Në një aksion të zhvilluar më 30 qershor 2026 në Prishtinë, Policia e Kosovës dhe Prokuroria Speciale e Republikës së Kosovës njoftuan sekuestrimin e aseteve me vlerë të përafërt prej 1 milion eurosh, në kuadër të një hetimi ndërkombëtar për pastrim parash të siguruara nga trafikimi i drogës.

Sipas njoftimit të përbashkët, ky operacion u realizua në bashkëpunim me autoritetet italiane dhe franceze, nën koordinimin e Europol dhe Eurojust, ndërsa në qendër të hetimeve ishte pastrimi ndërkufitar i të ardhurave kriminale.

Hetimet treguan se paratë cash shndërroheshin në ar me qëllim fshehjen e burimit të paligjshëm dhe për të bërë më të lehtë transportin përtej kufijve të pasurisë kriminale, sidomos në drejtim të Kosovës, Turqisë dhe Marokut.

Sipas Policisë, përmes analizës së provave të sekuestruara dhe të dhënave të marra nga Italia nëpërmjet ndihmës së ndërsjellë juridike, u bë i mundur zbulimi i llogarive bankare, interesave në biznese, pasurive të paluajtshme dhe automjeteve luksoze që ishin në pronësi të një çifti shtetas të Kosovës me vendbanim në Itali.

Ky çift po hetohet penalisht në Itali për dyshime për pastrim parash dhe ishte arrestuar në Francë në shtator të vitit 2025, pasi autoritetet kishin gjetur më shumë se 56 kilogramë shufra ari dhe 2.5 milionë euro të fshehura në ndarje të modifikuara të dy automjeteve.

Gjithashtu, në shtator 2025, autoritetet kishin sekuestruar edhe pasuri të tjera me vlerë mbi 30 milionë euro, të lidhura me një rrjet kriminal transnacional që merrej me pastrimin e të ardhurave të përfituara nga trafikimi i drogës në Francë.

Në zbatim të kërkesës për ndihmë të ndërsjellë juridike, Prokuroria Speciale – Departamenti për Hetimin e Krimit të Organizuar, në bashkërendim me Policinë e Kosovës, kreu veprimet procedurale dhe hetimore që mundësuan identifikimin, gjurmimin dhe sekuestrimin e pasurive në territorin e Kosovës.

Autoritetet theksuan se gjatë gjithë procesit hetimor, Europol dhe Eurojust kanë dhënë mbështetje të rëndësishme, duke ndihmuar bashkëpunimin operacional dhe gjyqësor mes autoriteteve të Francës, Italisë dhe Kosovës në luftën kundër krimit të organizuar dhe pastrimit të parave.

The post Sekuestrohen pasuri rreth 1 milion euro në Kosovë në një hetim për pastrim parash nga trafiku i drogës appeared first on Albeu.com.

Me urdhër të Gjykatës Themelore në Prishtinë, kontrollet janë zhvilluar në 21 lokacione.

Gjatë ekzekutimit të urdhrit të kontrollit, janë sekuestruar:

· 15 mijë euro;

· 5 vetura;

· 5 autobotë për transport të derivateve;

· 2 armë zjarri;

· 54 fishekë;

· Pajisje elektronike;

· Dokumente të ndryshme dhe prova të tjera relavante për rastin;

· 301 euro në kartëmonedha prej 2 eurosh, për të cilat dyshohet se janë të falsifikuara.

Në këtë aksion kanë qenë të angazhuara njësitë përkatëse të Policisë, Doganës dhe ATK-së.

Hetimet e përbashkëta kanë çuar në arrestimin e F.M., F.M., M.M., S.K., N.B., D.M., A.M., N.M. dhe G.Q., të dyshuar për kryerjen e veprave penale:

· Shpëlarje e parave;

· Kontrabandimi i mallrave në bashkëkryerje;

· Pjesëmarrja ose organizimi i grupit kriminal të organizuar;

· Dokumentet e rrejshme lidhur me tatimin;

· Shmangie nga tatimi.

Ky operacion është kryer në kuadër të veprimeve procedurale hetimore.

