“Një shpërthim i madh po përgatitet në qendër të Evropës – pikërisht në vendin ku, në vitin 1999, NATO-ja sulmoi Jugosllavinë, duke shkelur çdo parim të imagjinueshëm të Aktit Final të Helsinkit dhe të dokumenteve të OSBE-së”, tha Lavrov gjatë një vizite në Kenia, raporton agjencia shtetërore ruse, RIA Novosti.

Ai shtoi se situata kërkon një “zgjidhje gjeopolitike” që do të garantonte sigurinë e vendeve evropiane.

Sipas tij, “asnjë bllok, përfshirë NATO-n, nuk ka të drejtë të pretendojë dominim në atë pjesë të planetit”.

Tensionet në veri të Kosovës janë rritur, pasi grupe të serbëve lokalë janë duke protestuar kundër kryetarëve të rinj shqiptarë të komunave: Zveçan, Zubin Potok dhe Leposaviq.

Të premten e kaluar, Policia e Kosovës ka hyrë me forcë në këto komuna për t’i instaluar kryetarët e rinj.

Qeveria e Kosovës i ka mbrojtur veprimet e policisë, ndërsa bashkësia ndërkombëtare i ka dënuar ashpër ato, duke paralajmëruar se minimizojnë përpjekjet për normalizimin e marrëdhënieve Kosovë-Serbi.

Rusia, e cila ka nisur pushtimin e fqinjit të saj, Ukrainës, në shkurt të vitit të kaluar, është aleate e Serbisë dhe mbështet vazhdimisht veprimet e saj kundër shtetësisë së Kosovës./REL

The post Lavrov flet për situatën në Kosovë: Një shpërthim i madh po përgatitet në qendër të Evropës appeared first on Albeu.com.

Ai tha se masa e ka sjellë konfliktin “në nivele të reja dhe të rrezikshme”.

Të hënën, Britania e Madhe konfirmoi se po furnizonte Ukrainën me këtë lloj municioni.

Përdoret në armë sepse mund të depërtojë më lehtë në tanke dhe forca të blinduara.

Sekretari i Jashtëm i Mbretërisë së Bashkuar James Cleverly tha më herët sot se masa nuk ishte një përshkallëzim bërthamor në luftë.

“Nuk ka asnjë kërcënim për Rusinë, kjo ka të bëjë thjesht me ndihmën e Ukrainës për të mbrojtur veten.”, tha ai./albeu.com

The post “Nivele të reja dhe të rrezikshme”, Lavrov kritikon furnizimin e Britanisë me municion për Ukrainën appeared first on Albeu.com.

Sipas tij, perëndimi “do të mashtrojë” serbët për çështjen e Asociacionit “siç kishin bërë me rusët në Marrëveshjen e Minskut”.

“E njëjta histori: mashtrimi i serbëve në lidhje me Asociacionin e komunave serbe në Kosovë, mashtrimi i Rusisë në lidhje me marrëveshjet e Minskut”, ka deklaruar Lavrov në Nju Delhi, ku aktualisht po merr pjesë në një takim të krerëve të diplomacisë së shtetet anëtare të G20, shkruan Index.hr.

Siç pretendon Lavrov “vendet perëndimore nuk kanë ndërmend të zbatojnë marrëveshjet që kanë të bëjnë me serbët në Kosovë, ashtu siç nuk ishin të gatshme të përmbushin kërkesat e Marrëveshjes së Minskut”. /Albeu.com/.

The post Lavrov për planin franko-gjerman: Do ta mashtrojnë Serbinë për Asociacion siç na mashtruan neve appeared first on Albeu.com.

“Sot ne mund të pohojmë se planet e Perëndimit për të izoluar Rusinë duke na rrethuar me një kordon sanitar kanë qenë një fiasko,” u tha Sergei Lavrov diplomatëve rusë në një event në ministrinë e tij pas kthimit nga një turne gati njëjavor në Afrikë.

“Pavarësisht orgjisë anti-ruse të orkestruar nga Uashingtoni, Londra dhe Brukseli, ne po forcojmë marrëdhëniet e fqinjësisë së mirë në kuptimin më të gjerë të këtij koncepti me shumicën ndërkombëtare”, tha ai.

Kujtojmë se Rusia ka bërë përpjekje të bashkërenduara për të siguruar lidhje më të ngushta me Kinën, Indinë, kombet arabe dhe afrikane dhe të tjerë që janë përmbajtur nga bashkimi me sanksionet ekonomike gjithëpërfshirëse, ndërsa bëri thirrje për bisedime paqeje midis Moskës dhe Kievit.

Zëdhënësja e Ministrisë së Jashtme Maria Zakharova tha sot se Rusia do të ndjekë nga afër çdo lëvizje të Shteteve të Bashkuara për të vendosur armë hipersonike në Japoni, duke thënë se kjo “do të thotë për ne një ndryshim cilësor në situatën e sigurisë rajonale”.

