Në postimin e tij në rrjetin social Facebook, Meta shkruan:

“Të vetmes organizatë, që unë i përkas, është ajo e 2 Marsit 2020, një organizatë patriotike, mbrojtëse e paepur e interesit kombëtar dhe e vendosur për të bërë çdo sakrificë, që i rikthen sovranitetin popullit shqiptar dhe që shenjtëron vetëm Kushtetutën.”

Në parashtrimet e tij përpara gjykatës, Meta kritikoi ashpër organin e akuzës, duke e cilësuar procesin si të bazuar mbi gënjeshtra, falsifikime dhe tablo sinoptike të përgatitura nga një strukturë që sipas tij ka kapur në mënyrë antikushtetuese Reformën në Drejtësi. Ai e përshkroi rastin e tij si një persekutim politik dhe njerëzor, duke u shprehur se paraburgimi nuk është përdorur si mjet hetimi, por vetëm për t’i penguar komunikimin dhe aktivitetin politik.

Meta theksoi gjithashtu se gjatë qëndrimit në paraburgimin 313, janë shkelur të drejtat e tij themelore: ajrosja e kufizuar, pengimi i vizitave nga deputetë dhe eurodeputetë, si dhe bllokimi i numrit të telefonit të Sekretarit të Përgjithshëm të Partisë së Lirisë, Tedi Blushi, për të kufizuar komunikimin me partinë.

Ai ngriti dyshime edhe mbi ekspertizën financiare të SPAK-ut, duke e cilësuar si të manipuluar dhe me konflikt interesi, dhe prezantoi angazhimin e tij për të paraqitur një ekspertizë të plotë financiare për periudhën 1995–2023, që sipas tij, vërteton se shpenzimet e tij janë shumë më të ulëta se të ardhurat ligjore.

Mesazhi i plotë:

E nderuar zonja Gjykatëse,

Për tre seanca me radhë kemi dëgjuar një pamflet politik nga organi i akuzës, pa asnjë lloj arkitekture juridike dhe ligjore, por të bazuar vetëm mbi gënjeshtra, falsifikime dhe një tablo sinoptike të përgatitur prej gati 2 dekadash nga sekti sorosist, që ka kapur në mënyrë antikushtetuese Reformën në Drejtësi.

Kjo është arsyeja përse Shqipëria është përkeqësuar me 11 vende në renditjen botërore nga Transparency International gjatë vitit të fundit, siç e nënvizoi dje edhe Z. David McAllister në Tiranë.

Sepse Kreu i Organizatës Kriminale, jo vetëm ka garantuar paprekshmërinë e tij përmes kapjes së sistemit gjyqësor, por edhe e ka përdorur këtë të fundit si armë politike kundër kundërshtarëve të tij politikë.

Rasti Meta është një rast që do të hyjë edhe në jurisprudencën europiane, si një ndër më skandalozët, ku standardet e rrëmbimit tim më 21 tetor 2024 janë edhe vetë standardet e hetimit, por edhe të paraburgimit për 16 muaj.

Edhe sot zonja Gjykatëse akoma IEPV “Jordan Misja” nuk më ka dorëzuar ende të zbardhur vendimin për dënimin tim më 2 korrik 2025, përse komunikova nga telefoni i burgut me një gazetare.

Që nga ai moment, unë jam i vetmi nga 500 të burgosur dhe të paraburgosurit në IEPV “Jordan Misja”, që bëj 1 herë ajrosje në ditë, nga dy herë që ua garanton rregullorja të gjithë të tjerëve.

Po kështu, që prej 21 tetorit 2024 nuk është lejuar asnjë gazetar që të më intervistojë, pavarësisht nga kërkesat e dhjetëra prej tyre.

Po kështu, janë penguar deputetë dhe eurodeputetë të më vizitojnë në kundërshtim me ligjin.

Që nga 2 korriku 2025, Drejtoria e Përgjithshme e Burgjeve, në mënyrë të paligjshme, ka bllokuar numrin e telefonit të Z. Tedi Blushi, Sekretar i Përgjithshëm i Partisë së Lirisë dhe Kryetar i grupit të saj parlamentar për të më penguar sa më shumë komunikimin me Partinë e Lirisë.

Për të gjitha shkeljet e të drejtave të mia njerëzore, por edhe politike, Avokati i Popullit ka bërë një listë të plotë me rekomandime, të cilat injorohen edhe sot e kësaj dite.

Kjo ndodh se Drejtori i burgut tim është de facto, Edi Rama.

Kjo ndodh se Prokurori de facto i çështjes Meta dhe hartuesi i tablosë sinoptike është prapë, Edi Rama.