Pas mbledhjes së informacioneve dhe sigurimit të provave, është ngritur dyshimi i arsyeshëm se personat e arrestuar kanë vepruar si grup i strukturuar kriminal, duke paraqitur dokumente të rreme lidhur me tatimet dhe duke kryer shitje si edhe transaksione fiktive të derivateve të naftës.

The post Bastisje e Krimeve Ekonomike, sekuestrohen mijëra euro, armë dhe autobotë për transport derivateve appeared first on Albeu.com.

Sipas tij, një pjesë e madhe e të ardhurave që burojnë nga aktiviteti kriminal nuk hyjnë drejtpërdrejt në Shqipëri si para “cash”, por kanalizohen më pas në investime të ndryshme ekonomike, duke u fshehur pas mungesave në kontrollin e burimit të tyre.

Karamuço theksoi se një nga problemet kryesore mbetet verifikimi i origjinës së fondeve, sidomos kur ato përdoren në investime të mëdha si ndërtimi, ku shpesh është e vështirë të gjurmohet burimi real i kapitalit.

Ai nënvizoi se sistemi aktual ende ka boshllëqe në identifikimin në fazat e para të investimeve, duke sugjeruar se një qasje më e fortë parandaluese do të ishte kontrolli i menjëhershëm i burimit të parave përpara se projektet të marrin leje ndërtimi.

Sipas tij, mungesa e një kuadri më të rreptë ligjor, përfshirë diskutimet e vonuara mbi kriminalizimin e pasurimit të paligjshëm, ka krijuar hapësira për këto fenomene.

Duke folur për rastin konkret, ai u shpreh se shifrat reale të drogës së sekuestruar janë shumë më të mëdha në ndikim ekonomik sesa vlerësimet fillestare, ndërsa theksoi se personat kryesorë të përfshirë zakonisht veprojnë jashtë territorit shqiptar.

Ai shtoi se sekuestrimet aktuale bazohen në të dhëna të regjistrave dhe dyshime fillestare, duke e konsideruar këtë vetëm fazën e parë të hetimit, ku më pas duhet provuar burimi i vërtetë i pasurive të vendosura nën sekuestro.

Karamuço e cilësoi këtë moment si një nga sfidat më të rëndësishme për SPAK-un, i cili sipas tij duhet të arrijë të dallojë më qartë pasuritë me origjinë kriminale nga ato të krijuara në mënyrë të ligjshme ndër vite.

“Pra e gjithë kjo para nuk është se mbërrin këtu. Këtu mbërrin për shkak se ne kemi ende probleme me identifikimin që në fillim të parave, mënyrës se si pastaj investohen, leja e ndërtimit, burimi i të ardhurave, këtë e kemi ende dhe prandaj dhe kodi penal është kërkuar me insistim pasurimi i paligjshëm që të jetë vepër penale.

Pra mos presim ne të na thotë Holanda, shikoni se keni një grup aty që ka pastruar që në 2020-ën lekët, paratë e tyre.

Por ne që në momentin që shikojmë vetë që ky po ndërton, menjëherë shkojmë dhe i themi ku i ke paratë, më jep faturat, ku e ke burimin e të ardhurave. Pra që aty ti e parandalon dhe e bën një klimë jo inkurajuese për këta për të ardhur dhe për të investuar më.

Është vonuar pak ky Kod Penal që mund të zgjidhte një pjesë të këtyre problemeve. Por tani ne jemi në një fakt të kryer që ka ndodhur vërtet. Ata dy emrat që janë drejtuesit, ata gjithmonë kanë qenë jashtë, asnjëherë s’kanë qenë në Shqipëri.

50 ton nuk janë 150 milionë euro, janë shumë më tepër, po janë jashtëzakonisht shumë më tepër. Pra këto janë kapur çfarë dalin nga regjistrat hipotekorë të kadastrës, pra që mund të ketë një emër, një familjar, një gjë e tjerë e tjerë.
Dhe është faza e parë. Pra ti i bën sekuestron dhe pastaj i shikon, ti ke dyshimet aktualisht për këtë, pra ende s’ke një provë të rëndësishme. Ore me çfarë parash e ke bërë këtë? Se na ka ndodhur raste të tjera që i kemi bllokuar fillimisht dhe ai ka thënë unë jam biznesmen që nga ’90-ta për këtë histori. Atëherë çfarë?

