Kryetari i Shoqatës së Hotelierëve “HOTAM”, Kërste Bllazheski, theksoi se shumica e mysafirëve vendor pushimet do t’i kalojnë jashtë vendit, ndërsa mysafir nga rajoni dhe më gjerë kanë mbushur shtretërit e hoteleve për rreth 60%.“Nuk kemi shumë mysafir vendor. Ata dolën jashtë vendit por turistët e huaj janë këtu, edhe pse jo në nivelin e pritur. Ne nuk mund të mburremi me 80-90% okupim. Numri është dukshëm më i ulët se sa pritej, hotelet janë të mbushur për rreth 60%”, tha Bllazheski për AIM.

Ai pret që numri i turistëve të rritet gjatë muajit maj, gjë që sipas tij, parashikon një sezon të pasur turistik.

“Numri i akomodimeve do të rritet pas Pashkëve dhe presim një sezon turistik më të pasur se vitin e kaluar. Nga fillimi i vitit e deri më tani kemi shumë më tepër fjetje se vitin e kaluar. Ne presim që maji të jetë një nga muajt më të mirë, të mund të krahasohet me muajt e verës në plotësi”, tha Bllazheski.

Sipas tij, po punohet që 90% e shtretërve gjatë muajve të verës të jetë e mbushur me turne të organizuara, ndërsa pjesa tjetër pritet të plotësohet nga mysafir individualë.

“E dimë që rreth datës 2 gusht, një javë para dhe një javë pas, është e vështirë të gjesh një vend. Nëse dikush planifikon të vijë në Ohër ose Strugë në atë periudhë, duhet të rezervojë që tani”, potencoi ai.

Ai gjithashtu konkludoi se sektori i turizmit, veçanërisht ai i hotelerisë, është rikuperuar nga kriza e koronës kur u prek në mënyrë drastike.

“Të gjitha i kemi tejkaluar dhe jemi në një fazë ku duhet të punojmë për një strategji më të madhe dhe po i rikthehemi kërkesave të vjetra nga viti 2017, 2018 dhe 2019, për shtimin e fjetjeve, lehtësimin e detyrimeve tatimore, uljen e TVSH-së në raport me rritjen e sektorit të turizmit, i cili sjell para më të lehta në buxhetin e shtetit”, tha ai.

Pritet që turistët holandezë edhe këtë vit të jenë më të shumtë në bregdetin Ohër-Struse, ndërsa nuk do të mungojnë as mysafir nga Polonia, Turqia, si dhe rajoni. Mirëpo, hotelierët si problemin më të madh e vënë në dukje rrugën nga Shkupi në Ohër, që është arsyeja që turistët serbë i shmangen brigjeve të liqenit të Ohrit dhe i kalojnë pushimet në Greqinë fqinje.

The post Hotelierët në Maqedoni presin sezon të mirë turistik appeared first on Albeu.com.

Esmeralda Topi

Insektet që shqetësojnë më shumë njerëzit gjatë sezonit veror janë mushkonjat, konstaton Instituti i Shëndetit Publik, kur lajmëronte nisjen e procesit të dezinsektimit në zonat bregdetare dhe urbane për vitin 2015. Ky ishte operacioni i dytë kundër mushkonjave në Shqipëri, pas më shumë se dy dekadash mungese.

“Po ribëhet nga qeveria pas 23 vjetësh operacioni për dezinsektimin e bregdetit në prag të verës. #Turizëmpamushkonja”- shkruante në 18 maj të 2014 Kryeministri Edi Rama në rrjetin social Twitter, për të përshëndetur rinisjen e procesit të dezinsektimit të zonave bregdetare.

Prej vitit 2014 e deri në 2021, procesi i dezinsektimit të zonave bregdetare dhe urbane ka nisur kryesisht çdo vit në periudhën maj-qershor për të vijuar deri në mbyllje të sezonit turistik, në tetor. Rikthimi i këtij shërbimi nga shteti pas dy dekadash u mirëprit nga të gjithë, por procesi ka hasur vështirësi për shkak të burokracive.

Tenderat që mbajnë peng dezinsektimin

Edhe pse në pikun e sezonit, Instituti i Shëndetit Publik ende nuk ka nisur nga puna për një turizëm pa mushkonja, njëlloj siç ndodhi vitin e kaluar.

Dy vitet e fundit, dezinsektimi ka mbetur peng i tenderave që nuk arrijnë të mbyllen në kohë për shkak të procedurave ankimuese nga kompanitë pjesëmarrëse. Një histori e përsëritur edhe në vitin 2019, e cila ka përfunduar në SPAK për shkelje të barazisë në tendera.

