Deputeti democrat, Ervin Salianji e cilëson vizitën të rëndësishme dhe shkruan se Shqipëria duhet të jetë krenare për aleancën që ka me SHBA-në.

Por, ai thotë se Shqipëria duhet ngritur në stadin e një vendi normal demokratik, ku respektohen të drejtat e njeriut, ku luftohet korrupsioni, ku mbahen zgjedhje të lira e të ndershme, ku pushtetet janë të ndara e ku qeveria kontrollohet e jep llogari. Në këtë mënyrë, sipas Salianjit, ne tregohemi në të vërtetë pro-amerikanë.

Reagimi i Salianjit:

Blinken, pasurim i traditës tonë pro-amerikane. Është mirë për Shqipërinë e për shqiptaret, në Kosovë, Maqedoninë e Veriut, Mal i Zi e kudo, sa herë një zyrtar i lartë amerikan viziton Tiranën. Duhet të jemi krenar për aleancën që kemi me SHBA, për këtë pozicionim në anën e drejtë të historisë , kjo mbi të gjitha vjen nga sentimenti e orientimi i shoqërisë, i njerëzve i kombit që ka rrokur në masë dërrmuese vlerat perëndimore.

Raporti special e i ngrohtë që kemi me SHBA është në radhë të parë meritë e qytetarëve, më tej e politikanëve.
Ka qenë lajm i mirë për ne kur erdhi Colin Powell, Madeleine Albright, John Carry, Hillary Clinton, dhe ngjarje kulminante vizita e George Bush, ku u pohua ajo që ndodhi pak më vonë, pavarësia e Kosovës. Mbërritja e Antony Blinken pasuron këtë traditë të çmuar, dhe e veçon Tiranën tonë si qendër e rëndësishme në rajon, e pikë kyçe e partneriterit strategjik. Jam i bindur se këto marrëdhënie nuk duhen marrë asnjëherë si të mirëqena, ato duhen ushqyer vazhdimisht.

Ajo që lypset ne të bëjmë në këtë drejtim është jo e lehtë. Më së pari, kemi detyrën ta ngremë Shqipërinë në stadin e një vendi normal demokratik, ku respektohen të drejtat e njeriut, ku luftohet korrupsioni, ku mbahen zgjedhje të lira e të ndershme, ku pushtetet janë të ndara e ku qeveria kontrollohet e jep llogari. Në këtë mënyrë ne tregohemi në të vërtetë pro-amerikanë dhe meritojmë mbështetjen e shtetit më të rëndësishëm të globit./albeu.com 

The post Blinken në Tiranë, Salianji: Shqipëria duhet ngritur në një stad ku luftohet korrupsioni e mbahen zgjedhje të lira appeared first on Albeu.com.

Ndalesa e parë e sekretarit Blinken mësohet se do të jetë në selinë diplomatike amerikane. Më pas është parashikuar takimi me kryeministrin Edi Rama.

Kryefjalë e takimit mes Ramës dhe Blinken pritet të jenë çështjet e sigurisë në rajon, ku Rusia haptas ka demonstruar përpjekje konstante destabilizuese. Mesazhet e kësaj vizite, sekretari Blinken pritet t’i japë në një konferencë shtypi të përbashkët me kryeministrin Edi Rama.

Ajo që pritet me interes që nga zyrtarizimi i vizitës është takimi me kreun e SPAK-ut, Altin Dumanin, një takim ky i lexuar si një mbështetje e qartë e SHBA-ve për luftën kundër korrupsionit dhe krimit të organizuar, duke prekur nivelet më të larta në drejtim apo ish drejtim të qeverisë dhe institucioneve shqiptare.

Nga Tirana, sekretari Blinken do të udhëtojë drejt konferencës së sigurisë në Mynih, e cila zhvillohet të premten e 16 Shkurtit. Antony Blinken bëhet i gjashti Sekretar Shteti që viziton Shqipërinë pas Xhejms Bejker, Medline Ollbrajt, Kolin Pauell, Hillari Klinton dhe Xhon Kerrit.

The post Siguria dhe mbështetja për SPAK-un! Detajet e vizitës së Sekretarit amerikan të Shtetit appeared first on Albeu.com.

