Një palë lufte nuk mund të deklarojë në mënyrë të njëanshme persona të veçantë apo organizata si objektivë legjitimë të luftës. I këtij mendimi është Johannes Peters, ekspert i sigurisë në Universitetin e Kielit. “Kur Rusia i sheh si objektiva legjitime anijet, kjo nuk do të thotë aspak se ato janë objektiva legjitime. Një sulm i Rusisë ndaj anijeve tregtare, që ndodhen në lëvizje në ujëra ndërkombëtare mbrohet jo vetëm nga e drejta ndërkombëtare, por edhe nga e drejta ndërkombëtare e luftës.” Vetëm dyshimi, se një anije civile mund të transportojë material ushtarak nuk e justifikon një sulm ndaj një anijeje.

Po çfarë u lejohet palëve në luftë?

Wolff Heintschel von Heinegg, profesor për të drejtën ndërkombëtare në Unniversitetin Viadrina bën të qartë, se një palë që zhvillon luftë, sipas të drejtës të luftës detare, lejohet të kontrollojë të gjitha anijet që marrin kurs drejt territorit armik. Nëse do të gjendet në këtë rast material kontrabandë, kjo duhet t’i bëhet e ditur botës. Por më parë duhet të publikohet një listë e mallrave që nuk lejohet të transportohen. “Nëse kontrollohet një anije, tek e cila nuk bëhet fjalë për një anije tregtare armike, por për një anije tregtare neutrale, dhe del, se ajo ka në bord materiale të tilla, palës luftuese i lejohet të konfiskojë anijen, por jo ta sulmojë. Një sulm ndaj anijes do të lejohej, vetëm nëse anija përdoret për të dhënë një kontribut të efektshëm në veprimet ushtarake të armikut. Për shembull një anije, që jep informacione sekrete me vlerë ushtarake, vendos mina, apo gjëra të përafërta. Atëherë kjo anije do të ishte e cënueshme për t’u sulmuar. Thjesht fakti, që ajo lëviz në Detin e Zi, nuk do të thotë, se ekziston e drejta që ajo të kthehet në objektiv sulmi”, shpjegon eksperti.

Heintschel von Heinegg thekson se, “nëse një anije transporton vërtet materiale ushtarake për armikun, mund të kthehet në një objekt sulmi.” Por kjo duhet të bazohet në fakte dhe jo në supozime. Nëse Rusia nuk publikon më parë një listë të materialeve të ndaluara, atëherë sipas ekspertëve nuk do të ketë mallra të ndaluar për transport dhe anijet në drejtim të Ukrainës nuk duhet të konfiskohen nga Rusia. Por ato mund të ndalohen për kontroll. Një ekip shkon në bord, kontrollon anijen dhe duhet ta lejojë të vazhdojë rrugën, nëse nuk është pjesëmarrëse në zhvillimet në Ukrainë, sipas Heintschel von Heinegg.

Cilat janë qëllimet e Rusisë?

Sipas Johannes Peters Rusia me rrezikimin e tregtisë ndërkombëtare në radhë të parë nuk synon të dobësojë Ukrainën, por më shumë perëndimin përmes përdorimit të urisë si armë dhe ta detyrojë atë të lirojë sanksionet. “Këtu mjafton, kjo është llogaria e Rusisë, që të kërcënohet me masa të caktuara, me qëllim që koncernet e anijeve por edhe shoqëritë e sigurimit të anijeve të mos i hyjnë këtij rreziku dhe kështu t’ia pamundësojnë Ukrainës të eksportojë më tej drithëra”, thotë eksperti. “Rusia kërkon të detyrojë perëndimin që të lirojë sanksionet e vendosura kundër Rusisë.” Kërkesat e Moskës janë të qarta: ripranimi i bankës agrare ruse, “Rosselchosbank” në sistemin SWIFT dhe eksportimi më i lehtë i plehrave kimikë.

