Zëvendëskryetari i Lidhjes Demokratike të Kosovës, Lutfi Haziri, ka bërë të ditur se kërkesa për mbledhjen e Kuvendit të Jashtëzakonshëm, e mbështetur me nënshkrimet e dorëzuara nga një grup anëtarësh, do të shqyrtohet sipas rregullave të brendshme dhe dispozitave të Statutit të partisë.

Në një deklaratë për Ekonomia Online, Haziri u pyet nëse tema ishte vënë në diskutim dhe se kur mund të thirret Kuvendi. Ai u përgjigj se menaxhimi i këtij procesi i takon sekretariatit të LDK-së.

“Rruga procedurale është ajo që po ndiqet. Sekretariati e trajton çështjen konform normave tona të brendshme politike. Unë kam bindjen se Statuti ynë e ka të përcaktuar këtë aspekt dhe LDK-ja ka përvojën e duhur për ta administruar vetë krejt këtë proces politik, nga i cili ne do të dalim më të forcuar në fund,” theksoi Haziri.

Kur gazetarët e pyetën se çfarë do të sillte një skenar i shkarkimit të kryetarit Lumir Abdixhiku, zëvendëskryetari reagoi duke e quajtur pyetjen paragjykuese. “Po bëni paragjykime, po na gjykoni me anë të pyetjeve,” u shpreh ai.

Më pas, Haziri nënvizoi se kërkesat e natyrës politike nuk zgjidhen përmes mekanizmave proceduralë, por shtoi se normat statutare do të respektohen në mënyrë rigoroze.

“Çështjet politike nuk adresohen me procedura. Megjithatë, duke qenë se ekzistojnë këto norma që përcaktojnë sjelljen dhe organizimin tonë, ne do t’i përmbahemi atyre deri në fund. Mendoj se puna do të ecë në dy drejtime: i pari lidhet me shqyrtimin e kërkesës së nënshkruesve, të cilët janë delegatë dhe përfaqësues të elektoratit tonë. I dyti ka të bëjë me kryetarin e LDK-së dhe zyrën e tij, të cilët kanë mandat të plotë për të drejtuar këto procese politike në përputhje me kërkesën. Kërkesa është procedurale, prandaj edhe trajtimi do të jetë procedural. Kurse ato që janë çështje politike, do t’i diskutojmë politikisht dhe të gjithë së bashku,” deklaroi ai.

Në lidhje me verifikimin e nënshkrimeve të depozituara, Haziri sqaroi se ky është një detyrim që i përket sekretariatit. “Verifikimin sekretariati e bën në kohën e duhur, i kontrollon dhe më pas ia paraqet kryesisë,” përfundoi Haziri.

The post Haziri flet për nënshkrimet kundër Abdixhikut: LDK-ja do t’i ndjekë rregullat statutore appeared first on Albeu.com.

Sipas burimeve drejtuesit e degëve Krujë dhe Fushë Krujë, kundërshtojnë shkrirjen në një degë.

Tonet e ashpra janë dëgjur edhe jashtë sallës.

Ndërkohë lideri demokrat Sali Berisha ka ndërhyrë për të ulur tensionet.

The post Përplasje në selinë blu, dy drejtuesit të degëve debatojnë me Nokën, ndërhyn Berisha për të ulur tonet appeared first on Albeu.com.

Trajnimi do të nisë më 20 qershor dhe do të zgjasë rreth një muaj. Aktivitetet do të zhvillohen në selinë e Partisë Socialiste dhe do të udhëhiqen nga deputetët me përvojë të kësaj force politike.

Hapjen e Akademisë politike do ta bëjë kryeministri Edi Rama, ndërsa ndër lektorët e tjerë do të jenë emra të njohur si Fatmir Xhafaj, Erion Braçe dhe Niko Peleshi.

Gjatë këtij cikli trajnimesh, do të trajtohen tema kyçe si: Roli i Deputetit dhe Etika e Përfaqësimit, Funksionimi i Parlamentit, Marrëdhëniet Ndërinstitucionale dhe Ndërkombëtare si edhe PS dhe vizioni 2030.

