Marrëveshja e Brukselit në vitin 2011, për lëvizje të lirë, në kuadër të dialogut ndërmjet Kosovës dhe Serbisë, me ndërmjetësimin e Bashkimit Evropian dhe Marrëveshja për Tregti të Lirë më vendet e Ballkanit Perëndimor e njohur më shkurtesën CEFTA, jo gjithmonë janë respektuar nga këto shtete.

Kjo ka shtyrë qeveritë e Kosovës disa herë të marrin masa reciproke ose të vendosin taksa doganore, ndaj mallrave të prodhuara në Serbi.

Masa e parë e reciprocitetit, në vitin 2011

Një masë reciprociteti ndaj Serbisë, Kosova e kishte aplikuar edhe në korrik të vitit 2011.

Kjo masë e reciprocitetit në atë kohë ishte marrë nga ish-ministrja e Tregtisë dhe Industrisë, Mimoza Kusari- Lila, pasi që Serbia për tre vite pas shpalljes së pavarësisë së Kosovës në vitin 2008, kishte bllokuar mallrat nga Kosova, për shkak të ndërrimit të vulave nga ato të UNMIK-ut në ato të Republikës së Kosovës.

Produktet më këtë vulë, nga dhjetori i vitit 2008, nuk janë lejuar as transit të kalojnë nëpër shtetin e Serbisë, pasi që ky shtet nuk njeh pavarësinë e Kosovës. Parimi i reciprocitetit filloi të zbatohet në të gjitha pikat kufitare.

Por, gjendja ishte tensionuar më shumë në pjesën veriore të Kosovës, rajon ky i banuar më shumicë serbe, konkretisht në pikat kufitare 1 dhe 31, që gjenden në Jarinjë dhe Bërnjak.

Këto pika madje janë djegur nga serbët lokalë në vitin 2008, si hakmarrje ndaj shpalljes së pavarësisë së Kosovës. Masa e reciprocitetit nuk zgjati më shumë se 40 ditë, pasi gjatë bisedimeve të zhvilluara në Bruksel, ndërmjet palës kosovare dhe asaj serbe, ishte arritur marrëveshje për njohje reciproke të vulave.

Viti 2016: Reciprociteti në tekstet shkollore

Edhe Ministria e Arsimit, Shkencës dhe Teknologjisë, e udhëhequr nga Arsim Bajrami, në vitin 2016, pat vendosur masa të reciprocitetit ndaj Serbisë në lidhje me tekstet shkollore në gjuhën serbe.

Autoritetet serbe në atë kohë kishin kthyer mbrapsht tekstet shkollore të Kosovës, duke mos lejuar të dërgohen në komunat e banuara me shumicë shqiptare në Luginë të Preshevës.

Reciprociteti në transportin e naftës dhe gazit

Masa reciprociteti ndaj Serbisë në mars 2016, Kosova kishte vendosur në transportin e naftës dhe të gazit, pasi autoritetet serbe nuk pranuan certifikatat (të njohura si ADR) që lëshohen nga autoritetet e Kosovës, për shoferët dhe automjetet që bartin materie të rrezikshme.

Viti 2018: Taksa doganore 100 për qind

Në vitin 2018, qeveria e Kosovës e udhëhequr në atë kohë, nga ish- kryeministri Ramush Haradinaj, kishte vendosur taksë doganore, fillimisht 10 dhe më pas 100 për qind, ndaj mallrave të importuara nga Serbia dhe Bosnjë e Hercegovina.

Para vendosjes së taksës doganore, Serbia ishte eksportuesja më e madhe e produkteve në Kosovë. Ky shtet, para taksës, gjatë një dite ka eksportuar në Kosovë mallra në vlerë prej rreth 1.2 milion euro apo rreth 450 milionë euro brenda një viti.

Taksa ka ndikuar që dialogu për normalizimin e raporteve ndërmjet Kosovës dhe Serbisë, të ndërpritet dhe për këtë arsye, kundër taksës, ishin deklaruar Shtetet e Bashkuara të Amerikës dhe Bashkimi Evropian.

Shndërrimi i taksës në reciprocitet në vitin 2020
Në vitin 2020, në Kosovë u krijua qeveria e re e udhëhequr nga Albin Kurti. Më ndërrimin e qeverisë, taksa u shndërrua në reciprocitet me Serbinë.

