Në këtë takim u zhvillua analiza e zgjedhjeve për pushtetin vendor të 14 majit. Gjithashtu u mbajt dhe një analizë e punës së çdo ministrie po ashtu edhe të strukturave organizative të partisë.

Në asamblenë, e cila u zhvillua me dyer të mbyllura, u morën disa vendime siç ishte largimi i sekretarit të Përgjithshëm të PS-së, Damian Gjiknuri dhe emërimi në vend të tij të Blendi Klosit. Po ashtu në vend të Ballës, i cili tashmë është ministër i Brendshëm, u caktua si kreu i grupit parlamentar të PS-së, Bledi Çuçi. Ndërkohë gjatë ditës së sotme qarkulluan lajmet për shkarkimin e ministres së Financave Delina Ibrahimaj, gjë që u mohua nga vetë ministrja, por edhe nga vetë kryeministri Edi Rama.

Asambleja e cila vjen 1 vit pas mbledhjes më të fundit mes socialistëve do të pasohet nga një tjetër takim dy ditë më pas.

Më 28 dhe 29 korrik në Tepelenë, kryeministri Edi Rama do të mbledh Qeverinë në një takim informal. Zyrtarisht thuhet se në këtë takim do të shpallen objektiva të reja për ministritë përkatëse. Gjithsesi asambleja mblidhet në një situatë delikate brenda kampit rozë. Socialistë me emër, kryetarë bashkish janë arrestuar, dhe së fundi prej disa ditësh SPAK ka urdhëruar arrestimin e zv.kryeministrit Arben Ahmetaj.

The post Përfundon mbledhja me dyer të mbyllura e Asamblesë së PS, diskutimet dhe vendimet appeared first on Albeu.com.

Mbledhja, e cila supozohej të niste në orën 17:00 është shtyrë me dy orë të tjera për shkak të agjendës së kryeministrit Edi Rama.

AlbEu.com ka mësuar se disa emra kryebashkiakësh aktualë janë “djegur” prej vetë Ramës apo deputetëve të caktuar në zona për shkaqe të ndryshme, të cilat fillojnë nga ruajtja e balancave së pushtetit mes grupimeve të ndryshme nëpër qarqe deri te marrja e masave për largim para se SPAK të ndërhyjë me hetime apo arrestime për shkak të tenderëve korruptivë.

Elbasani

80-90% e kryebashkiakëve janë rikonfirmuar, ndërsa pritet që në Librazhd të jetë një emër tjetër dhe Kastriot Gurra, i cili është ekspozuar shumë për shkak të tenderëve problematikë që ka firmosur. Gurra mësohet të mos jetë edhe një emër i preferuar i Gjiknurit, krahas problemeve me dokumentet ku ka firmosur.

Mësohet se Taçi i Gramshit do të zëvendësohet me të besuarin e Taulant Ballës, kjo jo për shkak të ecurisë së punës së kryebashkiakut aktual, por si një kompensim ndaj “shkuljes” së ndikimit politik të kreut të Grupit Parlamentar të PS në qarkun e Elbasanit.

Rama ka mësuar tashmë se nuk mund të lerë “pashallëqe” për të emëruarit e tij në qarqe duke e balancuar kështu disi Gjiknurin në Elbasan me një kandidat të Ballës. Kështu balancohet edhe heqja e Gurrës nga Librazhdi, ndërkohë që në Peqin synohet një emër tjetër.

Tosku do të ndërrohet jo vetëm për të kaluar atje një të besuar Aqif Rakipit, por edhe për shkak se është përfolur për tenderët gjatë viteve të fundit.

Vlora

Qarku Vlorë është një dhimbje koke për Ramën pasi duhet të përballet me bazën e PS në bashkinë e Vlorës për të imponuar Ermal Dredhën, kurse në Sarandë Adrian Gurma është organizuar për t’ia bërë të vështirë jetën Oltion Çaçit që pritet të konfirmohet nesër nga kryesia e PS-së.

Emra të tjerë priten edhe në Selenicë, ku PD ndihet e fortë si edhe Konispol.

