Duka tha se duhen edhe shtatë mandate të tjera që Duka të dorëzojë Federatën dhe se vetëm “vdekja” mund ta ndajtë atë nga FSHF.

“Me e thënë me humor, me batutë, mos ta marrim në mënyrë tragjike, thua që janë shtatë mandate, mendoj se duhen shtatë të tjera, që ta dorëzojnë federate. Keni dëgjuar që bëhet martesa, derisa vdekja të na ndajë. E vetmja gjë që mund ta ndajë, vdekja.

Tani po e them për batutë, bletët në koshere kanë një mbretëreshë që jeton 2 vjet dhe pastaj ose tërhiqet ose bletët e izolojnë dhe e ngordhin. Kryetari shoqatës së bletëve te ne ka 8 vjet dhe do të kandidojë prapë.

Rasti i Presidentit të FSHF, po thyen rekordet edhe të Nënë Terezës që punoi falas. Ky njeri punon pa lekë, sakrifikohet vetë. Pa rrogë është, nuk ka rrogë. Punon falas po të them.

Më tha një njeri i futbollit, aman thuaji të ketë mëshirë për futbollin, mos të punojë falas, ta lërë këtë punë”, tha Shakohoxha.

The post “Derisa vdekja të na ndajë”, Shakohoxha tallet me shtatë mandatet e Dukës: Punon pa rrogë, si Nënë Tereza appeared first on Albeu.com.

Në qendër të kritikave ka përfunduar trajneri Edy Reja, përgjegjësi kryesor që nuk po arrin ti marrë më të mirë këtij grupi fantastik. Dritan Shakohoxha bën përgjegjës dyshen FSHF-Reja teksa thekson me anë të një statusi në profilin e tij në Instagram se ka ardhur koha për një trajner shqiptar:

Postimi i plotë i Dritan Shakohoxhës pa ndërhyrje:

“Te kesh skuader me kaq shume talente eshte FAT ( 9 nga 11 qe ishin ne fushe kane lindur jashte Shqiperise) , te deshtosh eshte FSHF & REJA . Te pakten @tifozatkuqezi qe drejtohen nga SHQIPTAR shkelqyen edhe sonte. Ndoshta edhe skuadres i vjen shpejt momenti te kete nje trainer Shqiptar.”, shkruan Shakohoxha.

 

View this post on Instagram

 

A post shared by Dritan Shakohoxha (@dritan_shakohoxha)

The post “Koha për trajner shqiptar”, Shakohoxha: Reja e FSHF dështim, me fat që kemi këtë skuadër appeared first on Albeu.com.

“Siç e kam deklaruar edhe dje, unë do të vazhdoj betejën ligjore. Besoj shumë që votimi i sotëm nuk do të legjitimohet. FSHF ka përdorur politikën e faktit të kryer e cila mund t’i duket me vlerë sot por ditët në vijim do e shohim të gjithë që do jetë e pa vlerë. Gjykatat kanë folur dhe do flasin përsëri besoj, duke ruajtur të njëjtin standart si në 2 rastet e mëparshme.

Në fund, drejtësia do vendoset dhe futbolli do flasë me votat e anëtarëve të familjes tonë”, ishte reagimi i Shakohoxhës për zhvillimin e Asamblesë Zgjedhore nga FSHF.

The post Rizgjedhja e Dukës, reagon Shakohoxha: Do vazhdoj betejën ligjore, votimi nuk do të legjitimohet appeared first on Albeu.com.

Sipas Fidel Yllit, Duka nuk mund të hiqet me zgjedhje në Federatë, sepse ato manipulohen dhe “fusha është e minuar”.

Ylli Rakipi: Kaq pak sa ke dalë ti, kam pyetur vetem, ore mos e ka vënë Duka këtë Shakon për të kandiduar?

Dritan Shakohoxha: E para po të ishte kjo që thua ti, do e merrja me qetësi. Por besoj e dallon?

Arjan Çani: A është Shako kali më i mirë i betejës, që ka vënë bast Veliaj?

Dritan Shakohoxha: Kam katër vjet që e kam filluar këtë projekt. Që në maj e kam bërë takimin e parë. Ju po e dëgjoni sot, sepse ka hyrë politika. Influenca politike ekziston. Edhe zoti Duka është në pushtet për meritë të zotit Nano, që e mbështeti në atë kohë. Ka pasur edhe mbështetjen e zotit Rama, të pakursyer.