Fundi i marrëveshjes për drithërat është për Rusinë një rast i mirëpritur, për të vendosur nën presion botën perëndimore, thekson Peters. Edhe forcimi i sulmeve mbi Odesa janë pjesë e strategjisë ruse “për të penguar që anijet me ftesë të Ukrainës të zgjedhin itinerare të tjera alternative që diskutohen për momentin.”

Cilat janë mundësitë e perëndimit?

Peters thotë, se perëndimi duhet tani të vendosë, nëse në rast nevoje do të shoqërojë ushtarakisht anijet tregtare, gjë që po debatohet së fundmi. Megjithate kjo është praktikisht e vështirë të realizohet, sipas ekspertit. Së pari duhet që Turqia të miratojë prezencën e një sërë anijesh ushtarake në Detin e Zi. Tjetra: në kërë rast duhet të vendosen itinerare speciale. Nga ana tjetër sipas Peters, me këtë hap do të rritej shumë rreziku, që shtetet perëndimore, sikur edhe padashur, të përfshiheshin drejtpërdrejt në përplasje ushtarake me anijet ruse të luftës. “Nga fillimi i luftës si Rusia ashtu edhe perëndimi janë përpjekur të mënjanojnë një shkallëzim të tillë.”/dw

The post A mundet Rusia të sulmojë anijet tregtare në Detin e Zi? appeared first on Albeu.com.

Hovenier thotë se kanë kërkuar nga qeveria e Kosovës që të ndërmarrë disa veprime specifike për të ndihmuar në zbutjen e situatës atje, për të ndihmuar që të ecet përpara për të mirën e Kosovës dhe stabilitetit rajonal.

The post Ambasadori amerikan në Prishtinë: Përkushtimi i SHBA ndaj Kosovës dhe popullit të saj mbetet i qëndrueshëm si gjithmonë appeared first on Albeu.com.

Ndihma, me vlerë 2.2 miliardë dollarë, thuhet se përmban raketa me një rreze veprimi deri në 94 milje (150 km).

Zëdhënësi Dmitry Peskov u tha gazetarëve se SHBA kishte shkatërruar gjithashtu bazën ligjore për traktatin e ri START të kontrollit të armëve bërthamore midis vendeve, por ai shtoi se marrëveshja mbetet “shumë e rëndësishme” për Rusinë.

Traktati, i cili hyri në fuqi në vitin 2011 dhe u rinovua në vitin 2021, kufizon numrin e kokave bërthamore strategjike dhe mjeteve të tyre të dorëzimit që të dy vendet mund të vendosin.

Nuk është e lidhur me luftën në Ukrainë, por Rusia ka refuzuar të lejojë SHBA-në të kryejë inspektime në territorin e saj mes tensioneve në rritje midis vendeve.

Peskov vazhdoi të mirëpresë ofertën e një kompanie ruse për të paguar pesë milionë rubla (58,000 £) për ushtarët e parë që shkatërruan ose kapën tanket Abrams ose Leopard 2 të prodhuara nga SHBA, të cilat u premtuan kohët e fundit nga aleatët e Ukrainës.

“Ne kemi thënë tashmë se do të digjen. Me stimuj të tillë, mendoj se do të ketë edhe më shumë entuziastë,” tha ai.

Nuk kishte plane që Presidenti Vladimir Putin të zhvillonte bisedime me Presidentin Joe Biden, shtoi Peskov./albeu.com

The post Kremlini: Raketat amerikane me rreze të gjatë do të “përshkallëzojnë” konfliktin appeared first on Albeu.com.

Sipas NBC,  hakerët e lidhur me qeverinë kineze vodhën të paktën 20 milionë dollarë nga përfitimet e ndihmës nga Covid në SHBA, duke përfshirë kreditë e Administratës së Biznesit të Vogël dhe fondet e sigurimit të papunësisë në më shumë se një duzinë shtetesh.

Vjedhja e fondeve të taksapaguesve nga grupi i hakerëve me bazë në Chengdu, i njohur si APT41 është rasti i parë i mashtrimit pandemik të lidhur me kriminelët kibernetikë të huaj, të sponsorizuar nga shteti, që qeveria amerikane e ka pranuar publikisht, por mund të jetë thjesht maja e ajsbergut, sipas Zyrtarë të zbatimit të ligjit në SHBA dhe ekspertë të sigurisë kibernetike.