Pra ky është momenti më i rëndësishëm i SPAK-ut me gjithë këtë punë galopante dhe shumë të mirë që po bën, që arriti të dallojë kush është nga burimet kriminale që është investuar dhe kush është nga burime të ligjshme, burime të tjera.

Prandaj përzgjidhen biznesmenët, se është shumë e vështirë ta ndash kur fillon burimi i paligjshëm dhe ku është burimi që ti ke ndër vite, që ashtu je shfaqur vërtet në regjistrat publikë që je i tillë dhe ke investuar me kalimin e kohës, zëra tregtarë e tjerë e tjerë. Pra kjo është gjëja, sfida që ne kemi si institucion”, u shpreh ai.

The post SPAK sekuestron 150 mln euro, Karamuço jep detaje se ku investoheshin paratë në Shqipëri appeared first on Albeu.com.

Artur Shehu, është pronar i pjesës më të madhe të tokës në Zvërnec, ku është planifikuar ndërtimi i një resorti luksoz.

Prokuroria e Posaçme, ka sekuestruar 128 mln euro nga shitja e pronave në Zvërnec ,në llogari të biznesmenit Artur Shehu. Me vendim të gjykatës, janë ekzekutuar sekuestrimet e mbi 128 milionë eurove gjithsej në llogarinë e noteres Amela Mukaj, të përdorura në 3 shitblerje tokash në Zvërnec.

Gjatë operacionit, u lëshuan edhe 20 masa sigurie. Ndër të arrestuarit është Orest Sota, ndërsa për biznesmenët Artur Shehu dhe Ilir Shtufi, të dyshuar për pastrim parash të grupit kriminal, është lëshuar masa sigurie “arrest me burg”.

Pjesë nga njoftimi i SPAK:

Vendosjen e sekuestros preventive mbi pasuritë e luajtshme, shuma monetare në valutën euro të ndodhura në llogarinë bankare te noteres publike Amela Mukaj , person fizik, si më poshtë vijon:

i) Shuma e parave 110.247.134 euro, sipas kontratës së shitjes me nr. 2062 rep., nr. 1166 kol., datë 24.04.2026 me palë Artur Shehu dhe “Albanian Land Development” sh.p.k., e ndodhur në llogarinë numër 435001036CLPRBFEURMJ të noteres AMELA MUKAJ PERSON FIZIK.
85

ii) Shuma e parave 10.044.684 euro, sipas kontratës me nr. 2060 rep., nr. 1164 kol., datë 24.04.2026 me palë Ferdinand Sulaj dhe Burbuqe Sulaj dhe “Albania Land Development” sh.p.k., e ndodhur në llogarinë numër 435001036CLPRBFEURMJ të noteres AMELA MUKAJ PERSON FIZIK.

iii) Shuma e parave 8.062.619 euro, sipas kontratës me nr. 2061 rep., nr. 1165 kol., datë 24.04.2026 me palë Ferdinand Sulaj dhe Burbuqe Sulaj dhe “Albania Land Development” sh.p.k., e ndodhur në llogarinë numër 435001036CLPRBFEURMJ të noteres AMELA MUKAJ PERSON FIZIK.

Ndërkohë që vetëm disa ditë më parë biznesmeni Artur Shehu foli për çështjen e tokës së tij në Zvërnec. Në një intervistë për emisionin “Opinion”, Shehu u shpreh se ai posedon rreth 253 hektarë tokë në Zvërnec dhe se i ka me çertifikatë pronësie. Në lidhje me hetimet e SPAK, Shehu tha se nuk kishte asnjë problem dhe prokuroria mund të hetojë.

“Unë jam një nga pronarët e tokës në Zvërnec. 460 hektarë janë të fisit tonë. Kemi me certifikatë pronësie rreth 253 hektarë. Prona jonë është e padiskutueshme. Do të vijë avokati im aty që t’ua shpjegojë. Është pronë e vjetër dhe jo e blerë. SPAK-u ka punën e vet. Le ta verifikojë. Puna ime është që të sjell letrat dhe le të shohë letrat. Investitorët nuk i njoh fare. Kam ndërmjetës”, tha Shehu.

