Për vrasjen e dyshuar të F.H., 32 vjeçar, autoritetet po e hetojnë një 24-vjeçare me inicialet A.R.

Ndaj saj është caktuar masa e paraburgimit prej 30 ditësh, nën dyshimin për veprën penale “Vrasje”.

Në deklarimin e saj në stacionin policor, A.R. ka thënë se viktima e kishte kërcënuar dhe shantazhuar vazhdimisht.

Avokati i saj mbrojtës, Genc Kadriu, tregoi se çfarë ka rrëfyer 24-vjeçarja para hetuesve në natën kur ndodhi ngjarja.

“Ka qenë duke përgatitur një darkë për familjen e saj, ndërkohë e ka pranuar një mesazh nga tani i ndjeri të cilin e ka njohur tash e një vit. E ka pranuar një mesazh në të cilën ai ka shënuar ‘më prit se tani do të vi në banesën tënde dhe do të vras’. Këtë mesazh ia ka bashkangjitur edhe një foto të armës së zjarrit. Mesazhe, foto, të dërguara në rrjetin social Snapchat”, ka thënë Kadriu.

Mbrojtësi i saj tha më tej se, sapo ajo kishte hapur derën e banesës, F.H. dyshohet se kishte ushtruar dhunë ndaj saj, duke e kapur për flokësh dhe duke e shtyrë drejt kuzhinës.

“Në pjesën e tavolinës kanë qenë disa shishe të qelqit, ku gjatë përleshjes e mbrojtura ime me qëllim që të zmbraps sulmin edhe siç thotë ajo me frikësu tani të ndjerin që mos me vazhdu sulmin ndaj saj, e then shishen e xhamit edhe i kërkon që mos me iu afru. Ajo thotë se në ato moment i ndjeri ia kapë shishen e xhamit nga dora dhe e godet të njëjtën e që i shkakton lëndime trupore: qarje, prerjeje, grithje në pjesët e ndryshme të trupit”, ka deklaruar Kadriu.

Sipas avokatit, viktima e kishte mbajtur A.R. nën ndjenjë të vazhdueshme frike dhe kërcënimi.

Kadriu tha se pikërisht kjo gjendje kishte bërë që ajo të mos e denonconte asnjëherë rastin në Polici.

“E njëjta ka deklaruar që për shkak të kërcënimeve të tij që në rast se e lajmëron rastin në Polici, unë shpejtë do të lirohem se kam pasur edhe raste të tjera që janë liruar, pastaj do të vras ty edhe motrat tua. Kjo sipas të mbrojturës sime ka krijuar një frikë të atillë që pastaj e njëjta ka hezituar që kërcënimet, shantazhin, detyrimet që e njëjta t’i sjellë shuma të ndryshme të parave, me qëllim që i njëjti mos t’ia publikoj videot intime pasi që ai e ka shantazhuar me disa video intime që i ka pasur me të mbrojturën time”, ka theksuar Kadriu.

Sipas tij, 24-vjeçarja që jeton në Francë nuk kishte ardhur në Kosovë për pushime, por për shkak të presionit dhe kërcënimeve që, sipas mbrojtjes, i bëheshin nga viktima.

“E njëjta ka ardhur këtu për shkak të kërcënimeve të tij, për shkak të shantazhit të tij, ka ardhur që t’ia ofrojë një shumë tjetër parash, pasi i njëjti e ka kërcënuar se nëse nuk vjen me mi sjellë këto para atëherë unë do t’i publikoj videot”, u shpreh Kadriu.

Avokati tha gjithashtu se gjendja emocionale e 24-vjeçares është mjaft e rënduar.

“Është në një gjendje mjaft të rënduar emocionale, pasi që dashja e saj nuk ka qenë për ta privuar nga jeta tashmë të ndjerin. Mirëpo sipas saj gjithçka ka ndodhur në çast…Ajo ka shprehur dëshirë që në seancën dëgjimore të mos deklarohet përveç asaj që ka deklaruar në polici”, ka përfunduar Kadriu.

Sipas të dhënave që dihen deri më tani, në vendin e ngjarjes dyshohet se kanë qenë edhe nëna dhe babai i të dyshuarës.

The post “Më kërcënonte vazhdimisht” – Avokati i 24-vjeçares zbulon hollësi të reja për vrasjen në Ferizaj appeared first on Albeu.com.

