“Kryetarët nuk duhet t’i shfrytëzojnë ndërtesat [komunale], Policia e Kosovës duhet të tërhiqet nga zona përreth [këtyre] ndërtesave dhe protestuesit duhet të largohen”, tha Escobar gjatë një konference me gazetarë në Beograd.

“Shpresojmë të ketë zgjedhje të reja dhe ne duam që serbët të marrin pjesë në to pa parakushte”, shtoi ai.

Escobar tha se presidenti i Serbisë, Aleksandar Vuçiç, e ka siguruar se do ta shfrytëzonte ndikimin e tij për t’i bindur serbët që të marrin pjesë në zgjedhje.

Ai tha se Kosova dhe Serbia duhet t’i kthehen dialogut për normalizimin e marrëdhënieve, sepse “në rast se do t’ia kthenin shpinën atij, do t’ia kthenin shpinën Evropës”.

“Kjo, në vetvete, është një pasojë shumë e rëndë”, tha ai./REL

The post Escobar: Vuçiç më ka siguruar se do të ndikonte për t’i bindur serbët të dalin në zgjedhje appeared first on Albeu.com.

Qeveria e Kosovës me propozimin e Ministrisë së Financave, ka ndarë 40 milionë euro për Operatorin e Sistemit të Transmisioni dhe Tregut (KOSTT) me qëllim të pagesës së borxhit ndaj Rrjetit Evropian të Operatorëve të Sistemit të Transmisionit për Energjinë Elektrike (ENTSO-E).

Ministri i Financave, Hekuran Murati ka thënë se kjo kërkesë është bërë nga Ministria e Ekonomisë.

“KOSTT po kalon nëpër vështirshi financiare për shkak të obligimeve që ka ndaj ENTSO-E në mënyrë që të vazhdohet të jemi në të njëjtin bllok rregullues dhe të zbatohet marrëveshja që ka qenë për dy vite dhe tani është koha që të vazhdohet. Kërkesa ka qenë për mbështetej kjo me 40 milionë euro”, tha Murati.

Ndërsa, ministrja e Ekonomisë, Artane Rizvanolli, theksoi se gjatë vitit të kaluar janë shkaktuar inbalanca të mëdha ndaj sistemit interkonetiv.

“Jemi në një moment vendimtar për sektorit e energjisë. Momenti i kyçjes së KOSTT-it në ENTSO-E është duke skaduar ku 23 shtetet që janë nënshkruese do të vendosin nëse do ta vazhdojnë marrëveshjen me Kosovën”, deklaroi Rizvanolli.

Ajo në një konferencë për medie, theksoi se me ndarjen e 40 milionë eurove bëhet shlyerja e obligimeve ndaj ENTSO-E.

“Jemi në një gjendje ku gjatë vitit kemi shkaktuar inbalanca të mëdha ndaj sistemit interkonetiv, ku një sasi e energjisë është tërhequr në mënyrë të paautorizuar nga ENTSO-E të Evropës, janë krijuar obligime të cilat duhet të shlyhen e që janë të domosdoshme në mënyrë që marrëveshja e kyçjes duhet të vazhdojë”, ka shtuar ajo.

“Ne si Ministri e Ekonomisë kemi kërkuar nga Ministria e Financave për ndarjen e 40 milionë eurove për shlyerjen e këtyre obligimeve që mundësojnë shlyerjen e obligimeve të KOSTT-it ndaj ENTSO-E”.

Rizvanolli, ka thënë se Qeveria po punon për gjetjen e zgjidhjeve teknike e operacionale për të realizuar subvencionimin e aprovuar prej 90 milionë euro për energjinë elektrike.

“Javën e kaluar kemi marrë kërkesën nga ZRRE, ku është thënë se kalkulimet janë të sakta dhe është bërë kërkesa për pagim. Jemi në konsultim me Sekretarin e Komitetit të Energjisë dhe USAID që kanë ofruar mbështetje teknike për mënyrën e realizimit të marrëveshjes. Po punojmë intenzivisht e do të ndodhë shumë shpejt”.

Kuvendi i Kosovës më parë kishte autorizuar KOSTT-in që të mbulojë devijimet e energjisë elektrike në katër komunat veriore të Kosovës, duke shfrytëzuar të hyrat nga buxheti vetanak, mjete këto të cilat do të kompensoheshin “nga dividendë apo ndonjë mekanizëm tjetër i mundshëm”, me ç’rast ishin ndarë 11 milionë euro.

Kujtojnë se në muajin qershor, në Bruksel, ishte arritur marrëveshja ndërmjet Kosovës dhe Serbisë për energjinë.

Qytetarët e komunave të Mitrovicës së Veriut, Leposaviqit, Zveçanit dhe Zubin Potokut – kryesisht serbë – nuk paguajnë për rrymën e shpenzuar tash e më shumë se dy dekada./Monitor

The post Kosova hyn në detyrime financiare, ndahen 40 milionë euro për energjinë e serbëve në veri appeared first on Albeu.com.

Vuçiç u shpreh i gatshëm të mbrojë banorët serbë të veriut, që sipas tij po u hiqen të drejtat e tyre.

‘‘Ky është inkursioni i tyre i shtatë ose i tetë për të treguar forcën. Çdo gjë që ata mendojnë se mund të bëjnë, le të provojnë dhe të shohin se cili do të jetë reagimi ynë. Dorëzimi nuk është një opsion dhe na takon neve të luftojmë. është e vështirë për ne, unë e di se çfarë të bëjmë. Ne do t’i mbrojmë njerëzit tanë. Pika. Si? Shpresoj që nuk do të keni nevojë ta shihni kurrë”, tha Vuçiç gjatë një vizite në fabrikën Brose në Pancevo.

Sipas mediave serbe, duke iu përgjigjur pyetjes së gazetarëve se si do t’i mbrojë serbët në Kosovë, Vuçiç tha se ata mund të provojnë gjithçka që munden kundër serbëve, kështu që ata do të shohin se çfarë do të ndodhë.

”Serbët më kuptuan. Unë nuk e thashë këtë nën presionin emocional”, tha Vuçiç.

Ai vuri në dukje se Kosova nuk ka të drejtë të ketë ushtrinë e saj dhe se gjëja tjetër është se “ata po shpikin Forcat e Sigurisë së Kosovës me ndihmën e të huajve”.

Vuçiç u shpreh gjithashtu se e dinte qëllimin e vërtetë të kryeministrit të Kosovës./albeu.com

The post Kërcënon Vuçiç: Do mbroj serbët në Kosovë, do luftoj appeared first on Albeu.com.