The post SPAK i sekuestroi sot 128 mln euro nga shitja e tokës në Zvërnec, çfarë thoshte Artur Shehu më parë: Prona jonë është e padiskutueshme appeared first on Albeu.com.

Zëdhënësja për Antikorrupsionin në PD, Genta Vangjeli, thotë se dhjetëra denoncime tregojnë se aplikimi është i pamundur për shkak të problemeve në komunikimin me Regjistrin Kombëtar të Gjendjes Civile.

Ajo deklaron se janë shpenzuar miliona euro nga taksat e shqiptarëve për këto sisteme që sot nuk funksionojnë.

“Vetëm në tre vitet e fundit, mbi 8.5 milionë euro janë dhënë për ‘mirëmbajtje dhe përmirësim’ të sistemit të gjendjes civile. Rezultati është i qartë dhe i turpshëm: fondet janë shpenzuar ndërsa sistemi nuk punon. Ky realitet ngre pyetje për menaxhimin e fondeve publike dhe për përgjegjësinë institucionale. Nuk është rastësi që SPAK ka sekuestruar mbi 40 milion euro në kuadër të hetimeve të dosjes së Akshit”, thotë Vangjeli.

Deklarata:

Partia Demokratike denoncon një tjetër dështim të shërbimeve publike digjitale, që po u mohon qytetarëve një të drejtë themelore: aksesin në programet e strehimit social.

Sipas njoftimit zyrtar, aplikimet për fazën e parë të përfitimit nga programet e strehimit social duhet të kryhen nga data 20 Prill deri më 19 Maj 2026, ekskluzivisht përmes portalit e-Albania.

Por në realitet, sistemi nuk funksionon.

Dhjetëra denoncime tregojnë se aplikimi është i pamundur për shkak të problemeve në komunikimin me Regjistrin Kombëtar të Gjendjes Civile.

Vetë portali ka pranuar publikisht ndërprerje dhe mirëmbajtje të sistemit, por ajo që po ndodh nuk është as ‘ndërprerje e përkohshme’ dhe as ‘ngadalësim’. Është një kolaps i plotë i shërbimit.

Pamundësia për të aksesuar shërbimet digjitale po sjell pasoja konkrete: bllokim aplikimesh, vonesa në regjistrime, pamundësi për të përmbushur detyrime ligjore dhe humbje të të drejtave të garantuara me ligj.

Çdo ndërprerje, edhe e përkohshme, krijon pasiguri, kosto dhe penalitete për qytetarët që varen nga këto sisteme.

Ndërkohë, miliona euro nga taksat e shqiptarëve janë shpenzuar për këto sisteme që sot nuk funksionojnë.

Vetëm në tre vitet e fundit, mbi 8.5 milionë euro janë dhënë për ‘mirëmbajtje dhe përmirësim’ të sistemit të gjendjes civile. Rezultati është i qartë dhe i turpshëm: fondet janë shpenzuar ndërsa sistemi nuk punon.

Ky realitet ngre pyetje për menaxhimin e fondeve publike dhe për përgjegjësinë institucionale.

Nuk është rastësi që SPAK ka sekuestruar mbi 40 milion euro në kuadër të hetimeve të dosjes së Akshit.

Përfundimi është i thjeshtë dhe alarmant: qytetarët po lihen pa shërbim, ndërsa fondet publike shpërdorohen.

Sa kohë që në krye të qeverisë qëndron Edi Rama, shqiptarët do të vazhdojnë të përballen me shërbime që dështojnë dhe me premtime që mbeten vetëm propagandë.

Partia Demokratike kërkon:

Vënien e menjëhershme në funksion të sistemit të aplikimit;

Garantimin e aksesit të plotë për çdo qytetar që kërkon të përfitojë nga programet e strehimit social;

Transparencë të plotë mbi fondet e shpenzuara dhe përgjegjësi për dështimin e sistemit.

Programet sociale janë një detyrim ndaj qytetarëve dhe duhet të funksionojnë pa justifikime.

Qytetarët meritojnë shërbime që punojnë, jo premtime që dështojnë.