Për vitin 2023, tenderat për dezinsektim janë ende në zhvillim, ndërkohë që procesi duhet të kishte nisur me kohë në terren. Data e hapjes së tenderit është 20 prilli dhe sipas afateve, fituesit duhet të ishin shpallur një muaj më vonë.

Sipas të dhënave nga Agjencia e Prokurimit Publik, këtë vit, shuma e vënë në dispozicion për shërbimin e dezinsektimit në zonat bregetare dhe urbane është 120.2 milionë lekë. Gara është e ndarë në 6 lote sipas qarqeve: Shkodër, Lezhë, Durrës, Tiranë, Fier dhe Vlorë.

Por edhe këtë vit, gara ka sjellë pakënaqësi tek pjesëmarrësit. Një prej kompanive që mori pjesë në tender ka ankimuar procedurën mbi specifikimet teknike dhe ndonëse jemi në korrik ende nuk është e qartë se kur mund të mbarojë kjo histori, në mënyrë që të nisë spërkatja e vonuar kundër mushkonjave.

Faktoje iu drejtua me një kërkesë për informacion Institutit të Shëndetit Publik. Pas një procedure ankimimi pranë Komisionerit për të Drejtën e Informimit, ISHP i tha Faktoje se procesi i dezinsektimit do të nisë pas përfundimit të prokurimeve.

‘Lidhur me informacion e kërkuar nga ana juaj, ju bëjmë me dije se procesi i dezinsektimit është në procedurë prokurimi pranë ASHPP. Me përfundimin e procedurës së prokurimit  do të nisë dhe procesi i dezinsektimit!’, vlerëson ISHP pa dhënë një afat konkret, ndërkohë që jemi në pikun e sezonit turistik.

Mushkonjat hedhin ‘valle’

Florida dhe Mikeli janë një çift të rinjsh nga Tirana që pushimet këtë vit i bënë në Velipojë.

“Që në ditët e para të pushimeve mushkonjat pickuan vajzën 1 vjeç e gjysmë. Pickimet iu infektuan dhe qelbëzuan. U detyruam të iknim pasi nuk mund të rrihej më shumë. Ishte vërtetë problem këtë vit.”, thotë Florida për Faktoje.

Vajza e çiftit, disa ditë pas pickimit të mushkonjave

“Vendpickimet e insekteve shpesh mundet të mbiinfektohen nga mikroorganizmat e lëkurës si Streptokokët, Stafilokokët, Kandida, etj.,ose mikroorganizmat e mjediseve higjenikisht të papastra në vendpushimet tona buzë detit dhe jo vetëm.”, thotë për Faktoje mjeku infeksionist Tritan Kalo.

Situata është problematike kudo. Edhe Fatos Cerenishti, pronar i Hotel ‘Fafa’ në Golem thotë se mungesa e vazhdueshme e dezinsektimit është bërë shqetësim i madh për turistët.

“Katastrofë është me thënë të drejtën, menduam se sivjet do të kishte dezinsektim, se ai bëhet në mars, sipas ekspertëve të fushës. Kjo na shqetëson shumë, sepse mund t’i ofrosh çdo lloj shërbimi turistit, por nëse e pickon mushkonja në darkë ai i harron të gjitha të tjerat.”, thotë ai për Faktoje duke shtuar se këtë vit shërbimet e dezinsektimit po i bën privatisht.

“Edhe pse po i bëjmë vetë me kompani provate na kanë ‘çarë’ mushkonjat. Përveçse ka kosto shumë të madhe procesi nuk mund të realizohet dot nga vetë ne. Jemi përpjekur të bëjmë dezinsektime pjesërisht në zonat tona, por është shumë pak. Sërish kemi probleme, pasi procesi kërkon një operacion të mirëfilltë dhe jo me pjesë.”, shprehet i shqetësuar Cerenishti.

Apeli i mjekëve

Mjekët infeksionistë i bëjnë apel autoriteteve që dezinsektimin ta kryejnë në mars.

‘Fillimi i luftës ndaj tyre duhet të përkojë me Festimet e Ditës së Verës.’- thotë profesor Tritan Kalo, teksa shton se krahas dezinsektimit nevojiten edhe dy procese të tjera që lidhen ngushtë me sëmundjet infektive.

‘Dezinsektimi, krahas dezinfektimit dhe deratizimit, përbën kulmin e një trekëndëshi barabrinjës për krijimin e një mjedisi të shëndetshëm për jetesën e një popullate urbane ose jo. Në këtë periudhë të vitit insektet, sidomos mushkonjat sjellin jo vetëm shqetësime irrituese fizike, por janë edhe vektorë potencialë të përhapjes së Infeksioneve jetëshqetsuese e jetëkërcënuese si Encefalitet, Malaria, Tsutsugamushi, etj.’, shprehet Kalo për Faktoje.

