“Endri Shabanin nuk e ka bërë Avokat Populli vetëm Edi Rama. E ka bërë Edi Rama me Sali Berishën dhe kjo është pjesë e një marrëveshjeje më të gjerë Rama-Berisha, që do prekë, kam frikë unë, Reformën në Drejtësi, për t’i pamundësuar SPAK-ut që të pezullojë nga detyra dhe të marrë masa paraburgimi për politikanët e korruptuar”, tha Qori.

“Endri Shabani, sot që flasim, është anëtar i një koalicioni ku bën pjesë edhe zoti Berisha e të gjitha partitë e tjera opozitare, përveç “Lëvizjes Bashkë”. Kur kandidoi zoti Binaj, Shabani, Lapaj dhe Berisha ishin pjesë e një koalicioni. “De facto” e kanë në koalicion të gjithë, mund ta shajnë sa të duan, por e kanë në koalicion. Aleanca është faktike dhe nuk e kuptoj këtë hipokrizinë e gjithanshme për të thënë që nuk kemi të bëjmë me këtë person. Shabani u zgjodh me votat e dyshes Rama-Berisha”, shtoi Qori në “Terminal” në A2CNN.

The post Arlind Qori: Endri Shabani u bë Avokat i Popullit si pjesë e një marrëveshjeje Rama-Berisha appeared first on Albeu.com.

“Duhet të kërkojmë falje publike secili prej deputetëve që ka firmosur për Avokatin e Popullit dhe Rama le ta gëzojë. Ne nuk do merremi as në Gjykatën Kushtetuese. Ky ishte gabim dhe ne duhet ta pranojmë”, tha Berisha.

Diskutimet në Kryesinë e PD

Sali Berisha: Duhet të kërkojmë falje publike secili prej deputetëve që ka firmosur për Avokatin e Popullit dhe Rama le ta gëzojë, se ka 98% të pushtetit, nuk bën diferencë se shkon 99%. Por të sqarojmë qytetarët, po ata deputetë që firmosën për Shabanin, po me firmën e tyre, tërhoqën me firmë, me nënshkrim firmat e dhëna për Shabanin dhe e bënë ketë brenda afateve ligjore.

Topalli: Jo mor, mos e gëzoftë.

Berisha: Ta gëzojë. Ne nuk do merremi as në Gjykatën Kushtetuese. Ky ishte gabim dhe ne duhet ta pranojmë.

The post U zgjodh me 35 firmat e opozitës dhe 85 votat e PS, PD s’do e ankimojë Avokatin e Popullit në Kushtetuese, Berisha: Nuk merremi! appeared first on Albeu.com.

Adriatik Lapaj: Ai është i shqetësuar sepse e di ç’do të thotë të të vijnë poshtë zyrës njerëz që bashkohen në palcë të dimrit për të fjetur dhe rezituar përballë, pasi gjërat janë shumë keq. E nisa i vetëm, por tashmë në ditën e tretë po shtohet numri i të rinjve, që qëndrojnë këtu gjithë natën dhe brenda pak ditësh do të jetë sasi e jashtëzakonshme njerëzish. PO flasim përballë regjimit tragjikomik të Ramës, që ka shkaktuar gjendje tragjikë në realitetin e jetës tonë të përditshme, duke na thënë që gjyakta shqiptarë nuk pezullon dot ministren, se nuk qeveriset dot vendi. Të gjithë e dimë se KM mund të emërojë dhë shkarkojnë ministra, ky mund të shkarkojë Ballukun dhe të vazhdojë, por i ka ngelur sharra në gozhdë dhe ka kaluar në mbrojtje kolektive. Nga reagimi i shoqatës së gjyqtarëve, për herë të parë, si kurrë më parë, iu bë me dije të mos zgjasë gjymtyrët e tyre. Ai është individi që bashkë me një njeri krejt pa vlera, që i binte gjoksit si njeri kundër sistemit, sot dëhsmoi se pengoi lëvizjen tonë me 64 mijë vota. Autori i kësaj ishte Edi Rama.

Ylli Rakipi: Në këtë moment po votohet partneri yt, po bëhet Avokat Populli, mos duhet të ndryshosh trajektore, të hedh ai një gjë, me ndihmën edhe të opozitës?