Berati

Juliana Memaj nuk është se ka spikatur në Bashkinë e Dimalit, madje pak javë më parë SPAK kreu një operacion në këtë bashki duke arrestuar disa zyrtarë të bashkisë bashkë me punonjësit e kompanisë Ed Konstruksion për korrupsion. Sigurisht, Rama dhe kryesia e PS nuk do të rrezikonin me një emër të përlyer në tenderë në një zonë të konsideruar hambar të votave socialiste.

Kuçova po ashtu pritet të ketë një emër tjetër që do të marrë bekimin e kryesisë së PS-së nesër.

Dibra

Rama pritet të shkojë me Agron Malajn në Mat, bashki e cila ka marrë shumë investime në infrastrukturë gjatë vitit të fundit, ndërsa Rahim Spahiu i bashkisë së Dibrës duket më shumë një zgjedhje për të kënaqur “të fortët” lokalë se sa një emër që mbart bekimin e Ramës apo të Ballukut, si e dërguar e PS në qark.

Kjo e fundit është pozicionuar fortë në këtë bashki duke ditur problematiket që ka emri i PS në këtë bashki. Spahiu po ashtu është ekspozuar në tenderë problematikë, megjithatë prania e Ballukut në qark e mbron atë, për momentin.

Në Bulqizë nuk ka histori.

Largimi i Lefter Allës ka rritur shanset për një fitore të demokratëve nisur edhe nga fakti se PS pritet të futet me një emër të pakompromentuar për të balancuar disi CV e keqe që shkaktoi arrestimi në krye të detyrës i kryebashkiakut.

Në Klos, PS pritet të rikonfirojë Ilmi Hoxhën përballë Bedri Hoxhës së PD-së. Klosi njihet si zonë e djathtë dhe do të jetë shumë interesante gara.

Durrësi

Thirrja e Bushit të Krujës në SPAK si edhe disa ndryshime në balancat e forcës në zonë bëjnë që Rama dhe kryesia e PS të shkojnë me një emër tjetër në këtë bashki.

Ndërkohë bashkinë e Durrësit Rama ia ka “besuar” sërish Vangjush Dakos, i cili ka emrin e tij aty, Emiriana Sakon. Më herët u përfol edhe emri i Ardian Çelës për këtë bashki, por vullneti i Dakos është ende vendimtar në çështjet e brendshme të PS.

Rama dhe kryesia e PS pritet të dalin me një emër tjetër edhe për Kavajën duke ditur që është një zonë shumë sfiduese për socialistët, ndryshe nga hera e fundit ku fituan pa garë. /albeu.com

The post Shpallja e kandidatëve përfundimtarë për zgjedhjet e 14 majin, shtyhet me dy orë mbledhja e Kryesisë së PS appeared first on Albeu.com.

Berisha tha se godina e PS mbahet peng nga trafikantë droge si Edi Rama, trafikantë prostitucioni si taulant balla, dhe nga Damian Gjiknuri të cilit i vodhën 6 milionë euro.

“Kam ardhur këtu për një mesazh miqësor për gjithë socialistët e ndershëm shqiptarë. I siguroj se aaq sa kanë ata respekt për lirinë dhe votën e tjetrit, aq ka Sali berisha respekt për ta. Kam ardhur për tu thënë se kjo ndërtesë ëhstë khyer në simbolin e së keqes nga një gup kriminel i kryesuar nga Edi Rama. Ky hrup kriminal ka larguar nga vendi mbi 980 mijë shqiptarë. erdha tu them gjithashtu se rama në piramidën e krimit dhe drogës nuk ëhstë i vetëm. Ai që kryeson grupin e tyre parlamentar, rilindjes, është një njeri i cili merrej në rumani duke nxjerrë viza prostitutave rumune që merrej me trafiqe, më vonë u mor me trafiqe droge. Një njeri që i del emri në të gjitha regjistrimet kriminale. Ata nuk mbrojnë interesat e socialistëve, mbrojnë vetëm interesat kriminale. Por edhe Gjiknuri, Gjiknur-guru. Socialistë të ndershëm në qoftë se Alda Klosi ju gjetën 700 mijë euro në dyshek, Damianit tuaj i kanë humbur 6 milionë euro bashkë me nënë e tij. po ky i mori ai ato”, tha Berisha.