The post Denoncimi i PD: E-albania s’ punon, janë shpenzuar para për sisteme që nuk funksionojnë, nuk është rastësi që SPAK sekuestroi 40 mln euro në kuadër të hetimeve të AKSHI-t appeared first on Albeu.com.

Gazetarja Klodiana Lala, raportoi detaje nga aksioni i SPAK, në bashkëpunim me policinë, ku u zbarkua në nje resort ne Tirane pasi aty Agasi disponon disa vila të ndërtuara pa leje.

Aty sipas SPAK, po planifikohej që të ndërtoheshin të tjera resorte me eksponentë të krimit. Po ashtu, është bllokuar dhe tokë që disponohet nga Agasi, njeriu më i kërkuar dhe përfolur në drejtësinë shqiptare aktualisht.

Sipas Lalës, në dokumentacion pretendohet se kjo tokë që ndodhet në zonën e Farkës, është blerë me vlerën e 6 euro për metër, çmim qesharak, duke marrë parasysh vlerën reale në këtë zonë.

Agasi bashkë me Beqirin konsiderohen si krerë të grupit kriminal që bënte shantazhe dhe merrte peng biznesmenë, duke u tërhequr nga tenderat në AKSH.

SPAK ka sekuestruar dhe pretendon se janë produkt i krimit dhe një sërë verërash të shtrenjta te ky resort.

Forcat policore ndodhen pranë këtij resorti për të bërë vendimin për sekuestrimin e pasurive, ndërsa po vijon dhe ndërtimi për një vile që do të duhet të kontrollohet na institucionet përkatëse, ndërsa pretendohet se po ndërtohej pa leje.

Mes të tjerash, Lala raportoi se SPAK i ka sekuestruar prona dhe ish-drejtoreshës së AKSHI-t, Marlinda Karçanajt, 2 apartamente në Tiranë dhe një në Qerret.

“Kryeministri i vendit për të relativizuar veprimtarinë e këtij grupi në Tiranë, deklaroi se Karçanaj jetonte me qira, ndonëse në një pallat te Air Albania. Zonja Karçanaj disponon përmes palëve të treta disa pasuri. Shoferi i zonjës Karçanaj ka dhënë detaje se ku jetonte. Po ashtu SPAK pretendon se Karçanaj ka marrë 200 mijë euro ryshfet, të vendosura në shishe për të shmangur dyshimet për shkak të pozicionit që mbante në AKSH. Rezulton se ajo jetonte me qira të ulëta, por faktet kanë treguar se këtë pasuri ia kishte dhënë me qira të ulët në çështje nderi Agasit. Por mendohet se disponohet nga vetë Karçanaj. Ndërkohë Agasit i janë sekuestruar pasuri dhe llogari bankare. Kjo është goditja e dytë që bën SPAK, që dyshohet se drejtohet nga Agasi. Jo vetëm Geron Meçe, dyshohet se janë marrë peng dhe shtetas të tjerë. Dhe një shtetase shqiptaro-gjermane dyshohet se ka paguar 2.5 mln eurosh pasi ka qenë në presion dhe shantazh nga ky grup”, u shpreh Lala.

The post Aksioni i SPAK/ Sekuestrohen pasuri dhe llogari bankare të Ergys Agasit dhe Mirlinda Karçanajt, lëvizjet e ish-drejtoreshës së AKSHI-t, e cila jeton me qira appeared first on Albeu.com.

“Konkurrenca e paligjshme nëpërmjet dhunës”, “Heqja e paligjshme e lirisë”, “Shkelja e barazisë së pjesëmarrësve në tendera apo ankande publike” e kryer në formën e grupit të strukturuar kriminal, “Korrupsioni pasiv I funksionarëve publikë” I kryer në bashkëpunim më shumë se një here, “Korrupsioni pasiv I funksionarëve publikë” I kryer në bashkëpunim më shumë se një here, “Grupi i strukturuar kriminal”, “Kryerja e veprave penale nga organizata kriminale dhe grupi i strukturuar kriminal”, si dhe “Pastrimi i produkteve të veprës penale”, të parashikuaranga nenet 110, 170/b, 244, 259, 258, 287, 28/4, 333/a dhe334 të Kodit Penal.