Adriatik Lapaj: Ti zoti Rakipi e di mirë, që ai përmes të dërguarve të vet më ka kërkuar të bëhem pjesë e qeverisë dhe e kam refuzuar. Ai ka dërguar njerëz të bëhesha palë, duke ofruar disa poste dhe e kam refuzuar. Pasi më kanë kërcënuar dhe shantazhuar, kanë bërë telenovelën e shëmtuar, me të futurin e vet, tradhtarin, që tani i doli koka. Regjimi i Ramës po çmontohet në sytë e shqiptarëve. Edi Rama, është regjisor dhe skenarist i asaj shëmtie që bëri me atë që sot po zgjedh Avokat Populli, nuk ka shqiptar që nuk kupton pazarin e tyre ,për të ndalur një zë të vërtetë dhe përfaqësues të mandatit më të votuar në historinë e SHqipërisë.

The post Shabani zgjidhet Avokat Populli, Adriatik Lapaj: Tradhtarin e përdori Rama, sot i doli koka appeared first on Albeu.com.

Lapaj deklaroi se në Parlament po luhet një akt i turpshëm, po shpërblehet tradhtari i kauzës, i cili ka qenë në në fillim me atë qëllim.

“Personalisht për mua është një ditë krenarie e madhe, pse do të thoni ju? Sepse tërë këto muaj, më është dashur që të mbaj mbi supe tradhtinë e një njeriu 5 lekësh, që sot po dëshmohet në Parlament se ishte shërbëtor i Edi Ramës. Sot në Parlament po luhet një akt i turpshëm, po garantohet që të shpërblehet tradhtari i kauzës, i cili ka qenë në në fillim me atë qëllim”, tha Lapaj.

The post Protesta përpara kryeministisë/ Lapaj: Endri Shabani është shërbëtor i Edi Ramës, prej muajsh kam mbajtur mbi supe tradhtinë e tij appeared first on Albeu.com.

Pjesë nga biseda:

Adriatik Lapaj: Kjo që sapo rreshtuat në linjë kronologjike, tregon atë për të cilën kam vite që bërtas, kapjen e sistemit nga dy njerëz, nga një pakicë që ka marrë peng një popull të gjithë. E gjithë beteja është për këtë, për zhbërjen e këtij sistemi që nuk lejon një njeri të garojë dhe nuk lejon askënd të ketë aspiratë për të mos u rreshtuar te asnjëri prej këtyre.

Ata kanë ndërtuar një sistem, që siç e patë, e fragmentarizon votën dhe e dyta, pasi merr shumë votë me lista të mbyllura nuk të lejon të garosh, madje as ato forca që duan të kenë garë në parti nuk e lejon. Ne e bëmë betejën për të ekspozuar këtë të keqe që ka kapluar vendin. Kjo është nëna e të gjithë të këqijave, që pasi sulmuan dhe shpifën, ne arritëm ti çonim 64 mijë shtetas të në votonin dhe të numërohej kjo votë, se janë edhe 16 mijë vota të pavlefshme. Pasi ndodhi kjo dhe u doli tej parashikimeve, si mund të lejonin ata të shkonte në Parlament një njeri që përfaqësonte 80 mijë vota. Kur panë që nuk joshën dot drejtuesit e kësaj lëvizje, me metodat e tyre, përdorën Kalin e Trojës, që ka ndodhur në histori këtu e mijëra vite, që gjithmonë gjendet një tradhtar, për të ndalur misionin tonë për lista të hapur. Kjo është dëshmi e qartë që jo nuk duhet të demoralizohemi, por duhet ta shumëfishojmë punën tonë pasi kemi gjetur thembrën e akilit dhe aty duhet goditur. Ata nuk lejojnë as një mandat të vetëm. Çfarë do ti bënte një mandat? Nuk ishte puna e një mandati por të mos lejohet modeli i atyre që vijnë përmes garës dhe sjellin vlera. Po të shkonte deputeti jonë i zgjedhur përmes garës, do të ishte deputet me një mandat që përfaqësonte 80 mijë vullnete.

