Berisha deklaroi se Basha ishte një i ri që u zgjodh nga partia në drejtim të PD-së, duke shtuar se e mbështeti, por se përfaqësimi që ai bëri për gjeneratën e tij nuk ishte përgjegjësi e Berishës.

Pyetje: A nuk e keni menduar ndonjëherë se lënia e kësaj force politike një lidershipi të ri do t’i jepte një tjetër frymëmarrje për tu përballur me këtë regjim që ju e cilësoni?

Kjo pyetje nuk më shtrohet mua dot, se unë kur humba një palë zgjedhje që nuk ishin farsë, unë dhashë dorëheqjen. Dhe një i ri erdhi pas meje. Nuk e zgjodha unë atë, atë e zgjodhi anëtarësia e PD.

Pasi u zgjodh, unë e mbështeta sepse unë isha thjesht një anëtar partie luajal i forcës time politike.

Por nuk mund të mos thuash se nuk ishte i ri.

Ishte i ri. Është tjetër problem se çfarë përfaqësimi bëri ai për gjeneratën e vet. Nuk ishte përgjegjësia ime ajo.

Të tjerë ka me mijëra sepse unë kurrë nuk besoj në të pazëvendësueshëm. Por pyetja që më bëtë, unë jam njeriu që e kam provuar dhe e kam faktuar.

Dhe kam vepruar shumë drejt. Unë nuk udhëhiqem nga paragjykimi. Mendova se një gjeneratë e re do ishte një shans i madh për forcën politike.

The post A do të japë dorëheqjen pas zgjedhjeve?/ Ja si përgjigjet Berisha appeared first on Albeu.com.

Ish-kryeministri Sali Berisha po zhvillon sot një takim me kandidatët fitues të Primareve.

Vetëm pak ditë parë u zhvillua votimet nga ku dolën 52 kandidatët fitues.

Ai u shpreh Partia Demokratike është partia me e hapur edhe pse gara nuk ishte perfekte.

Pjesë nga fjala e Berishës:

Kurrë më parë nuk janë ulur kandidatë për qytetarët të Bashkive të vendit. Një trup që ka marrë vota nga anëtarësia dhe simpatizantët e PD më shumë se institucionet tjera në tërë ekzistencën e saj. Kjo është një ngjarje e rëndësishme, zhvillim i vyer, i çmuar në rrugën tonë të konsolidimit të vlerave dhe demokracisë.

Ju keni dalë nga një garë, keni konkuruar me bashkëluftëtarët tuaj, keni dëshmuar civilitet, transparencë dhe me garën që keni bërë keni transformuar ridimensionuar pluralitetin në Shqipëri. Nuk ka parti më të hapur se sa partinë që bazohet në garën, konkurencën e lirë dhe të ndershme të zgjedhjes së institucioneve të saj.

Nuk ka parti më të hapur, në mënyrë më demokratike se një parti që fton të votojë dhe simpatizantët e saj. Të gjitha këto kanë ndodhur në këtë garë, nuk them se ishte e përsosur, këto janë risi të pamohueshme të saj dhe secili prej jush ka kontributin. /albeu.com

The post “Nuk ka parti më të hapur se PD”, Berisha takim me fituesit e Primareve: Gara nuk ishte e përsosur appeared first on Albeu.com.

Duke u futur live ne facebook-un e tij, Berisha falenderoi të gjithë demokratët që ishin të pranishëm dhe njoftoi se beteja të mëdha i presin përpara për të rrëzuar regjimin e Edi Ramës.

Berisha:

Ju keni ardh me dhjetëra dhe qindra here ne protesta. Në cdo rast ne mbetemi të pamposhtur. Te frymëzuar nga akt trimëria, të vazhdojmë, betejën tonë kundër armikut më të egër pas Enveer Hoxhes që shqiptarët kanë pasur në histori. Ate që po bene Edi Rama me shqiptarët nuk e ka bërë asnjë pushtues. Ne jemi misionar të çlirimit të shqiptarëve nga kjo monstër që nuk njoh parim.

