Pas humbjes 1-3 në ndeshjen e parë ndaj Shamrock Rovers, të paktë ishin ata që besonin se kampionët e Superiores mund ta përmbysnin rezultatin.

Megjithatë, mbrëmjen e kaluar në “Arena Egnatia”, Albanese dhe shokët e tij shfaqën formën e tyre më të mirë. Rrogozhinasit nuk u mjaftuan vetëm me fitoren, por siguruan një kualifikim me “5 yje”, duke triumfuar 5-1 kundër irlandezëve të Shamrock.

Pas suksesit historik, në rrjetet sociale janë përhapur video që tregojnë lojtarët dhe pjesëtarët e stafit të Egnatias duke festuar në fushë me valle popullore, nën ritmet e këngës “luj qyqek”.

The post VIDEO/ Festë “pa frena” pas kualifikimit historik, lojtarët dhe stafi i Egnatias kërcejnë valle në fushë appeared first on Albeu.com.

LIVE

Egnatia kryeson 1-0 përballë Shamrock Rovers, pas golit të Adjessa në minutën e 4-t.

The post Egnatia e nis furishëm ndaj Shamrock, Adjessa zhbllokon sfidën (VIDEO) appeared first on Albeu.com.

Egnatia pret sonte Shamrock Rovers në takimin e dytë të turit të tretë kualifikues të Europa League.

Skuadra nga Rrogozhina u mposht 3-1 në përballjen e parë të zhvilluar në Dublin, ndërsa tani do të kërkojë të përmbysë rezultatin në “Arena Egnatia”. Ndeshja ndaj irlandezëve nis në orën 21:00.

Vetëm pak orë përpara sfidës, klubi rrogozhinas publikoi posterin zyrtar, në të cilin kapiteni Albano Aleksi paraqitet mbi re.

Përzgjedhja e tij si figurë kryesore e posterit sinjalizon se pakënaqësitë brenda kampit të kampionëve në fuqi të Superiores janë kapërcyer. Mbrojtësi projektohet si një element i rëndësishëm dhe mund të marrë minutat e nevojshme kundër ekipit irlandez.

Më herët ishte raportuar për një përplasje mes Aleksit dhe trajnerit Nevil Dede, situatë që mund të sillte largimin e 33-vjeçarit nga Rrogozhina. Megjithatë, ndërhyrja e presidentit Agim Demrozi i dha fund çështjes, duke përjashtuar çdo mundësi ndarjeje me kapitenin.

The post Egnatia synon përmbysjen ndaj Shamrock dhe mbyll zërat për të ardhmen e kapitenit appeared first on Albeu.com.

Egnatia do të kërkojë me çdo kusht fitoren ndaj Shamrock Rovers, për të mbajtur gjallë synimin e kualifikimit në “play-off”-in e Europa League. Rrogozhinasit do ta luajnë sonte, prej orës 21:00, ndeshjen vendimtare në “Arena Egnatia”.

Skuadra shqiptare u mund 3-1 në përballjen e parë të zhvilluar në Irlandë. Ndonëse ky disavantazh bën që llogaritë matematikore t’ia zbehin ndjeshëm shpresat për të vijuar më tej, në “tokën shqiptare” ekziston ende besimi se përmbysja mund të realizohet.

Një tjetër shtysë për ekipin e Nevil Dedes vjen nga kuotat e përditësuara prej platformës së njohur mediatike “Flashscore” për sfidën e sotme.

Sipas këtyre vlerësimeve, triumfi i Egnatias kuotohet me 2.10, barazimi me 3.30, kurse fitorja e Shamrock Rovers me 3.20.

Shpresat e rrogozhinasve ushqehen edhe nga paraqitjet e fundit të kundërshtarit, veçanërisht në takimet e luajtura jashtë fushe.

Shamrock Rovers ka regjistruar dy humbje dhe një barazim në këto ndeshje, duke pësuar 4 gola dhe pa arritur të shënojë asnjë. Kjo formë e paqëndrueshme mund t’u japë mundësi “djemve” të Nevil Dedes të shfrytëzojnë pikën më të dobët të rivalit.

