Opozita ka paralajmëruar se nuk do të lejojnë zhvillimin e asnjë seance normale, pas tensioneve të krijuara gjatë javëve të fundit.

Por, mësohet se maxhoranca ka marrë masa. Vendimi do të merret në bazë të aksionit të opozitës, por skenarët janë tre: buxheti të kalojë në parim pa diskutime.

Në rast se pamundësohet votimi, gjasat janë që seanca të ndërpritet dhe deputetët e maxhorancës të rikthehen të martën për votimin në parim.

Nuk përjashtohet as mundësia e një seance online, me deputetë të grumbulluar në kryesinë e Kuvendit, larg sallës së seancave plenare ku opozitarët do të vënë në jetë planin e tyre.

Në mesin e pikëpyetjeve për seancën e projektbuxhetit është edhe prezenca e kryeministrit Edi Rama, i cili një vit më parë, pati vetë në seancë peshën kryesore të replikave me Partinë Demokratike, në një seancë maratonë që zgjati 12 orë.

Edhe grupi opozitar që nuk mbështet aksionin, ai i PD zyrtare me Lulzim Bashën dhe deputetët e pakët që e mbështesin, e kanë në pikëpyetje prezencën e tyre në sallë.

Ata kanë propozuar 8 amendamente, ndaj prezenca e tyre pritet vetëm nëse do të gjendet hapësira për ta diskutuar buxhetin.

Në seancën e ditës së sotme edhe prezenca e Gardës pritet të jetë më e lartë për të parandaluar përplasjet fizike, ndërsa vigjilenca do të jetë po ashtu e lartë, për të ndaluar futjen e lëndëve piroteknike në sallë.

/albeu.com

The post Sot seanca maratonë për buxhetin, nga aksioni i opozitës te skenarët e PS-së, çfarë pritet të ndodhë në Kuvend appeared first on Albeu.com.

Ndonëse e fundit nuk u zhvillua, për shkak të vendimit të opozitës për të shkaktuar kaos dhe për të bllokuar punimet e Kuvendit, deri në plotësimin e kërkesave të saj, ligjvënësit do të rikthehen për të diskutuar, sipas rendit të ditës për 4 orë, problematikat e zgjedhësve.  Por njëjtë si seanca e fundit më 19 tetor, edhe seanca e së hënës, pritet të zhvillohet me përplasje mes opozitës dhe maxhorancës.

Për shkak të kaosit që krijuan, 23 deputetë të opozitës, u përjashtuan. Me kërkesë të deputetëve socialistë, mes të përjashtuarve janë kreu i grupit parlamentar të PD, Gazment Bardhi si dhe Sali Berisha.

Por, pavarësisht vendimit, Bardhi ka deklaruar se të përjashtuarit do të jenë në Kuvend, pasi sipas tij, afati për përjashtimin me 10 ditë, përfundon më 29 tetor, dhe jo më 30, sikurse thuhet në vendimin e vulosur me votat e socialistëve në Sekretariatin e Etikës.

“I tremben opozitës prandaj dhe na përjashtojnë dhe kur nuk u dalin  llogarite, nuk zbatojnë as vendimet e tyre”.

“Ne do të jemi në seancë!, tha deputeti.

/Albeu.com 

The post Sot seancë, deputetët rikthehen pas bojkotit të opozitës! 23 të përjashtuar, Bardhi: Do jemi në Kuvend appeared first on Albeu.com.

“Me portin janë vërsulur, Rama Balluku dhe Vengu, me vendimin për ta falimentuar menjëherë. Porti i Durrësit është shndërruar në një kredi dhënës. I jep 5 milionë euro Portit të Vlorë, 5 milionë euro AlbControl. Duan ta falimentojnë me çdo kusht. Blihen makineri të reja dhe nuk përdoren. Sot porti ka një kapacitet përpunimi 8 milionë ton në vit. Gjer tani ai ka arritur në shifrën 4.8 milionë ton. Tani, çfarë ndodh? Anijet do të devijohen në Igumericë, në Selanik dhe në Tivar. Të gjithë këtë devijim nuk e paguan njeri që udhëton me charter dhe fle të dhoma luksoze, e paguajnë qytetarët e shkretë. A mund të veprojë një njeri në këtë mënyrë? Vetëm ai që është verbuar, mund të veprojë kështu Të gjitha këto çështje madhore për portin, duam t’jua komunikojmë qytetarëve. Ne do të qëndrojmë me forcën më të madhe të fjalës. Parashikohet një betejë parlamentare shumë e fuqishme. Duhet zotërinj deputetë të mbrojmë me vendosmërinë më të madhe interesat e qytetarëve për buxhetin dhe portin. Kemi dorëzuar kërkesën në GJK, por duhet komision hetimor. Ky faktikisht po i heq Shqipërisë aq që ka pasur në shekuj. Durrësi, a e dini që është fillimi i rrugës Egnatia. I gjithë fluksi i asaj rruge kalonte nga Durrësi në Kostandinopojë dhe e kundërta. Ne nuk mund të rikthehemi. Përveç kësaj është shkelja më flagrante e stabilizim asociimit. Janë tre nene që kërcënojnë Shqipërinë me bllokimin e negociatave. Nëse në Kuvend duhet të përgatitemi me të gjithë fuqitë tona, për të mbrojtur interesin publik”, tha Berisha./albeu.com

The post “Duhet të përgatitemi”, paralajmëron Berisha: Nesër do të kemi një betejë parlamentare shumë të fuqishme appeared first on Albeu.com.