Duke folur në Forumin Ekonomik Botëror në Davos të Zvicrës, Blinken përsëriti thirrjen e tij për “një rrugë drejt një shteti palestinez”, përkundër që Uashingtoni mbështet fushatën izraelite në Gazë që Izraeli nisi në përgjigje të sulmit të 7 tetorit të kryer nga Hamasi – grupi palestinez i shpallur organizatë terroriste nga Shtetet e Bashkuara dhe Bashkimi Evropian.

“Në mungesë të kësaj, ju nuk do të keni sigurinë që iu duhet. Dhe, sigurisht, që një Autoritet Palestinez, i fortë dhe i reformuar i cili mund të jetë më efektiv që të prodhojë rezultat për popullin e tij, duhet të bëhet pjesë e ekuacionit”, tha Blinken.

Një Autoritet Palestinez efektiv mund të operojë vetëm “me mbështetjen, me ndihmën e Izraelit e jo me kundërshtimin e tij”, shtoi kryediplomati amerikan.

SHBA-ja e ka mbështetur thirrjen e kryeministrit izraelit, Benjamin Netanyahu, për zhdukjen e Hamasit, që kontrollon Rripin e Gazës, por ka bërë thirrje që Autoriteti Palestinez, që udhëhiqet nga Mahmoud Abbas në Bregun Perëndimor, që gradualisht të marrë kontrollin e Rripit të Gazës.

Netanyahu që një kohë të gjatë është shprehur kundër një shteti palestinez.

Luftimet në Gazë shpërthyen pasi Hamasi kreu sulm në jug të Izraelit, duke vrarë afër 1.200 persona dhe duke rrëmbyer afër 250 të tjerë.

Sipas autoriteteve shëndetësore në Gazën e udhëhequr nga Hamasi, mbi 24.000 palestinezë janë vrarë gjatë ofensivës izraelite në Rripin e Gazës.

The post Blinken thotë se Izraeli duhet të ndihmojë Autoritetin Palestinez appeared first on Albeu.com.

Takimi Erdogan-Blinken, pak orë para udhëtimit të kreut të Departamentit të Shtetit në Greqi, u mbajt në sallën e ngjarjeve të Aeroportit Esenbogai në Ankara.

Në takimin e zhvilluar me dyer të mbyllura morën pjesë ministri i Jashtëm i Turqisë, Mevlut Çavusoglu dhe ambasadori amerikan në Ankara, Xhefri Flake.

Çfarë u diskutua me Çavusoglu

Një çështje qendrore në bisedimet me Mevlut Cavusoglu ishte blerja e F-16 nga Turqia.

Mevlut Cavusoglu tha se Turqia do të donte që qeveria amerikane t’i dërgonte Kongresit një shkresë zyrtare lidhur me këtë çështje.

“Ne duam një vendim zyrtar nga Kongresi për këtë çështje sa më shpejt të jetë e mundur”, tha ministri i Jashtëm turk.

Nga ana e tij , Anthony Blinken , i pyetur për këtë, megjithëse tha se administrata e Biden-it mbështet Ankaranë për çështjen e blerjes së avionëve luftarakë, dhe më pas shtoi se “nuk kam një orar specifik për t’ju njoftuar për F16-të. Jam në kontakt me Kongresin”.

Sekretari amerikan i Shtetit tha gjithashtu se vendi i tij do të mbështesë Turqinë ” për aq kohë sa të jetë e nevojshme” pas tërmetit vdekjeprurës të 6 shkurtit, ndërsa shtoi se zëri i qartë i Turqisë në favor të sovranitetit të Ukrainës ishte vendimtar.

“SHBA dhe Turqia nuk bien dakord për të gjitha çështjet, por kanë një marrëdhënie që i ka rezistuar sfidave”, komentoi Sekretari amerikan i Shtetit.

Lidhur me çështjen e anëtarësimit të Suedisë dhe Finlandës në NATO , Cavusoglu tha se “Suedia ka dërguar disa mesazhe pozitive, por fatkeqësisht shohim që aktiviteti i PKK-së vazhdon në Suedi. I takon Suedisë ta ndalojë atë”.

