Në bashkërendim me Prokurorinë, u finalizua operacioni i koduar “Final O’clock”, i cili erdhi pas një pune të gjatë hetimore nga Seksioni për Hetimin e Krimeve Ekonomike dhe Financiare. Gjatë ndërhyrjes, u vu nën pranga shtetasi me iniciale A. M., banues në Lezhë.

Sipas njoftimit zyrtar, i arrestuari dyshohet se siguronte mallra me vlerë të lartë për të cilat mungonte dokumentacioni ligjor i prejardhjes. Kontrollet e ushtruara në ambientet e argjendarisë çuan në sekuestrimin e provave të shumta materiale: 133 copë ora dore të firmave luksoze pa asnjë dokument shoqërues, stoli ari me një peshë totale afërsisht 3.3 kilogramësh të pambuluara me fatura blerjeje, si dhe shuma monetare prej 270 500 lekësh dhe 2 700 eurosh, për të cilat mendohet se rrjedhin pikërisht nga kjo veprimtari e paligjshme.

Sipas llogaritjeve paraprake, pasuria e bllokuar arrin një vlerë rreth 300 mijë euro. Hetuesit po vijojnë punën për të zbardhur plotësisht skemën kriminale dhe për të zbuluar nëse persona të tjerë kanë bashkëpunuar me të arrestuarin. Dosja e plotë i ka kaluar për ndjekje Prokurorisë pranë Gjykatës së Juridiksionit të Përgjithshëm Lezhë.

The post Arrestohet argjendari në Lezhë, sekuestrohen ora dhe bizhuteri me vlerë 300 mijë euro appeared first on Albeu.com.

Droga, me një vlerë të vlerësuar në rrugë prej 816 milionë dollarësh australianë (433 milionë paund, 500 milionë euro), u gjet të premten në ndarje të fshehura nën dysheme të rreme në tre kontejnerë transporti në një pronë në Londonderry.

Dy burra të moshës 21 dhe 25-vjeç, të cilët dyshohet se u përpoqën t’i iknin policisë, u arrestuan në vendngjarje dhe u akuzuan për posedim të një sasie komerciale të një droge të importuar në mënyrë të paligjshme në kufi.

Policia deklaroi se kokaina u kontrabandua në Australi nëpërmjet qytetit të vogël Midge Point në Queenslandin Verior me urdhër të një grupi të krimit të organizuar. Autorët, të cilët u lanë në paraburgim pasi u paraqitën në gjykatë të shtunën, përballen me burgim të përjetshëm nëse dënohen.

Policia bëri me dije se bastisja në pronën në Londonderry ishte pjesë e Operacionit Minjiang, i cili u nis në maj pasi 40 kg kokainë u gjetën duke notuar në ujë nga një rampë varkash në Midge Point.

Gjashtë persona të tjerë në Queensland dhe Neë South Wales u arrestuan dhe u akuzuan si pjesë e hetimeve të nisura nga zbulimi, tha policia javën e kaluar.

Një anije e dyshuar si pjesë e operacionit të kontrabandës është ndaluar gjithashtu në Ishujt Solomon. Pavarësisht largësisë së saj, Australia është një treg fitimprurës për tregtinë e drogës, me kokainën që zakonisht shitet rreth 300 dollarë australianë për gram, sipas një sistemi monitorimi të drogës ilegale të drejtuar nga Universiteti i Uellsit të Ri Jugor.

Australianët dhe neozelandezët kanë gjithashtu nivelet më të larta të përdorimit të kokainës në botë, sipas Raportit Botëror të OKB-së për Drogën të vitit të kaluar.

“Komploti i dyshuar tregon sa shumë të organizuara dhe të vendosura janë këto rrjete kriminale dhe sa larg janë të gatshëm të shkojnë në ndjekje të fitimit.

Hetimet mbi origjinën e drogës vazhdojnë dhe ne do të punojmë me partnerët tanë ndërkombëtarë dhe vendas të zbatimit të ligjit për të identifikuar sindikatat kriminale dhe këdo tjetër të përfshirë në lehtësimin e kësaj tentative të supozuar për importim droge”, shpreh Stephen Jay, Komandanti i Policisë Federale Australiane.

The post Australi/ Sekuestrohen 2.7 ton kokainë në një bunker nëntokësor, goditja më e madhe në histori appeared first on Albeu.com.

Emri i Ilir Shtufit, është përmendur edhe më herët në të ashtuquajturën dosja “Balluku”, ku ai dyshohej se favorizohej në procedura tenderuese nga ish-zëvendëskryeministrja Belinda Balluku.

Biznesmeni Shtufi, ka përfituar një sërë lejesh ndërtimi në Tiranë dhe aktualisht është i angazhuar në investimin e kullës “Mali i Tiranës”, një prej projekteve më të mëdha të zhvillimit në kryeqytet.

