I pyetur nëse do pranonte takim me Edi Ramën, ai deklaroi se nëse Rama e thërret për një kafe, do të shkonte patjetër, ndërkohë që risolli në vëmendje kërkesën e tij të kahershme për vendosjen e detektivit privat në Shqipëri, që ai thotë se mund të ndihmojë në rregullimin e vendit.

Biseda në studio:

Selami Jenishehri: Sali Berisha do të shpëtojë veten nga SPAK-u, vë servilat aty, njëri më i zi se tjetri. Ai çon dorën, çon edhe ai dorën… As nuk e lexojnë se çfarë kanë përpara. Nuk muund të ecësh para me këtë politikë. Ti do të shkosh në zgjedhje në 11 maj kur janë të paligjshme. Do të bëj kallëizm penal të gjithëve.

Ylli Rakipi: Si e shpjegon që pensionistët e duam shumë Edi Ramën, vdesin për Edi Ramën dhe ti nuk e do?

Selami Jenishehri: Unë kam qenë në koalicion me Ramën, kur vinte ai unë çohesha në këmbë dhe e respektoja. Ai tha nuk kam punë me ju, dal vetëm. Aty ku e ka gabim Rama unë ia kam thënë në Parlament. Ai nëse do të rregullojë Shqipërinë, ai vë dedektivin privat…

Ylli Rakipi: Eh po, kemi luftuar për këtë, që emisionin e parë që ka ardhur, ky do detektiv privat, por nuk e bëjnë.

Selami Jenishehri: Unë nuk vjedh dhe nuk kam frikë, prandaj e hedhin poshtë ata. Rama e hedh poshtë që mos kontrollohen ministrat.

Ylli Rakipi: Koalicioni Shqipëria Madhështore, duket si ideja e Trumpit?

Selami Jenishehri: Po qe ideja Trump unë e respektoj se ai ka kokat e botës rreth e përqark. Po të jenë zgjedhjet e ligjshme unë e repsketoj. Por është i paligjshëm dhe unë nuk votoj fare për këta. Nëse Rama bën zgjedhje të ligjshme, bisedojmë.

Ylli Rakipi: Rama ndau disa bonuse, ty të ra gjë?

Selami Jenishehri: Mua më dhanë 100 mijë lek më shumë. I thashe e ke ngatërruar, jo tha. Unë e kam pensionin 1 mln lek, pension suplementar.

Ylli Rakipi: Ua ç’është ky pension që ke ti?

Selami Jenishehri: A do të të sjell dokumentin po nuk besove?

Ylli Rakipi: Atëherë pensionet qenkan të larta.

Selami Jenishehri: Jo ai është pensioni i deputetit.

Denis Dyrnjaja: Më pyesin njerëzit kur ke pirë kafe me Ramën herën e fundit?

Selami Jenishehri: Qysh kur kam le, asnjëherë…

Ylli Rakipi: Po edhe Rama mund ta thërrasë. Pse mos pijë kafe me Jenishehrin?

Selami Jenishehri: Po më thirri, unë shkoj.

Ylli Rakipi: Më thotë njeri, pyete Jenishehrin, se ka thënë që Shqipëria mund të bëhet kampion në futboll. Kemi dhe këtë Dukën zv president e kështu…

Selami Jenishehri: Unë kam nxjerr një mënyrë me të bërë futbollist të kalibrit ndërkombëtar. Nuk dëgjon kryetari i federatës.

Ylli Rakipi: I kanë ngordhur pulat atyre kanë halle…

The post As Selamiu nuk pëlqen listat e “Shqipërisë Madhështore”: Berisha ka hallin e SPAK, vuri servilët në listë, njëri më i zi se tjetri… appeared first on Albeu.com.

Kombëtarja shqiptare është me sytë nga kualifikimi në Kampionatin Europian të vititi 2024, teksa muajin e ardhshëm na pret sfida e rëndësishme me Çekinë.

Të gjithë janë në mbështetje të ekipit për fitore, megjithatë ka nga ata që e kanë marrë më shumë seriozisht se çdo tifoz ndeshjen e radhës.

Ka qenë ish-deputeti Selami Jenisheri, i cili me anë të një letre garanton metodën e tij për t’u kualifikuar në Europian.

Drejtuar presidentit të FSHF-së, Armand Duka, ish-deputeti ka kërkuar që skuadra të bëjë një stërvitje që vetë ai e ka përgatitur, pasi në këtë mënyrë skuadra do të fitonte 100%.

Jenisheri shkruan se shumë futbollistë janë bërë milionerë falë stërvitjes së tij dhe se me metodat që ai ndjek, lojtarët do të fitojnë aftësi të jashtëzakonshme.