Edhe ekspertë të mjedisit këshillojnë që dezinsektimi të bëhet në fazën larvare të insekteve, që përkon me periudhën e fillim-pranverës. Por në Shqipëri, gjasat janë që ky proces të mos nisë as gjatë korrikut./faktoje

The post Një tjetër sezon turistik me mushkonja appeared first on Albeu.com.

Megjithë masat e shtrenguara anti-covid dhe situatën aspak të mirë ekonomike që po kalon mbarë bota, ata sërish kanë vendosur Shqipërinë të parën, në listën e vendeve ku do të pushojnë.

Kjo ka krijuar radhë kilometrike në Morinë, për shkak edhe të procedurave lehtësuese që aplikohen në këtë pikë kufitare për të mos paraqitur asnjë dokument apo vërtetim që ka lidhje me pandeminë.

Qytetarët në pritje të kalimit të kufirit, janë pyetur nga mikrofoni i Report Tv lidhur me masat e marra kundrejt pandemisë, teksa edhe varianti delta është në kulmin e tij.

“Po shkojmë te deti. Do rrimë sa të mundemi. Ne jemi vaksinuar të gjithë me dy vaksina, kemi dhe dokumentacionin e nevojshëm, nuk kemi frikë.”, shprehet një qytetar.

“Po shkojmë në Shëngjin, 4-5 ditë. Nuk kemi frikë nga virusi, jemi vaksinuar dhe kemi marrë masat.”, thotë një tjetër.

Një pjesë e qytetarëve shqiptarë nga Kosova, të cilët do të kalonin pushimet në Shqipëri, janë përgatitur dhe kanë marrë të dyja dozat e vaksinës anti-COVID, megjithatë ka edhe shumë të “pabindur”.

“Po shkojmë për pushime në Velipojë, do rrimë një javë. Nuk kemi frikë nga COVID-19 kujt i bie i bie, duhet të mësohemi.”, thotë një qytetar teksa po priste në radhë.

Mëngjesin e kësaj të shtunë Morina u zgjua nën “pushtetin” e makinave deri në thellësi të territorit të Kosovës, ndërsa policia kufitare punoi me tetë sportele e procedurë të përshpejtuar për të shmangur vonesat në kufi./albeu.com/

The post Radhë kilometrike në Morinë! Shqiptarët e Kosovës nuk e tradhëtojnë atdheun, turizmi patriotik shpëton sezonin appeared first on Albeu.com.

Vasil Bedini, sipërmarrës në fushë e turizimit thotë se Qarku i Vlorës ka nisur të japë sinjalet e para pozitive.

“Kemi pasur grupe turistësh nga Ukraina dhe Bjellorusia, e cila nga konflikti ditë e fundit është mbyllur. Gjithsesi qyteti i Vlorës i ka hapur dyert dhe ka pasur lëvizje sidomos gjatë fundjavave me kapacitte shumë të larta. Presim që në ditët në vazhdim Qarku i Vlorës t`i rikthehet atij që ne e marrim si vit reference, vitit 2019″, thotë zoti Bedini.

Ndërsa Arben Çipa, një sipërmarrës turistik në Sarandë thotë se turizmi po jep shenja jete jo vetëm në zonat bregdetare, por edhe në zonat natyrore dhe ato të njohura për trashëgiminë kulturore.

“Jep shenja jete turizmi. Po e rimerr veten duke filluar që nga zona bregdetare e duke vijuar me zonat më të thella si Butrinti, Berati dhe Gjirokastra. Fokusimi i turistëve është kthyer tek vendet me vlera të Shqipërisë”, thotë ai.

Vështirësitë kufitare që lidhen me lëvizjen e prurjeve trustike shihen si sfida më e madhe aktuale nga të dy sipërmarrësit turistik në Vlorë dhe Sarandë .

Vasil Bedini thotë se “ka ende shumë shtete të Europës që nuk e kanë vendosur dhe nuk e kanë hequr Shqipërinë nga “harta e kuqe”. Presim sinjale positive që Austria, Italia Gjermania por edhe nga vendet e tjera që tradicionalisht kanë qenë klientët tanë”.

