“FSF informon publikun kombëtar dhe ndërkombëtar, si dhe organet organizuese, për mangësitë e vazhdueshme në përgatitjet për finalen e Kupës së Kombeve të Afrikës”, shpjegon deklarata, përpara se të detajojë ankesën e saj në katër pika.

Pika e parë ka të bëjë me masat e sigurisë dhe të pritjes. “FSF denoncon mungesën e qartë të masave të përshtatshme të sigurisë me mbërritjen e ekipit tonë në stacionin e trenit në Rabat. Kjo mangësi i ekspozoi lojtarët dhe stafin e trajnerëve ndaj afërsisë së madhe me tifozët vendas, gjë që është shumë larg standardeve të pritura për një garë të kësaj madhësie dhe një finale kontinentale.”

Çështja e dytë ka të bëjë me akomodimin e ekipit kombëtar senegalez: “Lidhur me logjistikën e hoteleve, FSF raporton se ka paraqitur një protestë zyrtare. Pas këtij veprimi, një hotel me pesë yje iu nda përfundimisht ekipit tonë, duke garantuar kushtet e nevojshme për finalen.”

Kishte edhe ankesa në lidhje me fushën e stërvitjes. “FSF njoftoi CAN-in për refuzimin e saj për t’u stërvitur në kompleksin Mohamed VI. Ky vendim rrjedh nga fakti se këto ambiente shërbejnë si bazë për ekipin kundërshtar, duke ngritur një çështje të drejtësisë sportive. Për më tepër, FSF specifikon se, deri më sot, nuk ka marrë ende njoftim për vendndodhjen e stërvitjes së ekipit senegalez para finales.”

Së fundmi, raporti u përqendrua në shitjen e biletave dhe aksesin në stadium. “Situata është shqetësuese. FSF dëshiron të sqarojë se paketa zyrtare përbëhet vetëm nga dy bileta VVIP dhe shpreh keqardhje për pamundësinë për të siguruar bileta VIP dhe VVIP, siç ndodhi gjatë gjysmëfinaleve. Megjithatë, Federata arriti të sigurojë bileta për tifozët e saj, deri në limitet maksimale të autorizuara zyrtarisht nga CAF, përkatësisht: 300 bileta në Kategorinë 1, 850 në Kategorinë 2 dhe 1,700 në Kategorinë 3. FSF beson se këto sasi janë të pamjaftueshme për të përmbushur kërkesën dhe denoncon kufizimet e vendosura si penalizuese për publikun senegalez.”

Në këtë atmosferë të tensionuar, finalja vjen me Marokun si favorit, pasi ka luajtur të gjashtë ndeshjet e tyre deri më tani në të njëjtin stadium (Rabat) mes disa vendimeve të dyshimta të arbitrimit që kanë tërhequr ankesa nga të gjithë rivalët dhe zyrtarët e tyre.

The post E turpshme në Afrikë, Senegali denoncon Marokun përpara finales së Kupës appeared first on Albeu.com.

Cisse u shtri në spital menjëherë pas fitores së ekipit të tij Senegalit 3-1 ndaj Kamerunit në takimin e vlefshëm për fazën e grupeve të AFCON-it.

Sipas faqes së njohur sportive në Afrikë, Canal Plus ai duke i pritur disa analiza për ta mësuar gjendjen e tij shëndetësore.

47-vjeçari është trajner i Senegalit që nga viti 2015 dhe ka pasur suksese të mëdha me këtë Kombëtare që nga koha kur është emëruar në stol. /gazetaexpress/

The post Trajneri i Senegalit shtrihet në spital appeared first on Albeu.com.

Goli i cili u shënua nga Ismaila Sarr (16’) erdhi si pasojë e një gabimi nga portieri i Manchester United, Andre Onana.

Kjo ishte ndeshja e parë e Onanas pasi humbi ndeshjen hapëse ndaj Guinesë, për shkak të angazhimit me “Djajtë e Kuq”.

Onana ka përjetuar një start të vështirë me shumë gabime tek Manchester United pasi iu bashkua atyre nga gjiganti italian Inter.

Gabimet e tij shpeshherë i kushtuan me pikë Unitedit, dhe tani siç duket e njëjta po ndodh edhe me shtetin e tij.

Në rast humbje, Kameruni do të mbetej me vetëm një pikë dhe do t’i afrohej eliminimit nga Kupa e Kombeve të Afrikës.

Onana një kohë kishte lajmëruar për pensionimin e tij nga kombëtarja e Kamerunit për shkak të problemeve me trajnerin, mirëpo më vonë kishte hequr dorë nga ky vendim dhe ishte rikthyer në dispozicion të shtetit të tij përsëri./Telegrafi/

You don’t know ball if you blame Onana for this goal..??#AFCON2023 #AFCON

pic.twitter.com/knyonyhqkR

— Ibukun Aluko (@IbkSports) January 19, 2024

The post Gabimi fatal i Andre Onanas bën që Kameruni të pësoj gol në duelin ndaj Senegalit appeared first on Albeu.com.