Me 31 mars të vitit 2020, kryeministri në detyrë i Kosovës Albin Kurti, vendosi që emërtimet e certifikatave fitosanitare dhe veterinare si dhe dokumente të tjera përcjellëse, të përdoren në​ përputhje me Kushtetutën dhe legjislacionin në fuqi të Kosovës. Ky vendim nxiti kundërshtim në Serbi, Shtetet e Bashkuara të Amerikës dhe Bashkim Evropian.

Qeveria Kurti 1 ra pas 51 ditësh në pushtet, kur Lidhja Demokratike e Kosovës me mocion të mosbesimit, rrëzoi qeverinë. Më 3 qershor të vitit 2020, krijohet qeveria e re e Kosovës, e udhëhequr nga Avdullah Hoti. Hoti e shfuqizoi vendimin për reciprocitetin në ditët e para të punës së tij, duke deklaruar se kështu u larguan pengesat në procesin e dialogut për normalizimin e marrëdhënieve mes Kosovës dhe Serbisë.

Në Kosovë më 14 shkurt 2021, u mbajtën zgjedhjet e parakohshme parlamentare dhe më 22 mars u konstitua Kuvendi dhe po të njëjtën ditë, u zgjodh edhe qeveria e re e Kosovës në krye me Albin Kurtin nga Lëvizja Vetëvendosje.

Më marrjen e qeverisë, Albin Kurti kishte thënë se vendosja e reciprocitetit me Serbinë, do të jetë ndër gjërat e para që do ta bëjë qeveria e tij, ndërkaq dialogu me Serbinë, nuk është pjesë e prioriteteve të tij.

Reciprociteti për targat e automjeteve

Autoritetet në Kosovë më 20 shtator 2021, nisën aplikimin e masës së reciprocitetit për targat e automjeteve nga Serbia. Sipas vendimit të Qeverisë së Kosovës, veturat që hyjnë nga Serbia, duhet të pajisjen me targa të përkohshme në pikëkalimet kufitare të Kosovës.

Për shkak të kësaj mase, serbë lokalë bllokuan dy rrugë nacionale në veri të vendit.

Të dy rrugët që shpijnë në pikat kufitare Jarinjë dhe Bërnjak, po mbahen të bllokuara nga dhjetëra kamionë dhe vetura të vendosura nga protestuesit serbë./REL

The post Vendimi për targat s’është i vetmi, pesë masat e tjera të reciprocitetit të Kosovës ndaj Serbisë appeared first on Albeu.com.

Njëjtë si Lajcak po mendon edhe analisti serb, Dushan Janjiç.

I cili së fundi deklaroi se “nuk ka kurrfarë arsye që Serbia, Kosova, BE të shkojnë në dialog nëse nuk i ndryshojnë kushtetutat aktuale dhe ligjet aktuale”.

Kurse, profesori dhe njohësi i çështjeve kushtetuese, Muhamet Kelmendi në një prononcim për gazetën “Bota sot” tha se përmes ndryshimit të Kushtetutës së Kosovës dhe Serbisë, po tentohet që të ndryshohen kufijtë mes këtyre dy shteteve.

“Në kuadër të dialogut ka mendime e mendime, disa shkojnë nga mos ndryshimi i kufijve, ndërsa të tjerët e pranojnë ndryshimin.

Deklaratat për ndryshim të kushtetutave kanë për qëllim krijimin e rrethanave për tërheqjen e kufijve të rinj në mes Kosovës dhe Serbisë”, deklaroi ai.

Kelmendi tregoi se dialogu për ndryshimin e kufijve nuk mund të ndodhë, nëse nuk plotësohen dy kushte.

“Dialogu me kompromise dhe për tërheqje të kufijve nuk mund të realizohet pa ardhur deri te realizimi i dy kushteve që duhet të plotësohen.

1. Në Kushtetutën serbe qëndron se Kosova është e Serbisë dhe si e tillë është e pandarë nga ky shtet dhe

2. Në Kushtetutën e Kosovës kemi pushtet unitar dy shkallësh dhe nuk lejohet prekja e tërësisë territoriale të Republikës”, theksoi juristi.

Në vazhdim, ai tha se nëse nuk arrihet të bëhen ndryshimet e lartpërmendura, atëherë nuk ka kufij dhe as marrëveshje midis shteteve sado që bëhen presione.

“Në këtë anë nuk ka kompromise pa ndryshim të normave kushtetuese të dy shteteve që ndalojnë kufijtë e rinj midis tyre.