/AlbEu.com/

The post Berisha mesazh nga selia e PS: Rama, Taulant trafikanti dhe Damian guruja që i vodhën 6 milionë euro, po mbajnë peng godinën e socialistëve appeared first on Albeu.com.

PS kërkon që të përfshihen dy projektligje për ratifikimin e protokollit të NATO-s për aderimin e Finlandës dhe Suedisë.

Raportohet se PS ka miratuar sot të dyja protokollet, ndërsa tani kërkon ta miratojë në Kuvend me procedurë të përshpejtuar./albeu.com

The post Përshpejtohen procedurat, ja dy projektiligjet që do të diskutohen në Kuvend appeared first on Albeu.com.

Në këtë mbledhje fokusi do të jetë te zgjedhja e kryetarëve të degëve të PS-së në rrethe. Gazetari Ergys Gjençaj në një lidhje direkte për News24 pohoi se në këtë mbledhje do të vendoset e cilët do të jenë kandidatët që do të garojnë për kryetarë të degëve të PS në 61 bashki.

Kujtojmë se sot Rama bëri me dije se interes për të aplikuar për këto poste kanë shprehur 561 kandidatë. Ndërkohë, në shkallë vendi, 33.2% është pjesëmarrja e vajzave dhe grave./albeu.com

The post Mblidhet Kryesia e PS-së, ja çfarë pritet të ndodhë brenda selisë rozë appeared first on Albeu.com.

Kreu i socialistëve, ka përshëndetur në hyrje Damian Gjiknurin, i cili priste dhe gjithë të ftuarit, si dhe Blerina Gjylametin dhe dhe Erion Veliajn, e më pas ka vijuar takimin më të pranishmit e tjerë.

Ndërkohë festës së PS i është bashkuar kreu i PPA, Agron Duka, deputetët e LSI Erisa Xhixho dhe Endrit Braimllari.

The post Rama mbërrin në selinë e PS, tre opozitarët që i janë bashkuar festës së socialistëve appeared first on Albeu.com.

Ajo që bie në sy është se Rama nga postuar një foto nga selia e PS-së, ku pas tij është varur në mur fotoja e ish-kreut historik të PS-së, Fatos Nano.

‘Mirëmëngjes dhe me ndjesën që po ju zgjoj si gogol në këtë ditë pushimi, teksa PS e ka ditë kongresi, uroj për të gjithë ju një fundjavë të qetë!’ shkruan Rama.

The post “Ndjesë që ju zgjoj si gogol”, Rama nga selia e PS-së me Fatos Nanon në sfond appeared first on Albeu.com.

Takimi që pritet të nisë në orën 08:30 do të mbahet në selinë e Partisë Socialiste.

Nuk dihen ende detaje të imtësishme se për çfarë pritet të flitet në takim, por mendohet se axhenda e takimit do të përcaktojë edhe punën e qeverisë për vitin 2022./albeu.com/

The post Rama mbledh në selinë e PS drejtuesit e qarqeve appeared first on Albeu.com.

Partia Socialiste ka vendosur në hyrjen e saj një banderolë me kryeministrin Rama me maskë dhe sloganin e saj ‘Shqipëria e ardhmja jonë’.

Ndërkohë Partia Demokratike ka vendosur në selinë e saj sloganin e kësaj fushate “Bashkë për ndryshimin; Shqipëria fiton”.

Kujtojmë se për ditën e nesërme dy partitë kryesore kanë vendosur hapjen e fushatës elektorale për zgjedhjet parlamentare të 25 Prillit, në sheshet kryesore të Tiranës.

Partia Socialiste ka lajmëruar hapjen e fushatës për ditën e nesërme në orën 17:30 në ‘Sheshin Skënderbe’, ndërsa Partia Demokratike në po të njëjtën orë në ‘Sheshin Nënë Tereza’.

The post Nis fushata zgjedhore, PS e PD marrim pamje të re (FOTO LAJM) appeared first on Albeu.com.