Republikani Scott i ka nisur kërkesë Departamentit amerikan të Tregtisë, duke pretenduar se hudhra kineze është e pasigurt, duke cituar metodat josanitare të prodhimit.

Kina është eksportuesja më e madhe në botë e hudhrës së freskët dhe të ngrirë, dhe Shtetet e Bashkuara janë një prej konsumatoreve kryesore.

Mirëpo, tregtia është kthyer në proces kontrovers në vjetët e fundit.

Shtetet e Bashkuara e kanë akuzuar Kinën për shitje të hudhrës me çmime nën ato që janë në treg.

Prej mesit të viteve ’90, Shtetet e Bashkuara kanë vendosur taksa të ndryshme në importet kineze, ashtu që prodhuesve amerikanë të mos iu rrezikohet tregu.

Më 2019, gjatë administratës së ish-presidentit amerikan, Donald Trump, tarifat janë rritur.

Senatori Scott i ka përmendur të gjitha këto rreziqe, si dhe kualitetin e hudhrës së rritur në vendet e huaja, “sidomos në Kinën Komuniste”.

Ai u është referuar praktikave, të cilat, sipas tij, janë të dokumentuara mirë nëpër videot online, si dhe nëpër dokumentare.

Senatori ka pretenduar se ka raste kur hudhra rritet edhe në ujëra të zeza.

Ai ka bërë thirrje që hetimet të kryhen, sipas ligjit që përcakton analizë të importeve specifike për shkak të sigurisë së SHBA-së.

Zyra për Shkencë dhe Shoqëri në Universitetin McGill në Kuebek, e cila tenton të popullarizojë dhe sqarojë çështjet shkencore, ka thënë se “nuk ka të dhëna” që ujërat e zeza përdoren si pleh për rritjen e hudhrës në Kinë./rel

The post Senatori amerikan: Hudhra kineze përbën rrezik për sigurinë kombëtare appeared first on Albeu.com.

Avioni që transportonte Doug Larsen dhe familjen e tij u rrëzua pak pasi u ngrit në afërsi të Moab të Utahut. Si pasojë e aksidentit vdiq edhe piloti i avionit. Larsens po vizitonin familjen në Scottsdale, Arizona.

Sipas “Associated Press”, vdekja e Larsen u konfirmua fillimisht nga udhëheqësi i shumicës në Senatin e Dakotës së Veriut, David Hogue në një email drejtuar kolegëve të tij.

“Nuk jam i sigurt se ku fillon zia me një tragjedi të tillë, por mendoj se fillon me lutjet për gjyshërit dhe të gjithë të afërmit e Doug dhe Amy”, tha Hogue.

Sipas Zyrës së Sherifit të Grand County, avioni ndodhej në një zonë të largët në kufi me aeroportin. Bordi Kombëtar i Sigurisë së Transportit tha në median sociale “X” se po kryhen hetime për rrëzimin e avionit “Piper PA-28-140” pranë Utah. Aeroporti Canyonlands mbetet funksional ndërkohë që hetimi zhvillohet.

Larsen u zgjodh në Senatin e Dakotës së Veriut në vitin 2020. Ai kryesoi një panel të Senatit për industrinë dhe legjislacionin e biznesit dhe gjithashtu shërbeu në Gardën Kombëtare të Dakotës së Veriut./albeu.com/ 

The post Tragjike! Senatori amerikan dhe familja e tij vdesin në një aksident ajror appeared first on Albeu.com.

Në një konferencë të përbashkët për media me kryeministrin Albin Kurti, Murphy tha se anëtarësimi i Kosovës në NATO është interes edhe i Shteteve të Bashkuara të Amerikës.

“Gjatë diskutimeve tona folëm për interesat e tona të përbashkëta për të vazhduar proceset e Kosovës për t’u bashkua si NATO-s ashtu edhe BE-së. Natyrisht se më shumë kemi të bëjmë me procesin e anëtarësimit në NATO dhe tani është më urgjente se kurrë që të sigurojmë që shtetet si Kosova që janë në perfieri të një Rusie të vënë në kënd, që këto shtete të kenë mbrojtje”, ka thënë ai.

Më tutje, senatori Murphy tha se i vjen mirë që Kosova ka pasur përparim në zhvillimin ekonomik dhe në luftimin e korrupsionit.

“Kjo është vizita ime e tretë në Prishtinë dhe më vjen kaq mirë që po dëgjojë për zhvillimin ekonomik të vazhdueshëm në Kosovë dhe që jeni të fokusuar në luftimin e korrupsionit dhe përparimin që e keni arritur. E kemi filluar vizitën tonë në kampin “Bondsteel” dhe siç e dini ShBA-të vazhdojnë që të kenë një përkushtim të madh për sigurinë në Kosovë”, ka thënë ai.

Ai përmendi edhe vdekjen e sekretares amerikane të Shtetit, Madeliene Albrigt, e ku tha se familja er saj e çmon memorialin e ngritur në Prishtinë për ta përkujtuar rolin e saj gjatë luftës së fundit në Kosovë.

“Na vjen keq dhe natyrisht jemi të pikëlluar për humbjen e sekretares së Shtetit, znj. Albright dhe që familja e saj me të vërtet e çmon memorialin që e keni ngritur këtu në Prishtinë për të përkujtuar rolin që ajo dhe SHBA-të e kanë luajtur për të ndalur gjenocidin në Kosovë”, deklaroi senatori amerikan.

The post Senatori amerikan: Kosova urgjentisht të anëtarësohet në NATO. appeared first on Albeu.com.