The post Akademia politike e PS/ Deputetët e rinjë një muaj trajnim përpara sesionit të ri parlamentar appeared first on Albeu.com.

Gjithashtu, Berisha thekson se piramida më e madhe e mashtrimit mori sot goditjen më fatale.

“Të dashur miq, u krye edhe kjo punë. Piramida më e madhe e mashtrimit në historinë e drejtësisë europiane mori sot goditjen më fatale.

Përshëndes çdo shqiptar me mirënjohjen më të madhe”, tha Berisha.

Vendimin për lirimin e Sali Berishës nga arresti shtëpiak, u mor nga gjyqtarja Flojera Davidhi.

“Sot, më datë 27.11.2024 Gjykata e Posaçme e Shkallës së Parë për Korrupsionin dhe Krimin e Organizuar, bazuar në nenet 228, 229, 230, 237 dhe 260 të K.Pr.Penale ka vendosur pranimin e kërkesës së kërkuesit të pandehurit Sali Berisha dhe revokimin e masës së sigurimit personal me karakter shtrëngues “arrest në shtëpi””,– thuhet në vendimin e GJKKO-së.

The post Berisha flet nga selia e PD: Piramida më e madhe e mashtrimit mori sot goditjen më fatale appeared first on Albeu.com.

Berisah ndiqet nga qindra sipmatizantë dhe mbështetës, të cilët kanë që prej mëngjesit të ditës së sotme që e presin në seli për tu nisur ndrej kryeminsitrisë.

Kujtojmë që protesta e ditës së sotme vjen aps skandaleve të fundit qeveritare përfshirë dhe “çëshjtjen” McGonigal.

/AlbEu.com/

The post Protesta e opozitës, Berisha lë selinë blu dhe drejtohet për te kryeminsitria appeared first on Albeu.com.

Njoftimi:

Sot ne date 22.12.2022, u zhvillua seanca gjyqesore lidhur me ankimin e Partise Demokratike te Shqiperise. Perfaqesuesi i PD, av. Rezart Kthupi paraqiti nje kerkese te nenshkruar nga Sekretari i Pergjithshem i PD, Z. Gazmend Bardhi, me te cilen u kerkua perjashtimi i gjyqtares relatore Irida Kacerja. Si shkak i perjashtimit u referua vendimi i ndermjetem i gjykates, per te paraqitur autorizimin per perfaqesim, konform normave te statutit te PD. Gjyqtarja relatore nuk vleresoi se kishte shkaqe papajtueshmerie. Gjykata e Apelit Tirane, me vendim te ndermjetem, vendosi te shtyje seancen per ne date 17.01.2023, ora 9:00. Nderkohe do te caktohet me short gjyqtari qe do te shqyrtoje kerkesen per perjashtim, per te cilin do te njoftoheni menjehere.

Ditën e sotme, u zhvillua në Gjykatën e Apelit seanca për statutin e Partisë Demokratike. Grupi i deputetit Enkelejd Alibeaj paraqiti fillimisht kërkesën për dorëheqjen e gjyqtares Irida Kacerja me pretendimin se çështja mund të paragjykohet. Sipas tyre, Kacerrja kërkoi në seancën e mëparshme të rregullonte prokurën e përfaqësimit sipas statutit.

The post EMRI/ Gjyqi i PD, Apeli cakton gjyqtarin që do të shqyrtojë kërkesën e Bardhit appeared first on Albeu.com.

Öztürk u godit me thikë nga një person që i shkoi në zyrë për ta takuar. Öztürk, i cili mori dy plagë me thikë në këmbën e djathtë, u dërgua në spital. Mediat turke raportojne se ai është në gjendje të mirë shëndetësore.

Kanë nisur përpjekjet për kapjen e autorit, i cili pas ngjarjes është larguar.