Në të njëjtën kohë, ai theksoi se nuk është një qasje e drejtë dhe korrekte që të lidhet çështja e anëtarësimit në NATO i dy vendeve me F16.

Mevlut Çavusoglu tha se “nuk është një qasje korrekte të ngatërrohen këto dy çështje”.

Ministri i Jashtëm i Turqisë tha gjithashtu se vendi i tij nuk po i shet pajisje Rusisë që mund të përdoren në luftën e saj kundër Ukrainës, pas paralajmërimeve të SHBA-së në fillim të shkurtit për eksportet në Moskë të kimikateve, mikroçipëve dhe pajisjeve të tjera.

Në të njëjtën kohë, ai theksoi se Turqia nuk do të lejojë që sanksionet amerikane dhe evropiane kundër Rusisë të shkelen brenda Turqisë apo përmes Turqisë, duke theksuar se po merren masa për të parandaluar këtë eventualitet./Albeu.com/

The post Blinken takon Erdoganin në Turqi, çfarë u diskutua me ministrin Çavusoglu appeared first on Albeu.com.

“Është e rëndësishme për të gjitha shtetet, përfshirë Kinën, të përqendrohen në vaksinimin e qytetarëve, që testimet dhe trajtimet të jenë të qasshme dhe më e rëndësishmja, të ndajnë informacionet me botën lidhur me problemet me të cilat po përballen”, tha Blinken gjatë një konference për media më 22 dhjetor.

“Ka ndikime jo vetëm për Kinën, por për gjithë botën”, tha Blinken.
Ai tha se Kina nuk ka kërkuar për ndihmë. Pekini është varur nga vaksinat e prodhuar në vend, që shumë ekspertë ndërkombëtarë kanë argumentuar se kanë efekt më të vogël sesa vaksinat e prodhuara në SHBA.

“Ne jemi të përgatitur që të ndihmojmë këdo që kërkon ndihmë”, tha Blinken.

Blinken, që planifikon ta vizitojë Pekinin në fillim të vitit 2023 teksa tensionet mes dy shteteve kanë filluar të bien, tha se SHBA-ja ka interes humanitar dhe interes të vetin që të kufizojë shpërthimin e COVID-it në Kinë.

“Çdoherë kur virusi shpërndahet apo lëvizë nëpër botë, ka mundësi që të zhvillohet një variant i ri, një variant që përhapet më tej dhe vjen na godet ne dhe shtetet tjera”, tha ai.

“E keni parë se ka ndikime të qarta në ekonominë globale”, tha Blinken, duke iu referuar politikave për COVID-19 të Kinës, që është ekonomia e dytë më e madhe në botë.
Kina, ku COVID-19 u zbulua për herë të parë tre vjet më parë, ka ndjekur një politikë të ashpër kundër virusit. Por, pas disa protestave gjatë këtij muaji, Pekini ndryshoi politikën e saj për koronavirus./REL

The post Shpërthimi i ri i Covid-19, Blinken kërkon informacione nga Kina appeared first on Albeu.com.

Kjo paketë do të shërbejë “për të rritur përpjekjet e agjencive ukrainase të zbatimit të ligjit dhe të drejtësisë penale për të përmirësuar kapacitetin e tyre operacional dhe për të shpëtuar jetë, ndërsa ato vazhdojnë të ndihmojnë në mbrojtjen e popullit ukrainas, lirisë dhe demokracisë së tyre nga lufta brutale e agresionit të Kremlinit”, thuhet në deklaratën e lëshuar të hënën.

Përveç kësaj, Blinken tha se ndihma mund të kontribuojë në mbështetjen amerikane “për përpjekjet e qeverisë ukrainase për të dokumentuar, hetuar dhe ndjekur penalisht mizoritë e kryera nga forcat ruse, duke u mbështetur në marrëdhëniet tona me agjencitë e drejtësisë penale ukrainase, përfshirë atë ukrainase.

The post SHBA miraton mbi 400 milionë dollarë ndihmë shtesë për Ukrainën appeared first on Albeu.com.

“Ne jemi në prag të luftës me Rusinë dhe Kinën për çështjet të cilat i krijuam pjesërisht, pa asnjë koncept se si do të përfundojë kjo apo çfarë supozohet të çojë”, tha ai.

