“Mikpritëse në aeroplanë”, siç quhen shpesh, janë gjithmonë të veshura bukur, kanë modele flokësh të rregullta, funde elegante që theksojnë feminitetin e tyre, si dhe shamitë që këto zonja mbajnë përreth qafe.

Ka rezultuar që ky aksesor nuk ka vetëm funksion estetik, por është shumë i rëndësishëm nëse ndodhin situata të rrezikshme në aeroplan, si p.sh. nëse bie zjarr.

Se praktikisht është obligim të bartin shami rreth qafe, e ka shpjeguar një stjuardesë, transmeton Telegrafi.

Ka rezultuar që ky aksesor nuk bartet për shkak bukurie, por për shkak se mund të ketë një rëndësi të madhe në raste urgjente.

Nëse do të jetë e nevojshme, një copë pëlhure shndërrohet në maskë me të cilën stjuardesat mbulojnë hundën dhe gojën në mënyrë që të mbrojnë organet e frymëmarrjes.

Një stjuardesë ka zbuluar pse praktikisht është e detyrueshme që të mbajnë shalle në qafë.

Rezulton se ky aksesor nuk vishet për bukuri, por sepse mund të përdoret shumë në raste urgjente. Nëse është e nevojshme, një copë leckë kthehet në një maskë që stjuardesat mbulojnë hundën dhe gojën për të mbrojtur organet e frymëmarrjes në rast të tymit. Kështu, do të jenë në gjendje të qëndrojnë të vetëdijshme më gjatë dhe të ofrojnë ndihmë për pasagjerët.

Me fjalë të tjera, ky detaj i modës mund t’i shpëtojë ata dhe pasagjerët!

The post Përse stjuardesat mbajnë shami rreth qafe? appeared first on Albeu.com.

Shamia për gratë myslimane ose hixhabi ka zënë ngadalë vend qendror në fushatën  presidenciale franceze, në mesin e përpjekjeve të kandidates së ekstremit të djathtë Marine Le Pen për t’i ndaluar ato.

Si ajo, ashtu edhe rivali i saj Emmanuel Macron, që garojnë në raundin e dytë të zgjedhjeve më 24 prill, u përballën së fundi me gra me shami, të cilat pyesnin pse zgjedhjet e tyre të veshjeve duhet të përfshihen në politikë.

Macron nuk do të kishte ndaluar veshjet fetare, por mbikëqyri mbylljen e disa xhamive dhe grupeve islamike.

Shumë myslimanë konsiderojnë që fushata presidenciale ka stigmatizuar padrejtësisht besimin e tyre.

Në një treg në qytetin jugor Pertuis, një grua me mbulesë kaltër-bardh iu afrua Le Penit, ndërkohë që kandidatja për presidente po kalonte pranë tregtarëve të peshkut dhe shitësve për të përshëndetur mbështetësit.

“Çfarë bën shamia në politikë?”, pyeti një grua, sipas AP.

Le Pen mbrojti pozicionin e saj, duke e quajtur shaminë një uniformë të imponuar me kalimin e kohës nga njerëz që kanë vizion radikal të islamit.

Grupe njerëzish pranë saj nisën të bërtisnin: “Jemi të gjithë bij emigrantësh këtu, ik mbushu”!

Kundërshtimi i Le Penit ndaj shamisë ka përfshirë atë që kritikët e saj thonë se e bën të rrezikshme për unitetin francez, duke stigmatizuar miliona myslimanë francezë.

Le Pen, gjithashtu, do të zvogëlonte migracionin dhe dëshiron të ndalojë therjen rituale të kafshëve, gjë që për myslimanët francezë dhe për hebrenjtë do të kufizonte qasjen te mishi kosher dhe hallall.

Macron gjithashtu diskutoi për shamitë, të premten, në televizionin France-Info. Ai u përpoq të distancohej nga Le Pen duke thënë se nuk do të ndryshonte asnjë ligj, por mbrojti ndalimin ekzistues të mbajtjes së shamive në shkolla, si pjesë e parimeve laike franceze.

Kujtojmë se Franca është një ndër shtetet me  popullsinë më të madhe myslimane në Europën Perëndimore./albeu.com

The post “Çfarë bën shamia në politikë?”, ngrihen muslimanët në Francë nga premtimet e fushatës së Le Pen appeared first on Albeu.com.