Arjan Çani: O Shako, a mendon vëlla se je kandidati i duhur dhe i fortë, që ka vënë bast Veliaj?

Dritan Shakohoxha: E para bastin e kam vënë vetë unë. Nuk ke dëgjuar personazh politik të përmendë emrin tim.

Arjan Çani: Nuk e bëjnë lojën kaq hapur ata.

Ylli Rakipi: Shako, si do ta mundësh ti Dukën?

Dritan Shakohoxha: E njoh shumë mirë këtë ambient. Besoj që do të gjej përkrahjen e të gjithë njerëzve të sportit, që ta ndërtojmë futbollin bashkë me ta.

Ylli Rakipi: A ke biseduar me ata që votojnë. Sa optimist je ti?

Dritan Shakohoxha: I vetmi problem që kam patur është ky, që unë kam patur kontakt dhe raport personal me ata që punojnë në futboll. Ky është problemi më i madh. Po flasim për kandidim timin, shembulli konkret është Prodani, që konstatoi që kishte njerëz që nuk ekzistonin në botën e futbollit.

Fidel Ylli: Ky nuk hiqet, është i përjetshëm. A e kupton që je në tokë të minuar? Çështja e Dukës, nuk është pse do ikë. Por do ti hapen zullumet që ka bërë. Mbajeni mend fjalët e mia kur ti hapen petët lakrorit. Presidenti u kap në mes të lokalit, në mes të çingijeve me stemën Albania. Në Bjellorusi, që aty duhet të dorëhiqej.

Dritan Shakohoxha: Këtu është përmbysur diktatura, që ishte shumë më e egër. Unë besoj, që në fund fare jeta është si film, më i miri fiton. Me gjyqet dhe shërbimet nuk më intereson fare. Unë do të fitoj sepse ka ardhur koha për decentralizim, futbolli të hapë dyert. Unë rrëzova Enver Hoxhën, jo më Dukën./albeu.com/

The post Dritan Shakohoxha i bindur: Unë dhe të tjerë rrëzuam Enver Hoxhën, jo më Dukën! Futbolli të hapë dyert appeared first on Albeu.com.

Në një komunikim për emisionin “Të Paekspozuarit” të Ylli Rakipit, në MCN TV, Shakohoxha, u shpreh se ka vetëm një kërkesë për Federatën, të tregojë transparencë në këtë proces dhe të tregojë listën e votuesve.

“Cdo gjë në këtë botë e ka një fund, dhe ky është momenti im për të kandiduar, ju jeni mësuar më luftë, me situata politike, por unë se bëj në këtë mënyrë.

Unë kërkoj vetëm një gjë nga Federata, të tregoj transparencë, të tregoj listën e votuesve e jo të fusni njerëz që nuk kanë të drejtë vote, kërkoj gjënë më të ndershme.

The post Shakohoxha: Federata të tregojë listat e votuesve appeared first on Albeu.com.

Shakohoxha nëse nuk ka bërë marrëveshje me pushtetin nuk vjen dot. Duka nuk do të vazhdojë dot sepse nuk e lë drejtësia. Drejtësia ka ndryshuar kah. Kjo që po i bëjnë Saliut amerikanët është më keq sesa ta arrestojnë. Mjafton përgjimi që i bënë Erion Velisë…

Shqipëria po futet në epokën e republikës së prokurorëve. Në çdo karrierë nëse nuk do të ketë ok e pushtetit…po jetojmë në një republikë ku mesazhet vijnë underground. Shako është i zgjuar. Priti momentin më të mirë për t’u futur. Tani me reformën në drejtësi, që e ka bërë zoti Rama dhe Zoti Veliaj, Shako është i fituar nëse ka bërë marrëveshje. Mbani frymën miq, Shako nuk është naiv. Ky pushtet ka drejtësinë në dorë.

The post Çani: Mbani frymën miq, Shakohoxha mund të bëhet kreu i ri i FSHF-së appeared first on Albeu.com.

Reagimet për këtë çështje kanë qenë të shumta, e së fundmi në Report TV ka folur “hapur” edhe kandidati për president të Federatës, Dritan Shakohoxha.

