Një grup i rëndësishëm futbollistësh me histori në La Liga ndodhet aktualisht në kërkim të skuadrave të reja, duke u kthyer në disa prej emrave më interesantë të tregut spanjoll të transferimeve.

Mes tyre janë Dani Carvajal, Sergio Ramos dhe Dani Parejo, të cilëve u kanë përfunduar kontratat me klubet respektive. Për shkak se janë lojtarë të lirë, ekipe nga Evropa dhe vende të tjera po vlerësojnë mundësinë për t’i afruar pa paguar tarifa transferimi.

Përvoja ndërkombëtare e këtyre veteranëve i bën ata alternativa tërheqëse për klubet që synojnë të përforcohen me kosto të ulët. Mosha mund të kufizojë disa prej opsioneve të tyre, por karriera dhe reputacioni i tyre vazhdojnë ta mbajnë të gjallë interesin gjatë merkatos së verës.

Dani Carvajal, 34 vjeç, është emri kryesor i kësaj liste. Mbrojtësi i djathtë mbylli një periudhë 13-sezonale te Real Madridi, ku fitoi 27 trofe, mes tyre edhe gjashtë tituj të Ligës së Kampionëve. Tani, prioriteti i tij është të vijojë karrierën në një kampionat evropian konkurrues.

Interi shihet si klubi që ka shfaqur interesin më të madh për të, ndonëse Carvajal ka marrë gjithashtu oferta nga Arabia Saudite, Katari dhe MLS.

Sergio Ramos, 40 vjeç, mbetet një tjetër figurë e madhe pa skuadër dhe ende nuk ka bërë të ditur se do të tërhiqet nga futbolli. Qendërmbrojtësi i lindur në Seville dëshiron të vazhdojë të luajë, nëse paraqitet një propozim që e konsideron tërheqës.

Paralelisht, Ramos vazhdon të jetë pjesë e bisedimeve që lidhen me të ardhmen e Sevillas, megjithëse kjo çështje po trajtohet veçmas nga vendimi për karrierën e tij si futbollist.

Interesi për ish-lojtarin e Real Madridit dhe Sevillas mbetet i lartë falë historisë së tij të jashtëzakonshme. Ramos po shqyrton alternativat e mundshme dhe vazhdon të jetë pa klub vetëm disa javë përpara përfundimit të afatit kalimtar të verës.

Edhe e ardhmja e Dani Parejos po ndiqet me vëmendje. Mesfushori 37-vjeçar u largua nga Villarreal në përfundim të sezonit të kaluar dhe ka bërë të qartë publikisht se synon të vazhdojë karrierën në futboll.

Racing Santander është përmendur ditët e fundit si një destinacion i mundshëm për Parejon. Klubi, që ka siguruar një vend në La Liga, po kërkon të shtojë përvojë në skuadër. Deri tani nuk ka marrëveshje, por mesfushori veteran konsiderohet ende një nga lojtarët e lirë më të kërkuar në tregun spanjoll.

Përveç tyre, futbollistë të tjerë me të kaluar në La Liga, si Thomas Partey, Pedro Rodriguez, Dani Ceballos, Nabil Fekir, William Carvalho, Cedric Bakambu, Chimy Avila, Diego Rico, Joselu, Adama Traore, Alexis Sanchez dhe James Rodriguez, pritet të vendosin të ardhmen e tyre gjatë javëve të ardhshme.

The post Legjendat e La Ligës mbeten pa klub dhe presin ofertat e reja appeared first on Albeu.com.

Ylli brazilian Vinicius Junior është vënë në dijeni se qasja e tij aktuale në bisedimet për kontratën e re me Real Madridin mund të përfundojë me një divorc të dhimbshëm, një skenar i ngjashëm me atë që përjetoi dikur kapiteni legjendar Sergio Ramos.

Me marrëveshjen aktuale që skadon pas një viti, bisedimet kanë hyrë në një qorrsokak. Kjo ka vënë në lëvizje klube si Arsenali, të cilët janë të përgatitur t’i ofrojnë sulmuesit një pagë që do ta rendiste ndër emrat më të mëdhenj të futbollit botëror.

