Këtë të premte, në orën 11:00, u zhvillua shorti i Kategorisë së Parë për sezonin 2026-2027, nga i cili u përcaktua edhe programi i javës së parë.

Edicioni i 79-të i këtij kampionati do të ngrejë siparin më 5 shtator 2026, ndërsa përfundimi është parashikuar në fund të muajit maj të vitit 2027.

Që në nisje, shorti ka prodhuar disa duele interesante. Flamurtari i Olitjon Kërnajës do ta presë Sopotin në Vlorë, kurse Pogradeci i Emiljano Çelës do ta luajë takimin e parë në transfertë ndaj Burrelit.

Në sfidat e tjera, Iliria do të jetë pritëse kundër Kastriotit dhe Kukësi do të masë forcat me Korabin. Bylisi do të ndeshet me Besën, ndërsa Oriku do të përballet me Besëlidhjen.

JAVA 1

ILIRIA – KASTRIOTI

KUKËSI – KORABI

BYLISI – BESA

BURRELI – POGRADECI

FLAMURTARI – SOPOTI

ORIKU – BESËLIDHJA

The post Kategoria e Parë/ Zbardhet kalendari i sezonit 2026-2027, Oltijon Kërnaja nis me Flamurtarin në Vlorë, Pogradeci luan jashtë fushe appeared first on Albeu.com.

Vllaznia do ta vijojë fazën përgatitore në Pukë, ku do të përmbyllë përgatitjet për sezonin e ri të “Abissnet Superiore”, 2026/27.

Lajmi është bërë i ditur nga klubi shkodran përmes një postimi në rrjetet sociale. Skuadra e drejtuar nga Edi Martini do të qëndrojë në këtë qytet, me synimin për të ndjekur planin që në Shkodër lidhet me fitimin e titullit.

Gjatë qëndrimit në Pukë, kuqeblutë do të zhvillojnë edhe dy ndeshje miqësore. Kundërshtarët e këtyre sfidave do të publikohen në ditët në vijim, ndërsa të dyja përballjet do të luhen në stadiumin “Ismail Xhemali”.

The post Vllaznia zhvendoset në Pukë për fazën përgatitore, objektivi mbetet titulli në Superiore (AXHENDA) appeared first on Albeu.com.