Ylli Rakipi: Ju thoni përdorën Kalin e Trojës. A është naivitet nga ana juaj, koaliconi me Shabanin? Përse ju duhej koalicioni me një parti që kishte garuar edhe më parë dhe nuk kishte patur ndonjë rezultat domethënës?

Adriatik Lapaj: Ne vendosëm politikisht të dëgjonim vullnetin qytetar për t’i shtrirë dorën e bashkëpunimit, atyre subjekteve që konsideroheshin të reja. I shtrimë dorën të gjithë subjekteve. Nga këto pranoi të bëhej pjesë Nisma Thurje. Referuar shifrave, është ashtu siç thoni ju, por nuk jemi nisur nga llogaritja e shifrave por modelit. I shtrimë dorën e bashkëpunimit pë të dhënë mesazhin, që Lëvizja Shqipëria Bëhet që del forcë e tretë në sondazhe, bënë marrëveshje me një forcë që del 0.2%, për standardin dhe jo për matematikë, për të dhënë një model që këta nuk kanë ego të sëmura, për të mbjellë një farë të re të modelit të garët. Siç e patë, më vjen keq për këtë dhe nuk do të ndalim asnjëherë pa kërkuar ndjesë. Subjekti në fjalë paskësh qenë me mendimin e keq. Do të thoni ju, duhet ta kishit parashikuar. Po, por unë nuk jam politikan i zakonshëm dhe as i shkolluar për politikë, apo i kalitur në parti politike të vjetra. Unë dhe ekipi që përfaqësoj, jam djalë që kam qenë 13 vite aktivist në këtë vend, duke udhëhequr disa nga protesta më të mëdha në këto 13 vite dhe jam avokat që kam vendosur profesionin në funksion edhe të publikut. Ju thoni naivitet, tani cili është gabimi, që i shtriva dorën e bashkëpunimit? Që ne donim të fusnim modelin e garës? Ajo që kemi bërë ka qenë në funksion të promovimit të garës dhe një ditë ajo do të hapet, edhe me koston e asaj që ndodhi.

Ylli Rakipi: Kjo është si në futboll, trajneri, duhet ta shohë përpara. Sherri juaj përveç aspektit personal dhe përdorimit të dajës së Shabanit për t’ju djegur, ishin listat e hapura dhe lufta për këto lista përfundoi në komedi. Më keq se ç’ka bërë Rama me Berishën. Ata kanë bërë një kod që nuk e hanë as qentë, por ju e shëmtuat edhe më shumë ata që kishte bërë Rama me Berishën. Ju u servirët shqiptarëve “mollë” akoma më të kalbura.

Adriatik Lapaj: Në mënyrë figurative, një mollë e mori në qafë që në gjenezë këtë punë… Ju përdorni termin “ju”, vendosni pa dashje një shenjë barazimi. E patë ju atë shembullin me mollë (të Shabanit)? E di sa herë e kam parë te zyrat e mia? Më vinte aty me mollë…

Ylli Rakipi: Jo nuk ka mundësi, vinte me mollë?

Adriatik Lapaj: E di sa herë e kam dëgjuar unë këtë leksionin e mollëve? Po them, mund të më bëni me faj për çdo gjë, por jo përse besova që të bëj një kauzë të përbashkët për atë që konsideroj më të rëndësishmen në angazhimin tim publik. Unë jam për hapjen e garës, kur sheh që vjen një aleat, je dakord. Tani, Kaini dhe Abeli, vëllezër, por e vrau Kaini Abelin, e tradhtoi, që atëherë. Pse nuk e parashikuam? Më i zgjuar isha unë si Gjergj Kastrioti apo Jezu Krishti?

Ylli Rakipi: Ju donit të mundni Edi Ramën dhe Berishën me armët e veta. Tani te ju kush e bëri këtë listë?

Adriatik Lapaj: E ka sjellë si propozim Endri Shabani. Ky ishte atentat dhe atentatori ka emër.

The post “Përdorën Kalin e Trojës”/ Lapaj shpërthen ndaj Shabanit: Doli tradhtar, por ne nuk demoralizohemi! appeared first on Albeu.com.

