Ai ka mbjellë një sipërfaqe të madhe me varietetin Obla të shalqinit dhe për pak ditë fillon procesin e vjeljes ashti si gjithë fermerët e zonës. Edhe pse nuk ka përfituar nga skemat ndihmëse të qeverisë, Fatjoni ka arritur të prodhojë një sasi të konsiderueshme të bostanit me vlera ushqyese dhe kualitet të lartë, të kultivuar në mënyrë bio me elemente organike.

Por ndërsa prodhimi është shumë i mbarë Fatjoni dhe fermerët e tjerë i tremben tregut.

“Çmimi s’na pëlqen. Sipas Mertirit, tregu aktual është i pasigurt dhe fermerët nuk kanë informacion të qartë mbi çmimin dhe sasinë e kërkesës. Çmimi i ofruar prej 22 – 23 lekë për kilogram është i pakënaqshëm për ta”, tha ai.

Në gjithë Myzeqenë janë të shumtë fermerët si Fatjoni, të pasigurt për shitjen e prodhimit të tyre, pasiguri që e shton edhe fakti që ende nuk ka kërkesë të mjaftueshme për eksport.

The post Fermerët i tremben tregut/ Në prag të vjeljes së shalqinit, por çmimi i shitjes nuk ju pëlqen appeared first on Albeu.com.

A e dini se për 150 gram, shalqiri përmban: 43 kalori, 0 gram yndyrë, 2 gram natrium, 11 gram karbohidrate (përfshirë 9 gram sheqer) dhe 1 gram fibra?

Gjithashtu siguron 17% të nevojave ditore të një të rrituri në vitaminë A, 21% në vitaminë C, 2% në hekur dhe 1% në kalcium. Përmban gjithashtu tiamin, riboflavinë, niacinë, vitaminë B-6, folate, acid pantotenik, magnez, fosfor, kalium, zink, bakër, mangan, selen, kolinë, likopen dhe betainë.

Astma: Rreziku i zhvillimit të astmës është më i ulët tek njerëzit që konsumojnë një sasi të madhe të disa lëndëve ushqyese. Një nga këto lëndë ushqyese është vitamina C, e cila gjendet në shumë fruta dhe perime, përfshirë shalqirin.

Presioni i gjakut: Hulumtimi i botuar në Gazetën Amerikane të Hipertensionit zbuloi se suplementet e ekstraktit të shalqirit reduktojnë presionin e gjakut tek të rriturit e moshës së mesme obezë me hipertension para hipertensioni ose hipertension të fazës 1. Gjithashtu është treguar se përmirëson funksionin e arterieve. Së fundi, një dietë e pasur me likopen mund të ndihmojë në mbrojtjen kundër sëmundjeve të zemrës.

Kanceri: Si një burim i shkëlqyer i vitaminës C, antioksidant i fuqishëm, si dhe antioksidantëve të tjerë, shalqiri mund të ndihmojë në luftimin e formimit të radikaleve të lira që dihet se shkaktojnë kancer. Marrja e likopenit është lidhur me një rrezik të reduktuar të kancerit të prostatës në disa studime.

Hidratimi: Shalqiri përbëhet nga 92% ujë dhe i pasur me elektrolite, dhe është një ushqim ideal për të shmangur dehidratimin.

Lëkura: Shalqiri përmban vitaminë A, një lëndë ushqyese e nevojshme për prodhimin e sebumit (vaj natyral), i cili i mban flokët të hidratuar. Vitamina A është gjithashtu e nevojshme për rritjen e të gjitha indeve të trupit, duke përfshirë ato të lëkurës dhe flokëve. Marrja e duhur e vitaminës C është gjithashtu thelbësore për ndërtimin dhe mirëmbajtjen e kolagjenit. Shalqiri gjithashtu kontribuon në hidratimin e përgjithshëm, i cili është jetik për lëkurë dhe flokë të shëndetshëm.

The post Jo vetëm ju hidraton, ja përfitimet e jashtëzakonshme që merrni nga konsumi i shalqirit appeared first on Albeu.com.

Ushqime të tilla si avokado, boronicat, shega, shalqiri, dhe karavidhe ndihmojnë kundër dëmtimeve të lëkures duke e mbajtur atë të freskët.

Avokado:

Janë përplot me acid oleik që ndihmon lëkurën të mbajë lagështinë dhe shkëlqimin.

Boronicat:

Përmbajnë vitaminë C dhe E, që shndrisin lëkurën dhe evitojnë dëmtimet e saj.

Shega:

Janë të pasura me anticianinë dhe acid elagjik që ndihmon në rritjen e prodhimit të kolagjenit dhe përmirësimin e dëmtimeve të lëkurës.

Shalqiri:

Përbërësit e shalqirit, ndikojnë direkt në heqjen e rrudhave dhe irritimin e lëkurës.

Karavidhet:

Ndihmon në ripërtrirjen e lëkurës dhe vetitë e saj anti-inflamatore ndihmojnë në trajtimin e akneve

The post Konsumoni këto ushqime për të luftuar plakjen appeared first on Albeu.com.

Shumë njerëz mendojnë se në qoftë se nuk jeni një fermer me eksperiencë, atëherë është e vështirë të zgjidhni shalqir të mirë dhe të shijshëm.

Mirëpo ky është gabim. Zgjedhni shalqirin më të mirë në treg me këto këshilla.