Ilir Shtufi, ka 91% të aksioneve së kompanisë ndërtuese Nova Construction 2012, që fitoi tenderin e Lotit 4 të Unazës së Madhe në Tiranë, edhe kjo procedurë sot në hetim nga SPAK.

Ilir Shtufi njihet gjithashtu, si një nga personat me lidhje të afërta me Shkëlzen Berishën, djalin e ish-kryeministrit Sali Berisha.

Operacioni është ende në vijim e sipër, ndaj po ushtrohen kontrolle në disa zona në Tiranë dhe Vlorë.

Sa i përket strukturës së grupit kriminal, dyshohet se krerët janë të vendosur në Dubai. Sakaq, të ardhurat nga trafiku investoheshin në ndërtim.

The post Sekuestrohen pasuritë e biznesmenit Ilir Shtufi në vlera miliona euro appeared first on Albeu.com.

Lajmi konfirmohet nga gazetarja Klodiana Lala.

Gjithashtu, mësohet se Artur Shehu i ka shitur kompanisë “Albania Land Development” prona.

Ndërkohë, janë sekuestruar pasuritë edhe të nipave të Mirit të Gjikes, Erion dhe Adrian Ramaj. Bëhet fjalë për vila në Green Cost.

The post Megaoperacioni i SPAK/ Sekuestrohen 138 mln euro nga llogaritë e “Albanian Land Development”, kompania e Redi Strugës appeared first on Albeu.com.

Sipas gazetares Klodiana Lala, mes personave të arrestuar është edhe Orgest Birçaj, i njohur si pronar i kompanisë së automjeteve luksoze “Top Seven”.

Burime pranë hetimit bëjnë me dije se SPAK ka nisur procedurat për sekuestrimin e automjeteve në pronësi të kompanisë, pasi dyshohet se ato lidhen me veprimtari të pastrimit të produkteve të veprës penale.

Në kuadër të këtij operacioni, Prokuroria e Posaçme ka lëshuar 20 masa sigurie, një pjesë e të cilave janë ekzekutuar, ndërsa aksioni vijon ende në disa zona të vendit.

The post Megaoperacioni i SPAK kundër trafikut të dr*gës dhe pastrimit të parave, sekuestrohen makinat luksoze të biznesmenit të “Top Seven” appeared first on Albeu.com.

Sipas njoftimit zyrtar, 53-vjeçari është goditur me sende të forta nga disa persona, duke pësuar dëmtime në trup.

Uniformat blu njoftojnë se janë sekuestruar pamjet filmike të kamerave të sigurisë, ndërsa po kryhen veprimet hetimore për identifikimin dhe kapjen e autorëve.

Njoftimi i Policisë:

“Në lidhje me ngjarjen e ndodhur rreth orës 22:00 të datës 09.05.2026, në autostradën “Mamurras–Laç”, në afërsi të kryqëzimit të Sanxhakut, ku shtetas ende të paidentifikuar, kanë goditur me sende të forta, shtetasin S. T., 53-vjeç, banues në Lezhë, të cilit i kanë shkaktuar dëmtime në trup, sqarojmë se:

Menjëherë pas njoftimit, kanë shkuar në vendngjarje shërbimet e Policisë dhe grupi hetimor. Grupi hetimor, në drejtimin e Prokurorisë, po vijon veprimet intensive, ka sekuestruar pamjet filmike të kamerave në një territor të gjerë, dhe po kryen një sërë veprimesh të tjera hetimore me qëllim zbardhjen e rrethanave, identifikimin dhe kapjen e autorëve”,– thuhet në njoftimin e Policisë.

The post Kush e dhunoi ish-kryetarin e PD-së në Lezhë, sekuestrohen kamerat e sigurisë appeared first on Albeu.com.

Në kërkim është shpallur administratori nga Bosnja, ndërsa dy punonjës janë proceduar penalish.

Hetimi drejtohet nga Prokuroria e Tiranës për kontrabandë dhe produkte të rrezikshme për shëndetin.

Njoftimi:

Zbulohet se në një magazinë në Tiranë, mbaheshin për llogari të një subjekti me aktivitet ndërkombëtar në fushën e reklamimit dixhital, suplemente të skaduara dhe të kontrabanduara.

Sekuestrohen mbi 10 000 suplemente ushqimore dhe bimore.

Shpallet në kërkim administratori i subjektit (shtetas nga Bosnja dhe Hercegovina), si dhe procedohen penalisht 2 punonjës.

Pas një hetimi me metoda proaktive, kryer në drejtimin e Prokurorisë së Tiranës, për të dokumentuar paligjshmëritë që kryheshin në magazinën në kryeqytet, të një subjekti me aktivitet ndërkombëtar në fushën e reklamimit dixhital, u finalizua operacioni i koduar “Audienca”.