Ndaj ndodhi rrëmbimi im kriminal dhe i paligjshëm përpara zgjedhjeve të 11 Majit.

Ndaj paraburgimi nuk është përdorur si mjet hetimi, por vetëm si mjet persekutimi politik dhe njerëzor.

Kjo nuk është hera e parë që ndodh në Shqipërinë tonë.

Këto ditë lexova librin “Ridënimi” të publicistit të mirënjohur, Z. Fatos Lubonja.

Lubonja rrëfente se ndërsa po priste me padurim në Spaç, që të lirohej nga burgu, për dy vite që i kishin mbetur, papritur një ditë e marrin dhe e sjellin pikërisht në burgun ku ndodhem unë për ta arrestuar përsëri.

Pas disa ditësh ai zbuloi se ndaj tij rëndonin dy akuza.

E para, ishte më e lehtë, ajo e nenit 55 të Kodit Penal, se ishte për agjitacion e dënimi shkonte në 10 vjet.

Por akuza tjetër, shumë e rëndë, ajo e nenit 57 për krijimin e një organizate kundër-revolucionare, pasi shkonte nga 25 vjet deri në dënim me vdekje.

Edhe pse nuk kishte qenë anëtar i kësaj organizate, që ishte shpikje e regjimit për të dënuar me vdekje dy intelektualë të njohur, Z. Lubonja ishte përfshirë falë skotës së dëshmitarëve të gatshëm të regjimit, si pjesë e organizatës, pasi 2 vitet që i kishin mbetur, duhet t’ia kthenin në 20 vite burgim, armikut dhe birit të armikut të Partisë.

Në rastin e çështjes Meta është e qartë se neni 55 i agjitacionit është zëvendësuar me nenin e korrupsionit pasiv ndërkohë që askush nuk është akuzuar për korrupsion aktiv.

Ndërsa neni 57 i krijimit të organizatës kundër-revolucionare është zëvendësuar me nenin e “Pastrimit të produktit të veprave penale”.

Këto dy nene janë përdorur vetëm për të justifikuar rrëmbim-arrestimin e paligjshëm, por edhe vazhdimin e pajustifikueshëm të paraburgimit edhe pse hetimet janë mbyllur që në qershor 2025.

Për të justifikuar veprën e pastrimit të produkteve të veprave penale, prokurorët, në dhunim të ligjit, janë mbështetur në ekspertizën financiare që ka bërë një punonjës i tyre, që është në konflikt të pastër interesi.

Kurrë nuk na është bërë i ditur caktimi i këtij eksperti sipas ligjit dhe e kemi kundërshtuar ekspertizën e tij si të paligjshme dhe të manipuluar, kur jemi njohur me akuzën që u referohej gënjeshtrave të pseudoekspertit, i cili do i bënte llogaritë e tij jo sipas ligjeve në fuqi, por sipas direktivave të punëdhënësve të tij.

Por kjo lloj “ekspertize” e paligjshme ishte e domosdoshme për prokurorët për të shpikur dyshimet e “arsyeshme” për pasuri gjoja të pajustifikuara, të cilat normalisht duhej të ishin si rezultat i korrupsionit pasiv të dyshuar.

Dhe për këtë kishin gati arkivin e gjithë gazetave që kishin shkruar për gjoja korrupsionin tim, gjatë më shumë se 30 viteve në politikë. Dhe këta artikuj të turpshëm, dorëzohen edhe si “prova”.

E nderuar zonja Gjykatëse,

Unë jam subjekt deklarues, që nga 22 Marsi 1992, kur jam zgjedhur që student deputet e në vazhdimësi për tre dekada.

Çuditërisht “eksperti”, punonjës i SPAK-ut, ka harruar të llogarisë të gjitha të ardhurat e mia të ligjshme nga shteti shqiptar për gati 10 vite deri në 2002 edhe pse unë jo vetëm jam paguar si deputet, Sekretar Shteti për Europën, Zëvendëskryeministër dhe Kryeministër, por kam patur edhe shumë përfitime të ligjshme financiare, si dieta apo pagesa si anëtar i Bordeve të ndryshme qeveritare, por edhe si Nënkryetar i PS në vitet 1993-1996.

Në gjykimin e themelit ne do të paraqesim ekspertizën e plotë financiare lidhur me të ardhurat dhe shpenzimet e mia për periudhën 1995-2023 e bërë nga një ekspert i licensuar dhe bazuar në të gjitha dokumentat e institucioneve shtetërore.

Nga kjo ekspertizë del shumë qartë diferenca shumë e madhe midis të ardhurave të mia të ligjshme, gati 870 mijë euro, në raport me shpenzimet që janë sa gjysma e tyre, duke përfshirë edhe detyrimet e mia si kryefamiljar dhe pjesën takuese.