Kërkoni për “rrjetat”

Këto shenja kafe në formë të rrjetave do të thotë se bletat kanë prekur pjesët me polen të luleve shumë herë. Sa më shumë që ka ndodhur ky process aq më I ëmbël është ky frut.

Shalqiri “vajzë” dhe “djalë”

Shumë njerëz nuk e dijnë se shalqirët ndahen sipas gjinisë së tyre. Për shembull: shalqiri “djalë” është më i madh dhe është i mbushur me më shumë ujë. Ndërsa shalqiri “vajzë” ka një formë më rrethore dhe është më i ëmbël.

Kushtoni rëndësi madhësisë

Është më mirë të zgjidhni një shalqir me madhësi mesatare. Dhe pavarësisht madhësisë, shalqiri duhet të jetë I rëndë

The post A e dini se ky frut ka gjini? Kjo dhe 2 sekrete të tjera fermerësh që të zgjidhni shalqirin më të mirë të tregut appeared first on Albeu.com.

Shalqinjtë me përmbajtje të lartë uji janë të shkëlqyeshëm për të shuar etjen, por kjo sjell me vete disa efekte anësore. Edhe pse është një burim i shkëlqyer i ujit dhe fibrave dietike, shalqiri mund të shkaktojë probleme me tretjen, si diarre, fryerje dhe gazra.

Ai përmban sorbitol, një përbërës sheqeri që dihet se stimulon tretjen e patrazuar dhe kontrollon aciditetin, por në sasi më të mëdha mund të shkaktojë probleme me stomakun. Do të habiteni kur mësoni se ata që pinë shumë alkool duhet të shmangin ngrënien e tepërt të shalqirit, sepse nivelet e larta të likopenit mund të reagojnë me alkoolin, duke shkaktuar inflamacion të mëlçisë dhe ky stres i tepruar oksidativ në mëlçi mund të jetë i rrezikshëm për trupin.

Gjithashtu, shalqiri është një burim i pasur i kaliumit dhe ndihmon në ruajtjen e funksionit të elektroliteve. Shalqiri duhet të konsumohet në masë, pasi është shumë i shëndetshëm për zemrën, eshtrat dhe forcimin e muskujve.

Është vërtetuar se marrja e tepërt e kaliumit mund të çojë në probleme kardiovaskulare si rrahje të parregullta të zemrës, puls të dobët dhe shumë më tepër.

The post Sezoni i shalqirit, 3 dëmet që nuk e dinit se i shkakton nëse e teproni appeared first on Albeu.com.

Shalqiri është i shijshëm, i freksët, ka cilësi pa fund, por në fakt, është edhe më i çmuar se ç’mendojmë ne.

Burim i kripërave minerale të rëndësishme si potasiumi, fosfori dhe magneziumi, përveç vitaminave, sidomos vitaminës C, shalqiri është i pasur me antioksidantë si beta karoteni dhe likopeni.

Le të zbulojmë më shumë:

Lamtumirë lodhje: Shalqiri përfshin sasi të mëdha mineralesh e vitaminash, të cilat nevojiten sidomos në verë kur, për shkak të nxehtësisë, djersitja shtohet. Një fetë shalqi, përveç se na freskon, është edhe ilaç kundër lodhjes.

Jo më hipertension: Shalqiri është një aleat i shkëlqyer për aparatin kardiovaksular, pasi ndihmon në uljen e presionit të gjakut. I varfër në sodium, falë prezencës së potasiumit dhe citrulinës, një aminoacid që ndihmon zgjerimin e venave të gjakut, ky frut është i shkëlqyer në balancimin e presionit.

Lamtumirë celulit: Shumë i pasur me ujë dhe tej mase diuretic, shalqiri është aleati ynë numër një në luftën kundër celulitit. Frut i shkëlqyer në shkarkimin e ujrave të tepërta. Shëmtia luftohet edhe në tryezë.

Antioksidat natyral: Shalqiri është një antioksidant shumë i fuqishëm, falë vitaminës C, që lufton veprimin e radikaleve të lira, duke parandaluar plakjen dhe formimin e qelizave kancerogjene. Ndërkohë, stimulon sistemin imunitar, duke parandaluar edhe ftohjet gjatë verës.

Aleat i bukurisë: Ky frut na garanton mirëqenie të lëkurës sonë, falë përmbajtjes së beta karotenit, një pigment me veprim antioksidant, i cili u jep fruta perimeve, ngjyrën e verdhë në portokalli.

Kryen një sërë funksionesh në organizmin tonë, siç është rritja e qelizave, mbron sytë dhe është shumë i dobishëm për rritjen e kockave. Konsumimi i shalqirit vonon plakjen e lëkurës dhe e mban elastike: një eliksir i vërtetë bukurie.

Lufton inflamacionet: Shalqiri është antiinflamatori perfekt, falë likopenës, një antioksidant që ndihmon në parandalimin e patologjive, madje edhe të rënda. Likopeni, bashkë me betakarotenin, stimulon në mënyrë të natyrshme prodhimin e melaninës. Kujtojmë se frutat dhe perimet me lëkurë dhe tul ngjyrë të kuqe, të verdhë dhe portokalli, duke nisur nga karrotat, specat dhe domatet, janë aleatët më të mirë për ngjyrën e bukur të trupit.

The post Aleat i bukurisë dhe “ilaç” i trupit, ja pse ky frut veror bën “magji” në jetën tonë appeared first on Albeu.com.