Kordhoni thotë se duhet të shpallen të pavlefshme dorëheqjet nga mandati, me arsyetimin e bazuar në nënin 164 të Kodit Zgjedhor, se një dorëheqje nga mandati është e vlefshme vetëm pasi kandidati e ka fituar dhe marrë zyrtarisht mandatin.

Ai shton se dorëheqjet e dhëna paraprakisht nuk gëzojnë asnjë bazë ligjore dhe bien ndesh me parimet themelore të së drejtës zgjedhore. Daja i Shabanit pretendon se ka patur parregullsi në dorëheqjet e dhëna nga mandati, duke vënë në dyshim vërtetësinë e tyre.

“Kërkoj: shpalljen e pavlefshme të të gjitha deklaratave të dorëheqjes së dhëna përpara marrjes së mandatit parlamentar, si të kundërligjshme dhe në shkelje të nenit 164 të Kodit Zgjedhor. Hetimin dhe verifikimin e rrethanave të nënshkrimit të këtyre deklaratave, përfshirë datën reale të nënshkrimit, vendndodhjen e secilit person nënshkrues dhe mënyrën në të cilën janë marrë këto deklarata. Theksoj se integriteti i procesit zgjedhor dhe respektimi i vullnetit të zgjedhësve kërkon që dorëheqjet e dhëna në mënyrë të parakohshme ose të falsifikuara të shpallen të pavlefshme”, thotë Kordhini.

Shkresa e Zeqir Kordhonit:

Në cilësinë e palës së interesuar dhe në mbështetje të nenit 164, pika 1 dhe 2, të Kodit Zgjedhor të Republikës së Shqipërisë, paraqes këtë kërkesë për shqyrtim dhe vendimmarrje mbi pavlefshmërinë e deklaratave të dorëheqjes së depozituara nga disa kandidate përpara marrjes së mandatit.

Sipas nenit 164 të Kodit Zgjedhor (“Dorëheqja nga mandati”), një dorëheqje nga mandati është e vlefshme vetëm pasi kandidati e ka fituar dhe marrë zyrtarisht mandatin. Dorëheqjet e dhëna paraprakisht (pra përpara shpalljes së rezultatit përfundimtar dhe marrjes së mandatit) nuk gëzojnë asnjë bazë ligjore dhe bien ndesh me parimet themelore të së drejtës zgjedhore. Çdo akt dorëheqjeje i dhënë përpara momentit të fitimit të mandatit nuk mund të prodhojë efekt juridik dhe mund të shpallet i pavlefshëm nga ana e KQZ-së dhe KAS-it.

Kam gjithashtu arsye serioze për të vënë në dyshim vërtetësinë dhe rrethanat në të cilat janë nënshkruar këto deklarata. A kanë qenë të gjithë nënshkruesit fizikisht të pranishëm në datën që pretendohet se janë nënshkruar deklaratat? A janë nënshkruar këto deklarata në mënyrë të lirë dhe pa ushtruar dhunë apo presion psikologjik? A janë përgatitur dhe nënshkruar këto deklarata sipas formës dhe procedurave ligjore të përcaktuara në Kodin Zgjedhor?

Në dijeninë time, të paktën një prej kandidateve, Entela Sula, që pretendohet se ka firmosur një deklaratë dorëheqjeje në datën 11 Maj, nuk ka qenë fizikisht në territorin e Republikës së Shqipërisë. Gjithashtu dyshime ka edhe për kandidate të tjerë, të cilët jetojnë jashtë Shqipërisë, të cilët mund të mos kenë qenë në Shqipëri në datën që pretendohet se kanë firmosur dorëheqjen. Kjo gjë ngre dyshime serioze mbi vërtetësinë e këtyre akteve.

Në bazë të sa më sipër kërkoj:

Shpalljen e pavlefshme të të gjitha deklaratave të dorëheqjes së dhëna përpara marrjes së mandatit parlamentar, si të kundërligjshme dhe në shkelje të nenit 164 të Kodit Zgjedhor.

Hetimin dhe verifikimin e rrethanave të nënshkrimit të këtyre deklaratave, përfshirë datën reale të nënshkrimit, vendndodhjen e secilit person nënshkrues dhe mënyrën në të cilën janë marrë këto deklarata.