Do ishte në nderin e Gjykatës të refuzonte këtë ekspertizë tërësisht të paligjshme dhe të manipuluar nga organi i akuzës, për personin tim.

Po kështu, prokurorët qëllimisht ngatërrojnë dhe bashkojnë përgjegjësitë e subjektit të posaçëm deklarues (pra Ilir Metës) me përgjegjësitë e subjekteve të lidhura, kur ligji i ka ndarë qartë dhe individualizuar këto përgjegjësi.

Ndaj refuzoj me përbuzje akuzën ndaj meje për deklarim të rremë apo mosdeklarim, pasi nuk ekziston asnjë shpenzim i padeklaruar nga unë si subjekt i posaçëm i ligjit.

Po kështu, nuk ekziston asnjë provë apo indicie që unë të kem patur dijeni se një person i lidhur me mua të ketë bërë deklarim të rremë apo mosdeklarim.

Po kështu, ILDKPKI (Inspektorati i Lartë i Deklarimit dhe Kontrollit të Pasurive dhe Konfliktit të Interesave), asnjëherë nuk më ka tërhequr vëmendje për deklarimet e mia.

The post Seanca gjyqësore paraprake, Meta bën publike parashtrimet e tij: Organizata ime është ajo e 2 Marsit 2020! S’ka shpenzime të padeklaruara, më janë shkelur të drejtat appeared first on Albeu.com.

Edhe më 11 nëntor seanca u shty për shkak të kërkesës së avokatit të Metës, Kujtim Cakrani për përjashtimin e gjyqtares Irena Gjoka nga çështja.

Avokati, i cili braktisi seancën, tha se së pari gjykata duhet të shprehet për këtë kërkesë të bërë më herët prej tyre.

Kujtojme qe Ilir Meta dhe Monika Kryemadhi, akuzohen për korrupsion pasiv, pastrim parash dhe mosdeklarim pasurie.

Pirro Xhixho, akuzohet për korrupsion pasiv të funksionarëve të lartë të kryer në bashkëpunim, ndërsa Fatime Kryemadhi akuzohet për pastrim parash, së bashku me Ema Çokun.

Kreu i PL-se, Ilir Meta, ndodhet në burg që prej tetorit 2024, ndërsa Kryemadhi ndodhet me masen e sigurise detyrim paraqitje.

The post Shtyhet seanca gjyqësore për Ilir Metën, zbulohet arsyeja appeared first on Albeu.com.

Kujtojmë se, ndaj Berishës është ngritur akuza e korrupsionit për procedurat e ndjekura, në lidhje me privatizimin e kompleksit “Partizani”.

Në këtë çështje nën akuzë është edhe dhëndri i Berishës, Jamarbër Malltezi.

Akuzat që SPAK ka hetuar për Berishën dhe dhëndrin e tij janë nga shpërdorimi i detyrës, te korrupsioni, fshehje pasurie dhe pastrimi i produkteve të veprës penale.

The post Zhvillohet sot në GJKKO seanca gjyqësore ndaj kreut të PD-së, Sali Berisha appeared first on Albeu.com.

Njoftimi:

“Specialistët për Hetimin e Krimeve të Komisariatit të Policisë Fier referuan materialet në Prokurori, ku nisi procedimi në gjendje të lirë për shtetasin V. H., 75-vjeç, banues në Fier, pasi dyshohet se për shkak të shtyrjes së një seance gjyqësore, ka kanosur dhe fyer Kryesekretaren e Gjykatës së Shkallës së Parë të Juridiksionit të Përgjithshëm Fier”,– njofton policia.

Materialet procedurale iu referuan Prokurorisë së Fierit, për veprime të mëtejshme.

The post Tjetër incident në gjyqësor, 75-vjeçari kanos kryesekretaren e Gjykatës së Fierit appeared first on Albeu.com.

Gjithashtu, Berisha theksoi se do të shkojë në GJKKO kur ta këshillojnë të jetë i pranishëm në sallën e gjyqit.

“Ka një radhë pune atje dhe kur ta gjykojnë të arsyeshme do të shkoj”, u shpreh ai.

“Sot nis seanca në themel e dosjes ‘Partizani’, do të jeni i pranishëm? Cilat do të jenë kërkesat e avokatëve dhe a do kërkojnë heqjen e masës së sigurimit ndaj jush”, u pyet kryedemokrati .

“Nuk flas në emër të avokatëve të mi. Unë do të veproj në përputhje me këshillat e avokatëve. Nëse ma thonë të shkoj në sallën e gjyqit do të shkoj. Por ka një radhë pune atje, kur të më thonë do të shkoj”, tha Berisha.