“Kam be nje studim qe i ben futbollistet e zakonshem ne nivelin ku te thirren ne ekip kombetar. Kjo lloj stervitje eshte eksperimentu me porosi te F.SH.F. me sukses, ku nga kjo stervitje futbollisti merr nivele shume te larta teknikisht e keshtu ato shiteshin, duke u bere milionera. Trajnera te federatave evropiane kur jane vene ne dijeni per kete stervitje dhe me to kemi krahasu kete me ate qe thuhet nga FIFA qe eshte me e mira ne bote nga votimi i drejtorave teknike te tan federative te FIFA-s. Keto trainere kane thene se stervitja ime eshte me e mire se ajo qe di FIFA sot per sot”, shkruan ish-deputeti që doli nga listat e PD-së.

“Meqe ndeshja Shqiperi – Ceki eshte me teper me rendesi une ju lutem Juve qe per ditet e grumbullimit per kete ndeshje une tu a ve ne dispozion futbollisteve te kombetares sone, mbasi drejtoria teknike F.SH.F. dhe trajneret e kombetares te shohin vete se eshte me e mira ne bote kjo e imja dhe kjo te beje te sigurte fitoren ne ndeshjen Shqiperi-Ceki”, shton ai.

Më tej në letrën drejtuar Dukës Jenisheri shkruan se kjo stervitje i mëson futbollistët të driblojnë 2-3 lojtarë rresht kur kanë kundërshtar para.

“Edhe kur kundershtari e din rregullin tim dhe ai (se nuk ka cfare i ben) do te jene teper lart ne saktesine e gjuajtjes me koke, do te jene super bombarduese e super te sakte ne pasime e gjujtje, do te jene mbrojtes te pakalueshem kur te mesojne rregullat e stervitjes sime, ku gjithshka eshte e re per literaturen boterore te futbollit. Uroj te besosh per sa me lart e te pranonit JU personalisht te me takonit gje qe ben 100% te sigurte fitoren ndaj Cekise dhe kualifikimin e Shqiperise”, theksoi ish-deputeti.

The post “I bëj lojtarët të driblojnë 2-3 kundërshtarë”, ish-deputeti kërkon “punën” e Sylvinho-s: Me Çekinë fitojmë 100% appeared first on Albeu.com.

Siç mund të shihet nga kjo foto protesta ka rezultuar një dështim, pasi të vetmit pjesëmarrës janë organizatorët.

Në protestë mund të shihen vetëm 4 persona, mes të cilëve dy ish-deputetët Kujtim Gjuzi dhe Selami Jenisheri, të njohur për gafat dhe lapsuset në seancat e Kuvendit.

Përpos dy ish-deputetëve dhe dy miqve të tyre nuk ka pasur grumbullime qytetarësh kundër pranisë së këngëtarit serbo-boshnjak në festën që do të zhvillohet në Korçë, shkruan panorama.

Në pankartën që mbajnë në duar Gjuzi dhe Jenisheri vihen re gabime, ku ngatërrohet emri i këngëtarit të njohur nga “Goran” në “Gregor”.

“Gregor Bregoviç nuk je i mirëpritur në festën e Birrës”, shkruhet në pankartë.

The post Dështon protesta kundër Bregoviç në tubim doli vetëm Gjuzi e Jenisheri (FOTO LAJM) appeared first on Albeu.com.

Në një prononcim për mediat jashtë Kuvendit ai tha se zgjedhjet janë të kundraligjshme pasi është thyer neni 24 i Kodit Zgjedhor për votën e emigrantëve.

“Më vjen keq që do mungoj në Kuvend. Askush nuk e di që Selami Jenisheri, kryetari i Partisë së Pensionistëve nuk do jetë në shtator në Kuvend, pasi 100% do të përsëriten zgjedhjet. Zgjedhjet janë të kundraligjshme, kanë thyer nenin 24 që emigrantët nuk kanë votuar dhe nenin 160 i Kodit Zgjedhor” – tha Jenisheri

I pyetur për vazhdimin e karrierës së tij, Jenisheri tha se do të vijojë betejën në gjykatë për përsëritjen e zgjedhjeve parlamentare.

“Këta janë deputetët më të poshtër që ka pasur historia e parlamentit shqiptar. Nuk kanë pranuar të votojnë ligjin që kanë propozuar për detektivin privat, që ky detektiv të çon direct në burg. Kam kërkuar që të vendoset dhe njëherë në fuqi neni 315 i Kodit Penal ku i thuhet gjyqtarëve ku gjyqtari ka të drejtë të përgjigjet para ligjit, nëse merr një vendim të padrejtë. Karriera ime është ditën e premte në orën 09:30 tek Gjykata Zgjedhore Gjyqësore pasi kam gjyq për përsëritjen e zgjedhjeve” – tha Jenisheri.

