Sekretari i përgjithshëm i LDK-së, Ilir Ferati, ka bërë të ditur se partia është duke u angazhuar në procedurat dhe përgatitjet organizative për mbajtjen e kuvendit të jashtëzakonshëm.

Sipas tij, mbledhja e këtij kuvendi nuk mund të cilësohet domosdoshmërisht si urgjente, megjithëse afati për formimin e institucioneve e imponon një proces të tillë.

“LDK po merret me çështje procedurale që na takojnë edhe sipas statutit të Lidhjes Demokratike të Kosovës, edhe me punët organizative në drejtim të organizimit të Kuvendit, në mënyrë sa më të shpejtë edhe sa më efikase, po e quaj kështu, në mënyrë që delegatët me shpreh vullnetin e vet, pas thirrjes së Kuvendit që është bërë prej nënshkruesve që i kanë dorëzuar dje nënshkrimet. Tash, nuk po dua me e cilësuar urgjente si Kuvend, mirëpo sigurisht që na inponon pjesa e datës së konstituimit të institucioneve, edhe pse është përgjegjësi e partisë së parë me filluar punën edhe me i përshpejtuas ato procedura. Por ndryshe, grupi parlamentar është, edhe deputetët janë zgjedhur, dhe po e garantoj që është funksional, po marrë parasysh organizimin e Kuvendit të LDK-së”, tha ai.

Ferati i ka hedhur poshtë edhe raportimet e publikuara dje për një marrëveshje të arritur ndërmjet VV-së dhe LDK-së, sipas së cilës LDK-ja do të merrte tri ministri dhe postin e kryeparlamentarit.

Ai i cilësoi këto raportime si propagandë dhe spekulime pa mbështetje në burime zyrtare.

“Krejtësisht propagandë, spekulim në një nivel jo të mirë, sidomos në kohën kur ndodhi. Pa prapë po e citoj, pa burim të informatës, pa citim të ndonjë eksponenti ose të ndonjë informate zyrtare nga LDK-ja, është spekulim, nuk qëndron. Përndryshe, kryetari i ka deklaruar dje qëndrimet e veta përmes video-mesazhit edhe ka cilësuar nevojën që kemi me pezullu negociatat me Lëvizjen Vetëvendosje, deri sa të zgjidhen çështjet tona të brendshme”, tha ai.

Duke folur për kuvendin e jashtëzakonshëm, Ferati theksoi se ai nuk do të jetë garues, por do të shërbejë si proces votëbesimi për Abdixhikun.

“Thirrësit e Kuvendit e kanë parashtruar kërkesën për çka ata e kanë thirrur Kuvendin. Nuk është Kuvend garues, është Kuvend i votëbesimit, praktikisht. Nuk është Kuvend ku mund të shpallen kandidatura të tjera, praktikisht po flas sipas thirrjes së nënshkruesve që e kanë thirrur Kuvendin”, tha ai.

Në sekretarinë e LDK-së, deri më tani, janë dorëzuar 151 nënshkrime për shkarkimin e kryetarit Abdixhiku.

The post Ferati mohon marrëveshjen e raportuar me VV-në, e quan propagandë appeared first on Albeu.com.

Sekretari i Lidhjes Demokratike të Kosovës, Ilir Ferati, ka bërë të ditur se deri tani në zyrat qendrore të partisë nuk është depozituar asnjë nënshkrim për të thirrur një Kuvend të jashtëzakonshëm.

Ferati theksoi se lajmet që qarkullojnë mbi këtë nismë nuk mbështeten në asnjë të dhënë zyrtare dhe i përshkroi ato thjesht si hamendësime.

“Në raportimet e atyre portaleve nuk vura re ndonjë burim të qartë informacioni. E gjitha mbetet në fushën e supozimeve. Unë ndodhem në seli dhe nuk ka asgjë konkrete, as dorëzim nënshkrimesh e as ndonjë njoftim zyrtar,” u shpreh Ferati.

Kjo deklaratë vjen pas thashethemeve se më 14 korrik do të dorëzoheshin firmat e nevojshme për të mbledhur Kuvendin e LDK-së, ku do të vihej në diskutim besimi ndaj kryetarit Lumir Abdixhiku.

Gazeta jonë raportoi javën e shkuar se i pari i Komunës së Pejës, Gazmend Muhaxheri, po drejton këtë lëvizje, duke udhëtuar nëpër degët e LDK-së anembanë vendit për të mbledhur firmat e delegatëve që kërkojnë votëbesimin për Abdixhikun.

Thirrja për të shkarkuar kryetarin buron nga pakënaqësitë e brendshme me performancën e partisë në zgjedhjet e 7 qershorit.

Në fillim iu bë thirrje Abdixhikut të jepte dorëheqjen, por ai e cilësoi të papranueshme një hap të tillë.

