Ministria e Brendshme e Argjentinës njoftoi javën e kaluar arrestimin e Pablo Alvarezit, i njohur me nofkën “Bebote”, i cili dyshohet se drejtonte një rrjet ndërkombëtar të trafikut të drogës.

Në kuadër të hetimeve, në qendër të vëmendjes është vënë edhe Sergio Kun Aguero, ish-futbollisti i Atletico Madridit, Manchester Cityt, Barcelonës dhe i kombëtares argjentinase.

Portali La Politica raportoi se emri i Agueros figuron mes pronarëve të disa kompanive që dyshohet se përdoreshin nga karteli për të legalizuar të ardhurat nga shitja e lëndëve narkotike.

Aguero kishte krijuar kompaninë Kru Tickets, e cila merrej me shitjen e biletave për evente esports. Nga të dhënat e nxjerra prej telefonave celularë të sekuestruar rezulton se ai kishte komunikuar me persona të lidhur me kartelin. Megjithatë, dyshohet se këta persona mund të jenë shtirur sikur ishin Aguero, ndaj nuk përjashtohet mundësia që ish-futbollisti të mos ketë qenë i vetëdijshëm për aktivitetet kriminale.

Aguero e mbylli karrierën futbollistike në vitin 2021. Gjatë periudhës së tij te Manchester City, ai fitoi pesë tituj të Ligës Premier. Me Argjentinën zhvilloi 101 ndeshje dhe shënoi 41 gola.

Pablo “Bebote” Alvarez, i arrestuari që përmendet në hetim, kishte qenë drejtues i tifozëve të klubit argjentinas Independiente, skuadër ku kishte luajtur edhe Aguero.

The post Aguero hetohet për dyshime lidhur me pastrimin e parave të një karteli droge appeared first on Albeu.com.

Sergio Aguero është shprehur optimist për të ardhmen e Gabriel Jesusit te Barcelona, duke vlerësuar se ish-bashkëlojtari i tij nga Manchester City mund të ketë sukses pas transferimit në klubin katalanas.

Barcelona ka zhvilluar një merkato aktive gjatë verës, duke afruar lojtarë si Anthony Gordon, Karim Adeyemi, Rodri dhe, së fundmi, Gabriel Jesus.

Aguero, i cili ka qenë në të njëjtën skuadër me sulmuesin brazilian gjatë periudhës së tyre te Manchester City, ka folur me nota pozitive për potencialin e tij në Spanjë.

“Gabriel Jesus mund t’i japë shumë Barcelonës. Pep e aktivizoi atë në momentet kur kishim nevojë për një sulmues më ofensiv dhe ai e kishte të përcaktuar qartë rolin e tij. Flick ka një mënyrë të ngjashme pune”, deklaroi Aguero.

Sipas argjentinasit, shënimi i golave në Premier League është veçanërisht i vështirë, ndaj Jesus mund të ketë një rendiment të mirë në kampionatin spanjoll.

“Në Ligën Premier është shumë e vështirë të shënosh, pasi gjithçka është shumë e komplikuar. Mendoj se ai mund të realizojë pa problem 10 ose 15 gola gjatë një sezoni”, shtoi ai.

Ish-sulmuesi argjentinas komentoi gjithashtu transferimin e Rodrit, të cilin e vlerësoi për qetësinë dhe inteligjencën në lojë.

“Barcelona do ta shijojë Rodrin. Ai e luan futbollin në mënyrë shumë të thjeshtë, vendoset mirë, kontribuon si pjesë e ekipit dhe mbrohet mirë. Ai e lexon lojën përpara se të ndodhë. Ta shohësh në televizor nuk është njësoj si ta ndjekësh nga afër në fushë”, përfundoi argjentinasi.

The post Aguero beson se Gabriel Jesus do të ketë ndikim të madh te Barcelona appeared first on Albeu.com.

Aguero, 35 vjeç, luajti për Cityn nga viti 2011 deri në vitin 2021, ku shënoi gjithsej 184 gola në 275 paraqitjet e tij për klubin nga Etihad.

Pas ndarjes me skuadrën gati tre vjet më parë, Aguero kaloi te gjiganti i La Ligas, Barcelona. Megjithatë, u detyrua të tërhiqej vetëm disa muaj pasi u bashkua pasi pësoi një sulm në zemër në moshën 33-vjeçare.