The post Kuotat dhe bilanci i dobët i Shamrock Rovers në transfertë, Egnatia beson te kualifikimi appeared first on Albeu.com.

Megjithëse u mposht 3 – 1 në Irlandë, Egnatia synon të përmbysë rezultatin ndaj Shamrock dhe të sigurojë kualifikimin në fazën Play-Off të Europa League.

Takimi i kthimit është programuar më 13 gusht, në orën 21:00, në stadiumin “Arena Egnatia”. Sipas parashikimit në përqindje të gjigantit botëror të simulimeve, “Football Meets Data”, as Egnatia dhe as Shamrock Rovers nuk pritet të arrijnë në grupet e Europa League.

Skuadra që do të dalë fituese nga ky çift do të përballet me Lillestrom SK të Norvegjisë, ndërsa në këtë analizë të dyja ekipet vlerësohen pa shumë shpresa përballë rivalit nordik.

Simulimet e “Football Meets Data” parashikojnë që Lillestrom do të eliminojë fituesin e dueleve Egnatia – Shamrock dhe më pas do të renditet në vazon e 4-të të shortit për grupet e Europa League.

The post Football Meets Data” nuk i jep shanse Egnatias dhe Shamrockut për grupet e Europa League appeared first on Albeu.com.

Egnatia do të përpiqet të përmbysë humbjen 1 – 3 të pësuar në transfertë ndaj Shamrock Rovers, në ndeshjen e kthimit të raundit të 3-të të Europa League. Përballja do të zhvillohet më 13 gusht në stadiumin “Arena Egnatia” të Rrogozhinës.

Sipas vlerësimit të stimulatorit të njohur “Football Meets Data”, skuadra e Nevil Dedes ka vetëm 12% shanse për të kaluar në fazën Play-Off të këtij kompeticioni.

Ndërkohë, mundësitë që Shamrock Rovers të sigurojë kualifikimin llogariten në 88%, çka e bën ekipin irlandez favorit të qartë të paktën në letër.

Pavarësisht këtij parashikimi, kampionët e Superiores kanë treguar këtë sezon në Kupat e Europës se në shtëpi mund të shfaqin karakter dhe të shënojnë shumë gola, siç ndodhi ndaj Petrocub dhe Celje.

The post Egnatia kërkon përmbysjen ndaj Shamrock Rovers, por kualifikimi duket larg appeared first on Albeu.com.

Egnatia po përgatitet për një nga ndeshjet më të rëndësishme të sezonit, teksa këtë të enjte në Rrogozhinë do të përballet me Shamrock Rovers në sfidën e kthimit për “play off”-in e UEFA Europa League. Kampionët e Superiores synojnë përmbysjen dhe pritet të japin maksimumin për të vijuar aventurën europiane.

Paralelisht me përgatitjet për takimin, në kampin rrogozhinas është diskutuar edhe situata e kapitenit Albano Aleksi. Pas kartonit të kuq ndaj Petrocub dhe aktivizimit vetëm për 4 minuta në ndeshjen kundër NK Celjes, u krijua përshtypja se marrëdhënia mes tij dhe trajnerit Nevil Dede mund të kishte përfunduar.

Megjithatë, sipas raportimit të “Superliga Shqiptare Fan Club”, klubi ka vendosur që Aleksi të qëndrojë, duke rrëzuar kështu zërat për një largim të mundshëm. Mësohet se vendimi është marrë pas vetos së presidentit Agim Demrozi, i cili ka sqaruar të ardhmen e kapitenit. Ky qëndrim i është bërë i ditur edhe trajnerit Nevil Dede, në mënyrë që ta marrë në konsideratë për sfidën e radhës.

Tashmë mbetet për t’u parë nëse Aleksi do të rikthehet në qendër të vëmendjes me Egnatian dhe nëse Dede do t’i besojë një rol në 90-minutëshin delikat, që konsiderohet më vendimtari për ekipin rrogozhinas.

The post Egnatia vendos për të ardhmen e kapitenit Aleksi para duelit me Shamrock Rovers appeared first on Albeu.com.