Nga kontrolli i ushtruar në ambientet e subjektit, specialistët e Seksionit për Hetimin e Krimeve Ekonomiko-Financiare gjetën dhe sekuestruan aty, mbi 10 000 suplemente ushqimore dhe bimore të skaduara, pa pullën e Agjencisë së Barnave dhe pa atë të Ministrisë se Financave, si dhe pa etiketa në gjuhën shqipe.

Në vijim të veprimeve procedurale për rastin, u shpall në kërkim administratori i subjektit, shtetasi nga Bosnja dhe Hercegovina, J. T., 53 vjeç, si dhe u proceduan penalisht punonjësit që ishin në ambientet e subjektit, shtetasit J. G., 30 vjeç dhe M. Ç., 26 vjeç.

Punohet për kapjen e 53-vjeçarit.

Materialet procedurale iu referuan Prokurorisë së Tiranës, për veprime të mëtejshme, për veprat penale “Kontrabanda me mallra të tjera”, “Ruajtja apo depozitimi i mallrave kontrabandë”, “Tregtimi dhe transportimi i mallrave që janë kontrabandë”, “Fshehja e të ardhurave” dhe “Importimi, prodhimi, shitja dhe ruajtja e ushqimeve të rrezikshme për shëndetin ose jetën e njerëzve”.

The post Ishin të skaduara, sekuestrohen mbi 10 mijë suplemente ushqimore dhe bimore në Tiranë, në kërkim adimistratori appeared first on Albeu.com.

Hetimi për gjurmimin dhe sekuestrimin e aseteve të tjera, me burime kriminale, në pronësi të këtyre shtetasve dhe shtetasve të lidhur me ta, vijon.

Njoftimi i plotë:

Tiranë/Finalizohet operacioni i koduar “Burimi”.

Sekuestrohen pasuri me vlerë 200 000 euro, në pronësi të 2 shtetasve të dënuar për trafikim të lëndëve narkotike.

Në vijim të hetimeve intensive, të kryera nga Seksioni për Hetimin e Pastrimit të Parave dhe Aseteve Kriminale në Drejtorinë Vendore të Policisë Tiranë dhe Prokuroria e Tiranës, me objektiv gjurmimin dhe sekuestrimin e pasurive/pronave, produkte të veprimtarive kriminale brenda dhe jashtë vendit, u finalizua operacioni i koduar “Burimi”.

Në kuadër të këtij operacioni u ekzekutua vendimi i Gjykatës së Tiranës, për vënien e sekuestros preventive mbi 1 apartament në Selitë dhe 1 garazh në Selitë të Vogël, me vlerë totale rreth 200 000 euro, në pronësi përkatësisht të shtetasit P. B., 63 vjeç, i dënuar në Shqipëri për trafikim të lëndëve narkotike, dhe të shtetasit Gj. Ll. alias Sh. Ll., 44 vjeç i dënuar në Itali, për trafikim të lëndëve narkotike.

Hetimi për gjurmimin dhe sekuestrimin e aseteve të tjera, me burime kriminale, në pronësi të këtyre shtetasve dhe shtetasve të lidhur me ta, vijon.

The post EMRAT/ Sekuestrohen pasuri me vlerë 200 mijë euro në Tiranë, në pronësi të dy personave të dënuar për lëndë narkotike appeared first on Albeu.com.

Pas një hetimi me metoda speciale dhe proaktive, në kuadër të procedimit penal nr.235 të vitit 2025, Prokuroria pranë Gjykatës së Shkallës së Parë të Juridiksionit të Përgjithshëm, i është drejtuar me kërkesë për kontrollin e vendeve Gjykatës së Shkallës së Parë të Juridiksionit të Përgjithshëm Gjirokastër e cila është miratuar, për kontrollin e dy pikave të këmbimit valutor me adresë në qytetin e Gjirokastrës dhe qytetin e Tiranës.

Nga kontrolli i ushtruar në njësinë e këmbimit valutor në qytetin e Tiranës në pronësi të shtetasit R.K., u gjetën dhe sekuestruan në cilësinë e provës materiale:

470.000 (trembëdhjetë milion e katërqin e shtatëdhjetë mijë) Lekë,

895 (dyzetëmijë e tetëqind e nëntëdhjetë e pesë) Euro,

780 (tetëmijë e shtatëqind etetëdhjetë) Paund,

922 (nëntëmijë e nëntëqind e njëzetë e dy) Dollar Amerikan,

380 (dhjetëmijë e treqind e tetëdhjetë) Franga,

145 (tremijë e njëqind e dyzetë e pesë) Dollar Kanadez,

720 (tetëdhjetë e pesë mijë e shtëtaqind e njëzetë) Lira,

1 pajisje DVR

2 blloqe shënimesh

Nga kontrolli i ushtruar po ashtu në banesën e shtetasit R.K. u gjetën dhe sekuestruan në cilësinë e provës materiale:

000 (njëzetëmijë) Dollarë Amerikan.