Pavarësisht se karriera e tij u ndërpre pasi u diagnostikua me aritmi kardiake dhe kishte një stimulues kardiak, koha e tij në lojën profesionale ishte e shkëlqyer me dekadën e tij në City që ishte periudha e tij më e suksesshme në nivelin më të lartë.

Gjatë kohës së tij në Etihad Stadium, ish-lojtari i Atletico Madrid siguroi pesë tituj të Ligës Premier, një Kupë FA, gjashtë Kupa të Ligës dhe tre Community Shields.

Duke folur për CLANK, Aguero reflektoi në fazat e fundit të karrierës së tij në City, ku u hap në kohën kur Guardiola u detyrua t’i kërkonte falje sulmuesit legjendar argjentinas.

“Në një ndeshje kundër Stoke shënova 2 gola dhe pas konferencës për shtyp ai tha diçka si: “Më pëlqyen golat e tij, por dua që ai të punojë më shumë për ekipin”. Aty nisi pak tensioni”, ka thënë fillimisht Aguero.

“Të nesërmen shkova të flisja me të, e pyeta pse nuk më kishte thënë dhe më kërkoi falje”, përfundoi sulmuesi argjentinas. /Telegrafi/

The post Guardiola u detyrua t’i kërkonte falje Agueros pas komentit të tij në konferencën për shtyp appeared first on Albeu.com.

Kun Aguero beson se asnjë lojtar tjetër nuk e meriton të veshë atë numër te klubi katalanas.

Duke folur për kanalin YouTube Clank, Aguero pohoi se atij iu ofrua fanellën numër 10 nga Barcelona kur ai iu bashkua klubit. Megjithatë, ai nuk e mori fanellën pasi besonte se Messi do të kthehej.

Ai tha: “Kur Leo u largua nga Barcelona, ata më ofruan fanellën me numrin 10 dhe unë thashë jo. Jo sepse nuk e doja. Mendova se ai do të kthehej. Ata më thanë se isha i vetmi që mund ta përdorja, por për mua numri 10 është i Leos. Edhe nëse ai nuk është aty, nuk duhet përdorur”.

Aguero foli gjithashtu në Twitch për Ibai Llanos në vitin 2021 për fanellën numër 10 te Barcelona, duke deklaruar: “Refuzimi për të veshur fanellën me numrin 10 te Barcelona? Nuk ishte se nuk doja, por ishte nga respekti për Messin”.

Sulmuesi argjentinas luajti vetëm pesë ndeshje për skuadrën katalanase përpara se të detyrohej të tërhiqej.

Ai shënoi një herë për ish-skuadrën e Lionel Messit, por nuk mundi të vazhdonte për shkak të një problemi në zemër. /abcnews.al

The post Aguero: Numrin 10 te Barcelona e refuzova sepse mendova se Messi do të kthehej appeared first on Albeu.com.

Duke shpjeguar se çfarë ndodhi gjatë atyre momenteve pikëlluese në atë pjesë të parë kundër Alaves në Camp Nou, Aguero tregon se ndjeu sikur muret e jetës po mbylleshin mbi të.

“Ndjeva sikur po mbytesha, nuk ndjeja dhimbje. Kisha shumë presion në kokë. Mendova se isha i sëmurë fizikisht dhe thash: “Jam shumë keq”.

“Kërceva për një goditje me kokë dhe fillova të kisha marra mendje. Më dukej sikur do më binte të fikët dhe doja të qetësohesha”.

“Doja të thosha diçka dhe fjalët nuk më dolën. E kapa për dore kapitenin e Alaves si për të thënë: Ndalo lojën”.

“Kur u qetësova, ndjeva se zemra ime filloi të rrihte më shpejt. Këtu më kapi sulmi i aritmisë. Një javë më parë më kishte ndodhur në stërvitje, por kishte vetëm 20 sekonda”, ka treguar Aguero.

Aguero mori trajtimin më të mirë për gjendjen e tij të zemrës, por mjekët e këshilluan atë të linte futbollin pas kësaj.

Sulmuesi argjentinas ishte i pandalshëm në Ligën Premier me Manchester Cityn ku shënoi 260 gola, ndërsa te Barça pas pesë paraqitjeve kishte vetëm një gol. /Telegrafi/

The post “Ndjeja sikur po mbytesha” – Aguero kthehet të flas për ndeshjen që pas saj ndaloi së luajturi futboll appeared first on Albeu.com.