Arben Çipa, sipërmarrës Sarandë thotë se “destinacioni i Durrësit ka filluar të funksionojë në nivele mjaft të mira.Çarterat funksionojnë normalisht me Ukrainën, tregun polak, ndërsa për sa i përket Sarandës jemi në pritje të hapjes së kufirit detar me Korfuzin pasi Aeroporti i Korfuzit shërben për të lehtësuar ardhjen e turistëve të huaj në zonën bregdetare shqiptare”.

Ndërkohë duket se turizmi vendas vijon të mbështesë ekonominë turistike në dy qarqet bredgetare sidomos në fundjavë. Zoti Bedini thotë se turizmi nga Kosova dhe hapësira shqiptare I shpëtoi gjatë periudhës së pandemisë njësitë turistike nga falimentimi.

”Gjithë sektori turizmit e ka bërë punën e vet duke marrë masa për të pritur turistët e huaj por edhe vendas.Vitin 2020 na ndihmuan bashkatdhetarët e Kosoëvs që e mbajtën turizmin në nivele të mesme duke e shpëtuar nga falimentimi”, thotë ai.

Në zonën bregdetare nga Vlora në Sarandë është rritur së fundi kapaciteti i hotelerise ndonëse ky ishte nga sektorët më të prekur nga pandemia.

Jolio Dine, që punon në këtë fushë thotë se Saranda ka përmirësur shërbimet dhe insfrastruktura është më e mirë dhe krahasimisht me vitin e shkuar ka një rritje të prurjes turistike.

“Ka një rritje të turistëve në përgjithësi dhe atyre që e frekuentojnë hotelin tonë. Ka një rritje për tremujorin duke e krahasur me vitin e shkuar, ka më shumë prurje dhe më shumë rezervime. Shpresojmë që korriku, gushti por edhe shtatori të jenë më mirë se viti i shkuar.”, thotë zoti Dine.

Ai thotë se hapja e kufijve me Greqinë do të sillte lehtësi për lëvizjen turistike ndërkohë që masat në kuadër të pandemisë kanë ndikuar këtë vit në mosardhjen e turistëve nga vendet nordike.

“Sarandën vazhdon “ta penalizojë” mos-hapja e kufijve me Greqinë. Ndërkohë me vendet nordike e kemi të bllokuar këtë vit marëdhënien bilaterale për shkak të masave të pandemisë por shpresojmë që vitin tjetër këto masa të hiqen dhe turistët nordikë që janë të shumtë për qytetin tonë të rikthehen“.

Të dhënat zytare shqiptare për 4 muajt e parë të këtij viti flasin se hyrjet e shtetasve të huaj mbetën rreth 30% më të ulëta se në nivelet e para pandemisë, ndërsa hyrjet e shtetasve të Kosovës janë 21% më të larta se periudha e para fillimit të pandemisë. Sektori turizmit përbën në Shqipëri mbi 20% të Prodhimti të Brendshëm Bruto duke punësuar mbi 200 mijë persona./VOA/

The post VOA: Sezoni turistik nis ngadalë prej pandemisë në bregdetin jugor të Shqipërisë appeared first on Albeu.com.

Ministri i Turizmit Blendi Klosi ka theksuar rëndësinë që ka ky sezon turistik,për mbarëvajtjen e të cilit duhet të sigurohen të gjitha kushtet e nevojshme.

“Jemi në kuadër të organizimit të Task-Forcës së Turizmit në të gjithë vendin dhe padyshim Berati është një nga ato qarqe që ka nevojë për organizim të funksionimit të sistemit të turizmit dhe besoj se viti 2021 do të jetë me shifra shumë më të larta se viti 2020. Duhet ta pranojmë se viti 2020 pati një biznes turizmi në Shqipëri por qytetet e brendshme si: Berati, Gjirokastra,Shkodra,Lezha etj pësuan goditje.Në kuadër të përgatitjes së sezonit turistik duhet të fillojmë një aksion të mirëorganizuar,që do të shtrihet gjatë gjithë muajit Qershor për pastrimin e të gjitha akseve rrugore dhe vendeve turistike të vizitueshme nga turistët,për ti ofruar atyre një Berat të pastër siç edhe është tradita e këtij qyteti.Në kuadër të politikave të zhvillimit të turizmit ne nuk do të kemi si ofertë turstike të qarkut vetëm qendrat historike e muzeale siç janë: Kalaja,Mangalemi e Gorica por duhet të ofrojmë edhe destinacione të tjera turistike,që janë të shumta në të gjithë qarkun,duke filluar nga shtigjet,kishat shekullore,monumentet e kulturës,kanionet e kështu me radhë”, tha Klosi. /albeu.com

The post Berati çel sezonin turistik, Klosi: Këtë vit do të presim më shumë vizitorë se në 2020 appeared first on Albeu.com.