Sergio Rico Archives - Albeu.com

Pas pothuajse një viti nga aksidenti i rëndë, Sergio Rico kthehet në dispozicion të PSG-së

S SH — Thu, 11 Apr 2024 17:49:12 +0000

Paris Saint-Germain do të mund të llogarisë në portierin spanjoll Sergio Rico, i cili pas pothuajse një viti ka marr dritën e gjelbër për të filluar stërvitjet.

Portieri 11 muaj më parë kishte një aksident të tmerrshëm me kuaj që ndodhi në Andaluzi, i cili e la në koma për 26 ditë, ndërsa tani Rico mund të rikthehet në stërvitje me ekipin e Luis Enriques.

Sipas RMC Sport, 30-vjeçari spanjoll ka marrë autorizimin nga stafi mjekësor dhe mund ta shohë veten sërish në qendrën sportive në fund të prillit.

Rico aktualisht po ndjek një plan të personalizuar dhe po stërvitet në shtëpinë e tij, në Spanjë.

Kujtojmë gjithashtu se kontrata e tij me kryeqytetasit skadon në fund të qershorit.

Sergio Rico ka bërë karrierë në klube se Sevilla, Fulham dhe Mallorca, ndërsa ka edhe një paraqitje me Spanjën. /Telegrafi/

The post Pas pothuajse një viti nga aksidenti i rëndë, Sergio Rico kthehet në dispozicion të PSG-së appeared first on Albeu.com.

Ra nga kali, “gardiani” i PSG flet për herë të parë pas daljes nga koma

Xh — Sun, 09 Jul 2023 17:26:36 +0000

Pasi pësoi aksidentin gati fatal, që e la për pothuajse 3 muaj në gjendje kome, tashmë portierin spanjoll i Paris Saint-Germain, Sergio Rico e ka kaluar më të keqen, teksa është rikuperuar mjaft shpejt pas daljes nga koma dhe ditën e sotme ka shpërndarë mesazhin e parë për ndjekësit e tij.

Me anë të një postimi të shpërndarë në profilin e tij në “Instagram”, Rico falenderon të gjithë ata që e kanë mbështetur në ditët e tija të vështira, teksa e konsideron veten shumë me fat që shpëtoi.

“Dëshiroj të falënderoj të gjithë njerëzit që më kanë treguar dashurinë e tyre në këto ditë të vështira. Unë vazhdoj të punoj për rikuperimin tim i cili përmirësohet dita-ditës. Ndihem shumë me fat, edhe një herë, ju falënderoj të gjithëve dhe shpresoj t’ju shoh së shpejti”,- shkruhej në postim.

The post Ra nga kali, “gardiani” i PSG flet për herë të parë pas daljes nga koma appeared first on Albeu.com.

Portieri i PSG-së: Dukemi si një ekip PlayStation

E S — Thu, 25 Nov 2021 11:07:19 +0000

Çdo futbollisti pëlqen të luajë, por në PSG është veçanërisht e shtrenjtë këtë vit. Sergio Rico po kalon një kohë të vështirë sepse mezi ka një rol drejtues, por i kupton rrethanat dhe stërvitet me të njëjtin përkushtim si shokët e skuadrës. Mundësia e tij do të vijë, thotë ai.

Keni dashur gjithmonë të jeni portier?

Dashuria për të veshur doreza kalon në familje. Që i vogël kam dashur të imitoj hapat e vëllait tim të madh, i cili gjithashtu ishte portier. Miqtë e mi ishin të frikësuar dhe unë tashmë e kisha ndarë mendjen. Nuk më interesonte nëse më godiste topin në fytyrë.

Konkurrenca që ka në Paris nuk është e vogël. Si duhet për të qenë një opsion i tretë?

Nuk është një situatë komode apo e këndshme, nuk do të të gënjej. Por ndonjëherë këto gjëra ndodhin dhe ju duhet t’i përballoni ato kokë më kokë, pa ulur krahët. Nuk është e lehtë të konkurrosh me Keylor Navas ose Donnarumma, por e di që me punë dhe durim do të më vijë mundësia. Në PSG apo një ekip tjetër.

Këtë verë mbërritën Messi dhe Ramos. Çfarë kaloi në kokën tuaj?

PSG duket si një ekip i PlayStation. Ndonjëherë duket si fantashkencë. Është fat të ndajmë dhomën e zhveshjes me këta futbollistë të mëdhenj. Më pëlqen shumë në këtë kuptim. /albeu.com

The post Portieri i PSG-së: Dukemi si një ekip PlayStation appeared first on Albeu.com.