The post “Këta janë deputetët më të poshtër që ka pasur historia e parlamentit shqiptar”, Jenisheri: Zgjedhjet do të përsëriten appeared first on Albeu.com.

Sipas Jenisherit, në mënyrë që qytetarët të përballojnë sa më lehtë këtë të nxehtë afrikan që ka pushtuar vendin tonë, duhet të kenë një qeveri më të përgjegjshme, në mënyrë që të firmosë ndihmat humanitare që Organizata e Kombeve të Bashkuara (OKB) ka vënë në dispozicionin tonë, në mënyrë që qytetarët të munden të blejnë kondicionerë.

“E vetmja mënyrë për të përballuar këtë temperaturë të lartë është të kemi një qeveri të përgjegjshme, e cila ndihmat humanitare që janë vënë në dispozicion të shqiptarëve nga Organizata e Kombeve të Bashkuara prej më shumë se 140 milionë euro, t’ia japi popullit që të kenë kondicionerë dhe ta kalojnë këtë të nxehtë më kollaj”, thotë Jenisheri në një prononcim për ‘Top Channel’.

Ndërkohë, i pyetur nëse duhet të hiqen nga Parlamenti kondicionerët dhe t’u shpërndahen qytetarëve, Jenisheri tha se kjo nuk mund të ndodhë sepse ai institucion duhet ta ketë atë komoditet.

“Jo, kondicionerët në parlament janë në gjendje pune non stop dhe ai institucion duhet ta ketë atë komoditet, por ne si deputetë duhet të punojmë për ata njerëz që janë në minimumin jetik dhe ndihmat OKB na i ka vënë në dispozicion dhe ne nuk i firmosim”, deklaroi Jenisheri.

The post Si t’i bëjmë ballë vapës?! Selami Jenisheri jep përgjigjen epike appeared first on Albeu.com.

Ai është Selami Jenishehri, Kryetari i Partisë Bashkimi Popullor i Pensionistëve Shqiptar, deputet në Kuvendin e Shqipërisë, i datëlindjes 1942.

I ftuar në emisionin “Të Paekspozuarit” në MCN TV nga gazetari Ylli Rakipi, Jenishehri iu përgjigj me po, pyetjes nëse do të pranonte nëse do t’i jepej mundësia të bëhej president.

“Unë do të pranoja, – tha deputeti. – Nëse më bëhet kjo ofertë, do ta pranoja sepse do të bëja shtetin shqiptar të drejtohej nga një qeveri me profesorë doktorë. Do të dënoja me ligj gjyqtarët që japin dënime të padrejta, 3-10 vjet burg.

Do të vija ligjin e detektivit privat. E kam propozuar vetë dhe PS e hodhi poshtë se nuk do që të kontrollohen zyrtarët. Unë nuk e kam frikë burgun, prandaj e propozoj.”

The post “Nëse më ofrojnë postin e Presidentit, do ta pranoja direkt”, deputeti zbulon lëvizjet e para që do të bënte appeared first on Albeu.com.

“Populli shqiptar ndodhet në një gjendje kritike ekonomike që e ka sjellë jo vetëm kjo qeverisje e këtyre 30 viteve por edhe pandemia, tërmeti e të tjera me radhë, E kanë bërë këtë popull me vështirësi të jashtëzakonshme. Ky është një argument që nuk e kundërshton dot kush.

Ai që e ka dy pare mend e di çfarë hallesh ka mbi shpatullat e shqiptarëve. E kemi për detyrë t’i japim jetë mundësisë që tatimet mbi ta të jenë sa më të përballueshme.

A e kryejmë ne këtë detyrë si duhet?

Si nuk më tha njeri bravo të qoftë Selami Jenisheri. I them zonjës ministre Xhaçka, firmos moj Olta që t’i vijnë shqiptarëve miliarda lekë. Ka ardhur dy herë delegacioni dhe kanë ra dakord me dhënë projektin. Ne na vdesin njerëzit në oborret e spitaleve. Parët janë aty. Por unë e kuptoj se pse nuk e firmosin. Se e dinë që unë e kam bërë të mundur këtë gjë. Ju drejtohem ju pensionistëve se unë si kryetari juaj do ju jap një lajm të mirë brenda pak ditëve.