Betaja të mëdha na presin përpara, të sigurtë të jeni se ne do të fitojmë./albeu.com

The post Berisha ngjitet në shkallët e selisë blu pas përfundimit të protestës: Beteja të mëdha na presin appeared first on Albeu.com.

Arsyeja e kësaj vizite ende nuk është konfirmuar, por kujtojmë që vetëm ditën e djeshme Meta konfirmoi se PL do të jetë pjesë e protestës së 6 dhjetorit.

Për këtë protestë Policia e Shtetit nuk i ka dhënë leje Partisë Demokratike, pasi në atë ditë do të mbahet për herë të parë Samiti i BE-BP, por kjo nuk e ka zbrapsur liderin e saj./albeu.com

The post Pak ditë nga protesta e 6 dhjetorit, Meta “vizitë” Berishës në selinë blu (VIDEO) appeared first on Albeu.com.

Përpara mbledhjes me Sali Berishën, disa prej drejtuesve Politikë të qarqeve janë shprehur optimistë për mediat se me “koherencë dhe përpjekje” mund të arrihet bashkimi.

Megjithatë, gazetari Juxhin Mustafaraj raporton se ky optimizëm nuk ka qenë aq prezent në grupimin Alibeaj.

Gazment Bardhi, i cili është i është mandatuar për të negociuar me Edi Palokën për gjetjen e një rruge të përbashkët për të dalë me nga një kandidat në zgjedhjet vendore, është shprehur se nga mediat ka mësuar së në mbledhjen e Kryesisë që do të mbahet të martën në selinë blu pritet të miratohet rregullorja finale për primaret.

Kjo sipas deputetit demokrat, tregon se negociatat nuk janë të sinqerta dhe se po bëhet fakt i kryer që kandidatët do të zgjidhen me anë të primareve.

Gazetari Juxhin Mustafaraj raporton se në mbledhjen me dyer të mbyllura të grupimit të Alibeajt, deputetët Agron Gjekmarkaj dhe Flutura Açka kanë hedhur idenë që përtej këtyre negociatave, të shihet edhe mundësia që të forcohet grupi i Alibeajt dhe të dilet me kandidatë për zgjedhjet vendore.

Të njëjtin hezitim në sinqeritetin e palës tjetër duket se ndan edhe deputeti i Fierit Luan Baçi.

“S’kam besim në sinqeritetin e Bardhit apo në mënyrën sesi po artikulohen në mediat. Gjej rastin ta ftoj. Jam gati të takohem në bazë me Alibeajn dhe deputetë të qarkut dhe të takohemi,” tha ai para gazetarëve.

Të martën pritet të mbahet edhe një takim mes Gazment Bardhit dhe Edi Palokës ndërsa të dyja palët në parim shprehen se janë deri në fund për gjetjen e një rruge për të dalë me kandidatë të përbashkët në zgjedhjet e kësaj pranvere.

The post Grupi i Berishës dhe Alibeajt mbledhje paralele në “selinë blu”: Bashkimin e duam po s’na duket i sinqertë appeared first on Albeu.com.

Komentet Paloka i ka bërë teksa ka folur në një komunikim për mediat, ku bëri me dije se mbledhja e radhës do të jetë të shtunën tjetër.

“Mbledhja e ardhshme u vendos të jetë këtë të shtunë. Sot pati diskutime lidhur me qëndrimet që duhet të mbajë PD, apo aksionin opozitar dhe u ra në dakordësi që sa më shpejt të organizohen jo vetëm protesta , por një shumëllojshmëri aktesh dhe aksione opozitare përfshirë greva të mëdha, duke filluar nga sindikatat që funksionojnë në Shqipëri dhe gjithë grupimet e mëdha që kanë probleme si mësues apo mjekë, me qëllim që aksioni opozitar te jetë i shumëllojshme”, tha ai./albeu.com/

The post Përfundon mbledhja e Këshillit Kombëtar në selinë blu, Paloka ka një paralajmërim: Çfarë pritet të ndodhë të shtunën dhe në vazhdim appeared first on Albeu.com.