Sipas analistëve, zvarritja e situatës mund të acarojë presidentin Florentino Perez, i njohur për mungesën e tolerancës ndaj lojtarëve që e sfidojnë. Aritz Gabilondo, gazetar i Cadena SER, u shpreh në programin “El Larguero” se Vinicius po e keqlexon tërësisht dinamikën e momentit.

Gabilondo theksoi se taktikat e përdorura nga braziliani në tryezën e bisedimeve janë pikërisht ato që klubi dhe Perez i kanë përçmuar historikisht. Ai e quajti jashtëzakonisht të rrezikshme kundërshtimin e presidentit në këto kushte dhe kujtoi rastin emblemë të Ramos, largimi i të cilit erdhi si pasojë e një përplasjeje të ngjashme negociuese.

“Kur të dyja palët janë të interesuara për vazhdimësinë, marrëveshja arrihet dhe gjithçka mbyllet shpejt. Këtu po shohim një lojë krejt tjetër. Duke parë të gjithë historinë – fillimisht zërat për Arabinë Saudite, pastaj shfaqet befas Arsenali – kuptohet qartë se dikush nuk po sillet me transparencë në këto negociata,” komentoi Gabilondo.

Ai vijoi duke paralajmëruar se Vinicius mund të përfundojë në të njëjtën situatë si Ramos, i cili u largua nga klubi në vitin 2021 pasi Perez refuzoi të rikthente ofertën e tërhequr. Mbrojtësi spanjoll fillimisht kërkonte një rinovim dyvjeçar, ndërsa klubi i ofroi vetëm një vit shtesë. Kur Ramos vendosi të pranonte kushtet e madrilenëve, ishte tepër vonë, pasi oferta ishte anuluar.

Gabilondo këmbëngul se thelbi i problemit nuk janë shifrat financiare, as krahasimi me rrogën e Kylian Mbappes. “Çështja qëndron tek dëshira e tij për të veshur fanellën e Realit. Momentalisht, kjo duket e paqartë. Mendoj se topi është në fushën e Vinicius, jo të klubit,” shtoi gazetari.

Të dhënat nga Capology, një platformë që gjurmon pagat e futbollistëve, tregojnë se Vinicius përfiton një shumë vjetore bruto prej 25 milionë eurosh te Reali, pa llogaritur shpërblimet shtesë. Ndërkohë, Mbappe prin listën me 31.25 milionë euro.

Që nga transferimi i tij nga Botafogo në vitin 2018 për 45 milionë euro, Vinicius ka regjistruar 375 ndeshje me fanellën madrilene, duke realizuar 128 gola dhe duke shërbyer 100 asistime.

Gjatë sezonit të fundit, ku Reali nuk arriti të siguronte asnjë trofe për herë të dytë radhazi, 24-vjeçari u aktivizua në 53 takime, me një bilanc prej 22 golash dhe 14 pasimesh vendimtare. Sipas vlerësimeve të Transfermarkt, kartoni i tij kap shifrën e 140 milionë eurove. Në vitin 2024, ai u rendit i dyti në garën për Topin e Artë, duke i shtuar kështu edhe 14 trofetë e fituar gjatë karrierës së tij në Madrid.

The post Vinicius rrezikon të përsërisë historinë e Ramos te Reali pas paralajmërimit të ekspertëve appeared first on Albeu.com.

Sergio Ramos, ish-kapiteni i kombëtares së Spanjës, ka dënuar ashpër veprimet e mesfushorit argjentinas Leandro Paredes pas humbjes ndaj Spanjës në finalen e Kupës së Botës.

Pas përfundimit të takimit, situata u tensionua dhe mes futbollistëve të dy përfaqësueseve pati disa përplasje. Në qendër të reagimeve ishte edhe konflikti i Paredes me lojtarët spanjollë, një episod që ngjalli pakënaqësinë e legjendës së futbollit spanjoll.

Sipas Ramosit, argjentinasi tregoi mungesë respekti, ndërsa rezultati negativ nuk mund të përdoret si justifikim për një reagim të pakontrolluar.

“Ajo që bëri Leandro Paredes ishte një mungesë e madhe respekti. Të reagosh me agresivitet vetëm sepse ke humbur është e papranueshme. Në futboll, ashtu si në jetë, duhet të dish edhe të humbësh”, deklaroi Ramos.