Pa këto ndryshime kushtetuese nuk ka kufij dhe as marrëveshje midis shteteve sado që bëhen presione. Edhe nëse shkohet nga kompromisi ai do të dërgon sigurisht te ndryshimet kushtetuese”, nënvizoi Kelmendi.

Tutje, profesori tha se duke i njohur qëllimet e shtetit serb, Kosova nuk duhet assesi të heq dorë nga lëshuar Ujmani, Mitrovica dhe Trepça. Por, sipas tij pjesa tjetër veriore ka mundësi të ndërrohet me Luginën e Preshevës.

“Prandaj, duke i ditur pretendimet dhe qëllimet, është e rrugës të synohet tërheqja e kufinjve të ri midis Kosovës dhe Serbisë.

Këtu nuk duhet lëshuar Ujmanin, Mitrovicën dhe Trepçën, pjesa tjetër veriore mund dhe duhet të ndërrohet me Luginën e Preshevës si tërësi territorial”, potencoi ai.

Në fund, Kelmendi u shpreh se pavarësisht bisedimeve me Serbinë, qëllimi kryesor duhet të jetë bashkimi i Kosovës me Shqipërinë.

“I gjithë problemi është i manastireve ortodokse, aty kërkohet maksimalisht dakordim që NATO ti ruaj si objekte.

Dhe, ne fund, duhet domosdo të ecet në rrugën e bashkimit të Kosovës me Shqipërinë, ky duhet të jetë përfundimi”, përmbylli Muhamet Kelmendi, përcjell “Bota sot”./BotaSot

The post Zbulohet plani, ja si po synohet ndryshimi i kufijve mes Kosovës dhe Serbisë! appeared first on Albeu.com.

Haradinaj në “Debat Plus” thotë se nuk ka mundur të heshtë ndaj përgjithësimeve që kishte bërë Albin Kurti në Bruksel sa i përket kriminelëve të luftës në Ballkan.

“Kurti nuk e ndau Kosovën nga ajo deklaratë. Unë si ish-kryeministër nuk mund të mos e vlerësojë drejtë dëmin që kjo deklaratë i bënë Kosovës…Kurti foli me gjuhën e njëjtë për pjesëmarrësit në luftëra si për Mlladiqin, si për Serbinë si për mua”, tha ai, përcjell Telegrafi.

I pari i AAK-së thotë se edhe Serbia ka tentuar të barazojë kriminelët serb të luftës me boshnjakët, kroatët por edhe shqiptarët.

“Edhe Kurti në Bruksel foli më gjuhën e Serbisë. Për ata arsye ja kam bërë pyetjen se “mos jeni rekrutuar nga Serbia”. Pra për shkak të dëmit që na ka bërë gjuha e tij nga Brukseli”.

Kurti në Bruksel me 18 maj kishte deklaruar se “edhe më tej, në Ballkanin Perëndimor kemi edhe kriminelë të luftës dhe të paqes që dominojnë në institucione”.

Deputeti i Aleancës për Ardhmërinë e Kosovës, Ramush Haradinaj në seancën e 20 majit në Kuvendin e Kosovës ka pyetur kryeministrin Albin Kurti “Mos je njeri i Serbisë”.

The post “Je njeriu i Serbisë”, Haradinaj tregon përse i tha ashtu Kurtit (VIDEO) appeared first on Albeu.com.

Mirëpo, është Shqiprim Musliu, zv. Kryetar i komunës së Bujanocit, ai që me disa bashkëpunëtorë të tij kanë  kthyer në vend flamurin shqiptar, dhe kanë larguar atë serb, të vendosur tek lapidari i Fatmir Ibishit, të cilit i është përdhosur edhe emri.

“Prej këtu njoftoj faktorin ndërkombëtar, si garantues i marrëveshjes së Konçulit dhe e njoftoj të jetë në dijeni se çdo ditë po provokohen shqiptarët në shtëpitë e tyre edhe aty ku është autokton.Dhe na provokojnë në pjesën më të ndjeshme, tek dëshmorët. Nga ky moment do ta largojmë këtë flamur që nuk na përfaqëson neve, nuk përfaqëson shqiptarët e këtij vendi. Bëj apel që të përcillet ky mesazh se po provokohet çdo shqiptar”, ka thënë Musliu.Ai ka lutur faktorin ndërkombëtar që ta marrë seriozisht gjendjen në Luginën e Preshevës.

The post Provokimi i Serbisë, hiqet flamuri shqiptar nga lapidari i dëshmorit appeared first on Albeu.com.