Në zgjedhjet e mbajtura më 1 nëntor 2015, Öztürk Yılmaz u zgjodh deputet i Ardahanit nga CHP. Ai ka shpallur kandidaturën për President në vitin 2018, por kandidatura e tij nuk u realizua. Nga ana tjetër, në zgjedhjet e mbajtura më 24 qershor 2018, ai u zgjodh sërish deputet nga Ardahani.

The post Plagoset në seli kryetari i partisë opozitare turke, e godasin me thikë appeared first on Albeu.com.

Në agjendën e sotme Begaj duhet të takohej edhe me kreun e LDK-së ku ka pasur edhe një pakënaqësi nga ana e LDK-së.

Bajram Begaj donte që të takohej me ta në Kuvend, ndërsa kreu i LDK-së nuk ka pranuar pasi dëshironte që ai ta takonte në selinë e tij.

LDK ka shprehur keqardhje për mosrealizimin e takimit zyrtar me presidentin e ri të Shqipërisë.

“Lidhja Demokratike e Kosovës shprehë keqardhje për mosrealizimin e takimit zyrtar me Presidentin e ri të Shqipërisë, shkëlqesinë e tij Bajram Begaj; me rastin e vizitës së tij të parë në Kosovë. Për dallim nga krerët insitucional paraprak të Shqipërisë, Presidentët e shkuar, Kryeminisrin e tanishëm, e të tjerë kryeministra paraprak, Presidenti Begaj ka refuzuar të takojë LDK-në në selinë qëndrore të saj”, thuhet në përgjigje.

LDK e konsideron qasje të pazakontë refuzimin e Begajt për t’i takuar drejtuesit në zyret e partisë.

“Ndonëse nuk e kuptojmë refuzimin e tillë dhe shprehim njëkohësisht habinë për një qasje të pazakontë, konsiderojmë si mundësi të humbur takimin me Presidentin Begaj; të cilit i urojmë suksese në përfaqësimin më dinjitoz të Republikës së Shqipërisë.  LDK ka selinë e vet dhe ajo mbetet e hapur për çdo zyrtar të shtetit shqiptar – siç ka qenë përherë”, thuhet tutje.

Begaj po qëndron në Kosovë në vizitën e tij të parë jashtë vendit. Ai është pritur dje nga Osmani, Kurti e Konjufca, ndërsa sot është takuar edhe me drejtuesit e PDK-së dhe AAK-së.

The post Vizita 2 ditore në Kosovë, Begaj refuzon të shkojë në selinë e tyre, LDK: Keqardhje, jemi të habitur appeared first on Albeu.com.

Simpatizantët gjithashtu njëzëri shprehen duke thënë: “O Sali o hero, gjithë Shqipëria ty të do”, “E duam Shqipërinë si gjithë Europa”, “O Edvin o legen, prite Salën se po vjen”.

Kujtojmë se para kryeministrisë është vendosur edhe një podium, ku pritet të mbajnë fjalën 20 persona, përfshirë Kryemadhin, Këlliçin dhe Vokshin. Ndërkohë fjalën i fundit do ta mbajë ish kryeministri Sali Berisha, i cili edhe do të mbyllë protestën. Berisha pritet të flasë për rreth 30 minuta.

The post LIVE/ Berisha del nga selia, niset drejt Kryeministrisë bashkë me protestuesit appeared first on Albeu.com.

Në këtë mbledhje fokusi do të jetë te zgjedhja e kryetarëve të degëve të PS-së në rrethe. Gazetari Ergys Gjençaj në një lidhje direkte për News24 pohoi se në këtë mbledhje do të vendoset e cilët do të jenë kandidatët që do të garojnë për kryetarë të degëve të PS në 61 bashki.

Kujtojmë se sot Rama bëri me dije se interes për të aplikuar për këto poste kanë shprehur 561 kandidatë. Ndërkohë, në shkallë vendi, 33.2% është pjesëmarrja e vajzave dhe grave./albeu.com

The post Mblidhet Kryesia e PS-së, ja çfarë pritet të ndodhë brenda selisë rozë appeared first on Albeu.com.