Pas dhunës, autoritetet vendosën një ndalim gjithëpërfshirës për përdorimin e disa platformave të rrjeteve sociale.

Shumica e viktimave ndodhën në kryeqytetin e Dakarin dhe qytetin jugor të Ziguinçorit, ku Sonko shërben si kryebashkiak.

Në përgjigje të situatës, ministri i Brendshëm, Antoine Felix Abdoulaye Diome, deklaroi se rrjetet sociale si Facebook, WhatsApp dhe Twitter, të cilat po përdoreshin për të nxitur protestat, janë pezulluar.

Diome siguroi publikun se qeveria ka marrë të gjitha masat e nevojshme për të garantuar sigurinë e individëve dhe pronës dhe se siguria do të përforcohej në të gjithë vendin.

Të enjten, Sonko u shpall fajtor për korruptim të të rinjve, por u lirua nga akuzat në lidhje me përdhunimin dhe kërcënimet me vdekje ndaj një gruaje të punësuar në një sallon masazhi.

Ai mori një dënim me dy vjet burg, pavarësisht mungesës së tij në gjyqin e Dakarit. Avokati i Sonkos tha se ende nuk është lëshuar një urdhër arrestim për politikanin.

Sonko, i cili doli i treti në zgjedhjet presidenciale të Senegalit në vitin 2019 dhe gëzon popullaritet të konsiderueshëm në mesin e të rinjve në vend, thotë së është i bindur që problemet e tij ligjore janë një përpjekje e qëllimshme nga qeveria për të penguar kandidaturën e tij në zgjedhjet e ardhshme presidenciale të vitit 2024.

Në Senegal, korruptimi i të rinjve, që përfshin shfrytëzimin e pozitës së pushtetit për t’u përfshirë në aktivitete seksuale me individë nën moshën 21 vjeç, është një vepër penale. Dënimi për këtë vepër mund të shkojë deri në pesë vjet burgim dhe një gjobë që tejkalon shumën prej 6,000 dollarësh.

Menjëherë pas shpalljes së vendimit të enjten, përleshjet shpërthyen në të gjithë vendin, me partinë e Sonkos që bëri thirrje që njerëzit të dilnin në rrugë.

Në Dakar, protestuesit hodhën gurë, dogjën automjete dhe në disa vende ngritën barrikada ndërsa policia hodhi gaz lotsjellës.

Zëdhënësi i qeverisë Abdou Karim Fofana tha se dëmi i shkaktuar nga demonstratat i ka kushtuar vendit miliona dollarë.

The post Nëntë persona të vdekur gjatë protestave në Senegal appeared first on Albeu.com.

Në orën 16:00, “Gjelat” e Didier Deshamp do të përballen me Poloninë e Levandovskit, ndërkohë që në orën 20:00 do të jetë radha e “3 Luanëve”, për të luajtur kundër Senegalit.

Dy duele këto që pritet të jenë tepër të luftuara, me Francën dhe Anglinë që janë favorite në letër.

Formacionet e mundshme

Angli 4-2-3-1): Pickford – Trippier, Stones, Maguire, Shaw – Henderson, Bellingham – Xhaka, Foden, Rashford – Kane.

Senegal 4-3-3): Mendy – Chambaly, Koulibaly , Diallo, Jacobs – Siss, Pape Gueye, N. Mendy – I. Diaguet, I. Sarr, Dia.

Formacionet e mundshme:

Francë 4-2-3-1): Joris – Couté, Upamecano, Varane, Theo Hernandez – Tswameni, Rabiot – Dembele, Griezmann, Mbappe – Giroud.

Poloni 4-4-2): Szczecin – Cass, Kivior, Glik, Berezinski – Krychowiak, Bielik, Frankowski, Zielinski – Lewandowski, Milik. /G.D albeu.com/

The post Formacionet e mundshme: Angli-Senegal dhe Francë-Poloni appeared first on Albeu.com.

“Jam shumë i lumtur, është një moment emocionues. E dinim që do të ishte një ndeshje e vështirë kundër një ekipi të shkëlqyer, luftuam me vendosmëri të madhe për të marrë fitoren dhe ia dolëm. Tani mendojmë për garën e radhës. Jemi një grup i mirë, me shumë lojtarë të rinj interesantë. Sot jemi shumë të lumtur”.

Ishte e vështirë të humbiste një lojtar si Sadio Mane para Kupës së Botës, por grupi u përgjigj shumë mirë. Cfare ndodhi?

“Ne jemi një grup, jemi një ekip, jemi vëllezër. Kjo bëri diferencën. Sadio Mane është një lojtar legjendar për ne, por ne kemi besuar gjithmonë në të. Jemi të lumtur, kjo fitore është për të dhe për Papa Boubën. Diop: sot është dyvjetori i vdekjes, donim të bënim diçka të veçantë. Falenderojmë familjen e tij.”

