Sipas saj sekretarja në Stamboll Juna Harka është e martuar me shtetasin turk Ramazan Keskin, është kreu i një organizate kriminale aktive në narko-trafik. Për të ka një urdhër-arrest europian që në vitin 2020.

Garo u shpreh se në fillim të shkurtit të këtij viti, dy javë përpara se Juna Harka të emërohej në Stamboll, SPAK vendosi vënien në sekuestro të pasurive në Shqipëri të bashkëshortit të saj Keskin. Megjithëatë, Harka-Keskin, u emërua në Ambasadë dhe  pajis shumë shpejt me pasaportë diplomatike.

Deklarata e plotë:

Në fund të shkurtit, ‘ministrja e investimeve strategjike të brendshme’ dhe ‘punëve të pista të jashtme’, Olta Xhaçka, ka emëruar Sekretare të Dytë në Konsullatën shqiptare në Stamboll zonjën Juna Harka. Emërimi në vetevete nuk është gjë e re, sepse është vazhdim i repertorit të njohur të degradimit të pamëshirshëm të shërbimit të Jashtëm.
Si shumë të tjerë e të tjera, znj. Harka nuk ka punuar as edhe një ditë në diplomaci.

Lajmi, dhe bëhet fjalë për lajm të keq, qëndron te fakti se bashkëshorti i Juna Harkës, shtetasi turk Ramazan Keskin, është kreu i një organizate kriminale aktive në narko-trafik. Për të ka një urdhër-arrest europian që në vitin 2020.
Në fillim të shkurtit të këtij viti, dy javë përpara se Juna Harka të emërohej në Stamboll, SPAK vendosi vënien në sekuestro të pasurive në Shqipëri të bashkëshortit të saj Keskin. Megjithëkëtë, znj. Harka-Keskin, jo vetëm u emërua në Ambasadë, por u pajis shumë shpejt me pasaportë diplomatike.
Në datën 5 prill 2023, kur kishin përfunduar të gjitha procedurat për emërimin në Stamboll të znj. Harka-Keskin, disa media shqiptare njoftuan se u vunë në sekuestro pasuritë e bashkëshortit të saj turk.
Të njëtën ditë ka ardhur reagimi i autoriteteve turke për emërimim e znj. Harka dhe asaj i është kërkuar dorëzimi i pasaportës diplomatike nga MPJ.
Kjo ndodhi nga frika e skandalit dhe zhurmës që do pasonte. Pëndryshe Xhaçka do të vijonte e qetë, gjë që e dëshmon fakti se, që nga emërimi deri te botimi në media i lajmit të sekuestros, kaluan 6 javë. Eshtë e pamundur që një institucion i lartë si MPJ, me shefe një ish-Ministre të Mbrojtjes, të mos ketë patur të dhëna nga shërbimet inteligjente se kush është Ramazan Keskin dhe kush bashkëshortja e tij.

Emërim i zonjës Harka është pjesë e një cikli të qartë korruptiv ku përfshihen lidhjet familjare; ajo është kushërirë e Skënder Gjinushit. Më shumë se farefisnia, bie në sy fakti që ajo emërohet pikërisht në Stamboll, atdheun e bashkëshortit të saj narko-trafikant, në kërkim nga autoritet europiane dhe në sekuestro nga ato shqiptare.

Nota Verbale për Ambasadën turke në Tiranë, për emërimin e znj. Harka në Stamboll është përgatitur në fillim të prillit. Kjo praktikë nuk gjendet, pasi është dhënë urdhër nga lart që të zhduket çdo provë që lidhet me këtë skandal.
Por, gjurmë që mbetet është fakti se më 4 prill znj. Harka-Keskin ishte në Minstrinë e Jashtme dhe tërhoqi pasaportën diplomatike. Ndërsa një ditë më pas shumica e medias përcollën njoftimin per vënien nën sekuestro të pasurive në Shqipëri të bashkëshortit të saj.
Kjo është spaleta e radhës në supet ngarkuar me skandale të Olta Xhackës.
Lista është për record Guinnes në skandalistikë dh vijon si më poshtë:
dhënie e statusit investitor strategjik bashkëshortit të saj, privatizim i bazës ushtarake të Limionit në Sarandë, punësim si këshilltar të mashtruesit ndërkombëtar Amant Josifi, punësim në Ministrinë e Jashtme të motrës së vrasësit me pagesë Nuredin Dumani, përdorimit të helikopterit ushtarak për fushatën zgjedhore në Dibër, vendosje e automjetit të Ministrisë së Jashtme në shërbim të nënës së saj.