Zyrtarët dhe ekspertët, shumica duke folur në kushte anonimiteti për shkak të ndjeshmërisë së temës, thonë se hetimet e tjera federale të mashtrimit pandemik gjithashtu duket se tregojnë përsëri për hakerat e lidhur me shtetin e huaj.

“Do të ishte çmenduri të mendosh se ky grup nuk kishte në shënjestër të 50 shtetet,” tha Roy Dotson, koordinator kombëtar i rimëkëmbjes së mashtrimit pandemik për Shërbimin Sekret, i cili gjithashtu vepron si një ndërlidhës me agjencitë e tjera federale që hetojnë mashtrimin Covid.

Shërbimi Sekret nuk pranoi të konfirmojë shtrirjen e hetimeve të tjera, duke thënë se ka më shumë se 1,000 hetime në vazhdim që përfshijnë aktorë kriminalë ndërkombëtarë dhe vendas që mashtrojnë programet e përfitimeve publike dhe APT41 është “një lojtar i dukshëm”.

Dhe nëse qeveria kineze e drejtoi APT41 për të grabitur fondet e taksapaguesve amerikanë apo thjesht shikonte nga ana tjetër, shumë zyrtarë aktualë dhe ish-SHBA thonë se vetë vjedhja është një zhvillim shqetësues që ngre rrezikun. Një zyrtar i lartë i Departamentit të Drejtësisë e quajti atë “të rrezikshëm” dhe tha se kishte implikime serioze të sigurisë kombëtare.

The post Raporti i inteligjencës amerikane: Hakerët e lidhur me qeverinë kineze vodhën miliona dollarë nga Covid appeared first on Albeu.com.

‘Adobe Analytics’, e cila mat tregtinë elektronike duke analizuar blerjet në faqet e internetit, ka qasje në të dhënat që mbulojnë blerjet në 85% nga 100 kompani kryesore që tregtojnë në internet në Shtetet e Bashkuara.

‘Adobe Analytics’ kishte parashikuar që shitjet gjatë kësaj dite të rriteshin në një masë modeste prej 1%.

Një ditë që gjithashtu shoqërohet me ulje të mëdha çmimesh është ajo që njihet si ‘Cyber Monday’, e hëna e parë pas festës së Falenderimeve. ‘Adobe’ parashikon që edhe e hëna të shënojë një volum të madh blerjesh, me amerikanët që pritet të shpenzojnë rreth 11.2 miliardë dollarë.

Pritshmëritë ishin që konsumatorët të dyndeshin në dyqane pas kufizimeve që kishte shkaktuar më parë pandemia, por mëngjesi i së premtes tregoi më pak lëvizje se zakonisht në qendra tregtare, me përjashtime në disa pjesë të vendit.

Amerikanët përdorën telefonat inteligjentë për të bërë blerje dhe sipas ‘Adobe’, blerjet në celular përfaqësonin 48% të të gjitha shitjeve në internet gjatë ditës së premte./VOA

The post SHBA shitje rekord në internet, pavarësisht inflacionit të lartë appeared first on Albeu.com.

Ngjarja ka ndodhur gjatë natës të së dielës në kampusin kryesor të shkollës në Charlottesville, ndërsa një autobus kthehej nga një ekskursion.

“I dyshuari, Christopher Darnell Jones Jr., përballet me tre akuza për vrasje të shkallës së dytë”, u tha gazetarëve shefi i policisë UVA Timothy Longo Sr.

Të vrarët ishin Devin Chandler, Lavel Davis Jr. dhe D’Sean Perry, të gjithë anëtarë të ekipit të futbollit UVA. Dy studentët e plagosur po trajtohen në Qendrën Mjekësore UVA, ku njëri është në gjendje kritike dhe tjetri jashtë rreziku për jetën.
Policia nuk ka dhënë ende një motiv për sulmin.

