Pas një aventure të rëndësishme me Egnatian, Arbenit Xhemajli ka vendosur të nisë një kapitull të ri, duke u transferuar te Selangor në kampionatin malazez.

Qendërmbrojtësi u prezantua sot te klubi i kuq. Pak orë më vonë, ai publikoi një mesazh në Instagram, përmes të cilit falënderoi ish-ekipin, presidentin Agim Demrozi, drejtorin Klejdi Zenelaj, stafin dhe të gjithë personat që kontribuuan në rrugëtimin historik të skuadrës së Rrogozhinës.

Xhemajli shprehet mirënjohës për përvojën e përjetuar te Egnatia dhe veçon edhe mbështetjen e tifozëve, ndërsa thekson se largohet me kujtime të shumta dhe me krenarinë se ka dhënë gjithçka për fanellën.

“Faleminderit Egnatia, faleminderit Rrogozhinë, faleminderit Shqipëri! Jam krenar që kam qenë pjesë e historisë së këtij klubi dhe mirënjohës për çdo moment që kemi përjetuar së bashku.

Dua të falënderoj presidentin Agim Demrozi dhe drejtorin Klejdi Zenelaj për besimin dhe mbështetjen. Falënderoj gjithashtu të gjithë stafin, trajnerët, bashkëlojtarët e mi dhe çdo person që ka kontribuar në këtë rrugëtim të mrekullueshëm. Një falënderim i veçantë shkon edhe për tifozët.

Largohem me shumë kujtime dhe me krenarinë që kam dhënë gjithçka për këtë fanellë. Ky klub do të ketë gjithmonë një vend të veçantë në zemrën time.”

The post Xhemajli i jep lamtumirën Egnatias: Ndihem krenar që isha pjesë e historisë së klubit appeared first on Albeu.com.

Arbenit Xhemajli është zyrtarisht përforcimi më i fundit i Selangor. Transferimi i mbrojtësit shqiptar u bë publik pak minuta më parë nga klubi malazez, përmes një njoftimi në rrjetet sociale.

Në prezantimin e 28-vjeçarit, klubi i kuq e cilëson shtatlartin e repartit defensiv si një futbollist që ka dominuar në kampionatet europiane. Selangor veçon paraqitjet e tij në Zvicër me FC Vaduz, si dhe periudhën te gjigantët shqiptarë të Egnatias, me të cilët fitoi tre tituj radhazi në Superiore.

“Dominues në lojën në ajër, i vendosur në ndërhyrje dhe gjakftohtë kur nis lojën nga prapavija. Xhemajli është ndërtuar për të udhëhequr nga mbrojtja. Nuk ka rrugë të mesëm, një kalibër shqiptar po vjen”, thuhet ndër të tjera në reagimin e klubit.

The post Pas tre titujve radhazi në Superiore me Egnatian, Selangor prezanton Arbenit Xhemajlin: Lider i lindur appeared first on Albeu.com.