Në kuadër të operacionit policor të koduar “Phone fiend”, është vënë në pranga shtetasi Indrit Vucaj, 30-vjeç, banues në Bulqizë, i cili akuzohet për veprat penale “Përndjekja” dhe “Shtrëngimi me anë të kanosjes ose dhunës për dhënien e pasurisë”

Sipas autoriteve policore, ky shtetas më përpara ka qenë 7 herë i shpallur në kërkim për vepra të ndryshme penale dhe i dënuar për vepra penale në fushën e narkotikëve në shtetin zvicerian.

“Nga veprimet hetimore të kryera gjatë zhvillimit të këtij operacioni, është bërë dokumentimi i plotë ligjor i veprimtarisë kriminale të këtij shtetasi, i cili dyshohet se ka përndjekur fizikisht dhe në rrjete sociale, një 33-vjeçare dhe familjarët e saj, për mospublikimin e disa fotove dhe videove personale të 33-vjeçares, në rrjete sociale”, – thuhet në njoftimin e Policisë.

Materialet i kaluan Prokurorisë, për veprime të mëtejshme.

The post “5 mijë euro ose do të publikoj videot”/ Arrestohet 30-vjeçari që shantazhonte një vazjë (EMRI) appeared first on Albeu.com.

Në pranga përfundoi Gerald Dragoti, i cili u arrestua në një vendparkimi në Tiranë në momentin që do merrte paratë.

Kanoste dhe shantazhonte nëpërmjet celularit, një 21-vjeçare, për t’i dhënë para, kapet dhe vihet në pranga 22-vjeçari.

22-vjeçari është kapur në flagrancë nga shërbimet e Policisë, në momentin që do të merrte një shumë parash, e cila u sekuestrua si provë materiale.

Sapo ka marrë kallëzim se një shtetase shantazhohej për të dhënë para, Seksioni për Hetimin e Krimeve ndaj Personit të DVP Shkodër ka organizuar punën për të arrestuar autorin.

Si rezultat i veprimeve të shpejta dhe profesionale të kryera në bashkëpunim me shërbimet e Stacionit të Policisë Farkë, është kapur në flagrancë, në një vendparkim automjetesh në Tiranë, në momentin që do të merrte një shumë parash nga 21-vjeçarja, shtetasi: G. D., 22-vjeç, banues në Elbasan.

Shuma e parave u sekuestrua nga shërbimet e Policisë, si provë materiale.

Materialet procedurale i kaluan Prokurorisë pranë Gjykatës së Shkallës së parë të Juridiksionit të Përgjithshëm Shkodër, për veprime të mëtejshme.

The post Emri/ Shantazhonte 21-vjeçaren për t’i marrë para, arrestohet i riu nga Elbasani appeared first on Albeu.com.

Pas këtij rasti të rëndë, ka reaguar edhe ministri i Brendshëm Taulant Balla.

Sakaq, Balla thotë se po punohet për ndryshimet ligjore  kundër dh*nës online, ndërsa ofruesit e rrjeteve sociale – thotë- ministri po përmirësojnë nivelin e moderimit të mesazheve në gjuhën shqipe.

Postimi:

“Ngjarjet e fundit kanë rritur nevojën për të rritur vigjilencën kundër dhunës, shantazheve e gjuhës së urrejtjes online. Policia e Shtetit përmes Sektorit për Hetimin e Krimeve Kibernetike Tiranë, në bashkëpunim me Prokurorinë e Juridiksionit të Përgjithshëm kanë identifikuar një tjetër rast shantazhi në rrjetet sociale me rrezikshmëri ndaj një minoreneje.

Po bashkëpunojmë me agjencitë partnere për fuqizimin e kapaciteteve tona në përballjen me këtë formë kriminaliteti. 

Policia e Shtetit po rrit vigjilencën dhe forcën parandaluese, është i domosdoshëm bashkëpunimi me publikun, të cilët duhet të drejtohen pa hezitim duke kallëzuar çdo rast shantazhi e dhune përmes rrjeteve sociale, për të na dhënë mundësinë e reagimit në kohë. Në momentin më të parë të konstatimit duhet denoncur dhe jo të bini pre e shantazhit!