Nga kontrolli i ushtruar në njësinë e këmbimit valutor në qytetin e Gjirokastrës në pronësi të shtetasit L.K., janë gjetur dhe sekuestruar në cilësinë e provës materiale:

443.200 (trembëdhjetë milion e katërqind e dyzet e tremijë e dyqind) Lekë;

865 (nëntëdhjetë e një mijë e tetëqind e gjashtëdhjetë e pesë) Euro;

965 (shtatëmijë e nëntëqind e gjashtëdhjetë e pesë) Paund;

674 (dymbëdhjetë mijë e gjashtëqind e shtatëdhjetë e katër) Dollar Amerikan; dhe

5 pajisje elektronike “Kompjuter”

Nga kontrolli i ushtruar po ashtu në banesën e shtetasit L.K u gjetën dhe sekuestruan në cilësinë e provës materiale:

90 (nëntëdhjetë) Dollar Amerikan;

580 (tremijë e pesëqind e tetëdhjetë) Euro; dhe

500 (njëqind e tetëmbëdhjetë mijë e pësëqind) Lekë

Ndërkohë, po vijohet me veprimet e tjera proçedurale në kuadër të këtij procedimi penal.

The post Prokuroria e Gjirokastrës lëshon urdhra ndalimi për 4 persona, sekuestrohen para, euro, paund, dollarë dhe franga appeared first on Albeu.com.

Burime zyrtare bënë me dije se, pas hekurave ra shtetasi me inicialet D.F.

Njoftimi i policisë:

Finalizohet operacioni policor i koduar “Full scan”. Sekuestrohen drogë, armë zjarri, bizhuteri dhe vlera monetare. Vihet në pranga poseduesi i tyre.

Në vijim të operacioneve të njëpasnjëshme të zhvilluara nga Drejtoria Vendore e Policisë Durrës, në bashkëpunim me Policinë Kufitare të Portit Durrës dhe autoritetet doganore, për parandalimin dhe goditjen e tentativave për futje të lëndëve narkotike, armëve të zjarrit dhe vlerave monetare, bazuar edhe në informacionet e siguruara në rrugë operative, u organizua dhe finalizua operacioni policor i koduar “Full scan”.

Në kuadër të operacionit, specialistët e Seksionit për Hetimin e Narkotikëve në DVP Durrës, në bashkëpunim me shërbimet e Policisë së Stacionit të Policisë Kufitare të Portit Durrës dhe autoritetet doganore, ushtruan kontroll të imtësishëm në hyrje, në vijën e dytë, në Portin e Durrësit, në autobusin që drejtohej nga shtetasi D. F.

Gjatë kontrollit fizik të shtetasit D. F., në çantën marsup u konstatua një sasi lënde narkotike e dyshuar kokainë, me peshë 92 gramë, dhe disa bizhuteri të dyshuara flori. Gjatë kontrollit në brendësi të autobusit, brenda një çante shpine u gjetën një sasi vlere monetare, në total 29 000 euro, një armë zjarri, tip pistoletë, me pesë krehra, të cilat u sekuestruan në cilësinë e provës materiale.

Në vijim të veprimeve, nga specialistët e Seksionit për Hetimin e Narkotikëve në DVP Durrës u bë arrestimi në flagrancë i shtetasit D. F., 42 vjeç, banues në Vlorë, për veprat penale: “Trafikim i lëndëve narkotike”, “Trafikim i armëve dhe i municionit”, “Kontrabandë me mallra të ndaluara ose të kufizuara”, “Kontrabandë me mallra për të cilat paguhet akcizë”, “Kontrabandë me mallra të licencuara”, “Kontrabandë me mallra të tjera”, “Kontrabandë me mallra me regjim të ndërmjetëm”, “Mosdeklarimi në kufi i të hollave dhe i sendeve me vlerë”, “Pastrimi i produkteve të veprës penale ose të veprimtarisë kriminale” dhe “Fshehja e të ardhurave”.

Në bashkëpunim me Prokurorinë vijon puna për dokumentimin e plotë ligjor të këtij rasti, identifikimin dhe kapjen e personave të tjerë të implikuar në këtë veprimtari kriminale.

Materialet i kaluan për veprime të mëtejshme Prokurorisë së Juridiksionit të Përgjithshëm, Durrës.

The post Sekuestrohen lëndë narkotike, armë, bizhuteri dhe 29 mijë euro në Portin e Durrësit, policia arreston 42-vjeçarin appeared first on Albeu.com.