Deputeti i Lefter Gështenja mësohet se kishte kontaktuar 34 deputetë për t’u bërë pjesë e takimit, por në mbledhje morën pjesë fizikisht 20 ligjvënës, ndërsa siç bëjnë me dije burimet, 8 të tjerë kishin konfirmuar se mund të konsiderohen pjesë e mbledhjes, por për shkak se ishin jashtë vendit në rast të çdo vendimi kanë konfirmuar online përmes aplikacionit të “whatsapp”. Surpriza në këtë takim ishte pjesëmarrja e disa deputetëve që deri më sot nuk kishin marrë pjesë në mbledhje si Flutura Açka, Agron Gjekmarkaj apo Helidon Bushati.

Ndërkohë, pika e parë e diskutimit ishte rikonfirmimi i Enkelejd Alibeajt si kryetar i Grupit Parlamentar të Partisë Demokratike. Mësohet se ka qenë deputeti Gazment Bardhi që i ka kërkuar kolegëve që të shprehen për konfirmimin e Enkelejd Alibeajt në krye të grupit dhe se atij duhet dhënë i gjithë autoriteti për përfaqësimim e grupit parlamentar. 28 deputetë ishin të unifikuar në rikonfirmimim e Enkelejd Alibeajt si kryetar grupi dhe kërkuan që ai të ketë një rol më aktiv dhe më vendimmarrës në lidhje me punën e grupit. Është diskutuar edhe nevoja e ngritjes së një minikryesie përfaqësuese për organizimin e punës dhe axhendës parlamentare të deputetëve. Fokusi i takimit të djeshëm ka qenë për organizimin e grupit vetëm sa i përket jetës parlamentare dhe se pritet të ketë një mbledhje të dytë në lidhje me organizimin në terren.

Në sesionin e ri pritet të ketë edhe ndryshime sa i përket përbërjes së deputetëve në komisione. Në mbledhjen e djeshme është diskutuar pakënaqësia që deputetët kanë pasur me Sorina Kotin, deputeten e Korçës, e cila është nënkryetare e Komisionit të Ekonomisë, e cila që prej fillimit është pozicionuar në krah të Berishës. Burimet bëjnë me dije se është marrë në konsideratë zëvendësimi i saj në postin e nënkryetares së Komisionit të Ekonomisë. Ajo është akuzuar gjatë mbledhjes se nuk informon deputetët për zhvillimet në Komision.

Edhe në takimin e djeshëm nuk ka mbetur jashtë vëmendjes ish-kryetari i PD-së, Lulzim Basha.
Ka qenë deputetja Flutura Açka dhe Ferdinat Xhaferaj, të cilët janë shprehur se Lulzim Basha është i mirëpritur në grupin e tyre për të dhënë kontributin. “Bashën e kemi koleg. Ai ka një kontribut dhe si koleg, si deputet mund të ketë një kontribut në grupin tonë si deputet. Nuk duhet të kemi asnjë shqetësim nga prezenca e z. Basha. Eksperienca e tij është e nevojshme për grupin parlamentar”, mësohet të ketë thënë Flutura Açka. Ndërsa Xhaferi ka vlerësuar opozitarizmin e tij. “Unë kam kërkuar që të japë dorëheqjen, por ai është i domosdoshëm për opozitën dhe këtë grup. Duhet ftuar të marrë pjesë në grup mbledhje për të kontribuar. Ne duhet të fillojmë me një sjellje tjetër me një qëndrim serioz në strategjinë. Mund të delegojmë një kryesi të vogël”, është shprehur Xhaferraj.