Në ato zgjedhje, LDK-ja siguroi vetëm 16.69 për qind të votave, duke u përfaqësuar me 18 deputetë në Kuvendin e Kosovës.

Statuti i partisë parashikon që firmat e një të tretës së anëtarëve të Kuvendit nuk sjellin shkarkimin e menjëhershëm të kreut, por thjesht i hapin rrugë ngritjes zyrtare të çështjes së besimit.

Kuvendi i LDK-së përbëhet nga 355 delegatë të zgjedhur nga degët lokale, përfshirë edhe vetë kryetarin aktual Lumir Abdixhiku.

Në muajin janar të këtij viti, Abdixhiku i ka mbijetuar një mocioni besimi në kuvendin partiak, pas një rezultati zhgënjyes në zgjedhjet e 28 dhjetorit të vitit të shkuar.

The post Ferati: Ende nuk ka mbërritur asnjë firmë për mbledhjen e jashtëzakonshme të LDK-së appeared first on Albeu.com.

Osmani ka theksuar se në takim kanë diskutuar për sigurinë në Kosovë dhe gjithë Ballkanin Perëndimor.
“Ky takim ishte një mundësi e shkëlqyer për të riafirmuar gatishmërinë tonë për koordinim të rregullt në mbrojtje të paqes dhe sigurisë në Kosovë dhe gjithë Ballkanin Perëndimor”, thotë Osmani.
Mes tjerash, ajo ka pohuar se ka folur “për rolin vendimtar të NATO-s në garantimin e stabilitetit rajonal, si dhe përkushtimin e Kosovës për të qenë partnere e besueshme në përballjen me sfidat e përbashkëta”.

The post Osmani takim me sekretarin e përgjithshëm të NATO-s, flasin për sigurinë në Kosovë dhe Ballkan appeared first on Albeu.com.

Gjatë takimeve, Kapetanovic përgëzoi Shqipërinë për arritjet gjatë Kryesisë së Procesit për Bashkëpunim në Europën Juglindore (SEECP), duke vlerësuar rolin e saj të rëndësishëm në stabilitetin, sigurinë dhe rritjen ekonomike në rajon. Ai veçoi gjithashtu progresin në procesin e anëtarësimit në BE dhe faktin që Shqipëria ishte ndër të parat në Ballkanin Perëndimor që iu bashkua SEPA-s, së bashku me Malin e Zi.

“Ballkani Perëndimor po ecën drejt integrimit ekonomik dhe transformimit digjital, dhe Shqipëria është lokomotiva e këtij procesi. RCC vlerëson udhëheqjen e saj në nismat rajonale dhe presim me padurim të sjellim përfitime konkrete për qytetarët e Europës Juglindore,” u shpreh Kapetanovic.

Në takimin me Kryetaren Spiropali, u diskutua edhe për rolin e parlamenteve në avancimin e bashkëpunimit rajonal dhe për studimin e ri mbi Bashkëpunimin Parlamentar për Ndërlidhjen Rajonale në Europën Juglindore, nismë kjo e propozuar nga Shqipëria.

Zyrtarët shqiptarë riafirmuan mbështetjen për RCC-në, duke vlerësuar përpjekjet për zbatimin e Tregut të Përbashkët Rajonal dhe Agjendës së Gjelbër.

Pas vizitës në Shkup, Kapetanovic pritet të udhëtojë drejt Brukselit, ku do të kryesojë një takim të rëndësishëm mbi zbatimin e Planit të Veprimit për Tregun e Përbashkët Rajonal.

Me Shqipërinë në krye të trenit të progresit, Ballkani Perëndimor duket më afër se kurrë ëndrrës evropiane!

The post Sekretari i Përgjithshëm i Këshillit për Bashkëpunim Rajonal vizitë në Tiranë: Shqipëria, Lokomotiva e Progresit Rajonal! appeared first on Albeu.com.

“Në vend të festimit të jetës së re, kjo Pashkë përkon me një ofensivë ruse në Ukrainën lindore”, tha Guterres.

“Përqendrimi intensiv i forcave dhe fuqisë së zjarrit e bën këtë betejë në mënyrë të pashmangshme më të dhunshme, të përgjakshme dhe shkatërruese.”

Ai bëri thirrje për një “pauzë humanitare” nga e enjtja e shenjtë e ardhshme deri të dielën e Pashkëve, më 24 prill, për të lejuar hapjen e një sërë korridoresh humanitare.

Ai thotë se Kombet e Bashkuara janë gati të dërgojnë karvane ndihme humanitare për njerëzit në zonat më të goditura si Mariupol, Kherson, Donetsk dhe Luhansk nga e enjtja deri të dielën./albeu.com

The post Sekretari i Përgjithshëm i OKB-së thirrje për armëpushim në Javën e Shenjtë appeared first on Albeu.com.