Theksoj se integriteti i procesit zgjedhor dhe respektimi i vullnetit të zgjedhësve kërkon që dorëheqjet e dhëna në mënyrë të parakohshme ose të falsifikuara të shpallen të pavlefshme.

The post Përplasja për karrigen e deputetit/ Daja i Endri Shabanit i kërkon KAS dhe KQZ-së të mos njohin dorëheqjet nga mandati appeared first on Albeu.com.

Lapaj tha se përfshirja në zgjedhje ishte një “kontratë morale” me qytetarët dhe një përpjekje për të sjellë ndryshim përmes besimit dhe institucioneve, jo përmes përplasjes dhe presionit.

“Ne ishim duke bërë një kontratë morale me shoqërinë. Shkuam në këtë lloj besimi. Nëse do më gjykoni për besimin, jam i hapur t’i marr të gjitha kostot. Por e rëndësishme është të shikohet se çfarë ka ndodhur”, u shpreh Lapaj.

Ai theksoi se mosmarrëveshjet që dolën pas procesit zgjedhor janë pjesë e një ushtrimi demokratik, ku palët ndonjëherë nuk bien dakord, por sipas tij, rruga për zgjidhje nuk ishte asnjëherë përmes “institucioneve paraligjore”.

“Ne nuk shkuam në institucione paraligjore për t’i zgjidhur mosmarrëveshjet përmes forcës. Shkuam në institucione ligjore, si KQZ dhe KAS”, tha ai.

Lapaj nuk i fshehu zhgënjimin ndaj Endri Shabanit, duke deklaruar se, pavarësisht paralajmërimeve nga miqtë e tij, kishte ruajtur një marrëdhënie shoqërore 12-vjeçare me të dhe nuk e kishte imagjinuar ndarjen në këtë formë.

“Nuk e mendoja kurrë që dikush mund t’i bënte një akt kamikaz rrugëtimit politik të ndryshimit në Shqipëri”, tha më tej Lapaj.

Sa i takon deklaratës së mëparshme se nuk do të hynte në Parlament nëse subjekti politik që ai drejtonte do të merrte vetëm një mandat, Lapaj theksoi se ishte bërë në funksion të motivimit të ekipit, para formimit të koalicionit dhe se nuk kishte synuar keqinterpretim të sistemit zgjedhor.

Ai zbuloi se pas zgjedhjeve ka propozuar një akt të fortë simbolik: dorëzimin e mandatit nga ai vetë, Shabani dhe Soko, për të ruajtur integritetin moral të lëvizjes.

“I kam kërkuar Shabanit, në prani të zotit Soko, që të linim mandatin. Mandatin do e merrte personi i dytë më i votuar i ‘Shqipëria Bëhet’”, tha Lapaj në A2CNN.

Në fund, Lapaj thekson se pavarësisht se sistemi elektoral i ka penalizuar me formulën e mandateve, lëvizja e tij mori një sasi votash që në kushte të tjera do të siguronte disa deputetë.

Ai shton gjithashtu se ka qenë i gatshëm të japë një shembull ndryshe nga politika tradicionale

The post Adriatik Lapaj shpërthen keq ndaj Endri Shabanit: Më kishin paralajmëruar për ty, më preve në besë… appeared first on Albeu.com.

Përmes një postimi në llogarinë e tij në “Facebook”, Shabani ka “treguar të vërtetat e tij” dhe atë çfarë ka ndodhur mbrapa syve të mediave.

Ai ka bërë me dije se njeriu i tij i afërt dha dorëheqjen, pra sipas listës i bie të jetë partnerja e tij Livia Stavri dhe si rrjedhojë mandati i kaloi kushërirës së Lapajt, Kleana Xhuveli e cila ishte pas saj në listë.

“Megjithatë ne nuk e djegim jorganin për një plesht, kur për më tepër kemi njohur dhe vlerësojmë plot djem e vajza në radhët e Shqipëria Bëhet. Ndërsa Adriatikut ia kam falur se nuk diti se ç’bëri dhe uroj të nxjerrë edhe ai mësimet e veta siç kam nxjerrë unë të miat”, shkruan Shabani ndër të tjera.