Ajo dukej se po i përgjigjej një raporti në gazetën japoneze Sankei që sugjeronte se Uashingtoni mund të vendoste armë hipersonike me rreze të gjatë dhe Tomahawks në Japoni, mes tensioneve në rritje me Kinën./albeu.com

The post Lavrov: Perëndimi nuk ka arritur të izolojë Rusinë appeared first on Albeu.com.

Duke folur në një konferencë vjetore për shtyp në Moskë sot, zyrtari i Kremlinit tha se Uashingtoni gjithashtu kishte nënshtruar Evropën për të zhvilluar luftë kundër Moskës.

Ai tha se lideri nazist dhe perandori francez dikur ishin përpjekur të përdornin të njëjtën taktikë kundër Rusisë.

“Shtetet e Bashkuara, përmes Ukrainës me prokurë, po bëjnë një luftë kundër vendit tonë me të njëjtën detyrë: zgjidhjen përfundimtare të çështjes ruse,” u tha Lavrov gazetarëve.

Gjatë konferencës, ministri i Kremlinit tha se Moska ende nuk kishte parë ndonjë propozim serioz për paqen në Ukrainë dhe se idetë e vetë presidentit Volodymyr Zelensky për këtë temë ishin të papranueshme.

Lavrov tha se Moska është e gatshme të diskutojë konfliktin me vendet perëndimore dhe t’i përgjigjet çdo propozimi serioz, por se çdo bisedim nevojitet për të adresuar shqetësimet më të gjera të sigurisë së Rusisë.

Ai gjithashtu bëri thirrje përsëri që NATO të heqë “infrastrukturën e saj ushtarake” nga Ukraina dhe vendet e tjera afër kufijve të Rusisë.

The post Lavrov i krahason veprimet e SHBA-së në Ukrainë me ato të Hitlerit appeared first on Albeu.com.

Sergei Lavrov thuhet se do të shkojë në Minsk të enjten e ardhshme për t’u takuar me anëtarë të ministrisë së jashtme të Bjellorusisë.

Herën e fundit që ai ishte në Minsk ishte më 19 dhjetor, kur edhe presidenti Vladimir Putin udhëtoi në Bjellorusi.

Ekspertët perëndimorë besojnë se Rusia ka ushtruar presion ndaj Bjellorusisë për të dërguar trupa në konfliktin në Ukrainë, megjithëse ende mendohet se nuk ka gjasa që kjo të ndodhë./albeu.com

The post Lavrov udhëtim në Bjellorusi, i dyti brenda disa javësh appeared first on Albeu.com.

Sipas një raporti të agjencisë ruse të lajmeve RIA, Sergei Lavrov beson se Ukraina nuk është ende gati për bisedime reale të paqes.

Lavrov i tha gjithashtu RIA-s se qëllimi i Ukrainës për të dëbuar Rusinë nga Ukraina lindore dhe Krimea me ndihmën e Perëndimit ishte “një iluzion”.

Kjo vjen vetëm pak ditë pasi Lavrov u duk se i dha fund çdo perspektive të menjëhershme të bisedimeve të paqes në konfliktin 10-mujor.

Të hënën vonë në mbrëmje, ai i tha agjencisë së lajmeve Tass: “Propozimet tona për çmilitarizimin dhe denazifikimin e territoreve të kontrolluara nga regjimi ukrainas, eliminimin e kërcënimeve ndaj sigurisë së Rusisë që burojnë prej andej, duke përfshirë tokat tona të reja, janë të njohura për armiku. Çështja është e thjeshtë: Përmbushni ato për të mirën tuaj. Përndryshe, çështja do të vendoset nga ushtria ruse.”

Por komentet e tij kishin ardhur vetëm disa orë pasi presidenti rus Vladimir Putin kishte këmbëngulur se donte të negocionte “me të gjithë të përfshirët për zgjidhje të pranueshme” dhe se Kievi dhe Perëndimi ishin fajtorë për mungesën e progresit deri më tani./albeu.com

The post Lufta në Ukrainë, Lavrov kundërshton “formulën e paqes” së Volodymyr Zelenskyt appeared first on Albeu.com.

Ministri i Jashtëm rus Sergej Lavrov tha për mediat shtetërore se i takon qeverisë ukrainase të përcaktojë se sa do të vazhdojnë luftimet në Ukrainë.

Agjencia e lajmeve ruse Tass citoi zotin Lavrov duke thënë se Ukraina “mund të ndalojë rezistencën e pakuptimtë në çdo moment”.

Ai shtoi se nëse Ukraina nuk i plotëson kërkesat e Rusisë, “çështja do të vendoset nga ushtria ruse”.

Por autoritetet ukrainase e kanë bërë të qartë se pranimi i kërkesave ruse nuk do merren parasysh.

“Rusia duhet të përballet me realitetin. Ukraina do të çmilitarizojë Federatën Ruse deri në fund, do të dëbojë pushtuesit nga të gjitha territoret e okupuara”, shkroi të martën në Twitter, këshilltari i presidentit Zelensky, Mykhailo Podolyak.