Shakohoxha zbuloi një tjetëe skandal të Federatës ku zbuloi se Email-et e shoqatave të futbollit në vend kontrollohen nga FSHF. Dihet që në kushte normale, shoqatat janë organe të pavarura.

“Emailet e të gjithë shoqatave janë në FSHF. Asnjë prej drejtuesve nuk di të hapë emailet e shoqatave. Askush nuk di, FSHF dërgon emaile si të ishte shoqata rajonale”, tha Shako.

Pjesë e diskutimit ishte padyshim edhe përfshirja e Erion Veliajt, ku sipas Shakos është normale, pasi ai nuk vjen si Kryetar Bashkie, por si akisoner i klubit të Tiranës.

“Unë jam kandidat me muaj që vrapoj në çdo fushë, kam shkuar vetëm,. Kam patur vetëm një asistent, asnjë nga njerëzit e Politikës. Duka është zgjedhur me votat e nënkryetarëve të bashkive gjithmonë. Nëse vjen më 2 mars kryetari i Bashkisë Pukës nga ndryshon Veliaj. Këto janë tentative për t’u justifikuar çdo moment humbës. FSHF bën manipulime dhe shkon në çdo studio“, tha ai. /albeu.com

The post Skandali në FSHF, “hapet” Shakohoxha: Email-et e shoqatave kontrollohen nga Federata, ndërhyrja e Veliajt normale appeared first on Albeu.com.

Ai ka hedhur akuza të forta në drejtim të tij duke thënë se Duka hedh poshtë këdo që i del kundra.

Ai thotë se Duka fsheh emrat e delegatëve që kanë të drejtë vote, për të bërë pikërisht atë që bëri me zgjedhjet në shoqatën e Tiranës, që futi persona të panjohur thjesht për të votuar, por që në të vërtetë nuk kanë asnjë lidhje me futbollin.

“Në zgjedhjet në Shoqatën e Tiranës erdhën disa njerëz për të fituar, u manipulua rezultati, 3 ditë para se të bëhet asambleja e Tiranës, kur konstatuan që nuk kishin kontrollin e votave, FSHF futi emra të panjohur. Prodani kishte numrat për të qenë kryetar i kësaj shoqate, por FSHF shtoi 15 anëtarë të rinj, vetëm për të votuar, njëri jeton në Mat, tjetrin Billisht, emra që nuk kanë asnjë lidhje me futbollin. (…)  Unë do bëj seriozisht punën me njerëz të futbollit.

Unë kërkoj emrat e delegatëve, kush voton, nuk i jep as përpara mbledhjes së asamblesë, as pas, po të kërkosh delegatët e Elbasanit, Durrësit nuk i tregon, çfarë fsheh, çfarë frike ka. Pse nesër do të zhvillohen zgjedhjet në Fier dhe nuk i di njeri emrat e delegatëve. Kanë frikë, se do thotë komuniteti “kush është ky”, siç pati në shoqatën rajonale të Tiranës që kishte njerëz që nuk i njihnin. E dija që do kisha vështirësi, por nuk e dija që ishin kaq votofob.

Nuk e kuptoj motivin. Pjesa më e madhe që duan të votojnë është frika. Më duhet frika si në ’90 kur u përmbys diktatura komuniste. Më duket vetja si në atë situatë. Të gjithë kanë frikë sepse kush del kundër bie nga kategoria. Këta nuk të fusin në burg port ë shkatërrojnë skuadrën. Kush kanë dalë kundër i kanë kërcënuar tani ta shihni çfarë do bëjmë me ju. Kush ka dalë kundër ka rënë nga kategoria. Hakmarrja për votën kundër është shumë evenimente. Nuk bashkëjetojnë dot me demkoracinë”, tha Shakohoxha në Report Tv.

The post Shakohoxha: Zgjedhjet në shoqatën e Tiranës ishin të manipuluara, erdhën njerez që nuk kishin lidhje me futbollin appeared first on Albeu.com.

Në një intervistë për “Sport News”, Shako është shprehur se sot është bërë një mashtrim i shëmtuar dhe se po provohet të trukohen zgjedhjet.

“Po provohet të trukohen zgjedhjet. Sot u bë një mashtrim shumë i shëmtuar. Në mbledhje ishin njerëz që s’kishin lidhje me futbollin. Kjo është hera e parë që na jepet lista e delegatëve. Lista të trukuara, pse kanë frikë nga vota? Kudo kanë bërë trukime, zero transparencë”, tha Shakohoxha. /albeu.com

The post Zgjedhjet për Shoqatën e Futbollit të Tiranës, reagon Shakohoxha: Mashtrim shumë i shëmtuar appeared first on Albeu.com.

