Transferimi i Cristian Shpendit te Cremonese, i cili pritej të zyrtarizohej së shpejti, ka marrë një kthesë të papritur dhe nuk është finalizuar.

Sipas raportimeve të para, klubi i Cremoneses do t’i paguante Cesenës 4 milionë euro për kartonin e sulmuesit të Kombëtares. Shpendi pritej të firmoste me skuadrën e re deri në vitin 2030.

Arsyet e mosrealizimit të marrëveshjes, e cila ishte në pritje vetëm të konfirmimit zyrtar, ende nuk janë bërë të ditura. Për rrjedhojë, Cristian Shpendi do të vazhdojë të luajë për Cesenën në Serie B.

The post Marrëveshja dukej e mbyllur, por dështon transferimi i sulmuesit të Kombëtares te rivali italian appeared first on Albeu.com.

Cristian Shpendi ishte një nga figurat kryesore të duelit mes Cesenës dhe Sampdorias, i cili përfundoi në barazim 1-1 në Serie B.

Sulmuesi shqiptar zhbllokoi rezultatin në minutën e 17-të, kur shfrytëzoi saktë një krosim dhe me goditje me kokë e dërgoi topin në rrjetë, duke i dhënë avantazhin Cesenës.

Pas pushimit, në minutën e 48-të, Shpendi ishte pranë golit të dytë. Goditja e tij diagonale u ndal nga shtylla pingule, duke i mohuar shqiptarit një tjetër finalizim.

Vetëm nëntë minuta më pas, 23-vjeçari mori karton të verdhë pas një ndërhyrjeje të ashpër, ku nuk ishte i interesuar për topin.

Paraqitja e tij në këtë ndeshje mund t’i shërbejë Cristian Shpendit si një sinjal i fortë për përfshirjen në listën e trajnerit Rolando Maran për Shqipërinë në ndeshjet e shtatorit të Ligës së Kombeve.

Goli i Cristian Shpendit

Shtylla e goditur nga Cristian Shpendi

The post VIDEO/ Shpendi protagonist ndaj Sampdorias: gol, shtyllë dhe karton në startin e sezonit me Cesenën appeared first on Albeu.com.

Empoli ka gjetur golin e avantazhit ndaj Cremoneses falë sulmuesit shqiptar Stiven Shpendi, në përballjen e javës së parë të Serie B në Itali.

23-vjeçari realizoi në minutën e 21-të, kur u shfaq në vendin e duhur dhe, me ndihmën edhe të fatit, zhbllokoi rezultatin.

Gjatë sezonit të kaluar, Shpendi shënoi 15 gola me Empolin në kampionat, por kontributi i tij nuk mjaftoi që skuadra të siguronte ngjitjen në Serie A.

Megjithëse po kalon një formë të mirë, sulmuesi shqiptar vazhdon të presë ftesën e Kombëtares së Shqipërisë. Deri tani, ai ka përfaqësuar Shqipërinë U21.

The post VIDEO/ Stiven Shpendi shënon për Empolin, sulmuesi shqiptar ende pret ftesën e Kombëtares appeared first on Albeu.com.