Në vijim të hetimeve, Gjykata e Posaçme e Shkallës së Parë Kundër Korrupsionit dhe Krimit të Organizuar, me vendimin nr. 289, datë 20.04.2026 bazuar në kërkesën e Prokurorisë së Posaçme, ka vendosur sekuestrimin e pasurive si më poshtë:

Në ngarkim të personit nën hetim M. K:

– Pasuria e llojit apartament, me vendndodhje në rruga“Dervish Hima”, Kati 8, Ap. 32, Tiranë;

– Pasuria me vendndodhje në rrugën e “Kavajës”, me sip. 73.5 m2, Tiranë;

– Pasuria me vendndodhje në Qerret Kavajë;

– Pasuria me nr. 125/211 e llojit ullishte me sip. 1500 m2, Sauk, Tiranë;

– Autoveturë Volkswagen, modeli Tiguan;

– Disa Llogari bankare në OTP Bank

Në ngarkim të personit nën hetim E.A:

– Pasuria e llojit pyll me sipërfaqe 26690.9m², nga kjo ndërtesë me sipërfaqe 346.2 m², me vendndodhje në QehaShytaj, Petrelë, Tiranë;

– Pasuria e llojit pyll me sipërfaqe 5288.1m², nga kjo ndërtesë 1 kat me sipërfaqe 182.2 m², me vendndodhje nëQeha, Petrelë, Tiranë;

– Pasuria e llojit pyll me sipërfaqe 5288.1m², nga kjo ndërtesë 1 kat me sipërfaqe 182.2 m², me vendndodhje nëQeha, Petrelë, Tiranë;

– Pasuria e llojit pyll me sipërfaqe 8956m², nga kjo ndërtesë 1 kat me sipërfaqe 568 m², me vendndodhje në Qeha, Petrelë, Tiranë;

– Pasuria e llojit pyll, me sipërfaqe 8260.2 m2 dhe ndërtim 2 kat me sipërfaqe 490.2 m2;

– Pasuria e llojit pyll me sipërfaqe 911.3 m², nga kjo ndërtesë sipërfaqe 350.8 m²;

– Pasuria e llojit pyll me sipërfaqe 9316.1m², nga kjo ndërtesë 2 kat me sipërfaqe 192.8 m²;

– Pasuria e llojit truall me sipërfaqe 406.34 m² me ndërtesë, Lundër, Tiranë;

– Pasuria e llojit arë me sipërfaqe 10300 m²;

– Pasuria me nr.47/215, e llojit truall, me vendndodhje nëzonën kadastrale 8518, me sipërfaqe 400m², Durrës;

– Pasuria e llojit ndërtesë, me vendndodhje në ZK 8518 me sip. totale 165 m2;

– Pasuria e llojit apartament, Durrës;

– Pasuria e llojit garazh, Tiranë;

– Pasuria e llojit apartament, Tiranë;

– Pasuria e llojit apartament, Tiranë;

– Pasuria e llojit apartament, Tiranë;

– Pasuria me nr.6/756, truall;

– Pasuria e llojit, apartament;

– Pasuria e llojit apartament;

– Pasuria e llojit truall dhe ndërtesë, Gjilek, Vlorë;

– Automjet Land Rover Defender 2023;

– Llogari bankare në OTP, Credins dhe BKT;

Në ngarkim të personit nën hetim E.B:

– Truall me vendndodhje në Green Coast, Vlorë;

– Truall me vendndodhje “Hoxha Tasim”, Tiranë;

– Ndërtesa dhe truall nr. 5/3;

– Truall dhe ndërtesë nr. 38/36, Rolling Hills Tiranë

– Apartament në Golem, Kavajë;

– Mjet lundrues Yacht “Skyfall”;

– Subjekti “S.S” sh.p.k.;

– Njësi shërbimi në rrugën “Çerçiz Topulli”;

– Automjete dhe motomjete sipas regjistrave;

– Të gjitha llogaritë bankare në emër të tij dhe subjekteve;

Në ngarkim të personit nën hetim G.H:

– Sekuestrim i shumës 123,629,664 ALL në subjektin “F” sh.p.k.;

Në ngarkim të personit nën hetim A.P:

– Sekuestrim i shumës 410,595,663 ALL në subjektin “F” sh.p.k.;

– Sekuestrim i shumës 94,423,883 ALL në subjektin “F.F”;

Në ngarkim të personit nën hetim E.J:

– Sekuestrim i shumës 100,840,264 ALL në subjektin “A”;

Në përfundim të operacionit për sekuestrimin e pasurive tëmësipërme është konkluduar se vlera e përfafërt e tyreështë mbi 40 (dyzet) milion euro.