Ndërkohë, sherri i ndodhur pas finales mund të ketë pasoja, pasi FIFA mund ta ndëshkojë rëndë Argjentinën.

Ish-mbrojtësi i Real Madridit nënvizoi gjithashtu se kundërshtari duhet respektuar në çdo rrethanë, sado e rëndë të jetë dhimbja që shkakton një humbje.

“Duhet të respektosh kundërshtarin, pavarësisht sa e dhimbshme është humbja. Humbja e një finaleje të Kupës së Botës dhemb shumë, por nuk është kurrë justifikim për të humbur kontrollin mbi veten”, u shpreh ai.

Ramos më pas kujtoi temperamentin luftarak që e ka karakterizuar gjatë karrierës, duke përcjellë edhe një mesazh të fortë për Paredesin.

“Duhet të jetë me fat që kjo nuk ndodhi në kohën time. Të premtoj se do ta kisha zgjidhur vetë”, tha ish-kapiteni spanjoll.

Fjalët e Ramosit kanë shkaktuar jehonë të madhe në rrjetet sociale, veçanërisht sepse vijnë nga një futbollist i njohur për personalitetin e fortë dhe për duelet e shumta të zhvilluara në nivelet më të larta të futbollit botëror.

The post Sergio Ramos paralajmëron ashpër Leandro Paredesin: Me fat që nuk ndodhi në epokën time appeared first on Albeu.com.

Sipas gazetës L’Equipe, Mbappe ka shkuar te ish-bashkëlojtari i PSG-së, Sergio Ramos për këshilla rreth vendosjes në Madrid.

Veterani i Sevillas madje thuhet se mund t’i japë Mbappes përdorimin e një prej pronave të tij në kryeqytetin spanjoll.

Ndërkohë bashkëlojtari aktual i PSG-së, Achraf Hakimi, i cili është lidhur me një rikthim në Real Madrid, ka qenë gjithashtu një burim këshillash për Mbappen.

Ramos iu bashkua Real Madridit në moshën 19-vjeçare, ndërsa Achraf erdhi përmes akademisë në Real Madrid Castilla.

Bazuar në lojtarë si Eduardo Camavinga, Aurelien Tchouameni, Jude Bellingham dhe Antonio Rudiger, një nga gjërat që Los Blancos kanë bërë mirë vitet e fundit është integrimi i lojtarëve në klub dhe kulturë.

Ky ka qenë një problem në të kaluarën për Eden Hazard dhe Gareth Bale, të cilët ishin emra më të mëdhenj, por nuk arritën të krijonin një lidhje të fortë me Real Madridin. /Telegrafi/

Sergio Ramos is giving Kylian #Mbappe advice on his move to Madrid. (L'Equipe). #RealMadrid #PSG pic.twitter.com/KyI7J9TacP

— Football España (@footballespana_) March 1, 2024

The post Legjenda e Real Madridit po e ndihmon Mbappen të gjejë shtëpi në Madrid appeared first on Albeu.com.

Golat e shënuar nga Mikel Vesga dhe Aitor Paredes ishin të mjaftueshëm pë Athletic Bilbaon që morën tri pikë dhe i shkaktuan Sevillës humbjen e nëntë në ligë këtë sezon.

Sevilla momentalisht gjenden në pozitën e 16-të në elitën e futbollit spanjoll, pozitë kjo larg standardeve të tyre.

Gjatë afatit kalimtar veror, Ramos ishte rikthyer tek ekipi i tij i fëmijërisë pasi i skadoi kontrata me Paris Saint-Germainin.

Sidoqoftë, mbrojtësi legjendar ka mbetur i nervozuar pas përfundimit të ndeshjes.

Duke biseduar për DAZN në një intervistë pas ndeshjes, Ramos e ndërpreu atë në gjysmë për t’u konfrontuar me një tifoz.

“Mbylle gojën dhe trego pak respekt, njerëzit janë duke folur këtu. Ke pak respekt për njerëzit dhe stemën. Mbylle gojën dhe ik”, ishin fjalët e Ramos drejtuar tifozit.

37-vjeçari është paraqitur në 15 ndeshje në të gjitha garat këtë sezon dhe është ndëshkuar me pesë kartona të verdhë si dhe ka marrë një karton të kuq, që do të thotë mesatarisht një karton çdo tre ndeshje.