Pensionistët do i ndihmojë. Kush është ky parlament që i çon në varr para kohe. Votimet e 25 Prillit janë të paligjshme. Do i dal zot këtij populli. Celibashit i kam dërguar një letër ku i them zbatoje kodin zgjedhor. Kujtim a të ka pyetur ty kush nga KQZ? As unë.

Unë e takova njëri prej tyre që erdhi nga delegacioni dhe më thanë do e bëjmë Shqipërinë një ndër më të pasurit e botës”.

The post Jenisheri: Si nuk më tha njeri bravo Selami, kam firmosur për të ardhur miliarda lekë për shqiptarët appeared first on Albeu.com.

Koalicioni ABEOK të fut në listat e tij për kandidatë për deputetë nën logon e Partisë së Pensionistëve të Bashkuar të Shqipërisë pa qenë asnjë ditë anëtare e kësaj partie.

Plotësimi i formularëve të KQZ-së për kandidatë për deputetë të këtij koalicioni bëhet në zyrat e Kuvendit të Shqipërisë.

Fiks Fare, pak javë më parë transmetoi një kronikë lidhur me partitë e “vogla”  që do të marrin pjesë në zgjedhjet  parlamentare të 25 prillit 2021. Nga vëzhgimi i Fiksit rezultoi që pranë Komisionit Qendror të Zgjedhjeve këto  parti kanë dhënë kryesisht adresa fiktive dhe  selitë  i mbajnë të mbyllur.

Kjo situatë vazhdon prej vitesh, por rreth dy vjet më parë, pas daljes së Opozitës nga Parlamenti ato që përfituan ishin pikërisht partitë e “vogla”. Të vendosur në lista si aleatë të PD, kryetarët e tyre e gjetën vetën rastësisht deputet në  parlamentin shqiptar.

Sot në prag të zgjedhjeve të reja parlamentare, katër prej tyre kanë formuar edhe një aleancë, ABOEK. Si pjesë të kësaj aleance, Fiksi intervistoi Selami Jenisherin, aktualisht deputet dhe kryetar i Partisë së Pensionistëve të Bashkuar të Shqipërisë. Ky i fundit që në takimin e parë me bashkëpunëtoren e Fiksit i propozoi asaj, ta bëjë kandidate për deputete të partisë së tij.

Pas këtij takimi, vijuan edhe shumë takime të tjera. Gazetarja  e Fiksit u prezantua pranë koalicionit, dhe vetëm pak ditë më vonë plotësoi edhe formularin e kandidimit për deputete pranë zyrave të Kuvendit, me ftesë të koalicionit ku është pjesë edhe partia e deputetit Selami Jenisheri.

Nuk kaloi shumë,  kur deputeti Jenisheri i kërkon gazetares së Fiksit që u kandidua për deputete, një tjetër shoqe që ta vendosë në listë. Që në takimin e parë edhe gazetares tjetër të Fiksit ai  i kërkoi menjëherë të dhënat për të plotësuar formularin e kandidimit. Të dyja “kandidateve” u premtoi që do të punonte fort për t’i bërë deputete.

Më datë 23 mars, Komisioni Qendror i Zgjedhjeve miratoi listat për deputet të koalicionit ABOEK. Bashkëpunëtoret e Fiksit ishin pjesë e kësaj liste, si kandidate për  deputet të Partisë së Pensionistëve të Bashkuar të Shqipërisë, përkatësisht në qarqet Tiranë dhe Berat. Në qarkun e Tiranës  gazetarja  e Fiksit ishte  e 15-ta në listën shumë emërore te koalicionit ABEOK,  ndërsa  gazetarja tjetër e Fiks Fare është e 4-a në listën e kandidatëve për deputetë të koalicionit ABEOK qarkun e Beratit.

Menjëherë pas këtij miratimi zyrtar, Fiksi intervistoi deputetin Selami Jenisheri, kryetar i Partisë së Pensionistëve të Bashkuar të Shqipërisë. Ai deklaroi se këto kandidate i njihte prej vitesh, madje e kishin ndihmuar të ndërtonte edhe programin e partisë së tij.

Ai i bën thirrje shqiptarëve të votojnë kandidatet që ai ka zgjedhur, pasi del vet garant për pastërtinë dhe integritetin e figurës së tyre duke i “shitur”si figura shumë të rëndësishme dhe me kontribut të çmuar në partinë e tij.

Në këto zgjedhje do të votohet për herë të parë me lista të hapura, ku zgjedhësit përveç partisë do të kenë mundësi që të përzgjedhin dhe emrin e një kandidati për deputet.

The post Skandal me listat për deputetë, si u futën gazetaret kandidate në Tiranë appeared first on Albeu.com.