Mediet e huaja bëjnë me dije se rastet e para janë raportuar zyrtarisht në SHBA, ku të dhënat tregonin se inflamacioni i mëlçisë tek fëmijët ishte shkaktuar nga Adenovirusi, jo nga infeksioni i koronavirusit.

Ndërkohë, raste të ngjashme u raportuan në Mbretërinë e Bashkuar në muajin prill ndërsa Organizata Botërore e Shëndetësisë (OBSH) njoftoi javën e kaluar se ato ishin raportuar edhe në Spanjë dhe Irlandë.

Rritjen e pazakontë të rasteve me hepatit akut te fëmijët , kryesisht nga 2 deri në 5 vjeç, ka raportuar profesori i Pulmologjisë në Universitetin e Kretës, Nikos Tzanakis . Eksperti grek është shprehur se ka spekulime të ndryshme në lidhje me atë që po ndodh aktualisht në botë me përhapjen e këtijvirusi, por është e rëndësishme që të priten rezultatet përfundimtare.

“Trembëdhjetë fëmijë në Skoci janë ekzaminuar tërësisht. Në tre prej tyre rezultoi se ishte koronavirus, pesë ishin negativë, dy duket se kishin vuajtur nga koronavirusi disa muaj më parë. Nga 11 që iu nënshtruan testeve speciale për adenovirus, pesë rezultuan pozitivë. Ndoshta, ky adenovirus që nuk shkaktoi hepatit në të kaluarën duket të jetë fajtori”, ka thënë ai.

Mjeku ndër të tjera duke u bazuar simptomave që shfaqin fëmijët, ai tha se janë të lodhur, mund të kenë temperaturë , verdhëz në sy dhe në lëkurë, urina me ngjyrë të ndezur dhe jashtëqitja me ngjyrë. “Ata mund të kenë edhe simptoma gastrointestinale, si të vjella, diarre dhe dhimbje barku”.

Për moshat që preken, vuri në dukje se ato janë deri në 16 vjeç, por 80% -90% e rasteve janë nga 2 deri në 5 vjeç.

Ai u shfaq qetësues duke vënë në dukje se shumica e rasteve vetëinfektohen në shtëpi , pak prej tyre kanë përfunduar në spitale dhe 3-4 raste kanë pasur dëmtim aq të rëndë të mëlçisë saqë kanë pasur nevojë për transplantim të mëlçisë./abcnews.al

The post Një tjetër sëmundje “kërcënon” botën, fëmijët më të rrezikuarit nga virusi appeared first on Albeu.com.

Politikanët në provincën e New Brunswick kanë kërkuar përgjigje, por me kaq pak raste, ekspertët thonë se ka shumë më shumë pyetje sesa përgjigje dhe i kanë kërkuar publikut të mos përhapë panik. Prej më shumë se një viti, zyrtarët e shëndetit publik kanë ndjekur një “grup” prej 43 rastesh të sëmundjes së dyshuar neurologjike në provincë pa ndonjë shkak të njohur.

Banorët mësuan për herë të parë për hetimin javën e kaluar pasi një shënim nga agjencia e shëndetit publik të provincës u kërkoi mjekëve të kërkonin simptoma të ngjashme me sëmundjen Creutzfeldt-Jakob – një sëmundje e rrallë, fatale e trurit e shkaktuar nga proteina të keqformuara të njohura si prione.

Një numër i simptomave duke përfshirë humbjen e kujtesës, problemet e shikimit dhe lëvizjet jonormale shkaktuan alarm te ekspertët. Pavarësisht nga ngjashmëritë fillestare, depistimi nuk pa ngjashmëri me sëmundjen Creutzfeldt-Jakob.

Tani një ekip studiuesish, po mundohen që të përcaktojnë nëse kanë të bëjnë me një sindromë neurologjike të panjohur më parë, ose një seri sëmundjesh të njohura.

Ekspertët thonë se pacientët fillimisht ankoheshin për dhimbje të pashpjegueshme, spazma dhe ndryshime të sjelljes – të gjitha simptoma që mund të diagnostikohen lehtësisht si ankth ose depresion. Por në 18 deri në 36 muaj ata filluan të zhvillojnë rënie të kujtesës, humbje të muskujve, rrëzime dhe lëvizje të pakontrollueshme. Një numër pacientësh gjithashtu filluan të përjetonin halucinacione të frikshme, përfshirë ndjenjën e insekteve që zvarriten në lëkurë.

Zyrtarët shëndetësorë kanë refuzuar të zbulojnë vendet e sakta të rasteve.

“Ne nuk e dimë se çfarë e shkakton. Në këtë kohë kemi vetëm më shumë pacientë që shfaqen se kanë këtë sindromë,” u shpreh Dr. Alier Marrero, neurolog që drejton hetimin e New Brunswick./Live Science, Guardian

The post Një sëmundje e panjohur? Simptomat e mistershme në tru habisin mjekët appeared first on Albeu.com.