Qellimi?

“Jam shumë i lumtur, është goli im i parë ndërkombëtar. Është fantastike të shënosh një gol në Kupën e Botës, jam i lumtur. Dua të vazhdoj kështu.”/ h.ll/albeu.com

The post Senegal, Koulibaly: Ne jemi një grup, një ekip dhe vëllezër. Kjo bën diferencën appeared first on Albeu.com.

Tulipanët kanë qenë në çdo moment dominant ndaj kombit që pret Kupën e Botës, dhe pas disa rasteve të krijuara ka ardhur edhe goli.

Në minutën e 26-të, Klaassen dha një top të bukur për Gapko, ku ky i fundit në mënyrë perfekte futet brenda zonës dhe nuk gabon përpara portës.

Pjesa e dytë ishte përsëri në favorin e Holandës, kun ë minutën e 49-të ishte De Jong i cili dyfishoi shifrat. Në minutën e 68-të, Holanda shënoi edhe të tretin, por VAR ndërhyri duke anuluar golin pasi në momentin e nisjes së aksionit, topi ishte kapur me dorë.

Me këtë fitore Holanda siguron vendin e parë me shtatë pikë, ku tashmë është zyrtarisht e kualifikuar për në fazën tjetër të Kupës së Botës.

Nga ana tjetër Senegal ka mundur të fitojë ndaj Ekuadorit.

Senegal ka qenë shumë më mirë se Ekuadori me statistika dhe është shpërblyer me një gol në minutën e 44-të, ku Sarr shënoi me penallti.

Në pjesën e dytë, në minutën e 68-të, ishte Caicedo i cili barazoi shifrat. Por festa nuk zgjati shumë, pasi në të 70-tën ishte mbrojtësi i Chelsea Koulibaly i cili shënon golin e rëndësishëm.

Kështu, Senegal është renditur në vendin e dytë duke u kualifikuar bashkë me Holandën për në fazën tjetër të Kupës së Botës./ h.ll/albeu.com

Shikoni golat e Holandes

Shikoni golat e Senegalit

The post Holanda dhe Senegal “fluturojnë”, dy kombet marrin një fitore dhe sigurojnë kualifikimin për në fazën tjetër (VIDEO) appeared first on Albeu.com.

Pjesa e parë ishte e dominuar nga senegalezët, ku gjithashtu në minutën e 41-të Dia zhbllokoi rezultatin.

Senegali pati edhe një fillim tepër të mirë në pjesën e dytë, ku në minutën e 49-të Diedhiou shënoi golin e dytë.

Pjesën e dytë Katari tentoi pak më shumë për të gjetur golin dhe u shpërblye në minutën e 78-të pasi Muntari ngushtoi rezultatin në 1-2. Shpresat e pritësve të këtij turneu u shuan kur në minutën e 84-të Dieng shënon edhe golin e tretë për Senegalin.

Në orën 17:00 do të luajnë dy skuadrat e tjera të grupit A, ku Holanda do të përballet me Ekuadorin. Holanda, Ekuadori dhe Senegali aktualisht kanë nga tre pikë, ndërsa Katari në vendin e fundit me 0 pikë./ h.ll/albeu.com

The post Katari i thotë lamtumirë Kupës së Botës, Senegali fiton bindshëm appeared first on Albeu.com.

Vendi organizator i Kupës së Botës kërkon triumfin e parë në këtë edicion.

E njëjta gjë vlen edhe për afrikanët, të cilët synojnë tre pikët e para në fazën e grupeve.

FORMACIONET ZYRTARE

Katar: Barsham; Pedro Miguel, Madibo, Khoukhi, Hassan, Ahmed; Alhaydos, Boudiaf, Mohamad; Afif, Almoez Ali

Senegal: Mendy; Sabaly, Koulibaly, Diallo, Jakobs; I.Sarr, Gana Gueye, N.Mendy, Diatta; Diedhiou, Dia.

The post Formacionet zyrtare Katar-Senegal appeared first on Albeu.com.

Megjithatë tulipanët arritën të marin 3 pikë, duke i mposhtur 0-2.

Pas një pjese të parë pa gola, duhet të vinte minuta e 85′ që tulipanët të zhbllokonin sfidën me anë të sulmuesit të PSV-së Cody Gakpo i cili realizoi me kokë, ndërsa Klaassen dyfishoi në shtesa.

Ekipi i Van Gal ngjitet në vendin e parë me 3 pikë, po aq sa ka dhe Ekuadori që mposhti dje Katarin vendas.

Ndërkohë, në ndeshjen e radhës Holanda luan ndaj Ekuadorit, ndërsa Senegal ndaj Katarit. SHIKO GOLAT /G.D albeu.com/

The post Holanda të bën me zemër, fitore dramatike në limit (VIDEO) appeared first on Albeu.com.