Senatori u shkroi ambasadorëve të Qipros, Greqisë, Rumanisë, Sllovakisë dhe Spanjës, duke thënë:

“Lufta e Kosovës, për dhe arritjen e pavarësisë, tregoi përkushtimin e saj ndaj demokracisë. Shfaqja e fortë e vetëvendosjes jo të dhunshme përputhet fuqishëm me vlerat thelbësore të demokracive të tjera në mbarë botën.”, ka shkruar në letrat e tij Torres.

Ai lajmin e ka bërë të ditur edhe në rrjetin social Twitter.

“Kosova ka qenë e pavarur për 14 vjet, por ka disa vende të BE-së që nuk e njohin këtë. Unë i bëj thirrje Qipros, Greqisë, Rumanisë, Sllovakisë dhe Spanjës që të rishqyrtojnë pozicionin e tyre dhe ta njohin Kosovën si një komb të pavarur në mënyrë që Kosova të ketë një rrugë për të hyrë në BE”, shkruan ai.

#Kosovo has been independent for 14 years, yet there are several EU nations that do not recognize this. I’m calling on Cyprus, Greece, Romania, Slovakia, & Spain to reconsider their position & recognize Kosovo as an independent nation so that Kosovo has a path to enter the EU. pic.twitter.com/kKTgrjuDaL

— Rep. Ritchie Torres (@RepRitchie) March 15, 2022

Më poshtë janë letrat e tij:

The post Senatori amerikan i shkruan 5-shes së BE-së: Njiheni pavarësinë e Kosovës (FOTO LAJM) appeared first on Albeu.com.

Graham e bëri këtë pohim për herë të parë gjatë një dlaje në emisionin e Sean Hannity në Fox Neës. Më pas ai përsëriti komentin në Tëitter, duke iu referuar edhe tradhtarit të Julius Cezarit dhe arkitektit të një komploti të pasuksesshëm të vitit 1944 për të vrarë Adolf Hitlerin.

“Të vetmit njerëz që mund ta rregullojnë këtë janë populli rus. Lehtë për t’u thënë, e vështirë për t’u bërë. Nëse nuk doni të jetoni në errësirë ​​për pjesën tjetër të jetës tuaj, jini të izoluar nga pjesa tjetër e botës në varfëri të tmerrshme dhe të jetoni në errësirë, ju duhet të veproni.”

Graham shërbeu për më shumë se tre dekada si avokat në Forcat Ajrore të SHBA-së, në detyrë aktive dhe më pas në rezervë. Ai shihet si një zë me ndikim brenda Partisë Republikane për çështjet ushtarake dhe të politikës së jashtme.

The post Senatori amerikan: Kriza në Ukrainë përfundon vetëm duke vrarë Putinin appeared first on Albeu.com.

Postimi i tij i fundit në rrjetin social Twitter ka qenë një urim edhe për Kosovën.

Më 1 dhjetor, Dole njoftonte për një takim virtual që do të realizohej kushtuar Kosovës.

“Zoti e bekoftë Amerikën dhe Zoti e bekoftë Kosovën”, shkruante ai./albeu.com/

Tune in tomorrow for what I know will be an engaging and exciting virtual program @DoleInstitute. God Bless America & God Bless Kosova ???? https://t.co/VYueWir9xi

— Senator Bob Dole (@SenatorDole) December 1, 2021

The post Sot ndërroi jetë, postimi i fundit i ish-senatorit amerikan Bob Dole në Twitter: Zoti i bekoftë SHBA-të dhe Kosovën (FOTO LAJM) appeared first on Albeu.com.

Komentet ai i bëri gjatë një debati që kishte me epidemiologun e njohur, Anthony Fauçi.

Nuk ishte hera e parë që ai debatonte me Këshilltarin kryesor të Shtëpisë së Bardhë për Mjekësinë, Anthony Fauci, në lidhje me origjinën e koronavirusit që shkaktoi pandeminë Covid-19.

Senatori Paul e akuzon Faucin se ka qenë në dijeni të eksperimenteve të rrezikshme që kryheshin në laboratorin e qytetit kinez ku mendohet se nisi pandemia, akuza që shefi i Institutit Kombëtar të Shëndetësisë i hedh poshtë vazhdimisht.

Gjatë një seance dëgjimore në senat këtë të enjte, Paul tha: “Viruset që nuk gjendet në natyrë dhe forcohen në mënyrë artificiale për t’u rritur infektueshmërinë janë një bast të cilin nuk mund ta vëmë. Ju vazhdoni të mohoni, por kjo mund të shkaktojë një pandemi edhe më të rëndë.

Ne po vuajmë nga një pandemi që ka një normë vdekshmërie rreth 1%, por po eksperimentohet me viruse që mund të arrijnë një vdekshmëri nga 15-50%. Qytetërimi ynë mund të jetë në rrezik si pasojë e këtyre viruseve”.

Por edhe një herë Fauci kundërshtoi qëndrimin e senatorit Paul, duke thënë se Instituti Kombëtar i Shëndetit nuk financon më punime në laborantin e ëuhanit. “Nuk kam përgjegjësi për pandeminë që po kalojmë, për këtë pandemi. Ka shumë më tepër mundësi që të ketë qenë virus natyral. Ne nuk vazhdojmë të financojmë laboratorin e Ëuhanit”, tha Fauci./albeu.com/

The post Trondit senatori amerikan: Jemi në rrezik, po eksperimentohet me viruse që mund të ketë deri në 50% vdekshmëri appeared first on Albeu.com.