Rrogozhinasit u përballën me Celje në raundin e dytë kualifikues të Champions League, por u dorëzuan nga pika e bardhë e penalltisë. Me këtë disfatë, skuadra shqiptare i dha lamtumirën garës prestigjioze të Ligës së Kampionëve.

Tashmë, fati e çon Egnatian në turin e tretë eliminator të Europa League. Skuadra e drejtuar nga Nevil Dede do të ndeshet me Shamrock Rovers, ekipi irlandez që u eliminua paraprakisht nga Champions League pas humbjes ndaj Ararat Armenia.

Sado që përballja me irlandezët mund të rezultojë e vështirë, Egnatia nuk rrezikon t’i japë fund sezonit europian. Kampionët e Superiores kanë një rrjetë sigurie, pasi tashmë e kanë të konfirmuar praninë në raundin “play-off” të UEFA Conference League.

The post Rrugëtimi europian i Egnatias vijon në Europa League, kundërshtari i radhës janë irlandezët e Shamrock Rovers appeared first on Albeu.com.