Në videon e publikuar mbrëmjen e së hënës, presidenti ukrainas, Volodomyr Zelenskyy foli për situatën e vështirë në vijën e frontit në rajonin e Donbasit, të cilat siç tha ai, “kërkon forcë dhe përqendrim maksimal”.

Në këtë rajon, një ndërtesë e madhe banimi u dogj në qendër të Bakhmutit ndërsa zhurma e bombardimeve bëri jehonë në të gjithë qytetin.

“Ju disi mësoheni me shpërthimet. Më parë, kur dëgjonim goditjet, unë përkulesha dhe bija në tokë sepse njerëzit thoshin se duhet të uleni në tokë menjëherë. Por, tani as nuk shikojë më se çfarë po ndodh dhe ku ka goditje. Kështu jemi bërë tani. Por, megjithatë, unë dua të bëj një jetë normale”, thotë banorja 73 vjeçare e Bakhmutit, Pileheia.

Disa banorë të mbetur, kryesisht të moshuar, thanë se ata përjetojnë shpërthime, shkatërrime dhe bombardime çdo ditë në qytetin që gjendet në vijën e parë të frontit në Donbas.

“Është shumë e vështirë. Ata fluturojnë mbi shtëpitë tona. Unë po kujdesem për një grua 72 vjeçare dhe me aftësi të kufizuara, e ndihmoj me ushqime. Nuk e braktis një person të tillë, ajo mezi ecën”, tha banori tjetër i Bakhmutit, Mykhailo.

“Shtëpia jonë është shkatërruar. Kishte një dyqan në ndërtesën tonë, tani nuk është më. Unë kam mbetur i vetmi nga e gjithë ndërtesa. Të gjitha dritaret janë hedhur në erë. Nuk ka as ngrohje”, thotë banori 85 vjeçar i Bakhmutit, Oleksandr.

Presidenti ukrainas Zelensky falënderoi forcat ukrainase që “mbajnë fort pozicionet e tyre, dhe që megjithatë po arrijnë jo vetëm për të mos territor, por edhe për të dëbuar pushtuesit”./VOA

The post Rusia: Kërkesat do përmbushen nga Ukraina ose ushtria jonë appeared first on Albeu.com.

Ashtu si shumica e zyrtarëve të lartë rusë, Lavrov mbështeti pushtimin rus të Ukrainës dhe u shpreh kundër asaj që ai dhe Vladimir Putin i kanë quajtur përpjekjet e Perëndimit për të kufizuar Rusinë dhe për të dominuar çështjet globale.

Në komentet e tij të fundit, zyrtari i Kremlinit tha: “Veprimet e vendeve të Perëndimit kolektiv dhe Presidentit ukrainas Volodymyr Zelensky nën kontrollin e tyre konfirmojnë natyrën globale të krizës ukrainase. Nuk është sekret për askënd që qëllimi strategjik i SHBA-së dhe aleatëve të saj në NATO është të mposhtin Rusinë në fushën e betejës si një mekanizëm për dobësimin e ndjeshëm apo edhe shkatërrimin e vendit tonë”.

Lavrov përsëriti gjithashtu se Rusia dhe SHBA nuk mund të mbajnë lidhje normale, duke fajësuar administratën e presidentit Joe Biden.

“Është objektivisht e pamundur të ruhet një komunikim normal me administratën Biden, e cila shpall si synim shkaktimin e një disfate strategjike ndaj vendit tonë”, tha ndër të tjera ai./albeu.com

The post Lavrov: Perëndimi dhe Ukraina duan të shkatërrojnë Rusinë appeared first on Albeu.com.

Në një konferencë për shtyp, Lavrov tha se diskutimi për këtë problem është i mundur vetëm mbi “parime thelbësisht të reja” duke lënë pas të shkuarën.

“Është e qartë vetëm se nëse në një moment fqinjët tanë perëndimorë, dhe nuk ka shpëtim nga fqinjësia, fqinjët tanë perëndimorë dhe ish-partnerët befas interesohen për të rinovuar disi punën e përbashkët për sigurinë evropiane, atëherë ata nuk do të mund ta bëjnë këtë. Sepse restaurimi nënkupton atë që ishte më parë,” tha Lavrov.

Lavrov shtoi se veprimet e Organizatës për Siguri dhe Bashkëpunim në Evropë (OSBE) dhe të vendeve perëndimore ngrenë pikëpyetje për të ardhmen e Rusisë në OSBE.

“Kur Perëndimi të kuptojë dhe nëse kupton se është më mirë të bashkëjetojmë mbi një bazë të dakordësuar reciprokisht, ne do të dëgjojmë se çfarë propozon Perëndimi dhe është e qartë se këto duhet të jenë fillime të reja thelbësore të bashkëpunimit,” tha ai.

The post Lavrov: Marrëdhëniet mes Rusisë dhe Perëndimit nuk do të jenë më të njëjta appeared first on Albeu.com.