Kujtohet se deri më tani temperatura e trupit është shoqëruar me një gamë të kufizuar sëmundjesh, si sindroma metabolike dhe diabeti. Duke përdorur të dhëna shëndetësore nga një popullatë e madhe, studimi i ri zbulon se, temperatura e trupit dhe veçanërisht temperatura e kyçit të dorës mund të zbulojnë shumë më tepër sesa mendohej më parë.

Për hulumtimin, studiuesit mblodhën të dhënat e më shumë se 92,000 pjesëmarrësve nga Biobank në Mbretërinë e Bashkuar për një javë, gjatë aktiviteteve tipike ditore, duke përfshirë gjumin. Pjesëmarrësit monitoruan temperaturën e kyçit të dorës, duke regjistruar ndryshimet që ndodhën mes ditës dhe natës. Ky regjistrim siguroi të dhëna shtesë si për ritmin cirkadian, ashtu edhe për ciklin gjumë-zgjim, së bashku me të dhënat që ndikohen nga kushtet mjedisore, si ulja e temperaturës së brendshme gjatë periudhave të gjumit.

Gjetjet zbuluan se ndryshimi i temperaturës së kyçit të dorës mund të thotë shumë për shëndetin. Më konkretisht, studimi tregoi se deri në 73 sëmundje të ndryshme shoqëroheshin me temperaturën e kyçit të dorës. Pjesëmarrësit që treguan ndryshime më të vogla nga dita në natë në leximet e temperaturës së kyçit të dorës u përballën me një rrezik në rritje të zhvillimit të këtyre problemeve shëndetësore; sëmundja e mëlçisë yndyrore jo-alkoolike (NAFLD) (91%), diabeti i tipit 2 (69%), dështimi i veshkave (25%), hipertensioni (23%) dhe pneumonia (22%). Ekipi hulumtues më pas krijoi Temperature Biorhythm Atlas, një faqe interneti lehtësisht e aksesueshme që përmban të gjithë këtë informacion

The post Pjesa e trupit që zbulon deri në 73 sëmundje kronike! appeared first on Albeu.com.

Kombet e Bashkuara në një studim të fundit që ofruan për moshën e tretë në Shqipëri, evidentuan se 60 për qind e grup moshës mbi 65 vjeç vuajnë nga një ose më shumë se një sëmundje kronike. Për këtë arsye ato konsumojnë rreth 40% të produkteve farmaceutike në vend kryesisht medikamenteve.

Popullsia në moshën 60 vjeç e lart përbën rreth 60 për qind të vizitave në institucione të kujdesit parësor. Sipas OBSH-së, shpenzimet shëndetësore të Shqipërisë ishin vetëm 6.7 për qind e PBB-së në 2016-2017, por 58% e kësaj shume paguhet nga xhepat qe qytetarëve, e cila e tejkalonte pjesën e financimit publik.

Kombet e Bashkuara vunë në dukje se Shqipëria aktualisht nuk ka një mekanizëm koordinimi ndërmjet kujdesit shëndetësor dhe sistemit të mbrojtjes sociale.

Legjislacioni kombëtar i shëndetësisë nuk i referohet shërbimet sociale, dhe referimi në sistemin shëndetësor nuk përfshin kujdesin social.

Studimi thotë se, Shqipëria po përballet me kërkese në rritje për kujdes afatgjatë të moshave të vjetra dhe nga ana tjetër ka mungesë së potencialesh për furnizimin me kujdestarë.

Vendi ynë po përballet me sfidën e sigurimit të aksesit shërbime të përballueshme dhe cilësore të kujdesit për të gjithë të moshuarit në nevojë. Bëhet fjalë për fuqi punëtore me kosto të përballueshme.

Në shumë vende evropiane, përfshirë Shqipërinë, shpenzimet për kujdesin afatgjatë te të moshuarve do të rriten me shpejtësi në 30 vitet e ardhshme. OKB vë në dukje se, është e nevojshme të ndërmerret një hap proaktiv për të eksploruar të gjitha opsionet e mundshme për të krijuar një hapësirë fiskale për të financuar kujdesin afatgjatë.

Në Shqipëri, bazuar në vlerësimin e zbatimit të Ligjit për Shërbimet e Kujdesit Social gjatë pesë viteve të fundit, efektshmëria e mekanizmit aktual financiar duhet rishikuar.