Paralelisht po punojmë për ndryshimet ligjore  kundër dhunës online, ndërsa ofruesit e rrjeteve sociale po përmirësojnë nivelin e moderimit të mesazheve në gjuhën shqipe”, thuhet në reaigmin e ministrit Balla.

The post 27-vjeçari shantazhonte të miturën, reagon Taulant Balla appeared first on Albeu.com.

Krimi Kibernetik, pas një denoncimi, ka arritur që të arrestojë të riun, i cili përmes rrjeteve sociale shantazhonte vajza të mitura, në mënyrë që këto të fundit t’i dërgonin foto dhe video intime.

Në momentin që policia ka arrestuar 27-vjeçarin, në celularin e tij kanë gjetur materiale të shumta p*rn*gr*fike me vajza të mitura, vajza që ishin viktima të dh*nës dhe kërcënimeve të të riut.

Benard Çullhaj

Madje në një bisedë, Berndard Çullhaj, i kërkon të miturës foto intime, e ndërsa kjo e fundit i përgjigjet duke i thënë se do të vr*së veten.

Viktimat e tij ishin kryersisht vajzat e mitura nga 14 deri në 15- vjeçe.

Krimi Kibernetik, ka zbuluar se Çullhaj, kishte hapur profile false në rrjetet sociale dhe i kërkonte të miturës që të kryente marrëdhënie s*ksuale me të.

Pas hetimeve të kryera, janë zbuluar edhe 2 raste të tjera ku i arrestuari kishte kërcënuar edhe 2 të mitura të tjera në të njëjtën mënyrë.

Por nga fotot dhe videot e gjetura në celularin e tij, grupi hetimor ka dyshime se viktimat janë më të shumta në numër.

I riu është marrë në pyetje nga policia, ku fillimisht ka thënë se nuk e dinte që vazjat ishin të mitura, e ndërsa më pas ka pranuar fajin, duke u justifikuar se po bënte shaka me të miturat.

Ndërkohë, policia ka mbledhur të gjitha materialet e gjetura si mesazhe kërcënuese, video dhe foto të vazjave të mitura, prova që priten të hedhin më shumë dritë në hetimet në lidhje me 27-vjeçarin.

The post Flet 27-vjeçari që shantazhonte të miturat në rrjetet sociale: Po bëja shaka, i gjenden qindra materiale në telefon appeared first on Albeu.com.

Personi që shihni në foto, është shtetasi Benard Çullhaj 27-vjeç, i cili shantazhonte 15-vjeçaren që t’i dërgonte foto dhe video intime.

Pas hetimit, në drejtimin e Prokurorisë së Tiranës, në kuadër të operacionit policor të koduar “Intimiduesi”, në bashkëpunim dhe me Komisariatin e Policisë Nr. 5, u ndalua shtetasi Benard Çullhaj, 27- vjeç, banues në Tiranë.

Gjithashtu, nga veprimet hetimore të kryera, janë dokumentuar dy ngjarje të tjera të kësaj natyre kriminale, me autor të dyshuar 27-vjeçarin dhe dy të dëmtuara 15 dhe 16- vjeçe.

E mitura e kishte kërcënuar 27-vjeçarin se do vriste veten, siç shihet nga komunikimi në rrjete sociale.

The post Shantazhonte të miturën që t’i dërgonte foto dhe video intime, del fotoja e 27-vjeçarit appeared first on Albeu.com.

Çullhaj, i kishte hapur profile false në rrjete sociale të miturës dhe e shantazhonte për t’i dërguar foto/video intime, si dhe për të kryer marrëdhënie s*ksuale me të.

Gjithashtu, nga veprimet hetimore të kryera, janë dokumentuar dy ngjarje të tjera të kësaj natyre kriminale, me autor të dyshuar 27-vjeçarin dhe dy të dëmtuara 15 dhe 16 -vjeçe.

“Si rezultat, pas një hetimi shumë të shpejtë dinamik dhe të mirëfilltë, në drejtimin e Prokurorisë së Tiranës, në kuadër të operacionit policor të koduar “Intimiduesi”, në bashkëpunim dhe me Komisariatin e Policisë Nr. 5, u ndalua shtetasi B. Ç., 27- vjeç, banues në Tiranë”,- njofton policia.

The post Emri/ Shantazhonte një 15-vjeçare për t’i dërguar video intime, arrestohet 27-vjeçari në Tiranë appeared first on Albeu.com.