The post A do të paraqitet në seancën e sotme gjyqësore ndaj tij në GJKKO? Ja si përgjigjet Berisha appeared first on Albeu.com.

Edhe sot, Beleri qëndroi vetëm 20 minuta në ambientet e Gjykatës së Fierit dhe u kthye përsëri në burgun e sigurisë së lartë në Fier, për shkak të mungesës së dokumentacionit.

Beleri u përfaqësua nga avokati Geni Gjyzari, ndërsa gjyqtari ishte Alfred Konomi.

Seanca e radhës do të zhvillohet në datë 31 korrik.

The post Kërkoi lirinë, shtyhet seanca gjyqësore për Fredi Belerin appeared first on Albeu.com.

“SA”???- shkruhen në letër, teksa Karamuço tha se ia ka mbajtur përballë gjatë gjithë seancës prokurores.

“Hapen fjalët sepse ti diskuton me një avokat, në një tryezë që unë e kam mbyllur me SPAK-un, jam në rregull. Mirëpo kjo ngacmon institucionet dhe opinionin publik. Dhe riaktivizohen disa aspekte të tjera të hetimit, se atyre iu vijnë në vesh këto gjëra dhe thonë ‘ore ta marrim pak seriozisht, se ky po na bën një opinion’. Kështu merret pak me inat e agresivitet.

Ajo që ka ndodhur në atë seancë është një letër e madhe që shkruante “SA”???. Këtë letër Beqaj ia ka mbajtur prokurores përballë gjatë seancës, i thoshte ‘ore sa kam vjedhur’. ‘Ti po më akuzon për korrupsion por sa kam marrë unë, sepse 252 mijë euro është e gjitha shuma, sa më mbetet edhe sa pretendon që kam marrë’.

Gjë që nuk ia tha. Ishte një tension i madh gjatë asaj seancë. Beqaj i kishte bërë llogaritë shumë mirë sepse e dinte se do të akuzohej për korrupsion”, tha eksperti.

The post Ervin Karamuço zbulon letrën që mbante Ilir Beqaj gjatë seancës gjyqësore appeared first on Albeu.com.

Në seancën e kësaj të marte, pritej që Prokuroria e Posaçme t’i komunikojë avokatëve përfundimin, ose shtyrjen e hetimeve me 3 muaj të tjerë, pasi sot përfundon afati i hetimeve për privatizimin e ish klubit sportiv Partizani.

Seanca u shty për 11 Korrik, pasi sipas gjykatës Berisha dhe Malltezi nuk rezultojne të kenë marrë njoftim për seancën.

Nga ana tjetër, avokatët pritet të përsërisin kërkesën e tyre për ndryshim të masës së sigurisë “arrest në shtëpi”, vendosur ndaj të dyve.

Seanca për informacion 2 mujor për Berishën dhe dhëndrin e tij, Jamarbër Malltezi, do të mbahet në orën 10:00. Shkak i shtyrjes, ishte mosmarrja e njoftimit për seancën nga Berisha dhe Malltezi.

The post Shtyhet seanca gjyqësore për Berishën dhe dhëndrin e tij, ja kur do të mbahet gjyqi i radhës appeared first on Albeu.com.

Kujtojmë se Fatmir Mediu, po hetohet për shpërdorim detyre në lidhje me vdekjen e 26 personave dhe plagosjen e qindra të tjerëve, pas shpërthimit që ndodhi në Gërdec më 15 mars të vitit 2008.

The post Ҫështja Gërdeci/ Shtyhet seanca gjyqësore për ish-ministrin Fatmir Mediu, arsyeja appeared first on Albeu.com.

Ish presidenti akuzohet për falsifikimin e dokumenteve të biznesit dhe se i pagoi ryshfet aktores së filmave për të rritur Stormi Daniels në këmbim të heshtjes së saj.

“Kjo është një çështje që nuk duhet të ishte ngritur kurrë. Ky është një sulm ndaj vendit tonë, prandaj jam shumë krenar të jem këtu sot”, tha Trump.

Ky është një moment i rëndësishëm për Shtetet e Bashkuara pasi është gjyqi i parë ndaj një ish-presidenti në histori për akuza penale.

Pas përballjes me drejtësinë për disa çështje të tjera, ky gjyq vjen si betejë e rradhës e ish kreut të shtëpisë së bardhë vetëm pak muaj përpara zgjedhjeve presidenciale në SHBA.

The post Për herë të parë në histori një ish-president vihet nën akuzë penale, nis seanca gjyqësore ndaj Donald Trump appeared first on Albeu.com.