Edhe pse shërbimet e kujdesit social janë kompetencë administrative e njësive vendore, kapaciteti e ofrimit të shërbimeve dhe burimet financiare ndryshojnë në mënyrë të konsiderueshme nga njëra njësi administrative në tjetrën.

OKB rekomandon që në procesin e decentralizimit , qeveria qendrore duhet të sigurojë akses në të gjithë vendin dhe të mbështesë komunat veçanërisht ato me kapacitete të dobëta fiskale.

Disa vende si Gjermania, Luksemburgu, Holanda, Japonia dhe Koreja kanë themeluar skemën e sigurimeve për kujdesin afatgjatë për të parandaluar frenimin e rritjes së shpenzimeve për kujdes në pleqëri./monitor

The post 60% e të moshuarve më sëmundje kronike, konsumojnë 40% të ilaçeve në vend appeared first on Albeu.com.

Mungesa e aktivitetit fizik dhe kequshqyerja po përhapin diabetin dhe hipertensionin në masë.

Të dhënat e INSTAT tregojnë se në vitin 2020 gati gjysma e të sëmurëve kronike që trajtohen me rimbursim vuanin nga hipertensioni dhe diabeti.

Bazuar në sistemin e recetës elektronike me rimbursim në vitin 2020, 11,5% e pacientëve kronikë janë trajtuar për diabet Mellitus dhe 36,1% e pacientëve kronik për Hipertension Arterial.

Sipas qarqeve, Durrësi ka përqindjen më të lartë të pacientëve kronik të trajtuar për Diabet Mellitus me 14,5%, ndërsa për Hipertension Arterial përqindjen më të lartë e ka qarku Kukës me 48,4%.

Anketat e INSTAT dhe Institutit të Shëndetit kanë gjetur se përhapja në masë e diabetit dhe hipertensionit vijnë si pasojë e sjelljeve të konsideruara me risk për shëndetin si: konsumimi i alkoolit, pirja e duhanit dhe jeta sedentare. Stili i jetesës ka ndikim të rëndësishëm në rritjen e jetëgjatësisë nëpërmjet parandalimit të shumë sëmundjeve kronike si: hipertensioni, yndyrnat në gjak dhe obeziteti etj.

Sipas studimit të fundit Demografik dhe Shëndetësor (2017/18), 5,0% e grave dhe 36,0% e burrave të moshës 15-49 vjeç ishin duhanpirës. Të dhënat sipas qarqeve tregojnë se përqindja me e lartë e burrave 15-49 vjeç që pinë duhan është në qarkun Vlorë (44,9%) dhe përqindja më e ulët në qarkun Korçë (22,9%). Ndërkohë përqindja më e lartë e grave që pinë duhan është në qarkun e Tiranës (7,2%) dhe përqindja më e ulët në qarkun e Kukësit (0,2%)

Sipas të njëjtit studim, më shumë se 1 në 4 gra (28%) dhe 6 në 10 burra (60%) të moshës 15-49 vjeç kanë konsumuar alkool në 12 muajt e fundit. Përqindja më e lartë e burrave që konsumojnë alkool është në qarkun Fier (88,4%), Berat (87,1%) dhe Lezhë (67,3%) dhe përqindja më e ulët është në qarkun Dibër (28,2%) dhe Kukës (39,1%).

Përqindja e grave të moshës 15-49 vjeç që konsumojnë alkool është më e lartë në qarkun Berat (44,1%), Tiranë (40,7%) dhe Vlorë (36,8%). Ndërkohë përqindja më e ulët është në qarkun Kukës (4,0%), Dibër (5,0%) dhe Shkodër (7,4%).

Aktiviteti fizik është një tjetër faktor me rëndësi të veçantë në shëndetin e njeriut. Rreth 1 në 10 burra dhe gra të moshës 15-49 vjeç përfshihen në aktivitet të rregullt fizik (5-7 ditë në javë). Të dhënat për burrat tregojnë se qarqet me përqindje më të lartë që kryejnë aktivitet fizik janë Tiranë dhe Vlorë, përkatësisht 38,2% dhe 30,7%. Ndërkohë për gratë, qarqet me përqindjen më të lartë të këtij aktiviteti janë Tiranë dhe Elbasan, përkatësisht 28,1% dhe 24,7%./Monitor

The post Shqiptarët duhet të ndryshojnë stilin e jetesës, 47% e të sëmurëve kronik me diabet dhe hipertension appeared first on Albeu.com.