Kissinger propozon që vendet të mos kthehen kundër njëri-tjetrin dhe të mos krijojnë tensione.

“Nuk mund të thuash vetëm tani se do t’i ndajmë dhe do t’i kthejmë kundër njëri-tjetrit. Gjithçka që mund të bëni është të mos përshpejtoni tensionet dhe të krijoni opsione, dhe për këtë duhet të keni një qëllim”, shtoi Kissinger.

The post Ish-sekretari amerikan i shtetit: SHBA është në prag të luftës me Rusinë dhe Kinën appeared first on Albeu.com.

Blinken ka deklaruar gjithashtu se bisedimet mund të përfundojnë vetëm nëse Teherani heq dorë nga kërkesat e tij ekstravagante.

Negociatat mbi programin bërthamor të Iranit mund të përfundojnë vetëm nëse Teherani heq dorë nga kërkesat e tij ekstravagante, tha Blinken, pasi Irani filloi heqjen e 27 kamerave të vëzhgimit nga programi i tij bërthamor, duke siluruar dialogun me komunitetin ndërkombëtar.

Shtetet e Bashkuara kanë paralajmëruar se “sfidat” e fundit të Teheranit kërcënojnë të çojnë në një “krizë bërthamore” dhe “rritje të izolimit ekonomik dhe politik në Iran”.

“Ne vazhdojmë t’i bëjmë thirrje Iranit që të ndjekë rrugën e diplomacisë dhe de-përshkallëzimit”, tha ai.

The post Anthony Blinken paralajmëron Iranin për “krizë bërthamore”: Do të izoloheni! appeared first on Albeu.com.

Lajmi u bë i ditur nga BBC, sipas të cilës Blinken është shprehur “Por ne nuk po shohim asnjë shenjë për këtë gjë aktualisht”.

Blinken tha se ka të ngjarë të ketë ende “shumë muaj konflikt” ndërsa Rusia vazhdon sulmin e saj në lindje të Ukrainës.

Ndër të tjera sekretari amerikan i Shtetit, Antony Blinken ka deklaruar se Ukraina i ka dhënë siguri SHBA-së se nuk do t’i përdorë sistemet e armëve të ofruara nga Amerika “kundër rusëve”.

“Ekziston një lidhje e fortë besimi midis Ukrainës dhe Shteteve të Bashkuara, si dhe me aleatët e partnerët tanë”, tha Blinken në një konferencë shtypi me Sekretarin e Përgjithshëm të NATO-s, Jens Stoltenberg.

Administrata Biden ka njoftuar se do t’i dërgojë Ukrainës Sistemet Raketore të Artilerisë së Lëvizshmërisë së Lartë të prodhuar nga SHBA, të njohur si HIMARS, me municione me një rreze që është më e shkurtër se ajo që kishte kërkuar Ukraina./albeu.com

The post Befason Blinken: Lufta në Ukrainë mund të përfundojë nesër appeared first on Albeu.com.

“Kontributet e tij në marrëdhëniet SHBA-Shqipëri dhe partneriteti ynë i qëndrueshëm do të lënë një trashëgimi të qëndrueshme”, shkruan Blinken.

Sekretari amerikan i Shtetit, Antony Blinken iu bashkua mesazhit ngushëllues të ambasadës amerikane në Tiranë për ndarjen nga jeta të ish-presidentit shqiptar Bujar Nishani.

Kryediplomati amerikan ndau në përmbyllje dhimbjen e popullit shqiptar.

Kjo, për ndarjen nga jeta të ish-presidentit Bujar Nishani.

Kujtojmë se trupi i ish-Presidentit të Republikës, Bujar Nishani, pritet të mbërrijë në atdhe të martën e 31 majit.

Stafi mjekësor dhe të afërmit e të ndjerit po merren me procedurat e posaçme që mundësojnë sjelljen e trupit të tij atdhe, ku pritet t’i bëhen edhe nderimet e fundit.

Ish-Presidenti Nishani ndërroi jetë të shtunën në Spitalin Universitar të Berlinit, Charite./albeu.com/

The post Ndarja nga jeta e Bujar Nishanit, reagon vetë sekretari Blinken: Do lërë trashëgimi! appeared first on Albeu.com.