Prokuroria e Posaçme falenderon Byronë Kombëtare tëHetimit, Policinë e Shtetit dhe Agjencinë e Administrimittë Pasurive të Sekuestruara dhe Konfiskuara përbashkëpunimin në sekuestrimet e kryera.

Prokuroria e Posaçme vijon hetimet për dokumentimin e plotë të veprimtarisë kriminale dhe konfiskimin përfundimtar të pasurive.

The post Sekuestrimi i pasurive të Agasit, Beqirajt e Karçanajt, SPAK njoftim zyrtar appeared first on Albeu.com.

Bëhet fjalë për shtetasit Fioraldo Meminaj, 41-vjeç, banues në fshatin Trevllazër, dhe Lirim Likaj 40-vjeç, banues në fshatin Mavrovë.

Gjatë ndalimit dhe kontrollit të një automjeti tip “Volkswagen Touran”, u gjet një sasi kanabisi e përgatitur për shitje.

Në vijim, gjatë kontrolleve në banesat e tyre, u zbulua pjesa tjetër e lëndës narkotike, si dhe një armë zjarri automatike model 56 me një karikator me 30 fishekë.

Njoftimi:

Finalizohet operacioni policor i koduar “Brotherhood”, për goditjen e veprimtarisë kriminale në fushën e narkotikëve dhe armëmbajtjes pa leje.

Sekuestrohen rreth 57 kg lëndë narkotike kanabis dhe 1 armë zjarri automatike.

Arrestohen në flagrancë 2 shtetas.

Specialistët e Seksionit për Hetimin e Narkotikëve në Drejtorinë Vendore të Policisë Vlorë, pas informacioneve të siguruara në rrugë operative, për dy shtetas që dyshohet se merreshin me transport dhe shitje të lëndës narkotike, organizuan dhe finalizuan operacionin policor të koduar “Brotherhood”.

Shërbimet e Policisë ndaluan dhe kontrolluan automjetin e dyshuar tip “Volkswagen Touran”, me të cilin udhëtonin shtetasit Fioraldo Meminaj,. dhe Lirim Likaj.

Nga kontrolli i automjetit u gjet dhe u sekuestrua, në cilësinë e provës materiale, një sasi lënde e dyshuar narkotike kanabis, e përgatitur për shitje.

Në vijim të operacionit dhe veprimeve procedurale, nga kontrolli i ushtruar në banesën e shtetasit F. M., banues në fshatin Trevllazër, Vlorë, shërbimet e Policisë gjetën dhe sekuestruan një sasi tjetër kanabisi, gjithsej rreth 57 kg lëndë narkotike e dyshuar kanabis.

Gjithashtu, gjatë kontrollit të banesës së shtetasit L. L., banues në fshatin Mavrovë, Vlorë, u gjet dhe u sekuestrua 1 armë zjarri automatike, model 56, së bashku me një karikator me 30 fishekë luftarakë.

Në përfundim të veprimeve, u arrestuan në flagrancë shtetasit:

-Fioraldo Meminaj., 41-vjeç, banues në fshatin Trevllazër, Vlorë;

-Lirim Likaj., 40-vjeç, banues në fshatin Mavrovë, Vlorë,
për veprat penale “Prodhimi dhe shitja e narkotikëve” dhe “Mbajtja pa leje e armëve dhe municionit luftarak”.

Materialet procedurale iu referuan Prokurorisë për veprime të mëtejshme.

Hetimet vijojnë për zbulimin dhe dokumentimin e plotë të kësaj veprimtarie të paligjshme, si dhe për identifikimin e personave të tjerë të përfshirë.

The post Sekuestrohen 57 kg lëndë narkotike dhe një armë zjarri në Vlorë, arrestohen dy persona (EMRAT) appeared first on Albeu.com.