Të paktën 68 raste të të shtënave në shkollat amerikanë janë rregjistruar që nga janari i këtij viti, duke përfshirë 15 raste në kampuset e Universiteteve, raporton CNN.

Në të gjitha rastet, ka qenë të paktën një person që është qëlluar.

Sulmi më vdekjeprurës në shkollë në historinë moderne të SHBA mbetet sulmi i vitit 2007 në Virginia Tech në Blacksburg, ku një student 23-vjeçar vrau 32 persona përpara se të vetëvritej.

The post Tragjedia me tre studentë të vdekur dhe dy te plagosur, arrestohet autori i masakrës në SHBA appeared first on Albeu.com.

SHBA është paralajmëruar se do ketë sulme të pashmangshme ndaj objektivave në Arabinë Saudite dhe ka vënë në gatishmëri ushtrinë amerikane dhe shtetet e tjera fqinje në Lindjen e Mesme, thanë zyrtarët sauditë dhe amerikanë në një deklaratë.

Inteligjenca nga zyrtarët sauditë zbulon se Irani është i gatshëm të kryejë sulme brenda mbretërisë dhe në Erbil, Irak, ku janë vendosur trupat amerikane për të shkëputur vëmendjen nga protestat që kanë kapluar titujt ndërkombëtarë, raporton The Wall Street Journal.

Këshilli i Sigurisë Kombëtare i Shtëpisë së Bardhë tha se ishte i shqetësuar dhe se është i gatshëm të përgjigjet nëse është e nevojshme, teksa një zëdhënës i Këshillit tha se janë të shqetësuar për kërëcnimin dhe mbeten në kontakt të vazhdueshëm me palën saudite.

Ata shtuan se nuk do të hezitojnë të veprojnë në mbrojtje të interesave dhe partneriteteve në Lindje dhe zonat pranë Arabisë Saudite në rast të një sulmi.

The post SHBA dhe Arabia Saudite vendosen në alarm, Irani kërcënon se do ketë sulme të pashmangshme ndaj tyre appeared first on Albeu.com.

Raporti për rinumërimin e votave është miratuar në seancën e sotme të Komisionit Qendror të Zgjedhjeve të Bosnjë-Hercegovinës.

Qendra kryesore e numërimit në Sarajevë ka rinumëruar votat nga më shumë se 2,000 qendra votimi për nivelin e presidentit të njësisë, pasi zyra e prokurorit të shtetit mori raporte për mashtrim në natën e zgjedhjeve të 2 tetorit.

Megjithatë, edhe pas rinumërimit, Dodik, politikan ekstremist pro-rus i sanksionuar nga SHBA si person i korruptuar që rrezikon të minojë stabilitetin e Ballkanit, është shpallur fitues.

The post SHBA e shpalli non-grata, Dodik zgjidhet presidenti i ri i Republikës Srpska appeared first on Albeu.com.

Dy avionët e Forcave Ajrore daneze mbrojnë dhe monitorojnë kufijtë e jashtëm të NATO-s që nga sulmi në tubacionet e gazit Nord Stream 1 dhe 2. Ndërsa gazi del në sipërfaqe nga katër çarje në tubacionet e Nord Stream, qytetarët e Bornholmit ndjejnë se konflikti po afrohet.

Avionët që kushtojnë 15 milionë euro janë gati të ngrihen në ajër në pesë minuta, ndërsa janë të pajisur me sistemet më moderne të armëve.

Ministri i Mbrojtjes i Danimarkës, Morton Bødskov për BILD: Deti Baltik është dhe do të vazhdojë të jetë një rajon me tensione të larta. Ne shikojmë se rusët vazhdojnë të testojnë kufijtë tanë. Kjo është arsyeja pse avionët janë stacionuar këtu, për të qenë në gjendje të reagojnë ndaj kësaj më shpejt.”

Sakaq, avionët luftarakë F-16 ishin të parët që zbuluan gazin qëdilte nga tubacionet e Nord Stream.

The post Mburoja e fundit në Baltik, NATO “izolon” kufirin me 2 avionët luftarakë pas shpërthimeve në Nord Stream appeared first on Albeu.com.