Kleana Xhuveli mori sot mandatin e deputetes. 27-vjeçarja, me profesion juriste, u shpreh për mediat se qëllimi i saj nuk është të bëhet deputete por t’ia rikthejë mandatin Lapajt, njeriut që sipas saj e meriton. Gjithashtu ajo sqaroi dhe dilemën që po qarkullon lidhur me lidhjen familjare me kreun e “Shqipëria Bëhet”, duke bërë me dije se Lapaj është kushëriri i saj dhe jo vëllai ashtu si dhe është përfolur.

Postimi i plotë:

U mbars mali dhe…Njëmijë akuza.

Ndërkohë sot, njeriu im më i afërt dha dorëheqjen dhe mandatin e mori Kleana Xhuveli. Kleana nuk është daja im po motra e Adriatik Lapajt!

Deri dje na akuzonte do bëheshim vota e 84 e Ramës.

Sot që mori mandatin për motrën, Adriatiku na thotë që i qenka lutur Rama për bashkëqeverisje.

Medemek Rama që mezi e përzuri LSI-në kur kishte 74, po i lutet Adriatikut fiks tani që ka 83 dhe ka gllabëruar çdo pushtet!

Me sa duket, tullumbaci i 71 mandateve që Adriatiku përbetohej se do merrte, ende nuk qenka shfryrë në kokën e tij nga gjilpëra e realitetit të 11 majit, ku pa votat tona do kishte mbetur edhe e motra pa mandat.

Nejse, kjo ishte kostoja krejt e panevojshme që ne të Nismës morëm për ndershmërinë dhe seriozitetin tonë në koalicion me një politikan të ri që më mirë se sa ne, njeh të gjitha metodat e vjetra.

Megjithatë ne nuk e djegim jorganin për një plesht, kur për më tepër kemi njohur dhe vlerësojmë plot djem e vajza në radhët e Shqipëria Bëhet.

Ndërsa Adriatikut ia kam falur se nuk diti se ç’bëri dhe uroj të nxjerrë edhe ai mësimet e veta siç kam nxjerrë unë të miat.

The post “Nuk djeg jorganin për një plesht”, mandati i kaloi kushërirës së Lapajt, reagon Shabani: E fal se nuk diti se ç’bëri, njeriu im i afërt dha dorëheqjen appeared first on Albeu.com.

Sipas ish-deputetit, Lapaj dhe Shabani duhet ta lënë fare mandatin si parti pasi atë mandat e kanë përdhosur, e kanë shkelur e pështyrë dhe nuk ka më asnjë vlerë morale.

Gjoni theksoi se Lapaj dhe Shabani meritojnë t’ju japësh një lëpirëse pasi shfaqja e tyre është e tupshme dhe nuk kanë sjellë asgjë të re.

“Nuk i kam parë reagimet e asnjërit prej tyre. Endrin e kam shumë mik. Adriatikun e kam të njohur dhe kemi pasur shkëmbime pozitive. Uleshim në kohë të arta ku Adriatiku me “Nismën Thurje” diskutonim. Kemi kujtime bashkë me këta njerëz.

Të dy sot e hodhën poshtë. I kanë hypur sipër këtij mandati, e kanë shkelur, e kanë pështyrë, e kanë përdhosur, e kanë përdhunuar, mos të them ndonjë fjalë tjetër. Ky mandat nuk ka më vlerë morale.

Kushdo që të bëhet deputet apo deputete nga kjo listë, është i/e mbaruar. E di çfarë do të thotë të ngjitesh në atë foltore. Imagjinoj cinizmin dhe talljen e të gjithë të tjerëve.

Një nga aktet e mia që jam krenar, është kur i kam dalë me lëpirse socialistëve në parlament. Por unë sot duhet të kisha ardhur me dy lëpirse, për të dy këta. Turp e faqja e zezë.

Mandati nuk i takon as njërit dhe as tjetrit. Ngritën një fabul për të sjellë diçka të re dhe për të bindur zgjedhësit por këta moralisht po sillen si dy djem ose vajza të vogla Instagrami që zihen për një reel se kush e pozicionin më të bukur, mund të analizosh reagimet e tyre dhe kupton shumë për egocentrizmin, boshllqët psiko-shpirtërore që mund të kenë brenda vetes së tyre.