Sipas Prokurorisë, procedimi është regjistruar mbi dyshimet për tregtim mallrash pa fatura tatimore. Pas autorizimit nga gjykata, me kërkesë të organit procedues, janë ushtruar kontrolle në disa subjekte postare në Tiranë.

Gjatë kontrolleve, janë sekuestruar sasi të konsiderueshme mallrash të marra në dorëzim pa dokumentacion tatimor, shuma parash në vlerën rreth 13 milionë lekë, si dhe dokumente shoqëruese.

Njoftimi:

Prokuroria pranë Gjykatës së Shkallës së Parë të Juridiksionit të Përgjithshëm Tiranë regjistron procedimin penal nr.156, viti 2026, për veprën penale të evazionit fiskal, të parashikuar nga neni 180 i Kodit Penal.

Pas lejimit nga gjykata, me kërkesë të organit procedues, si rrjedhojë u ushtruan kontrolle në disa subjekte që ofrojnë shërbime postare në kryeqytet.

Deri më tani, nga kontrollet janë sekuestruar sasi të konsiderueshme mallrash të marra në dorëzim pa fatura tatimore, 13 milionë lekë, si dhe dokumentacion shoqërues, prova që sipas Prokurorisë pranë Gjykatës së Shkallës së Parë të Juridiksionit të Përgjithshëm, Tiranë, tregojnë paligjshmëri në drejtim të evazionit fiskal, si dhe shuma parash që dyshohen se rrjedhin nga aktiviteti i paligjshëm.

Hetimet vijojnë për identifikimin e shitësve realë dhe dokumentimin e plotë të veprimtarisë së kundërligjshme.

The post Hetime ndaj subjekteve postare, procedim penal për evazion fiskal, sekuestrohen 13 milionë lekë appeared first on Albeu.com.

Në pikën kufitare Bllacë, u sekuestruan më shumë se 700 copë mallra të ndryshme, duke përfshirë lodra, parfume, kozmetikë dhe mobilje.

“Gjithsej 600 copë mallra të ndryshme, kryesisht lodra, u gjetën në hapësirat e fabrikuara të një furgoni të drejtuar nga një shtetas i Maqedonisë. Në një rast tjetër, gjithsej 143 copë parfume dhe kozmetikë u gjetën nën dyshemetë e sediljeve të pasme, si dhe në bagazhin e një makine të drejtuar nga një shtetas i Maqedonisë. “Në një automjet mallrash, i cili ishte deklaruar i zbrazët për hyrje në vend, oficerët doganorë zbuluan tre pjesë të mobiljeve”, thuhet në kumtesë.

Oficerët doganorë në pikën kufitare Tabanovc gjatë ditëve të fundit, në tre raste të veçanta, sekuestruan 26 shishe pije alkoolike, mbi 200 copë cigare elektronike dhe një pajisje për vetë-diagnostifikim.

Përveç kësaj, një ekip mobil i Drejtorisë zbuloi një përpjekje për të kontrabanduar tetë komplete pompa ajri dhe uji me panele diellore, të destinuara për shatërvanë dhe akuariume. Në rastin e parë, në një makinë me targa gjermane, të drejtuar nga një shtetas maqedonas, u gjetën 26 shishe pije alkoolike me një vlerë të parashikuar prej afërsisht 30 mijë denarësh. Personi nuk e deklaroi mallin me qëllim që të shmangte pagesën e detyrimeve doganore në vlerë prej afërsisht shtatë mijë denarësh.

Në rastin e dytë, inspektorët doganorë gjetën 209 copë cigare elektronike në dy çanta të një pasagjeri që udhëtonte me autobus në linjën Bruksel – Shkup. Rasti i tretë ka të bëjë me një pajisje për vetë-diagnostifikim, të zbuluar në një makinë me targa të përkohshme gjermane, të drejtuar nga një shtetas maqedonas. Në një rast të veçantë, Shërbimi i Skanerëve Mobilë, gjatë kontrollit të një automjeti transportues, zbuloi tetë komplete pompa uji dhe ajri me panele diellore.

The post Doganat e Maqedonisë: Sekuestrohen rreth tre mijë mallra të kontrabanduara në kufi appeared first on Albeu.com.