Për shkak të mbajtjes së Garës Automobilistike Malore “Brezovica 2026”, segmenti Brezovicë-Prevallë i rrugës R115 do të jetë përkohësisht jashtë qarkullimit, ka njoftuar Ministria e Infrastrukturës dhe Transportit.

Mbyllja do të zbatohet më 18 dhe 19 korrik 2026, në intervalin nga ora 10:30 deri në 18:00.

Sot janë paraparë stërvitjet zyrtare, ndërsa gara zyrtare do të mbahet nesër. Aktiviteti organizohet nga Federata e Auto Sporteve të Kosovës.

Në komunikatën për media të publikuar dje u bë e ditur se, për garantimin e mbarëvajtjes së aktivitetit dhe sigurisë së pjesëmarrësve, organizatorët do të bashkëpunojnë me Policinë e Kosovës dhe institucionet përgjegjëse. Qytetarëve dhe pjesëmarrësve në trafik u kërkohet që lëvizjet t’i planifikojnë gjatë këtyre orareve, të respektojnë sinjalizimin e përkohshëm rrugor, si edhe udhëzimet e Policisë së Kosovës dhe zyrtarëve të angazhuar në terren.

The post Rruga Brezovicë-Prevallë mbyllet për dy ditë për Garën Malore “Brezovica 2026” appeared first on Albeu.com.

Si rjedhojë edhe në pikën kufitare puna do të pezullohet përkohësisht. Do të lejohen të qarkullojnë vetëm automjetet që do të kenë emergjenca shëndetësore.

Policia Kufitare Kakavijë, ben te ditur se nëpërmjet qendrës së përbashkët të shkëmbimit të informacionit Kakavijë, është njoftuar nga Policia Kufitare Greke se protesta do të zhvillohet nga ora 18:00 deri në orën 22:00 me orën greke.

Njoftimi i Policisë:

Kakavijë/ Policia Kufitare Kakavijë, nëpërmjet qendrës së përbashkët të shkëmbimit të informacionit Kakavijë, është njoftuar nga Policia Kufitare Greke se më datë 30.11.2025, nga ora 18:00 deri në orën 22:00 (me orën greke), aksi rrugor Kakavijë–Janinë do të jetë i bllokuar për shkak të protestës që do të zhvillojnë fermerët.

Do të lejohen të qarkullojnë vetëm automjetet që do të kenë emergjenca shëndetësore.

Policia Kufitare Kakavijë kërkon mirëkuptimin e qytetarëve dhe sugjeron planifikimin e udhëtimeve me automjete, në orare të tjera të ditës.

The post Protesta e fermerëve grekë bllokon segmentin Kakavijë–Janinë, ndërpritet puna edhe në pikën kufitare appeared first on Albeu.com.