The post Akuza e fortë: Olta Xhaçka emëroi gruan e trafikantit, Juna Harka-n në Konsullatën Shqiptare në Stamboll appeared first on Albeu.com.

Në total SPAK ka lëshuar 5 urdhër arreste me akuzat e falsifikimit të dokumenteve dhe tjetërsimit të pronave.

Aksioni po zhvillohet nga drejtoria e Krimit Ekonomik në Policinë e Shtetit dhe po vijon ende në zyrat e Kadastrës së Tiranës.

The post Operacioni i SPAK në Kadastrën e Tiranës, arrestohen dy sekretarë dhe një drejtues appeared first on Albeu.com.

Matt Hancock e ka tradhtuar bashkëshorten e tij Martha Hoyer Millar, me asistenten e tij Gina Coladangelo, 43-vjeçaren e cila u punësua vitin e shkuar dhe paguhej me paratë taksapaguesve britanikë, në një kohë kur vendi ishte “mbërthyer” nga vala e Covid-it.

42-vjeçari dhe lobistja milionere Gina, u kapën nga kamerat në skena erotike në zyrën e Sekretarit të Shëndtësisë në Whitehall. 42-vjeçari e ka tradhtuar gruan e tij Martha Hoyer Millar, me të cilën kishte 15 vite martesë.

Matt u pa teksa shkëmbente puthje pasiononte me Gina-n në Departamentin e Shëndetësisë në Londër, gjatë orarit zyrtar të punës. Një person nga Whitehall që pikasi skenat, zbuloi sekretet për tabloidin “The Sun”.

“Është tronditëse që z.Hancock ka pasur një raport në mes të pandemisë me një nga këshillueset dhe mikeshat e tij, të cilën e punësoi me para publike”, ka thënë ai.

Të enjten në mbrëmje, një mik i Sekretarit të Shëndetësisë u shpreh: “Ai nuk ka komente për çështjet personale. Asnjë rregull nuk është thyer”. Fotografi të Hanckock duke përqafuar asistenten e tij, dhe duke e prekur në vende intime dolën në media.

Fotoja datonte në 6 maj, rreth orës 3:00 të pasdites. Pamjet janë marrë nga zyra e tij në Departamentin e Shëndetësisë, e vendosur në katin e nëntë të godinës, fare pranë Dhomës së Parlamentit. 42-vjeçari shihet fillimisht duke kontrolluar korridorin dhe më pas ka mbyllur derën për tu siguruar që askush nuk do ta shqetësonte atë dhe Gina-n.

Më pas 43-vjeçarja shkon drejt tij dhe çifti përqafohet në mënyrë pasiononte. Sipas një informatorit të brendshëm që punon në departament, Matt dhe Gina janë kapur duke u shoqëruar me njëri-tjetrin në zyrë. Burimi tha: “Ata u përpoqën ta ruanin sekretin por të gjithë e dinin se çfarë ndodhte në atë ndërtesë”.

“Unë thjesht jam i habitur që ai ishte aq i paturpë për këtë pasi ishte Sekretar i Shtetit. Ka tronditur gjithashtu njerëzit sepse ai e vendosi atë (Ginan) në një rol kaq të rëndësishëm, të financuar nga publiku dhe ata kalojnë orët bashkë në zyrë, ndërsa të tjerët punojnë fort”, u shpreh ai.

Nuk ka ende asnjë koment nga bashkëshortja Martha Hoyer Millar, e cila është parë sot të dalë nga shtëpia si zakonisht, me qenin e saj.

The post Dalin pamjet nga brenda zyrës: Zyrtari i lartë britanik tradhton gruan me asistenten (FOTO LAJM) appeared first on Albeu.com.