Shamrock Rovers 0-0 Egnatia

Ka nisur në “Tallaght Stadium” përballja e parë mes Shamrock Rovers dhe Egnatias, e vlefshme për raundin e tretë të UEFA Europa League. Takimi drejtohet nga arbitri letonez Andris Treimavis.

FORMACIONET ZYRTARE:

SHAMROCK ROVERS (3-5-2): McGinty; Sobowale, Lopes, Stevens, Fitzgerald, Byrne, Healy, Watts, Brennan, Burke, Greene. Trajner: Stephen Bradley.

EGNATIA (3-5-2): Dajsinani; Sota, Bitri, Aliyev, Jaime, Fernando, Kryeziu, Diabate, Yago, Adjessa, Gruda. Trajner: Nevil Dede.

LIVE:

1’ Në Irlandë është ekzekutuar goditja e parë e topit dhe ka filluar sfida Shamrock Rovers-Egnatia.

The post Egnatia nis në Dublin betejën për një vend në “play-off”, starton dueli me Shamrock Rovers appeared first on Albeu.com.

Egnatia zbret sonte në fushë për takimin e parë kundër Shamrock Rovers, të vlefshëm për turin e tretë të UEFA Europa League. Përballja do të luhet në Dublin, duke nisur në orën 21:00.

Në prag të kësaj sfide të rëndësishme, trajneri i skuadrës nga Rrogozhina, Nevil Dede, foli për gjendjen e ekipit dhe mënyrën se si është përgatitur ndeshja.

“Deri tani gjithçka ka qenë në kushte ideale dhe i gjithë organizimi i klubit duhet përgëzuar. Ekipi paraqitet mirë, ndërsa futbollistët kanë shumë pozitivitet, si në aspektin psikologjik, ashtu edhe në atë fizik. Grupi është i kompletuar, me përjashtim të Bakayokos, mungesa e rëndësishme e të cilit tashmë dihet. Megjithatë, ne e kemi forcën e duhur dhe djemtë janë të vetëdijshëm për rëndësinë e këtij momenti historik në të cilin luajmë sot.

Shamrocku është një skuadër me stil të futbollit britanik dhe synon të përfitojë veçanërisht nga faktori fushë. Mesazhi kryesor që u kemi përcjellë lojtarëve është se nuk duhet t’u japim mundësi të shtojnë entuziazmin e tifozëve në stadiumin e tyre. Duhet ta kontrollojmë ndeshjen, në mënyrë që vrulli i tyre të zbehet, e më pas të jemi ne ata që drejtojmë ritmin dhe situatat e lojës”, deklaroi Dede.

The post Skuadra është e kompletuar, lojtarët e kuptojnë peshën e këtij çasti”, Nevil Dede zbulon planin ndaj Shamrock appeared first on Albeu.com.

Egnatia luan sonte ndaj Shamrock Rovers në sfidën e vlefshme për raundin e 3-të të Europa League. Formacioni i drejtuar nga Nevil Dede synon të surprizojë ekipin irlandez, edhe pse në vlerësimin paraprak përballja duket e vështirë.

Megjithatë, historia e përballjeve europiane u jep skuadrave shqiptare arsye për optimizëm. Ato nuk janë mundur asnjëherë nga ekipet irlandeze në Kupat e Europës, një statistikë që mund të duket e pazakontë, por është e konfirmuar nga precedentët.

Përballja e parë daton në sezonin 2003-2004, në raundin e parë të Champions League. Dinamo fitoi 1 – 0 ndaj Shamrock Rovers në Tiranë, ndërsa ndeshja e zhvilluar në transfertë ishte mbyllur në barazim 0 – 0.

Një tjetër precedent i rëndësishëm i përket edicionit 2004-2005, në raundin e parë kualifikues të Champions League. Tirana siguroi kalimin në raundin pasues pasi mposhti 3 – 2 Shelbourne në “Qemal Stafa”, ndërsa takimi në Irlandë përfundoi 0 – 0.

The post Egnatia kërkon kualifikimin ndaj Shamrock Rovers, statistikat favorizojnë skuadrat shqiptare appeared first on Albeu.com.