Ndërkohë, Sevilla ka fituar vetëm tri nga 19 ndeshjet e luajtura në ligë këtë sezon dhe janë vetëm pesë pikë larg zonës së rënies./Telegrafi/

Sevilla have just lost 2-0 to Athletic Club and Sergio Ramos has kicked off at his own fans giving him stick:

?️ "Respect and shut up! Go!" pic.twitter.com/O4PKDUAuQc

— Football Tweet ⚽ (@Football__Tweet) January 4, 2024

The post “Mbylle gojën dhe trego pak respekt” – Ramos ndërpret intervistën në gjysmë dhe përplaset me një tifoz appeared first on Albeu.com.

Në botën e muzikës, ish-lotjari i Real Madrid ka qenë i përfshirë edhe më parë, por duket se tashmë në moshën 37-vjeçare e ka marrë seriozisht dhe ka publikuar këngën me titull “No me Contradigas”.

Në fakt, syri i tifozëve të futbollit nuk është mësuar që ta shohin Sergio Ramos si këngëtar, por duket se pas futbollit, e ardhmja e spanjollit është te muzika. /abcnews.al

The post VIDEO / Sergio Ramos “lë” topin për mikrofonin, mbrojtësi spanjoll publikon këngën e re appeared first on Albeu.com.

Mbrojtësi 37 vjeçar u rikthye në kryeqytetin spanjoll të shtunën pasi skuadra e tij humbi 1-0 nga goli i shënuar prej Marcos Llorente.

Dhe Ramos u prit me një pritje armiqësore teksa doli me vrap në fushën e Wanda Metropolitano.

Spanjolli doli nga tuneli dhe vrapoi mbi simbolin e Atleticos të skalitur në bar.

Kjo tërboi mbështetësit vendas pasi ata vazhduan ta fyenin atë gjatë lojës.

Por, fansat në rrjetet sociale hodhën poshtë idenë se shkelja e stemës së klubit është një akt mosrespektimi.

Njëri tha: “Por, edhe ju keni vënë një logo në tokë, është e palogjikshme të ankohesh për këtë”.

Një tjetër shtoi: “Mos e vendosni në tokë në dhjetëra vende”.

Një i tretë u përgjigj: “Ndaloni sharjet, është vetëm një lojtar i Realit që i lëndoi aq shumë”. /Telegrafi/

Quedas retratado no te mereces ni un mínimo de respeto desgraciado @SergioRamos pic.twitter.com/mKpGiYdMpo

— yttq (@mariopuli_) December 23, 2023

The post VIDEO / Sergio Ramos u fye gjatë gjithë ndeshjes nga tifozët e Atleticos për thyerjen e rregullit të pashkruar appeared first on Albeu.com.

The post Jo vetëm Lukakun, Mourinho tenton lëvizjen e bujshme në fund të merkatos appeared first on Albeu.com.

Skuadra braziliane ka zhvilluar tashmë bisedime paraprake me Ramos dhe po përgatitet t’i bëjë atij një ofertë zyrtare. Ramos i kaloi dy sezonet e fundit me PSG. Si pjesë e ekipit francez, mbrojtësi luajti 58 ndeshje, duke shënuar gjashtë gola dhe dhuroi një asist. Më përpara, spanjolli mbrojti ngjyrat e Real Madridit nga viti 2005 deri në vitin 2021.

The post Sergio Ramos befason me skuadrën e re appeared first on Albeu.com.

Lista me 55 lojtarë do të finalizohet nesër dhe pak para fillimit të turneut do të pakësohet me 26 lojtarë.

Sipas “Dario AS”, Spanja nuk do ta bëjë publikle listën. Duke pasur parasysh numrin e dëmtimeve që po grumbullohen, ata mund të dëshirojnë ta rregullojnë atë.

Lojtarët mund të thirren në skuadrën finale deri në 24 orë përpara ndeshjes së parë të turneut në rast dëmtimi.

Sergio Ramos ka një shans të vogël për të hyrë në atë listë. Ai ka të ngjarë të jetë pak më poshtë në listë, pasi nuk është përfshirë në skuadër që nga marsi i vitit 2021./ h.ll/albeu.com

The post Sergio Ramos mund të thirret nga Enrique për Kupën e Botës appeared first on Albeu.com.