“Presidenti Erdogan ka vdekur në orën 4:30 të mëngjesit!”, ishte ky mesazhi që trazoi ujrat ditën e sotme në shtetin turk.

Ky postim i rremë ka nxitur diskutime të mëdha në vend, ndërsa 30 persona janë proceduar penalisht lidhur me rastin. Drejtoria e Përgjithshme e Sigurisë në Turqi bëri të ditur se ndaj përdoruesve konkretë janë nisur procedimet ligjore për “dezinformim”.

Ndërkohë që gazeta pro-qeveritare “Yeni Akit” fajësoi opozitën për përhapjen e thashethemeve. Gazeta pretendon se të gjithë personat që shpërndajnë lajme të tilla, sipas tyre kanë probleme psikologjike, pasi vetëm në këtë mënyrë mund të krijojnë situata të tilla.

Por edhe opozita nuk ka mbetur pa reaguar. Deputeti i CHP-së, Aykut Erdoğdu, komentoi mesazhet e shumta që ka marrë lidhur me shëndetin e Erdogan.

“Jeta ime politike kaloi duke luftuar kundër Erdoganit. Dëshira ime e vetme është që në zgjedhje Erdogani të jetë i shëndetshëm dhe në formë, në mënyrë që të mbajë përgjegjësi,”-tha deputeti turk.

Kohët e fundit, kreu i shtetit turk po dyshohet se vuan nga sëmundje që ende nuk është e përcaktuar, por nga Presidenca është mohuar çdo lajm. Ndërkohë që herë pas here në rrjet janë shpërndarë pamje të Erdogan që mezi ecën, flet dhe ka problem me frymëmarrjen. Por sot me “vdekjen”, thashethemet kaluan në një fazë tjetër./albeu.com/

The post “Erdogani ndërroi jetë”, thashethemi që trazoi Turqinë! “Mori dhenë” në rrjetet sociale appeared first on Albeu.com.

“Foreign Policy” shkruan se Erdogan e ka thuajse të pamundur që të vijojë të drejtojë Turqinë deri në zgjedhjet e vitit 2023 për shkak të problemeve shëndetësore. Gazetarë opozitarë turq flasin për kancer në zorrën e trashë, por kjo nuk është konfirmuar asnjëherë nga autoritetet turke, të cilat kanë qenë shumë të rezervuara në lidhje me shëndetin e liderit turk.

Madje, “Foreign Policy” parashikon një tërheqje të shpejtë të Erdoganit nga skena politike duke radhitur edhe momentet kur ai është dukur i dobët.
“Situatat ku atë e merr gjumi në aktivitete publike, apo që nuk ecën dot duke kërkuar ndihmën e bashkëshortes dhe të badigardëve janë bërë normale tani për liderin turk”, shkruan “Foreign Policy”.

Ndërkohë, media izraelite “News13” shkruan se pasi të largohet, Erdogan do të lerë si pasardhës ministrin e Mbrojtjes Hulusi Akar, i cili ka formuar gjithashtu rrethin e tij të mbështetësve mes elitës drejtuese të Turqisë së sotme.

“Akar ka formatuar ushtrinë sipas kërkesave të Erdoganit dhe tani shihet si një pasardhës legjitim i tij”, shkruan media izraelite.
Pretendentë të tjerë për karrigen e Erdoganit janë edhe ministri i Brendshëm i Turqisë, Suleyman Soylu si edhe dhëndri i tij Berat Albayrak .
Një formatim i tillë pritet të sjellë tensione në politikën turke gjatë viteve të ardhshme sipas mediave të huaja, pasi vetëm Erdogani ishte ai që mund t’i mbante të gjithë në rresht këto personazhe. Pas ikjes së tij, situata duket të jetë shpërthyese, sipas “News13”./albeu.com

The post Mediat botërore trazojnë Turqinë: Erdogani rëndë me kancer, kush pritet t’a zëvendësojë appeared first on Albeu.com.