Menduan se duke vendosur 12 persona në listë të mbyllur me daja, teze, komshinj, menduan se kjo punë ishte kaq e thjeshtë sa 12 veta të japin dorëheqjen?

Moralisht ka rënë mandati, nuk e meriton asnjëri prej tyre. Sugjeroj që të gjithë të japin dorëheqjen dhe të lënë mandatin fare si parti.”-tha Gjoni.

The post Gjoni ‘masakron’ Lapajn dhe Shabanin: T’ju jap një lëpirëse të dyve! Përdhosën e pështynë mandatin appeared first on Albeu.com.

“Ne kemi qenë të angazhuar për hapjen e listave kemi shkuar edhe në Gjykatën Kushtetuese. Në distancë, e njëjta gjë vihej re edhe nga Nisma Thurje. Ajo që na ka bashkuar kanë qenë parimet e njëjta në lidhje me garën, meritokracinë e për listat e hapura. Hapin e parë e hodhëm në Gjykatën Kushtetuese ku shkuam për të kundërshtuam mbylljen e listave. Në këtë drejtim bashkëpunimi që ndodhi me këkrkesë të shumë qytetarëve u ul dhe diskutua me formulën që do të përdorej për të pasur koherencë në lidhje me listat e hapura. Është propozuar prej tij kjo formula me familjarët. Kam pasur hezitimet e mia, por tundimin total që t’u jepnim qytetarëve atë listën e hapur siç ishin angazhuar kjo jo për ti ikur përgjegjësisë por për të thënë të vërtetën. Ka shumë dëshmitarë por nuk ka problem. Mbaj përgjegjësi të plotë për atë vendimmarrje se po të mos kisha shprehur edhe unë konsensusin kjo nuk do kishte ndodhur”., tha Lapaj.

Ai u shpreh se ky vendim erdhi për shkak të ligjit, të cilin donin ta sfidonin se është i padrejtë, por edhe për shkak të miqësisë që kishte me Shabanin, e cila sipas tij nuk i rezultoi e duhura. Më tej gjatë fjalës së tij, Lapaj tha se Shabani ka prerë në besë 64 mijë votuesve dhe karrierës së tij 15-vjeçare si aktivist. Po ashtu ka treguar edhe mesazhet e fundit kur tentonte kompromis në emër të atyre që u besuan.

“Ligji është i padrejtë vjedh votat e qytetarëve. Ligji na ka vjedhur hapur 5 mandate. Këtë të fundit duan ta heqin me skuthllëk. Donim të sfidonim ligjin. Ky ka qenë një vendim me unanimitet i kryesisë sonë dhe nuk di për palën tjetër. Nëse do të kisha bindjen që nuk do të funksiononte, do të kisha këmbëngulur për jo. Ishte shumë e sinqertë nga ana jonë. Unë zotin Shabani nuk e njoha sot, kisha 12 vjet që e njihja, kisha shoqëri dhe përtej politikës dhe të jem i sinqertë dhe ky mund të jetë gabimi im personal për të cilin kërkoj falje atyre që na mbështetën. Në këtë pikë jam treguar me një nivel më të ulët kujdesi në raport me ç’ mund të bëja se kam menduar që përtej politikës është dhe marrëdhënia njerëzore në mes, e cila rezultoi jo e duhur. Ai i ka hyrë në hak 64 mijë njerëzve, 15 viteve të angazhimit tim pa ndërprerje si aktivist, 1 mijë aktivistëve tanë që kanë punuar në vend e diasporë dhe çdo shqiptari të ndershëm që ka pritur të ketë shpresë dhe që pritet në besë nga kjo që po ndodh. Komunikimi im ka qenë sot në orën 2:00 të mëngjesit”, u shpreh kreu i Shqipëria Bëhet.

The post “Familjarët në listën e mbyllur i propozoi Shabani”, Lapaj: Ai ka prerë në besë 64 mijë shqiptarë, miqësia me të nuk rezultoi e duhura appeared first on Albeu.com.