Shako beson se është koha që fokusi nga futbolli profesionist të marr kthesën drejt atij amatorë, sepse talentet zbulohen që në vogëli.

Ai garantoi investimin tek të rinjtë duke filluar nga ligat amatore, e deri tëk investimi tek fushat sportive.

Plani i Dritan Shakohoxha:

“Në gjithë projektin tim të madh për të kandiduar për president të FSHF, një nga pikat më të rëndësishme të miat janë fëmijët e vegjël. Janë amatorët dhe konkluzioni është ekipi kombëtar. Kjo do të jetë rruga që do të ndjek nëse do të më besohet drejtimi për katër vitet e ardhshme.

Duhet të rindezim pasionin. Se shuhet jo sepse shqiptarët nuk e duan futbollin, por se këtu luajnë 0,5 për qind e popullsisë. Kjo është më e ulëta në rajon. Në Maqedoni është 3,5%, në Kroaci janë 8%. Në Shqipëri nuk e kanë këtë mundësi për shkak se hapësirat ku duhet të zhvillojnë pasionin e tyre nuk ekzistojnë.

Brenda katër viteve jemi me fokusin që të kemi 30 mijë futbollistë, të rinj apo të rritur që luajnë, që kanë mundësisë të ushtrojnë pasionin e tyre. Se çdo kompleks do të mbushet me njerëz për të luajtur. Thelbi i futbollit shqiptar janë ekipet amatore, ekipet e fëmijëve të vegjël që janë baza për futbollin.

Është gjë e mirë që amatorët do të votojnë këtë herë, por duhet të kenë ndarje ndryshe e të jenë faktorë real në futboll. Sot janë ndarë në shoqata rajonale, por duhet të jenë federata rajonale, krejtësisht të pavarura, jo me kryetarë te emëruar. Mbi të gjitha, çdonjë nga këto duhet të jetë pronare e një objekti sportiv. FSHF duhet që në secilin rajon të ndërtojë një kompleks sportiv, zyra e seli, ku të jenë të gjithë njerëzit e futbollit. Duhet të kenë një ambient të tyre.

FSHF duhet të ndryshojë ndarjen që është sot. Janë vetëm 8, ndërsa është e padrejtë se Fieri që është rajon i madh, ka distanca të mëdha, Vlora duhet në vete. Fieri bashkë me Ballshin, Roskovecin e Patosin. Lushnja në vete me Beratin e Skraparin, nuk mund të jenë të gjithë bashkë në një Federatë Rajonale. Edhe Durrësi nuk duhet aq e madhe, edhe Kavaja duhet në vete se është e populluar. Nga 8 që kemi sot, besoj se do të jenë 11.

Sot në Shqipëri paguhen rreth 100 mijë euro në muaj qera fushash, që është barrë e rëndë për ta dhe që FSHF duhet ta heqë urgjentisht. Çdo Federatë Rajonale duket të ketë kompleks sportiv me katër fusha, se këto janë baza. Duhet të investojmë te fëmijët, sigurisht që duhet të kemi stadiume më të mira dhe falënderojmë këtë qeveri që ka dhënë një kontribut jashtëzakonisht të madh për ndërtimin e disa stadiumeve në Shqipëri. Por duhet të pilotojmë zhvillimin dhe investimin, buxhetin në këndvështrimin e tij drejt komplekseve sportive që të vijnë në dispozicion të shoqatave, ndezim pasionin duke krijuar kushte pune.

FSHF ka buxhet shumë të madh të cilin po ta pilotojë realisht te amatorët do të kishte qenë shumë më e suksesshme sesa t’i kushtohen para dy fushave para zyrave të mëdha të FSHF. Që mburren të gjithë me to, e janë të Federatës, jo në dispozicion të këtyre fëmijëve që mbajnë në këmbë sistemin e futbollit”, u shpreh Shakohoxha. /albeu.com/

 

View this post on Instagram

 

A post shared by Dritan Shakohoxha (@dritan_shakohoxha)

The post Shakohoxha shpalos objektivat për president të FSHF-së (VIDEO) appeared first on Albeu.com.