Në takimin e djeshëm, edhe pse ishin ftuar, nuk kanë konfirmuar pjesëmarrjen vetëm 7 deputetë Tomor Alizoti, Grida Duma, Ervin Salianji, Zef Hila, Greta Bardeli, Lindita Metaliaj dhe Xhelal Mziu.

The post Sesioni i ri, Enkelejd Alibeaj rikonfirmohet Kryetar i Grupit Parlamentar të PD appeared first on Albeu.com.

Ish-kryeministri Sali Berisha ka mbërritur në selinë blu ku do të zhvillojë një mbledhje me Komisionin e Rithemelimit, mbi procesin e zgjedhjes së anëtarëve të kryesisë së PD-së.

Në një prononcim për median, Berisha tha se Alibeaj nuk ka tagër për të zhvilluar mbledhje të tilla dhe se procesi i zgjedhjes së presidentit është një farsë.

“Alibeaj nuk ka asnjë autoritet nga PD. Dënoj pikëpamjen e Edi Ramës për ta cilësuar diasporën zonë të veçantë elektorale. Paralajmëroj këtu mos luajë me lirinë dhe të drejtën e miliona shqiptarëve që janë sot në të katër anët e botës. Ata do ushtrojnë të drejtën e votës ë tyre. Do të hasë kjo në një rezistencë mbarëkombëtare”, tha Berisha.

Sali Berisha nuk shikon asgjë në veçantë në faktin që nuk u urua nga ndërkombëtarët pas fitores më 22 maj, kur u zgjodh në krye të PD-së. Në një deklaratë për mediet, Berisha tha se nuk e kanë bërë as herët e tjera.

Sa i takon mosmarrjes së urimeve nga ndërkombëtarët për zgjedhjen në krye të PD më 22 mars, Berisha tha: “Asnjë lloj veçantie nuk mbaj mend kur jam zgjedhur herët e tjera. Nuk mbaj mend të ketë Ambasadorë të më kenë uruar. Mundet, por un në memorien time nuk mbaj mend një gjë të tillë”./albeu.com

The post Berisha mbërrin në seli ndërsa Alibeaj po zhvillon mbledhje me 20 deputetë: Ai nuk ka autoritet në PD appeared first on Albeu.com.

I pyetur nga gazetarët nëse i druhet vendimin të gjykatës në rast se zgjidhet në krye të PD, Berisha u shpreh me bindje se asnjë vendim nuk mund ta ndalë misionin historik të demokratëve.

“Është një proces që zhvillohet paralele me një proces të mirëfilltë mafioz dhe anti kushtetues që është ai i zgjedhjes së presidentit të republikës.

Është mafioz dhe anti kushtetues sepse bazohet mbi grabitjen e votës së lirë të shqiptarëve dhe kolaboracionizmin e shpifur të Edi Ramës me pseudoopozitën. Sot në këtë proces shohim dritën e shpresës për të ardhmen. Nuk ka vendim që mund të ndalë këtë mision historik të demokratëve shqiptarë”, u shpreh Berisha.

The post A i druhet vendimit të gjykatës? Berisha: Asgjë nuk e ndal misionin e demokratëve appeared first on Albeu.com.

Në mbledhje pjesë ishte edhe ish-kryeministri Sali Berisha, edhe pse Alibej e kishte kërkuar të mos merrte pjesë.

Ndërkohë që emra të tjerë të rëndësishëm i bënë “dalje” mbledhjes së sotme, ku mes tyre ishte dhe Lulzim Basha:

Deputetët që munguan:

Lulzim Basha

Alfred Rushaj

Grida Duma

Agron Gjekmarkaj

Orjola Pampuri

Kreshnik Collaku

Flutura Acka

Ilda Dhori /albeu.com

The post EMRAT/ Mbledhja e Grupit Parlamentar të PD-së, këta janë deputetët që nuk morën pjesë appeared first on Albeu.com.