezolutës, IDU u kërkon Bashkimit Europian, Shteteve të Bashkuara dhe Këshillit të Evropës të aplikojnë një regjim më të rreptë kushtëzimi për ecurinë e Shqipërisë drejt integrimit, duke u bazuar në standarde të qarta dhe meritë.

Organizata thekson nevojën për ngritjen e një mekanizmi ndërkombëtar të pavarur që do të monitorojë proceset zgjedhore, funksionimin e drejtësisë dhe gjendjen e medias në vend, për shkak të shqetësimeve të thella mbi kapjen e institucioneve.

Një tjetër element kyç i rezolutës është kërkesa për vendosjen e sanksioneve të targetuara kundër zyrtarëve dhe strukturave të lidhura me korrupsionin, krimin e organizuar dhe persekutimin politik. IDU nënvizon domosdoshmërinë e reformave për çmontimin e rrjeteve kriminale, rikthimin e pavarësisë së gjyqësorit, forcimin e mbikëqyrjes parlamentare dhe garantimin e lirisë së medias.

“IDU i bën thirrje BE-së, SHBA-së dhe Këshillit të Evropës të zbatojnë kushtëzim strikt mbi bazën e meritës në rrugën e Shqipërisë drejt BE-së dhe kërkon krijimin e një mekanizmi të pavarur ndërkombëtar për monitorimin e zgjedhjeve, drejtësisë dhe medias;

IDU kërkon sanksione të targetuara ndaj zyrtarëve dhe entiteteve të lidhura me korrupsion, krim të organizuar dhe persekutimin politik dhe mbështet reformat për çmontimin e rrjeteve kriminale, garantimin e pavarësisë së gjyqësorit, rikthimin e mbikëqyrjes parlamentare dhe mbrojtjen e lirisë së medias;

IDU Rikonfirmon se bashkimi i pushtetit politik, drejtësisë dhe krimit të organizuar paraqet një kërcënim serioz për demokracinë dhe sigurinë në Europë;

Paralajmëron se Shqipëria rrezikon të zhytet në një regjim të përhershëm narko-autoritar;

I bën thirrje anëtarëve të IDU-së të mbeten vigjilentë dhe të mbështesin forcat demokratike shqiptare në mbrojtje të lirisë, pluralizmit dhe vlerave evropiane,” thuhet në rezolutë./Syri.net

The post IDU rekomandime për SHBA-BE: Shqipëria rrezikon të zhytet në një regjim të përhershëm narko-autoritar appeared first on Albeu.com.

Kjo ishte e planifikuar në axhendën që do të ndiqte presidenti turk gjatë vizitës së tij në vendin tonë ditën e sotme.

Kryetarja e Kuvendit, Lindita Nikolla, pas një fjale të shkurtët ftoi Erdogan të mbajë fjalën e tij, por ajo që u vu re ishte se presidenti u duartrokit vetëm nga socialistët.

Deputetët demokratë nuk e kanë duartrokitur dhe përshëndetur pjesëmarrjen e Erdogan në Kuvendin e Shqipërisë.

Mesaduket demokratët kanë vendosur të qëndrojnë besnik të perëndimit dhe SHBA-ve në aspektin e marrëdhënieve me jashtë./albeu.com/

The post Erdogan merr fjalën në Kuvendin e Shqipërisë, demokratët nuk e duartrokasin (FOTO & VIDEO) appeared first on Albeu.com.